سُهدَ الأَسَىْ

Forum Démocratique
- Democratic Forum
أضف رد جديد
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

سُهدَ الأَسَىْ

مشاركة بواسطة إبراهيم جعفر »

سُهدَ الأَسَىْ



كُلَّ النَّفَسْ
في الجَّوف كلام
حسَّع غبينتُو
طعم دُخَانْ
كُلَّ الكَلامْ
كان من طَعِنْ
سِكَّيْنَة الصَّمت المُهَانْ
والرُّوح تَحاولْ
كان تَبَرِّدْ
بي مَرَاويد الكُحُلْ
سُهدَ الأَسَى
ونَفَسُو البِيَنْتَحْ
فيهُو مِن
أَوَّلْ تَبَادِي
الكان وكانْ
هَوَّدْبُو من
شَهْقَةْ كَمَانْ!



[align=left]الأثنين، 10 يونيو، 2013م
إبراهيم جعفر
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

ترددت، في عنونة الكلام السوداني البسيط الفوق ده، فيما بين اختيار"سهد الأسى" و"شهقة كمان"، غير أني قلت أحسن أرسي على "سُهدالأسى" لأنو "الشهقة" دي يبدو أن الكلام إياهو بصورا كأنها "سبب ماض" أكتر من كونها تحصيل شعوري مستمر لغاية حسع كما قد يبدو من حالة "سُهد الأسى" تلك. غايتُو القول غالب، في النهاية...



[align=left]إبراهيم جعفر
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


ابراهيم يا صريع السُهد والأسى!
سمها سهد الأسى أو شهقة كمان (تقصد ما يعرف ب كمنجة برضو؟)
سمها ما شئت ولكن إحك لنا هل لمقترفي أساك من شركاء؟
وتملى في رضابٍ عند أول منحنى!

هذا للمؤازرة والأنس في الظهيرة
ندفع عنه (الأنس) غائلة المظنة!


إيمان أحمد
مشاركات: 774
اشترك في: الاثنين مايو 09, 2005 6:27 pm

مشاركة بواسطة إيمان أحمد »

أعجبتني كما هي، بِأساها وسهده.

شكرا يا إبراهيم
إيمان
أضف رد جديد