مرحباً بتيسير عثمان عووضة

Forum Démocratique
- Democratic Forum
أضف رد جديد
صورة العضو الرمزية
مصطفى آدم
مشاركات: 1691
اشترك في: الاثنين مايو 09, 2005 5:47 pm

مرحباً بتيسير عثمان عووضة

مشاركة بواسطة مصطفى آدم »

آخر مشارك مسجل هو تيسير عووضة
أهلاً ب بنت أخي و صديقي اللدود عثمان شيخ عوض ( عووضة) في المنبر !
صورة العضو الرمزية
محسن الفكي
مشاركات: 1062
اشترك في: الثلاثاء مارس 17, 2009 12:54 am
مكان: ميدان الخرطوم

مرحبا تيسير عووضة

مشاركة بواسطة محسن الفكي »

بي صراحة الإثنين عاوزين ترحيب.كون صديقكم "اللدود" لا يكتب كثيرا. اهلا وسهلا
صورة العضو الرمزية
تاج السر الملك
مشاركات: 823
اشترك في: السبت أغسطس 12, 2006 10:12 pm
مكان: Alexandria , VA, USA
اتصال:

مشاركة بواسطة تاج السر الملك »

سودان فور اول لونا فتح و الله ولا بقولو شنو نوَرت
شكراً لكم و لها على الأضافة و القبول فتيسير لا تحتاج الى تقديم
منا ومن عدانا فهي قارحة بذاتها و صفاتها... الله اكبر
تحيتي للصديقة العزيزة جدا، و حاجزين ليك جنب الشباك، عشان السفة
الملك
صورة العضو الرمزية
سناء جعفر
مشاركات: 656
اشترك في: السبت إبريل 15, 2006 10:49 pm
مكان: U.A.E , Dubai
اتصال:

مشاركة بواسطة سناء جعفر »

[font=Microsoft Sans Serif]تيسير عووضة ( مخاطبة رسمية ... باقي اسامي الدلع المعتادين عليها فيما بيناتنا لو قلناها هنا بتجيب هوا بارد ) ..

نورتينا ..

اظن انا طالباك تلفون كان مفروض يحصل لمن خالتي سميرة تجي من السودان موش كدة ؟! ..
بقيتي كعبة انتي ياخي .. وتستاهلي احتجاج الجماعة على وجودك هنا .. واحتمال كبير لو عملوا مظاهرة بهناك تلقيني في نصها عشان حركاتك دي ..
قولي بسم الله وخشي برجلك اليمين ..


للصمت صوت عال ... فقط يحتاج الى الهدوء حتى يُسمع ...
للصمت غموض آسر .. يجذبنا اليه عندما يموج العالم حولنا بالصخب المؤلم ...
للصمت جمال وكمال وهيبة ووقار ...
للصمت بهجة سرية لا يعرفها الا من عاشه وتأمل معناه ...
للصمت جيرة طيبة ... ودودة ... مريحة ...
ÍãÏ ÝÊÍ ÇáÑÍãä ÍãÏ
مشاركات: 9
اشترك في: الجمعة ديسمبر 09, 2005 8:24 am

مشاركة بواسطة ÍãÏ ÝÊÍ ÇáÑÍãä ÍãÏ »

اهلا و مرحبا بتيسير :D
صورة العضو الرمزية
محسن الفكي
مشاركات: 1062
اشترك في: الثلاثاء مارس 17, 2009 12:54 am
مكان: ميدان الخرطوم

فراولة فور اول

مشاركة بواسطة محسن الفكي »

حمد فتح الرحمن حمد كتب:اهلا و مرحبا بتيسير


مساهمات حمد في 4 اول كتب:حمد فتح الرحمن حمد
اشترك في: 09 ديسمبر 2005
مشاركات: 5


مرحب حمد فتح الرحمن حمد.:mrgreen:


حمد فتح الرحمن حمد كتب: :D

شرحو.

-

ندخل في تقليعة ارسال رسالة خاصة في بوست الترحيب ونشوف نتيجتها، التجريب مهم جدا :
ومرحب بسناء جعفر وكافة أهلنا في الامارات وما جاورها في بوست الترحيب.
ياسناء اليومين ديل بقيت شغال مندوب تسويق ومبيعات والذي منه إستعدادا لدعم السي في بتاعي ، أقلو ناس الفوركس يعتمدوني كخبير شفت كيف ; بالتالي تأثرك بما يكتب خارج فور اول أو المشاركة في جمعة "لا لفرولة تيسير" .. الخ
+ تصريحاتك الاخيرة ستؤثر بالتاكيد على بورصة القراء. قراء روايات سناء .

الاصدقاء في دائرة المبدع ديل كنز ثمين.
ومن البديهيات حتي الاعداء العقلاء مرات يدافعون عن فكر او فكرة شخص حتي الموت.
حتي الناس البيبدا عندهم التاريخ من القرن السابع بيعرفوا الحقائق دي كويس ، ولو عترو في اقول فولتير وتأملوا وعملوا بها بيكونوا ما قصروا .
بيكاسو ، مرة زهج من الرسم وتحول لمدة عامين الى كاتب ومخرج مسرحي،عقب فشله امام الجمهور،أصبح مسرحه بلا جمهور..خصصه للاصدقاء فقط ،قووقلي اسماءهم/ن شتدهشين وربما تصعقين. وقطعا كانت تجربة ثرية يتناولها النقاد الى يومنا هذا مستخدمين ادواتهم المعروفة.

ختاما اكرر;مرحبا بالفراولة في س للجميع.
صورة العضو الرمزية
ÊíÓíÑ ÚææÖÉ
مشاركات: 4
اشترك في: الأربعاء يوليو 13, 2011 10:46 am

مشاركة بواسطة ÊíÓíÑ ÚææÖÉ »

بالله لي كم يوم رايحة ..

في الحقيقة الباسوورد هي الكانت رايحة
بنات عمها ما سمعن بيها !

غايتو كتر خير تاج السر الملك
وراني درب المكنة البتدي البتاعات الجديدة


إزيكم كلكم لغاية ما أجي لكل زول جنب خشم بابو ..
محمد جمال الدين
مشاركات: 1839
اشترك في: الاثنين مايو 09, 2005 6:52 pm

مشاركة بواسطة محمد جمال الدين »

U r welcome T. Awoda
صورة العضو الرمزية
ÓíÝ ÇáäÕÑ ãÍí ÇáÏíä
مشاركات: 150
اشترك في: الأربعاء مايو 27, 2009 3:20 am

مشاركة بواسطة ÓíÝ ÇáäÕÑ ãÍí ÇáÏíä »

مراحب تيسير عووضة.
When you find that you are on the side of the majority, it is time to pause and reflect."
Mark Twain
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

أهلاً تيسير وألف مرحب بيك.
وعبرك تحياتي الحارة للصديق العزيز عثمان عووضة.

نجاة

ÚíÓì íæÓÝ
مشاركات: 26
اشترك في: الأربعاء يوليو 26, 2006 10:38 pm

مشاركة بواسطة ÚíÓì íæÓÝ »

سـلام يا (شباب؟)..
وفي البداية لو سمح لي ذاك الأخ المحسن ـ حياه الغمام برضوـ أشارك بالترحيب بتيسير، يعني لو بقى مافي قانون ولاّ عرف ولا قياس ولا أي شي تاني بشترط حد أدنى من المشاركات الكلية تأهل صاحبها للمشاركة في الترحيب بقادم جديد.. على فكرة في بعض المواقع أو منابر الحوار؟ من البداية تشترط التسجيل والدخول لقراءة البوستات، ثم تحدد حد أدنى من المشاركات لتستطيع عمل دانولود لأغنية مثلاً، ومنعاً للإلتفاف والتحايل على القانون فتشترط تلك البوردات ألا تكون تلك العشرة مشاركات من نوع: شكرا، و أب، ويا رايع ويا شفاف وشوفتك شفا الخ، لكن تكون مشاركات حقيقة في نقاش.. فكرة ظريفة والله يا (إدارة الموقع) تعملوا حد أدنى يبيح لصاحبه المشاركة، مثلاً: إطناشر مداخلة على الأقل للمشاركة في المواضيع السياسية، خمسة وعشرين للثقافية (والفنية والنقدية وما أشبه ذلك!)، أربعة وتلاتين لداونلود لأغنية أو صورة، أو أبلود* لأي فايل، إتنين وأربعين للترحيب بالجدد وهكذا..
بعـدين يا تاج:
فتيسير لا تحتاج الى تقديم
منا ومن عدانا فهي قارحة بذاتها و صفاتها

أنا كنت بعرف الإستخدام (الدارجي) لقارح وقارحة للدلالة على الضخامة أو كبر الحجم، بالإضافة للمعاني المشابهة مثل الماء القراح أو الآية: (إن يمسسكم قرح فقد مس القوم قرح مثله).. لكن كلامك دا خلاني أرجع أفتش لمعاني تانية، فقادتي المعاجم لمتاهات ما ليها أول ولا آخر، أقرأ هنا:
https://www.baheth.info/all.jsp?term=قارح
المهم: لامن ما فهمت حاجة مقنعة، قررت أن أفهمها بالمعنى الذي يقصده عمنا بحر، والذي كان يعرف نفسه كالتالي: بحر محمد جمّاع، زاتُ مال ومستقيم بنفسو.. مع إنو وحسب معلوماتي فتيسير ناكرة حكاية إنها زاتو مال دي! فياريت يا تاج وكل ناس اللغة يفيدونا أكتر، أفادكم الله ورزقكم من حيث نعم ومن حيث لا تحتسبون..
نرجع لموضوع تيسير:)، وما عارف نبدأ بالترحيب اللسه ما عارف قانونيتو من عدمها، ولاّ نقول ليك حمدالله السلامة ال(جمَعْتي) من الروحة..يا زولة أهلا ومرحب وسهلا وإقامة طيبة ومليئة بالبوستات والمواضيع الثرة والجميلة والجديدة والمحفزة للنقاش الخ...
ـــــــ
ويا أهل اللغ(ات) تاني: أنا كلمات مثل تحميل ورفع وتنزيل كترجمة لأبلود وداونلود ما قادر (أستثيغها).. كدة بس أو على قول أهل (مسلسلات) الخليج: ما مواطنها بي عيشة الله، فدحين شوفوا لينا ترجمة ولاّ تعريب تاني ينبلع..وشكراً
عادل عثمان
مشاركات: 845
اشترك في: الثلاثاء مايو 10, 2005 12:14 pm
مكان: المملكة المتحدة
اتصال:

مشاركة بواسطة عادل عثمان »

تيسير كاتبة خفيفة الظل في الصيف، ويوم الجد، في المعترك الفكري والسياسي، شجاعة الى حدود الحماقة.
كنت اقرأ لها بانتظام في سودانيزاونلاين، بعيدآ عن الشلليات وبهرجات الظهور والنجومية.
اسعدني الحظ والوقت بالتحدث اليها عبر الهاتف زمان. ونستها تشبه كتاباتها. وهذه مطابقة نادرة.
مرحبآ بك في هذا المنبر الذي يتجهم احيانآ بلا داع. من قال إن الفكرة عدوة المرح والسخرية والمفارقة؟
There are no people who are quite so vulgar as the over-refined.
Mark Twain
أضف رد جديد