اللون..

 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
محمد الجزولي



اشترك في: 15 مايو 2005
مشاركات: 329

نشرةارسل: الاثنين مايو 16, 2005 4:36 pm    موضوع الرسالة: اللون.. رد مع اشارة الى الموضوع

.. .. .. .. .. ....
.. .. .. .. .. ..
عندما كان العم الرحوم الشاعر/ عبد الحليم على طه-ود المادح - ملحقا ثقافيا بالمملكة المتحدة شكا له بعض الطلبة من المضايقات التى يصادفونها بسبب لون بشرتهم بل ان احدهم فكر فى العودة الى السودان . وحول هذا الموضوع نظم القصيدة التالية :-

كل مابص زول بتجينى ناقح طار
بتشكى من الألم داير تصد سنار
لو دورت البدل تقدل تمر فى الدار
بتلقى البيع كتير زاهدنو اهلو كتار
مصاقرين الشمس بالكهربا والنار
مباصره فى الجلد اقلب بياضو صفار
ملايين البشر الرسلت انفار
طليعه من الشباب من نخبة الأبكار
حسابها على الأصابع حسست اوتار
متين تغنم تصد تسعد بنيها صغار
خلى اللون وسيبك من حديث البار
وات عارف تمام انت الصبى المختار
ود عز عند أبوك صاين حقوق الجار
وأهلك فى رجاك ياكعبة الأبصار
لاتغشك مظاهر تخدعك انوار
وكل ماشفت بياض بتشوف سوادك عار
وان سلخو الجلد تلقى الجلد غدار
وان اختلف الضمير ابقى الخلق معيار

.. .. .. .. .. ..
الا رحم الله شاعرنا المرحوم/ عبد الحليم على طه - ود المادح - وهو من افذاذ شعراء العاميه فى السودان .. ويأسف انه ليس لديه ديوان شعر!.. ولكن الشكر اجزله للدكتور حسن عبد اللطيف ( رائد طب الاسنان فى السودان ) الذى جمع معظم شعر المرحوم عبد الحليم ان لم يكن كله. وعظيم الأمتنان للدكتور فيصل عبد الرحمن على طه الذى قام بتوثيق جذء ليس بقليل للمرحوم ود المادح فى كتابه (بين شاعرين - مع اخوانيات ) .
ولنا عوده.
.. .. .. .. .. ..
تخريمه ..
( الماعندو محبه ماعندو الحبه والعندو محبه ماخلى الحبه )


عدل من قبل محمد الجزولي في الاربعاء مايو 25, 2005 3:45 pm, عدل 3 مرة/مرات
انتقل الى الاعلى
استعرض نبذة عن المستخدمين ارسل رسالة خاصة
يحيى فضل الله



اشترك في: 09 مايو 2005
مشاركات: 181

نشرةارسل: الثلاثاء مايو 17, 2005 5:51 am    موضوع الرسالة: رد مع اشارة الى الموضوع

الاخ الصديق المشاكس حد العذوبة
إزيك يا ابوطويلة و يا ابوحسن كمان
و هانت انت يا محمد الجزولي يتوزع دمك بين القارات
شكر ا لهذه اللمحة عن ود المادح فهل من مزيد ؟
وكثيرة هي الاشواق المؤجلة
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الثلاثاء مايو 17, 2005 2:55 pm    موضوع الرسالة: رد مع اشارة الى الموضوع

الحبوب ..ابو داليا وحسن ومصطفى
يحيى
سلامات عراض..
وشكرا على المرور..وبالحيل فى المزيد..
سلامى لبت القبائل (هاديه ) ،
والى لقاء قريب فى عقّر داركم
.. .. .. .. .. ..
هاك دى(جذء) من قصيدته فى استقلال السودان..

يانيل اتمهل لا تندفع فى جريك
هدئ ثورتك واسمع نغم شاديك
من خلف البحار أعزب نغم يهديك
ياكرم البحر من العزوبه الفيك
يانيل امهل ماضينا فى ماضيك
تاريخك مجيد حدثنا عن مهديك
والشهدا القبيل الماتو فى واديك
والميت خلاص والحى شرب صافيك
والشالو السيوف وسط المدافع ديك
والكابس كبس ماظنو كان ناسيك
واحدين فى الشروق واحدين غرب بلكيك
واحدين فى الشملا واحدين مع منليك
ماخنا الجوار يرضينا ما يرضيك
وان ضنّ النفيس بالنفس نفديك

.. .. ..
ولنا عوده




.. .. .. .. .. ..
تخريمه..
(الماعندو محبه ماعندو الحبه ..والعندو محبه ماخلى الحبه )


عدل من قبل محمد الجزولي في الاربعاء مايو 25, 2005 3:44 pm, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الثلاثاء مايو 17, 2005 3:49 pm    موضوع الرسالة: رد مع اشارة الى الموضوع

العزيز محمد

هسع دي كنت بقول لحسن موسى التشكيليين عندهم كوادر سرية
وانت واحد منهم هل تذكر افتتاحك وانت طفل لمعرض عبدالله بولا
أواحتجاجك على قفل البرتش كاونسل في ام درمان وأنت طفل أيضا?
السؤال:
أها الكوادر السرية كلها طلعت لبره أنت ح تعمل شنو؟
ها ها ها
تحياتي وواصل كفاحك بس خليك حريص!
خالك
مصطفى مدثر
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الثلاثاء مايو 17, 2005 4:15 pm    موضوع الرسالة: رد مع اشارة الى الموضوع

.. .. .. .. ..
تعرف يادرش

الظاهر حاواصل فى الأختفى!..

المرحله المقبلة محتاجه كوادر( مخمره )!!

وشكرا( ياخال) على المرور..




.. .. .. .. ..
تخريمه..
( الما عندو محبه ما عندو الحبه .. والعندو محبه ما خلى الحبه )
انتقل الى الاعلى
استعرض نبذة عن المستخدمين ارسل رسالة خاصة
حسن الجزولي



اشترك في: 09 مايو 2005
مشاركات: 39

نشرةارسل: الخميس مايو 19, 2005 12:10 am    موضوع الرسالة: رد مع اشارة الى الموضوع



ها هو درش ينعش الذاكرة يا محمد .. وهاك واحدة من تداعياتها واعتبرها بمثابة اٍحتفاء بقدومك لاٍقبال وحسن وأيضاً ترحيب -متأخر نوعاً- بانضمامك للبورد الجديد.

ففى معرض بولا الذى قمت بافتتاحه والذى أشار اليه مصطفى ، كان مصطفى نفسه يتجول بالمعرض ، وقد لاحظ أن جل أعمال بولا فى معرضه ذاك قد طغت عليها ( آلة الساكسفون) كموضوع ورمز فنى ، فما كان من مصطفى اٍلا أن يعلق قائلاً لمن معه من الأصدقاء بواحدة من قفشاته التى قال فيها ( يا جماعة الظاهر اٍنو بولا فى أعمالو دى متأثر بالمرحلة الساكسفونية وكدة)!. وحا أجيك صادى .. قُبلاتى فى وجنات حسن وتحايا لأمه العزيزة.
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الخميس مايو 19, 2005 5:29 am    موضوع الرسالة: رد مع اشارة الى الموضوع

.. .. .. .. ..
( درش) ياحسن ليس منعش للذاكرة فقط .. انما محرض على الجماليات ايضا .. اتذكر ياحسن
فى موضوع البرتش كاونسل الذى( ذكره) كان هو وراء التحريض وقام بقيادة (الكتيبة) المكونة من شخصى.. وابنه( طارق بن زياد ) - الذى كان عمره لم يتجاوز العامين- وعلى راسنا هو.. بعد ان كتب لنا الشعارات على ورق كرتونه اتينا بها من دكان (البازار) وكتب عليها شعارات الأحتجاج واذكر منها WE ARE NOT HAPPY وعلقناها على صدورنا( بدبار)! ..والقى كلمه احتجاجيه امام الحضور الذى جاء احتفالا على ترحيل اهم معلم من معالم امدرمان. .فهذا هو( مصطفى مدثر) الذى ينعش الذكريات الجميله ويحرض على الجمال.
وشكرا اخى مرورك والترحاب .. ولك قبلات حسن الجزولى( الصغير) وتحيات اقبال.






.. .. .. .. .. ..
تخريمه..
( الماعندو محبه ما عندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاحد مايو 22, 2005 7:32 pm    موضوع الرسالة: رد مع اشارة الى الموضوع

.. .. .. .. ..
.. .. .. .. ..
نواصل تقديم اللمحات من اشعار شاعرنا المرحوم ( ود المادح ) القومى او ( الدارجى ) .. ولا ننسى فى هذه اللمحات أن نذكر رفيق دربه المرحوم الشاعرمحمود الفكى ( الحفيد ) الذى كان ايضا من رواد الشعر القومى ( الدارجى ) .. ولقد كان المرحوم محمود الفكى محاسبا بمصلحة المالية فى عهد الحكم الثنائي ثم مدير للأذاعة السودانية فى الفترة الأنتقاليه التى سبقت الأستقلال .
ودائما ماكانوا ينظمون شعرا فى بعضهم البعض وكان لايخلو من سخريه ودعابة بريئة .. وواحدة من هذه الدعابات .. كان العم( عبد الحليم ) كثير الادعاء بأنه أشعر من محمود ( الحفيد ) وأن ( بنوت الشعر ) حكر عليه ولا تعرف طريق ( الحفيد ). وبلغ به الأمر أن ادعى أن ( بنوت الشعر ) تقدمت بشكوى ضد محمود ( الحفيد ) . فقد قال:-

الفصحى انتهت عجزت بقت تمتامه
مرحوم الشعر بكت القوافى أرحامه
ياحليل البحور ياحليل زمان أيامه
فاضت وانتهت رجعت بقت جمامه
مرحوم الخليل غاب فى البحور عوامه
وين البنا وين شاعر العروبه إمامه
أحمد خلى (فينوس ) تايها فى احلامه
وليه زهير ( عليا كرن ) فى عامه
خلوهو الشعر اتلحو الشرامه
ناس حنبرا وأمثاله وعًُبقُ غناما
أمثال ( الحفيد ) وصلتنا منو ظلامه
عاوزات رد شرف إتمادى فى إيلامه
بنوت الشعر جات تسعى بى أقداما
من بلدا بعيد مكه ومدينه وشاما
مالن البنات ان شاء الله طيبه سلامه
نظرن لي بعض كل واحده شاهره سهامه
من خلف الحجاب اترددت فى كلامه
قالن فى خضوع اصبحنا نحن يتامى
فى دنيا ( الحفيد ) أصبح أملنا نداما
دنيا اتغيرت واتبدلت أحكاما
مرحوم الشعر بكت البنات أرحاما
مادام ( الحفيد ) بي شعرو نالّو زعاما
يقلع فى الشعر ويباصرو بي الكجامه
مرا في الركب مرا بطق الهامه
.. .. .. .. .. ..

أسأل الله لهم الرحمه والمغفره .. فقد تركوا لنا مانستظل به فى هذا الزمن الضبابى .
ولناعوده ..
_______________
مرجع / اخوانيات - د. فيصل عبد الرحمن





.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )


عدل من قبل محمد الجزولي في الاربعاء مايو 25, 2005 3:43 pm, عدل 2 مرة/مرات
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الاثنين مايو 23, 2005 4:59 am    موضوع الرسالة: رد مع اشارة الى الموضوع

يا لها من أيام!
سوف أوافيكم بصورة المظاهرة التي قدناها ضد قفل البرتش كاونسل بأم درمان!
لكن سكسفونات عبدالله بولا الاّ يجي هو ذاته هنا ويشوف لينا موضوعها!
مصطفى مدثر
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاثنين مايو 23, 2005 2:03 pm    موضوع الرسالة: رد مع اشارة الى الموضوع

.. .. .. .. .. ..

كود:
يا لها من أيام!


ياااااااااالها من ايام ( يادرش )!

اقتباس:
سوف أوافيكم بصورة المظاهرة التي قدناها ضد قفل البرتش كاونسل بأم درمان!


يااااااااااااااا انت ( محتفظ )! بها ياسلام عليك .. ياريت تنزلها ويبقى( انعاش) صوت وصوره.. يارائع..

اقتباس:
لكن سكسفونات عبدالله بولا الاّ يجي هو ذاته هنا ويشوف لينا موضوعها!


صحبك ..لمن يتفكه من ( الرأسماليه العولميه الأمريكيه _ الأوروبية ونظيراتها وحلفائها ) بعدين بجيك !!





.. .. .. .. ..
تخريمه ..
( الماعندو محبه ماعندوالحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الاثنين مايو 23, 2005 9:15 pm    موضوع الرسالة: رد مع اشارة الى الموضوع

الصورة هنا يا محمد. أنقر بس:
https://pix.futureshop.ca/en/viewer.php3?id=27284470+0
من الشمال مصطفى مدثر والطفل طارق مصطفى والشاب أبوطويلة محمد
الجزولي
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاثنين مايو 23, 2005 10:01 pm    موضوع الرسالة: رد مع اشارة الى الموضوع

.. .. .. .. .. ..
والله يادرش( نقرتا جنس نقر ) .. مافى اى شى!!!!!!!! Evil or Very Mad Evil or Very Mad Evil or Very Mad
الحاصل شنو ؟؟؟ بتفتح معاى لكن الصفحه فاضيه !!

حاول تانى بالله..بنتعبك معانا يادكتور..





.. .. .. .. ..
تخريمه..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الاثنين مايو 23, 2005 10:27 pm    موضوع الرسالة: رد مع اشارة الى الموضوع

والله الاّ أجي أنقر ليك لاني هسع نقرت وشفت الصورة.
شوف لو في زول تاني ينقر معانا!!!
ياخوانا النقر و شاف يقول لينا!!
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاثنين مايو 23, 2005 11:56 pm    موضوع الرسالة: رد مع اشارة الى الموضوع

.. .. .. .. ..
( النقر جاء)!!!!!!!!! Laughing Laughing Laughing
( النقر جاء) !!!!!!!!!!!! Laughing Laughing Laughing





.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الثلاثاء مايو 24, 2005 12:59 am    موضوع الرسالة: رد مع اشارة الى الموضوع

اّسف يا محمد لانني فشلت في رفع الصورة هنا
ويمكنك أن تراها في الايميل
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاربعاء مايو 25, 2005 3:39 pm    موضوع الرسالة: رد مع اشارة الى الموضوع

.. .. .. .. ..
بين العم ( الشاعر ) عبد الحليم على طه - ود المادح والزعيم اسماعيل الأزهرى- او( زهران ) كما كان يحلو لود المادح ان يسميه - علاقه قديمة وحميمة - حيث كانا الأثنين اعضاء فى هيئة التدريس ( بثانوى كلية غردون ) .
وفى زواج الزعيم ( اسماعيل الأزهرى ) سنة 1943 لم يتمكن صديقه ( ود المادح ) من الحضور بسبب الملاريا فبعث له بأعتزار شعرا - فقال :-

زهران أخوى أنا كنت غايب مافي
سرانى الخبر ماتقول أخوكم جافي
حبستنى الملاريا خبيثه قول ياشافي
لولا المرض أنا كت بجيكم حافي


غير انه انتهز الفرصه لتعديد علل سيارة ( الزعيم ) - فقال:-

دبابتك تزغرد وإنت نورك طافي
وأنبوبتك قديمه واللساتك مافي
والدقداق شديد إ ن طرشقت ياكافي
شيشك ياريّس سوق بى مهل شن لافي


الله يرحم الجميع بقدر ماتركوا لنا من سعادة نتقود بها فى هذا الزمن السودانى الغمئ.
ولنا عوده ..

____________
مرجع / اخوانيات - د. فيصل عبد الرحمن






.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الاربعاء مايو 25, 2005 11:34 pm    موضوع الرسالة: رد مع اشارة الى الموضوع

.. .. .. .. ..
الحبيب ايمن..
سلامات يازول ( يارائع )..
شكرا على المرور .. وشكرا على الإطراء
عملتنى كادر( مسرحى ) ! وجماهيرى كمان!!
ياخى الف شكر .. وطيب انت تكون شنو ؟!( مكى سناده ) !! Laughing
عموما بيننا الكثير .. الكثير .. ولى قدام ..
لك الود .. والف تحيه ( بس ما تحيه زروق ) ! Laughing Laughing Laughing Laughing




.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الخميس مايو 26, 2005 8:57 pm    موضوع الرسالة: رد مع اشارة الى الموضوع

.. .. .. .. ..
كما ذكرنا سابقا ان بين المرحومين ( ود المادح ) و( والحفيد ) كانت هنالك دعابات وسخريات شعريه بريئة ..
ونذكر هنا عندما شكل الزعيم ( اسماعيل الأزهرى ) فى عام 1945 الحكومة الانتقالية عيّن محمود الفكى ( الحفيد ) مديرا للأذاعة. ولم يتأخر عبد الحليم على طه ( ود المادح ) عن القيام بواجب التهنئة شعرا فقال :-
مبروك ياحفيد دابك وجدت الضال
وشغلك من زمان ياهو قلنا وقال
موجات الأثير أصبحت إنت تديرا
شاد فوق الخلق لامتين تفك السيره
كت زمان براك هسع بقت بي عيره
بالمعني القديم غيرت فى تعبيره
قبالك كتير اتفادو اسم البيره
سموها الشعير زى الجوار والجيره
والألفاظ كتار الحكمه في تفسيره
معناها ( القلم ) مابصح عقب تغييره+
الخبر الأكيد جابو السلك والراوي
قالو المحتسب ماسك محل عيساوى+
مبروك ياحفيد قالو لنا سوقك حره
والمداح عليك من العصر منجره
والبواب ينادى والسكرتيره بره
إن صح الخبر أمرك عجيب بالمره
لوجيتك هناك ماأظنو تسلم جره
ضرانى البعد وأنا فى البعد بتحرى

_______________________
+القلم - المقصود به قلم المخابرات الذى كان من ضمن مسؤلايته الأذاعة فى صدر الأربعينات.
+عيساوي- هو ميشيل عيساوي ( من الشام ) من قلم المخابرات وكان يدير الأذاعة فى تلك الفترة .







.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
أيمن حسين



اشترك في: 26 مايو 2005
مشاركات: 342

نشرةارسل: السبت مايو 28, 2005 9:13 am    موضوع الرسالة: رد مع اشارة الى الموضوع

وقت الرسم واللون

أزيكم
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
محمد الجزولي



اشترك في: 15 مايو 2005
مشاركات: 329

نشرةارسل: السبت مايو 28, 2005 8:34 pm    موضوع الرسالة: رد مع اشارة الى الموضوع

.. .. .. .. ..
والله يأيمن اجمل الألوان ..( لونك) ..
واجمل السعاده .. انك هنا ..
يزيك .. يارائع ..
ومرحب .. ياحبوب ..
اها .. الأمنيه اتحققت واصبحنا فى( بيت) واحد .. وياحليل( ضار! السلام ) وايامها Wink
واخبار( الأحباط ) معاك شنو ؟!! Laughing Laughing
يالا ياصحبى عاوزين لينا( بوست ) يهبل
ومع خالص الود .. ولى قدام


.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الاحد مايو 29, 2005 1:34 am    موضوع الرسالة: رد مع اشارة الى الموضوع

هاك يامحمد الصورة
طبعا هي منقولة من نشرة قديمة بتاعت البرتش كاونسل وهي
من اليسار أنا ثم طارق بن زياد ثم محمد الجزولى وان كان وشك
ما ظاهر وهي صورة لمظاهرة ضد قفل البرتش كاونسل في
أم درمان 1988 و الشعارات هي نحن غير سعداء والبي سي جزء من
ام درمان والشعار اللابسه طارق لا أزكره

انتقل الى الاعلى
استعرض نبذة عن المستخدمين ارسل رسالة خاصة
عاطف عبد الله



اشترك في: 31 مايو 2005
مشاركات: 6
المكان: أبو ظبي

نشرةارسل: الثلاثاء مايو 31, 2005 11:01 am    موضوع الرسالة: رد مع اشارة الى الموضوع

محمد الجزولي
أصبر لي ...
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة AIM عنوان MSN Messenger
محمد الجزولي



اشترك في: 15 مايو 2005
مشاركات: 329

نشرةارسل: الثلاثاء مايو 31, 2005 3:20 pm    موضوع الرسالة: رد مع اشارة الى الموضوع

.. .. .. .. ..
عاطف..
ده الصبر الجميل ذاتو ..
راجييك.. Wink




.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الجمعة يونيو 03, 2005 1:37 pm    موضوع الرسالة: رد مع اشارة الى الموضوع


الشاعر المرحوم عبد الحليم على طه ( ود المادح )

سجل يا حليم أروى القصيد فى نظيمه
من آى الشعر انت القوافى عليمه
بنوت الشعر من الطفوله نديمه
حافظ ودهن هزمن( زقوده) هزيمه
مابصح( يالتنى) انتو ارتكبتو جريمه
فى حق العمل قال لي نيه سليمه
عارفنو الحفيد لكن صداقه قديمه
بينو وبين (بنو)سواها لينا نميمه
يا ما سمعنا ذم فيها وشبعنا شتيمه
بس مش مستديم ماعندو حتى قسيمه
بس مأذون عمل شغلو النقابه حريمه




هذه مقتطفات من القصيده التى بعث بها ( ود المادح ) احتجاج وعتاب الى كل من يوسف مصطفى التني وعبد القادر يوسف (بنو).. وكانا آنذاك من كبار موظفى مصلحة العمل السودانيين..لتعيننهم محمود الفكى (الحفيد)او (زقوده)لمصلحة العمل
فى وظيفه ضابط عمل ..وكان اول ملف يطلب منه معالجته هو إضراب الممرضات بالأبيض فى عام 1948







.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
محمد الجزولي



اشترك في: 15 مايو 2005
مشاركات: 329

نشرةارسل: الخميس يونيو 09, 2005 2:43 pm    موضوع الرسالة: رد مع اشارة الى الموضوع



الشاعر المرحوم محمود الفكى ( الحفيد )

قدر ماأقول أتوب من الشعر واتفاده
بنوت الشعر يمشن عليَ فى زياده
لابسات العفاف توب العفاف الساده
يمشن فى مهل زى الغصون تتهادى
حركت البلابل غردت تتنادى
هيجت الشعور ورد الشعر واترادى
في وصف الحفيد قالو الحفيد اتمادى
في الغي والضلال رخص فتحلو عياده
راسمالو القرد خسران عليهو قلاده
دربكه وطبل زمباره جايه هواده
مابنكر عليك صنعة جدودو أجادا
فتح الحله سمح خت كدرو سداده
جاب المويه جاب الرمله جابلو رماده
أدى الحيط جبهتو خت إيدو وساده
سكسك في النحاس غنى العنب ياساده


هذه الأبيات وردت فى واحدة من اشهر قصائد (عبد الحليم ) في هجاء محمود الفكى
( الحفيد ).
ولنا عوده ..




.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
انتقل الى الاعلى
استعرض نبذة عن المستخدمين ارسل رسالة خاصة
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
صفحة 1 من 1

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة