فرويد مات وتوومبلي مات وأنا ذاتي متحسّس شوية!

Forum Démocratique
- Democratic Forum
صورة العضو الرمزية
تماضر شيخ الدين
مشاركات: 356
اشترك في: الاثنين مايو 09, 2005 9:14 pm
مكان: US

مشاركة بواسطة تماضر شيخ الدين »

يا جماعة اسمعوا مني وانا الشاهد عليهو في العلة..

حسن موسى ده كان برتب معاي في العرس هو وباتريسيا لغاية ما فضل لينا خمسة يوم ونصلهم حتى قال لي على حكاية العملية ...يعني نحن لما وصلناهم كان ليه زي اربعة يوم بس..

حسن موسى ده ما رقد ولا اتواهن ...وقف وقفة السودانيين ديك البتعرفوها ...هو وبا تريسيا ...أمنوا لينا الراحة والمدد بفضالة ما بتتصوروها

حسن موسى نفخ لى روان عضة النحلة في رجلها وهو قاعد فى الارض ...عشة كل يوم بتقول القصة دي ..ولما يوم العرس جة ما قدر يمشي لأنه كان محموم ...ونحن ما عارفين ...

حسن موسى وبا تريسيا ساهروا لينا ونحن بنصلهم 2 صباحا واربعة صباحا وستة صباحا على التوالي كل ما نرجع من واحدة من مناسبات العرس ..

يصحوا ويغطونا في سرايرنا ...والصباح يجهزوا الفطور ويطبخوا لينا وبعد داك يوصلونا المحطة والسفر ويحلوا معانا المشاكل الصغيرة البتحصل لما يكونوا الناس تمنمية والسواقين تلاتة ..

ما في شى الزول يقولو هنا غير كلمات ستنا بت كنيش:

السلام ليك وللمعاك فى الحضرة جالسين
انت بالعافية التخصك فى المصارين
تبقى لك هدم "يا سيدنا" حجبات ونعلين
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

سيرتنا ما سيرة لعوب حارسنها ناس الغيوب

دي قوية دي. شوف متانة اللغة ومتانة الفكرة.
ياخ الثقافة دي كيفنها؟



ÚíÓì íæÓÝ
مشاركات: 26
اشترك في: الأربعاء يوليو 26, 2006 10:38 pm

مشاركة بواسطة ÚíÓì íæÓÝ »

سـلام يا حسن وسلام لكل (المشاركات والمشاركين والمكفرات والمكفرين!)
وحمدالله ألف على السلامة، وطبعا مافي أبلغ من (الأغنية) التي جلبتها الأخت هـدى والتي في ظني تبكي كل من سمعها وفهم كلماتها، بس ما كنت عارف قائلتها بالإسم، ونشارك هدى في الإهداء!..
https://www.youtube.com/watch?v=e2nU44NHbDU
وكان علمتونا صيد ال HTML المعطل هنا يكون كويس، وبالعـدم أرجو شاكراً من الأخت نجاة أو أي من تسول له نفسه بنقل الفيديو لهنا أن يفعل.
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

العزيز عيسى
أطيب التحايا
وكيف أحوالك

هذا هو الفيديو.

نجاة

صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

https://www.youtube.com/v/e2nU44NHbDU.swf

.
مازن مصطفى
مشاركات: 1045
اشترك في: الأربعاء أغسطس 31, 2005 6:17 pm
مكان: القاهرة
اتصال:

مشاركة بواسطة مازن مصطفى »

..
آخر تعديل بواسطة مازن مصطفى في الأحد يناير 06, 2013 3:13 pm، تم التعديل مرة واحدة.
iam only responsible for what i say, not for what you understood.
صورة العضو الرمزية
åÏì ÇáÍÓä
مشاركات: 117
اشترك في: الاثنين يونيو 27, 2005 2:01 am

مشاركة بواسطة åÏì ÇáÍÓä »

تحياتى للجميع
"اتحسست" شوية وكدا من الكلمات دى لانها بتتردد بكلمات قريبة المعنى مرات واضافات بعيدة المعنى والقصد (زى مسألة المصاريف المطلوبة فيها دى).
الجزء خاص حبوبة قديم جدا جدا من الاربعينيات وكلمات معدودات وهى زاتها يمكن نقلتها و عدلتها من اخريات – يبدو انه تم التداول والتغيير فيها واكتملت قصيدة طويلة لاحقا وسميت الجواب صاحبتها الشاعرة "بت خير". الشاعر اسماعيل حسن(وينطق اسماعين بلهجة الشايقية خلى يفصلونا ويسمونا دولة السودان الصحراوى بترول ما عندنا,صمغ ما عندنا فطور لبن,غدا لبن وعشاء لبن برضه لو تيسر) كتب لها ردا على جوابها لم يرضيها.
من الامثلة على سفر الكلمات والشعر والاضافات احدى الصديقات حكت (وهى من جهات شمبات وتوتى) عن محبة والدتها لها وفرحها بقدومها بعد ولدين قالت عند ولادتها " مفتاح بيتى جاءته سته" وأنا حكيت لوالدتى كان ردها بقرح " أيوة دى كلمات -وزكرت الاسم نسيته أنا الان- من الشمالية وكانت الكلمات:
دى ست الجيل (أو الريد) يا جمالها
أنا سر قلبى ليكى بفته
وأنا العندى ليكى بحته
والمفتاح جاءته سته
المهم قصدت التوضيح عشان ما يوم يقولوا هدى قطعت من رأسها ساكت ويجرجرونى, وكله من حاتم طيرت على حسن موسى التحسس من مكانه بس بركة انه تماضر "شاهدته".
صورة العضو الرمزية
ãÚÑæÝ ÓäÏ
مشاركات: 123
اشترك في: الأحد يوليو 12, 2009 12:48 am

مشاركة بواسطة ãÚÑæÝ ÓäÏ »

ألف سلامة يا أستاذ حسن

ويلغ تعازينا لعموم آل فرويد المنتشرين بالديار الاوروبية وأنحاء العالم
إن بُلِيتْ يا فصيح ما تصيح
إبراهيم الجريفاوي
مشاركات: 503
اشترك في: الأربعاء مايو 25, 2005 3:31 pm

مشاركة بواسطة إبراهيم الجريفاوي »

سلامات ياناس حسن ، وعوافي ، بمناسبة فرويد والاخرين وكده ، وقعت بيدي اثناء بحث قوقلي صغير كتابة طويلة في بلوق لشاب سينمائي اسمو ليخاندرا
مهتم بموضوع الهجرة والتنوع الثقافي والاندماج بعدين موظف مصطفى سعيد كحالة وفق فرويد ومنهج التحليل النفسي .عموما هاكم . ولاتنسونا من صالح الدعوات :


Season of Migration to the North by Tayeb Salih: Encounter between East and West; Salih struggles to create a new culture.

.
صورة العضو الرمزية
الحسن بكري
مشاركات: 605
اشترك في: الاثنين مايو 09, 2005 6:51 pm

مشاركة بواسطة الحسن بكري »

سلامات ولعلك بخير.

الجاتك في صوتك سامحتك...المهم ترسم كويس وتكتب كويس _ الغناء ملحوق! وأهو منتظرنك.
صورة العضو الرمزية
Elnour Hamad
مشاركات: 762
اشترك في: الاثنين مايو 09, 2005 6:18 pm
مكان: ولاية نيويورك

مشاركة بواسطة Elnour Hamad »

صديقي في وقت الضيق حسن محمد موسى الخير
تحية وسلاما وألف كفارة وأجر.
قال العارفون "يُؤجر المرء رغم أنفه"!!
آسف للغيبة الطويلة فقد التقمني حوت يونس بن متى "ذو النون" ومكثت في بطنه بضعة شهور
لم أعرف بموضوع جراحتك إلا قبل أيام، فقد انقطعت فترة طويلة عن المنبر. اتصلت على هاتف المنزل ووصل صوتي ولم يجدكم فأثبته في خاصية التسجيل لديكم.
قال المغني الشعبي من عند منحنى النيل:
"كفارة البيك يزول المرض ما بكتلوا زول"
كن بعافية وأرجو لك عمر نوح
((يجب مقاومة ما تفرضه الدولة من عقيدة دينية، أو ميتافيزيقيا، بحد السيف، إن لزم الأمر ... يجب أن نقاتل من أجل التنوع، إن كان علينا أن نقاتل ... إن التماثل النمطي، كئيب كآبة بيضة منحوتة.)) .. لورنس دوريل ـ رباعية الإسكندرية (الجزء الثاني ـ "بلتازار")
حسن موسى
مشاركات: 3621
اشترك في: الجمعة مايو 06, 2005 5:29 pm

كفـّر الله سيئاتكم..!

مشاركة بواسطة حسن موسى »

الاعزاء
شكرا على عنايتكم و شكرا على تضامنكم الكريم و لو كنت اعرف لكم سيّئات لطلبت من الله ان يمحوها من ملفاتكم الوجودية، و عفوكم على تأخري في العودة لهذا الخيط الحبيب . فقد غبت في سفر لجنوب غربي الصين لرؤية "ميمان " الغارق في لجّة الـ " هيب هوب" مع عصابة من شباب الصين سمّوا نفسهم " دنغسترز" انظر الرابط

https://www.youtube.com/watch?v=zawgXYL5bNg

يا حاتم الختمي، [ و قيل " الناقد الكبير و كدا " و الحقوق محفوظة لهدى الحسن شكرا لها و لحبوبتها الشاعرة العظيمة ستنا بت كنيش ] ما تشفق علي و كلنا عيال ختمية و فاتحة "أبوعلوة "نصرفها محل ما ندور بالدولار و باليورو أو بالريال ذاتو. كانت لخالي ارباب عقيدة لا تتزعزع في السيد محمد عثمان . و كان يقول: " الله دا هو الخلقني و انا عارفو لكن كمان السيد محمد عثمان دا زولي و عارف أموري ".
سلام يا خالد الطيب و يا كمال عمر و يا عادل عثمان و يا عيسى يوسف و يا معروف سند [عاشت الاسامي !] و يا تماضر زيارتكم هدية لا تقدر بثمن [ و كمان لا تهدى و لا تباع ]. يا فاضلابي أعمل معروف اغشانا في جيّتك القادمة ينوبك ثواب. و يا ابراهيم [ خليل الله ] الجريفاوي شكرا على رابط الكلام عن "موسم الهجرة" ،و يا الحسن بكري مبروك صدور الرواية الجديدة و سنسعى في حيازتها من مكتبة الاسافير فلا تكلف نفسك مشقة ارسالها و يكفيك أنك تكبّدت مشقة إنجازها[ الكلام دا للجماعة الطيبين المتعودين يطلبوا من الكتاب ان يبعثوا لهم بـ "نسختهم" حال صدور الكتاب!] يا جماعة الخير " فيض الإعزاز" ابو عشرة دولارات دا صار في متناول الجميع، فاتركوا مطالبة الكتاب الفقراء بإرسال كتبهم و أمشوا لنيل و فرات او آمازون أو " مكتبة الجيل " ذاتها و اشتروا نسخكم بحر مالكم. ولا شنو؟ ]. النور حمد يا صديق أوقات الضيق كلمتك نوّرت يومي و انتظرك في اكثر من منحنى لمواصلة ما انقطع من خيوط الكلام. سأعود.
إيمان أحمد
مشاركات: 774
اشترك في: الاثنين مايو 09, 2005 6:27 pm

مشاركة بواسطة إيمان أحمد »

سلامات يا حسن موسى

وأتمنى تكون الصحة بقت تمام والبحة استعدلت (مع إنه كلامكم عنها بيخلينا نتردد).
سألت عنك الصديقة العزيزة نجاة قبل أيام.

سلام يا تماضر، ومبروك عرس ولدك.. تعيشي وتبدعي وتعرسي لي وليداتو وبنياتو ان شاء الله

كلامك ده براهو قطعة فنية. أنا غايتو اتكيفت بالحيل.
يا جماعة اسمعوا مني وانا الشاهد عليهو في العلة..

حسن موسى ده كان برتب معاي في العرس هو وباتريسيا لغاية ما فضل لينا خمسة يوم ونصلهم حتى قال لي على حكاية العملية ...يعني نحن لما وصلناهم كان ليه زي اربعة يوم بس..

حسن موسى ده ما رقد ولا اتواهن ...وقف وقفة السودانيين ديك البتعرفوها ...هو وبا تريسيا ...أمنوا لينا الراحة والمدد بفضالة ما بتتصوروها

حسن موسى نفخ لى روان عضة النحلة في رجلها وهو قاعد فى الارض ...عشة كل يوم بتقول القصة دي ..ولما يوم العرس جة ما قدر يمشي لأنه كان محموم ...ونحن ما عارفين ...

حسن موسى وبا تريسيا ساهروا لينا ونحن بنصلهم 2 صباحا واربعة صباحا وستة صباحا على التوالي كل ما نرجع من واحدة من مناسبات العرس ..

يصحوا ويغطونا في سرايرنا ...والصباح يجهزوا الفطور ويطبخوا لينا وبعد داك يوصلونا المحطة والسفر ويحلوا معانا المشاكل الصغيرة البتحصل لما يكونوا الناس تمنمية والسواقين تلاتة ..

ما في شى الزول يقولو هنا غير كلمات ستنا بت كنيش:

السلام ليك وللمعاك فى الحضرة جالسين
انت بالعافية التخصك فى المصارين
تبقى لك هدم "يا سيدنا" حجبات ونعلين


مع السلام للجميع
إيمان
مأمون التلب
مشاركات: 866
اشترك في: الاثنين مايو 09, 2005 6:48 pm
مكان: السودان/ الخرطوم

مشاركة بواسطة مأمون التلب »

يا زول انتَ ما حتموت كلو كلو :)
أكضب عليك عاد؟
عندما صرخت
لم أشأ أن أزعج الموتى
ولكن السياج عليَّ ضاق
ولم أجد أحداً يسميني سياجا
أضف رد جديد