احيــــى...... على السودان

Forum Démocratique
- Democratic Forum
أضف رد جديد
ÅÞÈÇá ßÑÇÑ
مشاركات: 3
اشترك في: الأربعاء يوليو 20, 2005 12:13 am

احيــــى...... على السودان

مشاركة بواسطة ÅÞÈÇá ßÑÇÑ »

عند سماع الخبر المشئوم، تملكنى احساس عميق بالحزن. احسست اننى فقدت ابا" اواخا". دى مصيبة كبيرة حلت علينا....

يا للحسرة عليك يا سودان الشؤم، كل مايظهر فى الافق بريق للامل ... تجى غيمه وتغطيه.

الطريق طويل وما ساهل.... وجود قرنق كان حا يقصروا لينا شويه... لكن لابد من المواصلة.
اود أن أناشد فى هذا البوست كل القوى السياسية داخل السودان، الحادبة على السلام والوحده وعلى مصلحة السودان الحبيب ان تتوحد وتلم شملها وتقف بشده ضد دعات الانفصال...

وأناشد السودانيين الوطنيين بالخارج الحادبين على السلام والوحدة بعمل كل ما يمكن عمله من خلال اجهزه الاعلام والصحف لتوضيح اهميه الوحدة والسلام فى السودان، حتى تعرف القوى الخارجيه ما يجرى فى السودان ومتابعته.

قرنق كان عنده قدرات عاليه على تفهم حكومة البشير وحزب المؤتمر الحاكم. اتمنى من الله ان يعطى خليفته نصف قدرات الفقيد .

عندما سمعت خبرموت الفقيد د. قرنق ، كنت مع مجموعة من السودانيين، وكلنا اتخلعنا وخيم على الجو الحزن الشديد. سمعت اطفال صغار بيتكلموا مع بعض متسائلين عما حدث:


- What happened?
- I think John Garng died
- Who is John Garang anyway?
- He is the only man in Sudan could keep Omer Albashir in his limit..

ألاطفال بقوا بيفهموا ..

يا فرحتنا الما تمت....ويا أمانينا الما فجت..
يا النورت علينا الشارع.... وخليتنا نحس بامان وسلام..

يا الطليت بنور الوحدة علينا ...
يا الخليتنا نقول ...حيكون ويكون

يا الناضلت سنين وسنين .. وبوقف الحرب ما اتهنيت
يا اليدوب سقيت الزرع.. وما اتمكنت تضوق الثمر

خليتنا.. والمشوار طويل لسه.. و يا ربى ما نشوفوا صعب


اقبال كرار...كاليفورنيا
أضف رد جديد