استروني من كشف الحال (العصيان من اجل ملعقة سكر وقطرة بنزين)

[سناء جعفر]

[font=Microsoft Sans Serif]أخونا محمد عبد اللطيف إدريس
تعرف يا اخوي انا مرات بالجد باحتار ... احنا شعب طيب ونساي ... ولا شعب غبي وما بيتعلم شئ من دروس التاريخ ؟؟
باستغرب كيف بنتقبل القتلة والجلادين كانهم افراد عاديين ؟؟!!!
وبننسى نحاسبهم على الفظائع الارتكبوها في حقنا لمن كانوا في السلطة ؟؟!!
كنت مستغربة لمن رئيس خلع بثورة وطلع هارب يرجع تاني كانه بطل والناس تستقبله ؟؟!!
ويبقى ضيف شرف في الاحتفالات الرسمية ؟؟!!
وتقول لي الثورة تتسرق من بقايا الحكومة السابقة ؟؟؟
هم بيسرقوا ثورة الشعب لانه الشعب بيقدمها ليهم على طبق دهب مرشوش ببهارات التسامح الغبي والنسيان الغريب ...
عاوزة اعرف ليه احنا بنتساهل مع القتلة واللصوص والمغتصبين ؟؟؟
عاوزة اعرف ياتو منطق بيخلي السوداني الفصلته الحكومة من شغله وقطعت عيشه وقتلت اولاده وهانت عرضه وباعته للقتلة الماجورين ..
ياتو منطق بيخليه يستقبل اي رمز من رموز الحكومة دي في بيته وبيصافحه ويمكن يحضنه كمان لو جاه في فرح ولا كره ؟؟!!
عاوزة اعرف لمتين حنتسامح في حقنا ونقول ( معليش ) ؟؟!!
عاوزة اعرف ... وعاوزة اعرف ... وعاوزة اعرف ...
عليكم الله العارف يوريني ...

[سناء جعفر]

[font=Microsoft Sans Serif]أخونا سيف الدين إبراهيم محمود
احيانا افكر .. هل استطاع هذا النظام ان يغتال قدرتنا على الرفض ؟؟!!
هل استطاع ان يهزم رغبتنا بالثورة ؟؟!!
هل اصبحنا شعب سلبي خانع خاضع ذليل ؟؟!!
هل زرع فينا الخوف من القادم قبل ان ياتي ووضع على اعيننا غشاوة الاستكانة للحالي تحت شعار ( لا تحلموا بعالم سعيد فخلف كل قيصر يموت قيصر جديد ) ؟؟
هل بتنا نخاف التغيير برغم اننا نحلم به ؟؟
هل بتنا نخاف الحرية برغم اننا نتوق اليها ؟؟
احيانا افكر باننا شعب يفتقر الى القيادة ... كما القطيع اذا فقد قائده .. ضل وتاه ... تشتت في كل مكان ..
سؤال برئ ...
اين قيادتنا للمرحلة المقبلة التي قد تاتي قريباً ؟؟!!
اين قدوتنا ؟؟ اين راعينا ؟؟
اين نحن ؟؟

[سناء جعفر]

[font=Microsoft Sans Serif] الاخ قصي مجدي سليم
ما احنا من زمان ما فاهمين ...
قعدنا جوة وما فاهمين ... طلعنا برة وبرضو ما فاهمين !!
يا جماعة الفاهم يفهمنا ؟؟!!
وجزاكم الله خير ...

[ÃÈæ ÈßÑ ÓíÏ ÃÍãÏ]

الامور تشربكت يا سناء والظواهر السالبة صارت تتضخم بالونات ملات سماء بلادنا وكلنا ننتظر مين يطرشقها بس لو كلنا متنظريين حتطرشق كيف ؟؟ كلو واحد لازم يشوف ليه حاجة يتشعلق عليها علشان يصل بالونة يطرشقها .. والبالونة الكبيرة الايام دية هي الغش والغلا واللي قال فيها بيرم التونسي قبل ما يقارب ستين سنة واكثر :


الغش و الغــــــــــــلا


الأكل و الشرب فى إيد اللومنجية

و الطماعين اللى غلوا الملح و الميه

و الغشاشين اللى فاقوا على الحرامية

الشاى بالمفتشر مخلوط ملوخية

والبن فيه الشعير تسعين فى الميه

و الميه و العيش برمله و طينه يا ملوخليه

و اللحم معروض بدون أختام رسمية

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه