التهاني الحارة لطلاب جامعة الخرطوم

Forum Démocratique
- Democratic Forum
أضف رد جديد
بابكر حسن بابكر
مشاركات: 6
اشترك في: الاثنين مايو 09, 2005 7:35 pm
مكان: ليون ـ فرنسا

التهاني الحارة لطلاب جامعة الخرطوم

مشاركة بواسطة بابكر حسن بابكر »

اها ياجماعة الخير اولادنا في جامعة الخرطوم اتحدوا وسقطوا حجر الجماعة...... نحن .....نخجل وندارا ولا تشيلنا الهاشمية يا ناس التجمع ....... :?:
ياسر عبد الرحمن
مشاركات: 8
اشترك في: الاثنين مايو 09, 2005 7:29 pm
مكان: فرنسا

مشاركة بواسطة ياسر عبد الرحمن »


6olab jam3at alkhortoum 7ageegi alw7ideen alshaylinaha beljad
lissa shaylinaha bee nara
mowali3a zay ma kan fi oktobre 64

deel rojal
!!!
!!
!
arkaweat
بابكر حسن بابكر
مشاركات: 6
اشترك في: الاثنين مايو 09, 2005 7:35 pm
مكان: ليون ـ فرنسا

مشاركة بواسطة بابكر حسن بابكر »


اخونا ياسر شكرا علئ المرور وذي ما قلته شائلنها ولعه.....

وبتين يا ...... تكبر تشيل حملي................
دي مش نفس تركيبة الكبار.......

- مؤتمر الطلاب المستقلين.
- الجبهة الديموقراطية.
- حزب الأمة القومى.
- الحزب الأتحادى الديموقراطى " مرجعية وهيئة ".
- الجبهة الوطنية الافريقية.
- الجبهة الشعبية المتحدة لطلاب دارفور.
- حركة القوي الحديثة «حق».
- حزب البعث العربي الاشتراكي.
- الحزب الناصرى.

وطيييييييييييييييييييييييييييييب
ãÍãÏ ÇáÌÒæáí
مشاركات: 329
اشترك في: الأحد مايو 15, 2005 10:06 pm

مشاركة بواسطة ãÍãÏ ÇáÌÒæáí »

.. .. .. .. .. ..
.. .. .. .. .. ..

اولادك رجال زى الجبال واقفين
وبناتك عزاز فوق التراب ساجدين
شايلنك هوى واقفين عليك صامدين
.. .. .. .. .. ..
فوق ارضك قدل ولدك خليل الشاعر
قل ياعزه حبك فى فؤادى مو ساهل
شاهر فنو سيفو ديمه رافض ثائر
والامه ثأرت زى عصارا هادر

.. .. .. .. .. ..
مش كده برضو!!!!!!!!!!

.. .. .. .. ..
تخريمه
.. .. .. .. ..
(الما عندو محبه ماعندو الحبة والعندو محبة ماخلى الحبة )
بابكر حسن بابكر
مشاركات: 6
اشترك في: الاثنين مايو 09, 2005 7:35 pm
مكان: ليون ـ فرنسا

مشاركة بواسطة بابكر حسن بابكر »


الاخ الكريم
محمد الجرولي ......
مرحبتين حبابك بي جاي .....
برضو.... ونصين ذياده كمان .......
دي المحرية فينا وفي اخوانا .......
كمان راجين كبارنا .............
ولا كيف ...
:!:
عمر التجاني
مشاركات: 228
اشترك في: الاثنين مايو 09, 2005 6:28 pm

التهاني الحارة لطلاب جامعة الخرطوم

مشاركة بواسطة عمر التجاني »

بابكر
زمن طويل ماسمعنا منك حتى خبر. أتمنى أن تكون بخير وكمان أم الأولاد وأولادها ما عارف في بنات وللا لسه .
بابكر ياريت لو اتحصلتوا لينا عن معلومات كيف جرت الإنتخابات وكده يعني قصة تفرح الواحد وتطلعوا من الإحباط البقي يتسرب شوية.
بالفعل حكاية انتخابات جامعة الخرطوم حدث في غاية الأهمية لأنو الواحد فعلا بدا يحس أن العمل الجماعي المتواصل بي يوصل لي نتيجة.يعني لابد من التنظيم والثبات وخلق فرص التحرك وسط الجماهير وطرح البرنامج الواعي الملبي لتطلعاتنا حاجه مهمة
بابكر حسن بابكر
مشاركات: 6
اشترك في: الاثنين مايو 09, 2005 7:35 pm
مكان: ليون ـ فرنسا

مشاركة بواسطة بابكر حسن بابكر »



عمر
طابت ايامك .......
والله مشتاقين ........
تقول شنو يا اخوي ... جري وطيران ... ما عرفنا نهايته شنو.....
اخبار الجامعة تابعناها كلنا بشغف حتي انتهت بانتصار التجمع الطلابي .....
ولكن السؤال الان ....
نحن في المعارضه .... هل يمكننا ..... تخطي .... مصالحنا ... حزبية كانت او شخصية ...... للخلاص من هذه الكارثه ام لا :!:
والي لقاء قريب
أضف رد جديد