فرويد مات وتوومبلي مات وأنا ذاتي متحسّس شوية!
انتقل الى صفحة السابق  1, 2
 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
حسن موسى



اشترك في: 06 مايو 2005
مشاركات: 3553

نشرةارسل: الاربعاء يوليو 27, 2011 9:00 am    موضوع الرسالة: رد مع اشارة الى الموضوع

أعزائي
سلام
يا خطّاب مارلون براندو مهم في اكثر من مقام. و بحة صوته المصنوعة في " العراب " لا تقاوم. و لعلها ادخل في فن التصاويت الغنائية منها في فن الكلام.و الوثائق الصوتية تحفظ لنا الكثير من انواح البُحّ [ شوف ليك جنس جمع!] و قد كان في متناولي انتحال بحة " لوي آرمسترونغ " أو بحّة "دولوز " حتى، لكن الاولى فطرية بينما الثانية ناتجة من فعل النيكوتين. المهم يا زول، بدت لي بحّة براندو ادخل في نوع البح الطبيعي لكن شخصية "عرّاب" مولانا مارلون براندو تظل علامة مهمة في افق الأداء المشهدي الحديث. و براندو من الفنانين الذين يعنون بالتفاصيل بمثل عنايتهم بالكليات.و فوق ذلك كله فالرجل علامة مهمة في مشهد الدفاع عن الاقليات المضطهدة في امريكاو تاريخ نضاله السياسي ضد المؤسسة السياسية المحافظة يشرف المبدعين أينما حلّوا..

يا منعم الخضر اخبارك منقطعة النظير و يا صدقي " المطرودة ملحوقة " و انا مازلت ألكلك في ترجمة عقاب نص آلتوسير للغة القرآن و أعد باستكمال الكلام و مواصلة المناقشة.و يا المأمون سلام و ما زلنا مستنيين باقي الكلام في موضوع رسم الكتابة العربية و قالوا البتبلبل ما عندو طريقة غير العوم.و تحية يا تاج السر الملك، عنوان البوست تحتاني سوريالي فعلا لكن العنوان براهو ما بحوق و أنت ادرى.و ياعصام سلام مربّع و أنت و ينك وين؟أ
ألف شكر لكم جميعا و الله لو كنت عارف إنو عمليتي حتجيبكم كلكم هنا كنت عملت ليكم عمليتين بحجر واحد.أو كما قال..
انتقل الى الاعلى
استعرض نبذة عن المستخدمين ارسل رسالة خاصة
حاتم الياس



اشترك في: 23 اغسطس 2006
مشاركات: 803
المكان: أمدرمان

نشرةارسل: الاربعاء يوليو 27, 2011 11:40 am    موضوع الرسالة: رد مع اشارة الى الموضوع

سلام ياحسن موسى وكفاره...حتى قراءتى للخيط كنت اعتقد ان الأمرموضوع كتبته أنت وليس (عيا ورقاد) ..اتمنى أن تغشال العافية سريعاً...لكن كصديق داير اقول ليك جادى جداً.. قول يالسيد على..خفيفة ومسبوكة فى السر تحت تشيدات الوعى النظرى الدنيوى دى ومابتجيك عوجة..أنا مجربه
انتقل الى الاعلى
استعرض نبذة عن المستخدمين ارسل رسالة خاصة
خالد الطيب



اشترك في: 09 مايو 2005
مشاركات: 300
المكان: أديس أبابا

نشرةارسل: الاربعاء يوليو 27, 2011 11:56 am    موضوع الرسالة: رد مع اشارة الى الموضوع


ألف لابأس عليك يازول .. شدة وتزول وتعود لابسا تاج العافية ..

وبنا وحشة لتفاكيرك ..

انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
كمال عمر



اشترك في: 27 ابريل 2007
مشاركات: 57
المكان: الخرطوم

نشرةارسل: الخميس يوليو 28, 2011 9:58 am    موضوع الرسالة: رد مع اشارة الى الموضوع

آ الحسن الف سلامات
ضللني العنوان وقلت اجيهو برااحه زي ما ضلل اخوي تاج السر ، اتاري الشي وراهو مصاب.
ياخ بريه وتسلم من كل ازية
وبركه الجيت.
كمال
انتقل الى الاعلى
استعرض نبذة عن المستخدمين ارسل رسالة خاصة
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الخميس يوليو 28, 2011 5:43 pm    موضوع الرسالة: رد مع اشارة الى الموضوع

سلامتك يا استاذنا
كنت في زيارة عمل قصيرة لمدينة النور و حاولت ان ازور استاذة نجاة و معلمي بولا لكن يبدو ان الوقت لم يكن مناسبا و كانو مشغولين مع الشيخديناب
كنت انوي ملاقاتك لو تسنى لي زيارة بولا و نجاة
سافعل بدون شك المرة القادمة
طلب مني سايمون انجامي ان ابلغك تحاياه
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
عادل عثمان



اشترك في: 10 مايو 2005
مشاركات: 841
المكان: المملكة المتحدة

نشرةارسل: الجمعة يوليو 29, 2011 8:04 pm    موضوع الرسالة: رد مع اشارة الى الموضوع

سلامتك يا دكتور. رحت المستشفى؟ أمّال إنت دكتور بتاء شنو؟ ههههه.
امنياتي لك بدوام الصحة والعافية.



_________________
There are no people who are quite so vulgar as the over-refined.
Mark Twain
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة انتقل الى صفحة المرسل
هدى الحسن



اشترك في: 26 يونيو 2005
مشاركات: 117

نشرةارسل: السبت يوليو 30, 2011 8:04 pm    موضوع الرسالة: رد مع اشارة الى الموضوع

يا حسن

سلامى ليك وللمعاك فى الحضرة (الحضور) جالسين

انت بالعافية التخصك فى "الشرايين" تبقى لك هدم حجبات ونعلين

من كلمات الوالدة وتكون نقلتها من حبوبة وانا هنا غيرت شوية
انتقل الى الاعلى
استعرض نبذة عن المستخدمين ارسل رسالة خاصة
حاتم الياس



اشترك في: 23 اغسطس 2006
مشاركات: 803
المكان: أمدرمان

نشرةارسل: السبت يوليو 30, 2011 9:12 pm    موضوع الرسالة: رد مع اشارة الى الموضوع

ياسلام ياهدى...دى كلمات بديعة جداً ولم تظهر لصغر حجم الخط كلمات قائلها..ذكرتنى قصة حكاها لى العم الاستاذ عوض حاج حامد رحمه الله ( طريق النور بجنة الأطفال) حكى لى واقعة مازال يذكرها من طفولته.. وهو صغير كان كان يرافق جدته فى عرس ابن شيخ الطريقة العجيمية ومشى فى السيرة معها للبحر نساء الشايقية كانن يغنن (سيرتنا ماسيرة لعوب حارسنها ناس الغيوب)...

عدل من قبل حاتم الياس في السبت يوليو 30, 2011 9:18 pm, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة
حاتم الياس



اشترك في: 23 اغسطس 2006
مشاركات: 803
المكان: أمدرمان

نشرةارسل: السبت يوليو 30, 2011 9:13 pm    موضوع الرسالة: رد مع اشارة الى الموضوع

حذف للتكرار
انتقل الى الاعلى
استعرض نبذة عن المستخدمين ارسل رسالة خاصة
هدى الحسن



اشترك في: 26 يونيو 2005
مشاركات: 117

نشرةارسل: السبت يوليو 30, 2011 10:26 pm    موضوع الرسالة: رد مع اشارة الى الموضوع

تحياتى يا حاتم (الناقد الكبير وكدا)

وشكرا على الاعجاب

بصاحبة الكلمات وناقلتها ,كتبتها بالخط الصغير عشان ما أكون بتاعة "شو" مع الاحتفاظ بحقوق التأليف والنقل والتغيير

الكلمات دى رسلتها حبوبة من جهة الوالد "ستنا بت كنيش" لأخيها "الحسن ود كنيش" عمدة نورى وقتها وكانت الوالدة" نفيسة محمد النجيب" ترددها عند الظروف المشابهة.

الكلمات قبل التعديل لظرف "الحسن ود موسى" (ومافيش حد أعمد من حد) كانت

السلام ليك وللمعاك فى الحضرة جالسين
انت بالعافية التخصك فى المصارين
تبقى لك هدم "يا سيدى" حجبات ونعلين


عدل من قبل هدى الحسن في الاثنين اغسطس 01, 2011 1:11 am, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة
تماضر شيخ الدين



اشترك في: 09 مايو 2005
مشاركات: 356
المكان: US

نشرةارسل: الاحد يوليو 31, 2011 4:32 pm    موضوع الرسالة: رد مع اشارة الى الموضوع

يا جماعة اسمعوا مني وانا الشاهد عليهو في العلة..

حسن موسى ده كان برتب معاي في العرس هو وباتريسيا لغاية ما فضل لينا خمسة يوم ونصلهم حتى قال لي على حكاية العملية ...يعني نحن لما وصلناهم كان ليه زي اربعة يوم بس..

حسن موسى ده ما رقد ولا اتواهن ...وقف وقفة السودانيين ديك البتعرفوها ...هو وبا تريسيا ...أمنوا لينا الراحة والمدد بفضالة ما بتتصوروها

حسن موسى نفخ لى روان عضة النحلة في رجلها وهو قاعد فى الارض ...عشة كل يوم بتقول القصة دي ..ولما يوم العرس جة ما قدر يمشي لأنه كان محموم ...ونحن ما عارفين ...

حسن موسى وبا تريسيا ساهروا لينا ونحن بنصلهم 2 صباحا واربعة صباحا وستة صباحا على التوالي كل ما نرجع من واحدة من مناسبات العرس ..

يصحوا ويغطونا في سرايرنا ...والصباح يجهزوا الفطور ويطبخوا لينا وبعد داك يوصلونا المحطة والسفر ويحلوا معانا المشاكل الصغيرة البتحصل لما يكونوا الناس تمنمية والسواقين تلاتة ..

ما في شى الزول يقولو هنا غير كلمات ستنا بت كنيش:

السلام ليك وللمعاك فى الحضرة جالسين
انت بالعافية التخصك فى المصارين
تبقى لك هدم "يا سيدنا" حجبات ونعلين
انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2762
المكان: باريس

نشرةارسل: الاحد يوليو 31, 2011 6:32 pm    موضوع الرسالة: رد مع اشارة الى الموضوع

اقتباس:
سيرتنا ما سيرة لعوب حارسنها ناس الغيوب

دي قوية دي. شوف متانة اللغة ومتانة الفكرة.
ياخ الثقافة دي كيفنها؟



انتقل الى الاعلى
استعرض نبذة عن المستخدمين ارسل رسالة خاصة
عيسى يوسف



اشترك في: 26 يوليو 2006
مشاركات: 26

نشرةارسل: الاحد يوليو 31, 2011 7:55 pm    موضوع الرسالة: رد مع اشارة الى الموضوع

سـلام يا حسن وسلام لكل (المشاركات والمشاركين والمكفرات والمكفرين!)
وحمدالله ألف على السلامة، وطبعا مافي أبلغ من (الأغنية) التي جلبتها الأخت هـدى والتي في ظني تبكي كل من سمعها وفهم كلماتها، بس ما كنت عارف قائلتها بالإسم، ونشارك هدى في الإهداء!..
http://www.youtube.com/watch?v=e2nU44NHbDU
وكان علمتونا صيد ال HTML المعطل هنا يكون كويس، وبالعـدم أرجو شاكراً من الأخت نجاة أو أي من تسول له نفسه بنقل الفيديو لهنا أن يفعل.
انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2762
المكان: باريس

نشرةارسل: الاحد يوليو 31, 2011 10:16 pm    موضوع الرسالة: رد مع اشارة الى الموضوع

العزيز عيسى
أطيب التحايا
وكيف أحوالك

هذا هو الفيديو.

نجاة

انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2762
المكان: باريس

نشرةارسل: الاحد يوليو 31, 2011 10:17 pm    موضوع الرسالة: رد مع اشارة الى الموضوع



.
انتقل الى الاعلى
استعرض نبذة عن المستخدمين ارسل رسالة خاصة
مازن مصطفى



اشترك في: 31 اغسطس 2005
مشاركات: 1045
المكان: القاهرة

نشرةارسل: الاحد يوليو 31, 2011 11:27 pm    موضوع الرسالة: رد مع اشارة الى الموضوع

..
_________________
iam only responsible for what i say, not for what you understood.


عدل من قبل مازن مصطفى في الاحد يناير 06, 2013 12:13 pm, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة Yahoo Messenger MSN Messenger
هدى الحسن



اشترك في: 26 يونيو 2005
مشاركات: 117

نشرةارسل: الاثنين اغسطس 01, 2011 12:52 am    موضوع الرسالة: رد مع اشارة الى الموضوع

تحياتى للجميع
"اتحسست" شوية وكدا من الكلمات دى لانها بتتردد بكلمات قريبة المعنى مرات واضافات بعيدة المعنى والقصد (زى مسألة المصاريف المطلوبة فيها دى).
الجزء خاص حبوبة قديم جدا جدا من الاربعينيات وكلمات معدودات وهى زاتها يمكن نقلتها و عدلتها من اخريات – يبدو انه تم التداول والتغيير فيها واكتملت قصيدة طويلة لاحقا وسميت الجواب صاحبتها الشاعرة "بت خير". الشاعر اسماعيل حسن(وينطق اسماعين بلهجة الشايقية خلى يفصلونا ويسمونا دولة السودان الصحراوى بترول ما عندنا,صمغ ما عندنا فطور لبن,غدا لبن وعشاء لبن برضه لو تيسر) كتب لها ردا على جوابها لم يرضيها.
من الامثلة على سفر الكلمات والشعر والاضافات احدى الصديقات حكت (وهى من جهات شمبات وتوتى) عن محبة والدتها لها وفرحها بقدومها بعد ولدين قالت عند ولادتها " مفتاح بيتى جاءته سته" وأنا حكيت لوالدتى كان ردها بقرح " أيوة دى كلمات -وزكرت الاسم نسيته أنا الان- من الشمالية وكانت الكلمات:
دى ست الجيل (أو الريد) يا جمالها
أنا سر قلبى ليكى بفته
وأنا العندى ليكى بحته
والمفتاح جاءته سته
المهم قصدت التوضيح عشان ما يوم يقولوا هدى قطعت من رأسها ساكت ويجرجرونى, وكله من حاتم طيرت على حسن موسى التحسس من مكانه بس بركة انه تماضر "شاهدته".
انتقل الى الاعلى
استعرض نبذة عن المستخدمين ارسل رسالة خاصة
معروف سند



اشترك في: 11 يوليو 2009
مشاركات: 122

نشرةارسل: الاحد اغسطس 07, 2011 6:11 am    موضوع الرسالة: رد مع اشارة الى الموضوع

ألف سلامة يا أستاذ حسن

ويلغ تعازينا لعموم آل فرويد المنتشرين بالديار الاوروبية وأنحاء العالم
_________________
إن بُلِيتْ يا فصيح ما تصيح
انتقل الى الاعلى
استعرض نبذة عن المستخدمين ارسل رسالة خاصة
إبراهيم الجريفاوي



اشترك في: 25 مايو 2005
مشاركات: 503

نشرةارسل: الاحد اغسطس 07, 2011 5:16 pm    موضوع الرسالة: رد مع اشارة الى الموضوع

سلامات ياناس حسن ، وعوافي ، بمناسبة فرويد والاخرين وكده ، وقعت بيدي اثناء بحث قوقلي صغير كتابة طويلة في بلوق لشاب سينمائي اسمو ليخاندرا
مهتم بموضوع الهجرة والتنوع الثقافي والاندماج بعدين موظف مصطفى سعيد كحالة وفق فرويد ومنهج التحليل النفسي .عموما هاكم . ولاتنسونا من صالح الدعوات :


Season of Migration to the North by Tayeb Salih: Encounter between East and West; Salih struggles to create a new culture.

.
انتقل الى الاعلى
استعرض نبذة عن المستخدمين ارسل رسالة خاصة
الحسن بكري



اشترك في: 09 مايو 2005
مشاركات: 603

نشرةارسل: الاحد اغسطس 07, 2011 7:15 pm    موضوع الرسالة: رد مع اشارة الى الموضوع

سلامات ولعلك بخير.

الجاتك في صوتك سامحتك...المهم ترسم كويس وتكتب كويس _ الغناء ملحوق! وأهو منتظرنك.
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
Elnour Hamad



اشترك في: 09 مايو 2005
مشاركات: 762
المكان: ولاية نيويورك

نشرةارسل: الاربعاء اغسطس 17, 2011 10:10 am    موضوع الرسالة: رد مع اشارة الى الموضوع

صديقي في وقت الضيق حسن محمد موسى الخير
تحية وسلاما وألف كفارة وأجر.
قال العارفون "يُؤجر المرء رغم أنفه"!!
آسف للغيبة الطويلة فقد التقمني حوت يونس بن متى "ذو النون" ومكثت في بطنه بضعة شهور
لم أعرف بموضوع جراحتك إلا قبل أيام، فقد انقطعت فترة طويلة عن المنبر. اتصلت على هاتف المنزل ووصل صوتي ولم يجدكم فأثبته في خاصية التسجيل لديكم.
قال المغني الشعبي من عند منحنى النيل:
"كفارة البيك يزول المرض ما بكتلوا زول"
كن بعافية وأرجو لك عمر نوح

_________________
((يجب مقاومة ما تفرضه الدولة من عقيدة دينية، أو ميتافيزيقيا، بحد السيف، إن لزم الأمر ... يجب أن نقاتل من أجل التنوع، إن كان علينا أن نقاتل ... إن التماثل النمطي، كئيب كآبة بيضة منحوتة.)) .. لورنس دوريل ـ رباعية الإسكندرية (الجزء الثاني ـ "بلتازار")
انتقل الى الاعلى
استعرض نبذة عن المستخدمين ارسل رسالة خاصة
حسن موسى



اشترك في: 06 مايو 2005
مشاركات: 3553

نشرةارسل: الخميس اغسطس 25, 2011 12:50 pm    موضوع الرسالة: كفـّر الله سيئاتكم..! رد مع اشارة الى الموضوع

الاعزاء
شكرا على عنايتكم و شكرا على تضامنكم الكريم و لو كنت اعرف لكم سيّئات لطلبت من الله ان يمحوها من ملفاتكم الوجودية، و عفوكم على تأخري في العودة لهذا الخيط الحبيب . فقد غبت في سفر لجنوب غربي الصين لرؤية "ميمان " الغارق في لجّة الـ " هيب هوب" مع عصابة من شباب الصين سمّوا نفسهم " دنغسترز" انظر الرابط

http://www.youtube.com/watch?v=zawgXYL5bNg

يا حاتم الختمي، [ و قيل " الناقد الكبير و كدا " و الحقوق محفوظة لهدى الحسن شكرا لها و لحبوبتها الشاعرة العظيمة ستنا بت كنيش ] ما تشفق علي و كلنا عيال ختمية و فاتحة "أبوعلوة "نصرفها محل ما ندور بالدولار و باليورو أو بالريال ذاتو. كانت لخالي ارباب عقيدة لا تتزعزع في السيد محمد عثمان . و كان يقول: " الله دا هو الخلقني و انا عارفو لكن كمان السيد محمد عثمان دا زولي و عارف أموري ".
سلام يا خالد الطيب و يا كمال عمر و يا عادل عثمان و يا عيسى يوسف و يا معروف سند [عاشت الاسامي !] و يا تماضر زيارتكم هدية لا تقدر بثمن [ و كمان لا تهدى و لا تباع ]. يا فاضلابي أعمل معروف اغشانا في جيّتك القادمة ينوبك ثواب. و يا ابراهيم [ خليل الله ] الجريفاوي شكرا على رابط الكلام عن "موسم الهجرة" ،و يا الحسن بكري مبروك صدور الرواية الجديدة و سنسعى في حيازتها من مكتبة الاسافير فلا تكلف نفسك مشقة ارسالها و يكفيك أنك تكبّدت مشقة إنجازها[ الكلام دا للجماعة الطيبين المتعودين يطلبوا من الكتاب ان يبعثوا لهم بـ "نسختهم" حال صدور الكتاب!] يا جماعة الخير " فيض الإعزاز" ابو عشرة دولارات دا صار في متناول الجميع، فاتركوا مطالبة الكتاب الفقراء بإرسال كتبهم و أمشوا لنيل و فرات او آمازون أو " مكتبة الجيل " ذاتها و اشتروا نسخكم بحر مالكم. ولا شنو؟ ]. النور حمد يا صديق أوقات الضيق كلمتك نوّرت يومي و انتظرك في اكثر من منحنى لمواصلة ما انقطع من خيوط الكلام. سأعود.
انتقل الى الاعلى
استعرض نبذة عن المستخدمين ارسل رسالة خاصة
إيمان أحمد



اشترك في: 09 مايو 2005
مشاركات: 774

نشرةارسل: الخميس اغسطس 25, 2011 9:15 pm    موضوع الرسالة: رد مع اشارة الى الموضوع

سلامات يا حسن موسى

وأتمنى تكون الصحة بقت تمام والبحة استعدلت (مع إنه كلامكم عنها بيخلينا نتردد).
سألت عنك الصديقة العزيزة نجاة قبل أيام.

سلام يا تماضر، ومبروك عرس ولدك.. تعيشي وتبدعي وتعرسي لي وليداتو وبنياتو ان شاء الله

كلامك ده براهو قطعة فنية. أنا غايتو اتكيفت بالحيل.
اقتباس:
يا جماعة اسمعوا مني وانا الشاهد عليهو في العلة..

حسن موسى ده كان برتب معاي في العرس هو وباتريسيا لغاية ما فضل لينا خمسة يوم ونصلهم حتى قال لي على حكاية العملية ...يعني نحن لما وصلناهم كان ليه زي اربعة يوم بس..

حسن موسى ده ما رقد ولا اتواهن ...وقف وقفة السودانيين ديك البتعرفوها ...هو وبا تريسيا ...أمنوا لينا الراحة والمدد بفضالة ما بتتصوروها

حسن موسى نفخ لى روان عضة النحلة في رجلها وهو قاعد فى الارض ...عشة كل يوم بتقول القصة دي ..ولما يوم العرس جة ما قدر يمشي لأنه كان محموم ...ونحن ما عارفين ...

حسن موسى وبا تريسيا ساهروا لينا ونحن بنصلهم 2 صباحا واربعة صباحا وستة صباحا على التوالي كل ما نرجع من واحدة من مناسبات العرس ..

يصحوا ويغطونا في سرايرنا ...والصباح يجهزوا الفطور ويطبخوا لينا وبعد داك يوصلونا المحطة والسفر ويحلوا معانا المشاكل الصغيرة البتحصل لما يكونوا الناس تمنمية والسواقين تلاتة ..

ما في شى الزول يقولو هنا غير كلمات ستنا بت كنيش:

السلام ليك وللمعاك فى الحضرة جالسين
انت بالعافية التخصك فى المصارين
تبقى لك هدم "يا سيدنا" حجبات ونعلين


مع السلام للجميع
إيمان
انتقل الى الاعلى
استعرض نبذة عن المستخدمين ارسل رسالة خاصة
مأمون التلب



اشترك في: 09 مايو 2005
مشاركات: 866
المكان: السودان/ الخرطوم

نشرةارسل: الجمعة اغسطس 26, 2011 7:38 am    موضوع الرسالة: رد مع اشارة الى الموضوع

يا زول انتَ ما حتموت كلو كلو Smile
أكضب عليك عاد؟

_________________
عندما صرخت
لم أشأ أن أزعج الموتى
ولكن السياج عليَّ ضاق
ولم أجد أحداً يسميني سياجا
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة MSN Messenger
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
انتقل الى صفحة السابق  1, 2
صفحة 2 من 2

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة