وداعاً محجوب، الشاعرالعظيم المعبَّرعن نضالات شعبنا وأمانيه

Forum Démocratique
- Democratic Forum
صورة العضو الرمزية
إدارة الموقع
مشاركات: 394
اشترك في: الأربعاء مايو 11, 2005 3:10 pm

وداعاً محجوب، الشاعرالعظيم المعبَّرعن نضالات شعبنا وأمانيه

مشاركة بواسطة إدارة الموقع »

صورة



حنبنيهو البنحلم بيهو يوماتي
وطن شامخ... وطن عاتي... وطن خيِّر ديمقراطي

وداعاً محجوب المناضل الفذ، الشاعر العظيم،
ابن الشعب المعبِّر عن نضالاته وأمانيه



عدلان عبد العزيز
مشاركات: 102
اشترك في: الخميس فبراير 02, 2006 6:52 pm

مشاركة بواسطة عدلان عبد العزيز »


يابا مع السلامة
مع السلامة
مع السلامة
يا سكة سلامة
في الحزن المطير

يا كالنخلة هامة
قامة واستقامة
هيبة مع البساطة
اصدق ما يكون

راحة ايديك تماماً
متل الضفتين
ضلك كم ترامى
حضناً لليتامى
خبزاً للذين
هم لا يملكون

بنفس البساطة
والهمس الحنون
ترحل يا حبيبي
من باب الحياة
لباب المنون

روحك كالحمامة
بترفرف هناك
كم سيرة وسريرة
من حولك ضراك
والناس الذين
خليتم وراك
وعيونم حزينة
بتبلل ثراك
ابواب المدينة
بتسلم عليك
والشارع يتاوق
يتنفس هواك

يا حليلك حليلك
يا حليل الحكاوي
تتونس كانك
يوم ما كنت ناوي
تجمع لم تفرق
بين الناس تساوي
نارك ما بتحرق
ما بتشد تلاوي
ما بتحب تفرق
من جيبك تداوي
الحلم الجماعي
والعدل اجتماعي
والروح السماوي
والحب الكبير

في الزمن المكندك
والحزن الاضافي
جينا نقول نفرق
نجي نلقاه مافي
لا سافر مشرق
لافتران وغافي
وين عمي البطرق
جواي القوافي

يا كرسيه وسريرو
هل ما زلت دافي
يا مرتبتو امكن
في مكتبتو قاعد
يقرا وذهنو صافي
يا تلك الترامس
وينو الصوتو هامس
كالمترار يساسق
يمشي كما الحفيف

كم في الذهن عالق
ثرثرة المعالق
والشاي اللطيف
تصطف الكبابي
اجمل من صبايا
بينات الروابي
والضل الوريف
احمر زاهي باهي
يلفت انتباهي
هل سكر زيادة
ام سكر خفيف

ينده للبنية
يديها الحلاوة
والخاطر يطيب
يدخل جنو منو
محبوب الشقاوة
يستنى النصيب
الدفو والنداوة

السنا والعبير
كالغزلان هناك
في الوادي الخصيب
حيث الموية عذبة
والغصن الرطيب
كم تحت المخدة
اكتر من مودة
للجنى والغريب
عش وعشب اخضر
جدول من حليب

يابا ابوي يا يابا
الشمس البتطلع
بلت منو ريقا
والنجمة البتسطع
فيه تشوف بريقا
اندى في حركتو
يطفيها الحريقة
ننهل من بركتو
زي شيخ الطريقة
شاييهو وطرقتو
والايدي الصديقة
يلا نسد فرقتو
حب الناس درقتو
يا موت لو تركتو
مننا قد سرقتو
كنا نقول ده وقتو
لكنك حقيقة

النفاجو فاتح
ما بين دين ودين
نفحة محمدية
دفئاً كالضريح
ميضنة كم تلالي
جيداً في الليالي
مجداً في الاعالي
مريم والمسيح

قلباً نبضو واصل
ما بين جيل جيل
ما بين كان وحاصل
او ما قد يكون
ما بتشوف فواصل
الا الذكريات
وآلام المفاصل
بعضاً من شجون
يابا مع السلامة
يا سكة سلامة
في الحزن المطير

يابا مع السلامة


* الشاعر محجوب شريف ينعي نفسه في الغياب المر لمثله! في الخالدين شاعر الشعب
صلاح النصري
مشاركات: 607
اشترك في: السبت يوليو 01, 2006 12:32 pm

مشاركة بواسطة صلاح النصري »

وداعا محجوب الانسان ويكفيك أنك انسان ومهموم بانسان الوطن , كان محجوب محمد شريف يعمل معلم وتم فصله من الخدمة ايام مايو , واقنعه خاله وهو تاجر بانه سيقوم بفتح مكتبة لبيع كتب الاطفال والمعدات المدرسية والمكتبية , وماعلي محجوب الا أن يقوم بادارة المكتبة , وبضغط من الاسرة وافق محجوب علي مضض وتم ذلك , وسمي محجوب المكتبة مكتبة العصافير بالثورة الحارة الاولي , وملأ خال محجوب المكتبة والمخزن , وبعد ثلاثة اشهر كانت رفوف المكتبة ومخزنها فارغة , وذهب محجوب بمفتاح المكتبة الي خاله وقال له ياخال اتعوض الله في قروشك , وكان محجوب عندما يدخل طفل او طفلة المكتبة يعطيهم كراسات الرسم والالوان والقصص المصورة وان رأهم يحملون خرتاية كان يعطيهم شنطة جلدية وكل ذلك بالمجان وكان يكتب مذكرة صغيرة ويرسلها مع الاطفال الي ذويهم أن هذه الاشياء هدية من مكتبة العصافير, التعازي الي أميرة ومريم ومي والي اخوانه الخير واحمد المصطفي والي اخواله النوح والي ال الجزولي وكل الاهل .
صورة العضو الرمزية
موسى مروح
مشاركات: 172
اشترك في: الأحد نوفمبر 06, 2011 9:27 am

مشاركة بواسطة موسى مروح »

أحد أشرف وأنبل الشخصيات السودانية العامة المعاصرة.
حياته درسٌ بليغ للنخبة السودانية، وشعره درس في ديمقراطية الشِّعر.
ذهب جسداً، لكن ليس قبل أن يرْكِز وجدان أمته على الحق وحب الناس.
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

[color=brown][size=24]"أحد أشرف وأنبل الشخصيات السودانية العامة المعاصرة.
حياته درسٌ بليغ للنخبة السودانية، وشعره درس في ديمقراطية الشِّعر.
ذهب جسداً، لكن ليس قبل أن يرْكِز وجدان أمته على الحق وحب الناس."


موسى أحمد مِرَوِّحْ
عادل عثمان
مشاركات: 845
اشترك في: الثلاثاء مايو 10, 2005 12:14 pm
مكان: المملكة المتحدة
اتصال:

مشاركة بواسطة عادل عثمان »

بجاه الملوك أموت ولا ألوك
راحة ضمير يا رب وحسن سير وسلوك
حافي قدر لحافي أسير ولا أطير صعلوك
لا أملك أحد يوما ولا أيضا أصير مملوك

محجوب شريف
15 يناير 2012


صورة
There are no people who are quite so vulgar as the over-refined.
Mark Twain
صورة العضو الرمزية
مصطفى آدم
مشاركات: 1691
اشترك في: الاثنين مايو 09, 2005 5:47 pm

مشاركة بواسطة مصطفى آدم »

شاعر الشعب يختار شعاراً للحشود أتت تودعه.
كيف لسجانّيه أن يغمض لهم جفن والشارع يودّع شاعره بنفي أخص خصائصهم عنه كأنهم يقولون :هم الوليد العاق ...الخان والسرّاق !
أذهب بسلام أيها الديمقراطي العظيم ... فمثلك عصيّ على إهمال كُتّاب التاريخ ...لأنك كتبت تاريخ الوطن الحديث شعراً ...يزلزل كيان من خانوا ومن سرقوا بمنتهى العقوق الصفيق!
عادل عثمان
مشاركات: 845
اشترك في: الثلاثاء مايو 10, 2005 12:14 pm
مكان: المملكة المتحدة
اتصال:

مشاركة بواسطة عادل عثمان »

قبل وفاته بأيام قليلة كتب الشاعر الراحل محجوب شريف قصيدته الاخيرة من داخل مستوصف تقى التخصصي بأمدرمان
إليكم نص القصيدة التي كتبها بتاريخ 31 – مارس – 2014 قبل يومين من وفاته


31 / مارس 2014م
محجوب شريف
مستوصف تُقى التخصصي –

أمدرمان صفِّــقوا وغــنُّوا
دقوا الترمبيتة
حبَّـتني حبَّــيتا .. ربّــتني ربّـــيتا
ما بطيق النوم بَــرَّه من بيتا
إلا في منفاي صورة خـتــيتا
إن شاء الله ما يحصل
ينقطِـع خيتا
حلــيـبها .. شاييها .. كسِــرتا وزيتا
بيــنـَّا نِدِّية همَّــنا السُترة
ما استفزتني .. ما استفزيتا
كم تشاجرنا
مين سمع صوتنا؟
ولا غَلَط مَـــرّه .. إيدي مديتا
زعلتَ رضَّــتني
برضو رضّـــيتا
نُـمتَ غـتـتني
قمتَ غَــتــيتا
كبرنا تاتتني
ياما تاتيتا
والبنات كِــبرَنْ
أصبحن نِــسوة
جابن الكِـــسوة
نوَّرن بيتنا
الدهب زينا بينا ما بسوى
سمعه بس سمعة
في ضحى الجمعة
ورَّقَــن خُدرة
فـَرَّن الكِـــسرة
فَــرَّحَـن ضيفنا
شاهي بالله ولا صينية
تفتح النية
هي ماهية ولا تدبيرا .. وسَّــع القـدرة ؟
دنيا .. يا دنيا
ألف شكراً ليك
هي لاقتني
وإني لاقيتا

حبتني .. حبيتا
ربتني .. ربيتا
There are no people who are quite so vulgar as the over-refined.
Mark Twain
ياسر الشريف المليح
مشاركات: 1745
اشترك في: الاثنين مايو 09, 2005 7:24 pm
مكان: ألمانيا
اتصال:

مشاركة بواسطة ياسر الشريف المليح »

مثلك لا يموت أيها الشريف الذي كنت محجوبا

خالص التعازي

وخالص الشكر يا عادل لوضع هذه القصيدة الأخيرة..
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

أُضِبْتُ بصدمة
لا أستطيع أن أفصِح
ولكني سأعود
ألى جنة الخلد محجوب وأعزي فيك أهلك وكل السودان أهلك وأواسي صديقي العظيم صلاح العالم واترحم على أخي التجاني ساكن وكان التجاني هو أول من عرّفني بمحجوب شريف (وكل ذلك سيأتي في متن الذكريات) ولا خير في تذكرات تتجاوز هكذا ذكريات.
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
أسامة الخواض
مشاركات: 962
اشترك في: الاثنين مايو 09, 2005 7:15 pm
اتصال:

مشاركة بواسطة أسامة الخواض »

في انتظارِك .. في انتظارِك .. في انتظارِك
وفي شراييني بيدمدم حِس قطارِك

لو أطير من سجني وانزل في جوارِك
وعنِك أمسح بي رموش العين غبارِك
وأملأ عيني من نهارِك

انتِ يا صحو المدارِك
كل نجمة جميلة تلمع في مدارِك
واي نسمة حنينة دارِك
وكل نخلة ظليلة عندها من ثمارِك
وباختياري وباختيارِك
كم نشارك في المعارك
وما بنخلي فرسنا بارِك
وما بنقيف نستنا في الآخر نبارِك

شدي ايدي وتبقي زادي
نظرة من عينيك تنادي
يا بلادي .. يا بلادي .. يا بلادي
وكلمة منك جمرة للفداء في فؤادي
يوم اجيك وعلي جبيني وسم عنادي
ولا مُتّ وراي يجيك يعتب جوادي
ولا خُفت وفتَّ منك غادي غادي

انتي ما الحضن البلِّم من ساحة هارب
ولا البِّنكِّس راسو من الذلة شارب
ولا البِّدس الراية في قش المغارب
انتي ساحل لما عصف الموج يضارب
وانتي صافي النبع في سكة محارب
وانا وانتي حدين سيف سنين وسوا بنحارب

سلميلي علي البحسو بكل نبض الارض ديه
وسليميلي علي مهيريات شهيدن نارو حية
وسلميلي علي رفاقي وعن حياتهم قولي ليَّ
وسليميلي علي حبايب في زوايا المغربية
وقولي ليهم حبو غنو الدنيا ما زالت ندية
وما حنقبل في وطنا الغالي دية
وما بنخلي وطن سبية
ولا وطن زوجين وحارس وبندقية


أسامة

أقسم بأن غبار منافيك نجوم

فهنيئاً لك،

وهنيئاً لي

لمعانك.

لك حبي.



16\3\2003

القاهرة.

**********************************
http://www.ahewar.org/m.asp?i=4975
أسامة الخواض
مشاركات: 962
اشترك في: الاثنين مايو 09, 2005 7:15 pm
اتصال:

مشاركة بواسطة أسامة الخواض »

2 أبريل 2014

نعي أليم*

توفى محجوب شريف الشاعر السوداني الذي استحق بجدارة أن يلقب بشاعر الشعب لأنه استطاع أن يعبر عن الوجدان السوداني بصدق وإخلاص وبعبارات رشيقة محملة بمعاني عميقة ومزينة بأنغام مطربة.

أحسن الله عزاء أسرته الصغيرة والشعب الذي أحبه وعبر عن مشاعره، رحمه الله فرحمة الله كما قال سبحانه وتعالى: (وَسِعَتْ كُلَّ شَيْءٍ)

الصادق المهدي
__________________

*نقلاً عن موقع "سودانيزأونلاين".
أسامة

أقسم بأن غبار منافيك نجوم

فهنيئاً لك،

وهنيئاً لي

لمعانك.

لك حبي.



16\3\2003

القاهرة.

**********************************
http://www.ahewar.org/m.asp?i=4975
صورة العضو الرمزية
الشيخ محمد الشيخ
مشاركات: 153
اشترك في: الأربعاء مارس 10, 2010 10:36 am

مشاركة بواسطة الشيخ محمد الشيخ »

عاش محجوب شريف حياته من أجلنا جميعاً، من أجل السودان، مجسداً قيم المحبة والإبداع والعطاء في أبهى صورة. شيد مجداً وصاغ تاريخاً سيظل فخراً للسودان والسودانيين عبر الأجيال.
التعازي الي أميرة ومريم ومي والي اخوانه والي آل الجزولي وكل الاهل.

ماك الوليد العاق لا خنت لا سراق
الفاضل الهاشمي
مشاركات: 2281
اشترك في: الاثنين مايو 09, 2005 6:14 pm

مشاركة بواسطة الفاضل الهاشمي »

ياخ قوم كدا

شن أوكسجين تتوسدو
تدينا ليهو وتفقدو
دا كلام زعل ما بتقصدو
"بلغم" شنو السد المدى
تضحك تمسكنا الندا
من دون رئه؟
ياخ قوم كدا

زيك بموت !!! طظ فى العدا
ياخ قوم كدا

عزاء شنو ؟
ما بقول كدا



"سلميلي علي البحسو بكل نبض الارض ديه
وسليميلي علي مهيريات شهيدن نارو حية
وسلميلي علي رفاقي وعن حياتهم قولي ليَّ
وسليميلي علي حبايب في زوايا المغربية
وقولي ليهم حبو غنو الدنيا ما زالت ندية
وما حنقبل في وطنا الغالي دية
وما بنخلي وطن سبية
ولا وطن زوجين وحارس وبندقية "

م. شريف


[ن]حن نعلم من اين أتى هؤلاء : السيرة والسريرة ... عزة النفس ... سجن الحياة وبراحها فى ان ... الفن .. الارجل الحافية ، والحلم /الوعي الذى يتجاوز الطبقة او قل يسبقها. من قال ان الأسطورة تقف خارج الواقع ؟؟؟؟ سجل عندك دفاتر الجنود/الجنديات المجاهيل لو تقدر ... ابدا من الوالدة (والدتك) او حبيب/رفيقة ؛ لو فقط تقدر تسجل او تقيس افضال كتابة عليك وموت نبض لم تلتقطه عدسات مجندة للخدمة واهتمامها العابر ؟؟

نعلم من اين أتي هؤلاء ؟؟؟

أقول سلاماً الي:

- كل من طرب للرباب الذي لن يسكت ؛ ولكل من أعجبه الراضع من شطر التعدد والطالع من حزبين (وقيل حزب واحد) .

- ميري وبائعات الشاي
وسجناء ممالك الضرورة

والى:
أميرة ومريم ومي والي اخوانه الخير واحمد المصطفي
والى ال الجزولي
والى المستضعفين والمستضعفات اللواتي اعلى من شانهن/م
والشيوعيين والشيوعيات وكافة اليسار السوداني

والى المبدعين والمبدعات الذين واللواتي استبطنو واستلهمو واستكنهو حسنه وبهاءه وجوهره وسيحملون مشعل الفن الثوري المقاوم والمصادم . عقل الانسان القدامي المتطور يستصحب "جينات" نيرودا الفنية ... نيرودا السودان ؟؟


ما عندنا ميتة وخراب ديار ...
عندنا بشرى وشغل قدام

The struggle over geography is complex and interesting because it is not only about soldiers and cannons but also about ideas, about forms, about images and imaginings
ادوارد سعيد "الثقافة والامبريالية 2004"
تاج السر حسن
مشاركات: 103
اشترك في: الثلاثاء نوفمبر 21, 2006 10:08 am

مشاركة بواسطة تاج السر حسن »

الاسم الكاملْ إنسانْ
الشعبَ الطيّـبْ والديّـا
الشعبِ حبيبي و شِـرياني
أداني بطاقه شخصيّه
مِـن غيرو الدنيا وقبّالو
قِدامي جزائر وهميّه
لا لَون
لا طَـعْمِ
وَلا ريحَـه
وايّام مَطفيّه مَصابيحا
زَي نَجمه بَعيده ومَنسيّه
الـمِهنَـه بَناضِل و بَتعلّم
تَعليم في مَدرسة الشعبِ
المَدرسَـه فاتْـحَه عَلى الشارع
والشارع فاتِـح في القلبِ
وَالقلبِ مَساكن شَعبيّه
وَدّيني مَحَل ماتودّيني
شَـرِّد اخواتي واخواني
فَـتِّـش اصْحابي وجيراني
خَـلّيني في سِـجنك وَ انساني
في سِجنك جُوّه زَنازينَـك
أرميني وَ كَـتِّف إيديّا
مِن أجل الشعب السوداني
وَعَـشان اطْفالنا الجـايينْ
وَالطـالع ماشي الوَرْدِيّه
وحْـياة الشعب السوداني
في وِشَّ الـمـدفع تَـلقاني
قِـدّامَ السونْـكي حَتَـلقاني
وانا بَهْـتّـف تَـحت السِّـكين
الثـوره طَـريقي وأيـامي
مَعدودَه وتَحيّا الحُـريّه
الثــوره طَـريقي وأيّـاميـــ .. مَعْـــدودَه .. وتَـحْـيا الحُريّـة
محجوب شريف شاعر الشعب، محجوب في الإعلام العربي..؟؟
تُسمعنا الإذاعات العربية محمد منير، وتتجاهل وتحجب بعمد اسم شاعر الشعب والإنسان العفيف محجوب شريف!؟
نَعدُ برد جميلك يامحجوب حفاظا على وصاياك وتوثيقاً لها .. فلتنم قرير العين هانيها
تاج السر حسن
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

محمد عبد الجليل الشفيع
مشاركات: 155
اشترك في: الجمعة إبريل 01, 2011 11:11 am

مشاركة بواسطة محمد عبد الجليل الشفيع »

يابا مع السلامة

العزاء اليوم الخميس 3 أبريل 2014
السعودية - الرياض - مخرج 18 - قاعة نورماس
صورة العضو الرمزية
Ghada Shawgi
مشاركات: 150
اشترك في: الخميس ديسمبر 14, 2006 1:49 pm
مكان: Horn of Africa Region
اتصال:

مشاركة بواسطة Ghada Shawgi »

شاعر بقامة الراحل.. متعدد الارجاء.. فسيح الرؤي ..
كتب في احدي قصائده لست البيت "ولا ايدي يوم مديت."...
بهرني هذا المنفستو السوداني الشعبي البسيط وعميق لنبذ العنف ضد ست بيت..
يصلح لوحده شعارا كافيا وافيا لمناهضة العنف ضد المراة...
لااختزله في جانب واحد من رؤاه الفسيحة,ولكني ابكيه بلغة الوجع الذي اعرف..
نبكيك بكل اللغات والسحنات ..محجوب..ونقبض علي كل ارثك ولا نحيد..
ان المساواة امام القانون لعظمتها تمنع الغنى والفقير على حد سواء من النوم تحت الجسر ,التسول فى الطرقات او سرقة كسرة خبز!
اناتول فرانس
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

مقال يحيى فضل الله العوض عن قصيدة "الغويشاية":



https://www.alrakoba.net/news-action-show-id-143242.htm
أضف رد جديد