"السادة الأشراف العباسيين الهاشميين في السودان"

Forum Démocratique
- Democratic Forum
أضف رد جديد
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

"السادة الأشراف العباسيين الهاشميين في السودان"

مشاركة بواسطة نجاة محمد علي »

لفتت نظري على صفحات الفيسبوك هذه الدعوة لهذا الاجتماع.

صورة

المكان: فندق برج كورنثيا.
"السادة الأشراف العباسيين الهاشميين في السودان"؟ ما لقوا ليهم مكان لاجتماعهم غير الحتة دي؟

الفاضل الهاشمي
مشاركات: 2281
اشترك في: الاثنين مايو 09, 2005 6:14 pm

مشاركة بواسطة الفاضل الهاشمي »

سلام نجاة ليكم قرم شديد (علي نسق التحايا ماقبل الراسمالية)


يا ربي انا بكون عندي حمض نووي مع الجماعة الهاشميين ديل ؟

الحتة دي شن نفرها ؟؟؟ فى السودان ام خارجه ؟ لم اسمع بها من قبل !!!!

The struggle over geography is complex and interesting because it is not only about soldiers and cannons but also about ideas, about forms, about images and imaginings
ادوارد سعيد "الثقافة والامبريالية 2004"
صلاح النصري
مشاركات: 607
اشترك في: السبت يوليو 01, 2006 12:32 pm

مشاركة بواسطة صلاح النصري »

نجاة والهاشمي
سلام اشراف
اها مجلس الامناء كان الواحد داير اترشح مع الجماعه , المطلوب شنو شجرة نسب مضروبة ولا DNA , بعدين الدافع منو الفندق بيكون غالي خلاص , ويانجاة بالله من الفيس بوك ناولينا اسماء اعضاء مجلس الامناء الذين تم انتخابهم جايز يكون في مندسين من يهود بني قريظة ,عشان نطعن فيهم امام محكمة مولانا ورقة بن نوفل بعد سباق الحمير , الناس دي بكامل قواها العقلية ولا نحنا الجنينا .
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

أتدرون أنه كما دعى الشيخ أزرق لبقاء الانجليز لربع قرن ليكملوا البنية التحتية وأسّ التقدم , كان بعض زعماء الجعليين بكافة فروعهم المنتشرة في السودان (عموما وليس مجموعة أصحاب الاسم من قاطني الشمالية ) كانوا قد اقترحوا تكوين الحزب العباسي (طبعا هاشمي) ولكن تجوهلت اقتراحاتهم وسمعت ذلك من نفر مهم مستنير لا أكذبهم.
ثم
هذه الحركة سياسية بامتياز فلا تظنّن ان أحلام العباسيين قد انتهت. عراق صدام كان أنموذجا للدولة الأمية وكان القذافي قد طرح قيام دولة فاطمية لتثبيت حكمه.
لم تقدم لي الدعوة.... ليه؟
وياما تحت الدواهي دواعش
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

سلام يا نجاة

نقابة الاشراف ليست امرا جديدا إلا فى السودان ربما، لأنها موجودة فى الشام من وقت بعيد ومؤسسـة، ولهم رئيس بسمى النقيب.
لكن الحركة الاخيرة فى السودان سياسيـة بكل تأكيد، وأغلب ظنى انها تقوم على انقاض الختمية، بعد ان بدأ الوعى يدب فى اوساط أبناء الطائفتين والبساط يسحب يوميا من تحت ارجل الطائفيين.. اتحدث عن الولاء الطائفى (السياسى) الذى
كانت تستغله الطائفية فى نهب اموال الأتباع وحصد اصواتهم الإنتخابية فى إستغلال إقتصادى وسياسى أقعد البلاد وظلم العباد. وفى زمن القبلية ارادوا الإحتماء بجسم أسرى قبلى، فتكون نقابة الاشراف اسم اخر لقبيلة الاشراف.

Good for them
Freedom for us and for all others
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

الأستاذ أبو الريش
هنلك فرق :
ما يقولون نحن أشراف في السودان اسمهم في الخارج (السادة) ويستثنون العباس باعتباره أقل درجة أما العباسيون وهم معظم السودانيين المعروف عنهم أنهم يقولون بانتمائهم للعباس سواء أن كانوا من الجعليين أو البديرية والجوامعة والصليحاب بجهة الغرب ومثلهم السريحات والضباب بجبال النوبة وبعض المحس (مش كلهم) وعيال حميد وغيرهم كثير. هؤلاء لن يدعوا مجالا للأشراف المهيمنين بالوراثة العلوية .
تخريمة:
الموضوع ما لعب: يعني لو السودان استمر في اللغوسة النحنا شايفنها دي, حيتقسم لإمارات وآنئذٍ سيكون الختمية والمهدويين خارج اللعبة لأنها ستتحول لقبلية محضة ولن ينفعهم مستجد العداوات القبلية التي سوف تستعر بمعنى "أنا وابن عمي على الغريب" حيطردوهم عديل.
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
صورة العضو الرمزية
مصطفى آدم
مشاركات: 1691
اشترك في: الاثنين مايو 09, 2005 5:47 pm

مشاركة بواسطة مصطفى آدم »

"كانوا من الجعليين أو البديرية والجوامعة والصليحاب بجهة الغرب ومثلهم السريحات والضباب بجبال النوبة وبعض المحس (مش كلهم) وعيال حميد وغيرهم كثير"
إذن ... يمكن للمرء يا أستاذنا عرض ..... "نسب عباسي تليد" للبيع في المزاد العلني !

الهامشي :
يا ربي انا بكون عندي حمض نووي مع الجماعة الهاشميين ديل ؟
بكون كان في لكن تنازلت عنه بانتسابك لأهل الهامش يا فاضل فصرت هامشي ... سلام عليك في الهامشيين!


[]
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

تحياتي للسادة الأشراف

يا صلاح النصري، لم أجد معلومات أكثر مما في هذه الدعوة. وقد كتبت في فيسبوك أمام الصورة "يا جماعة ما فيكم أشراف عباسيين حايمين بي جاي تنورونا عن اجتماعكم دا؟" :wink: .

محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

.
يا دوب انتبهت لعبارة العباسيين، لأن المراغنة يرجعون نسبهم للحسين وليسوا عباسيين.. والعباس عم النبى لذلك هم ليسوا من اهل البيت.. من يرجع نسبه
للعباس هم الجعليين.. فهل هـذا مؤتمرهم؟
طبعا لا يملك احد الحق فى التدخل فى ممارسات أى مجموعـة
Freedom for us and for all others
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

سلام يا أبو الريش
العباس هو عم النبي وعم علي بن أبي طالب، والد الحسين، فإذا كنت تعتبر أن العباس من آل البيت، فإن أبا طالب، القريب من النبي بنفس الدرجة، هو أيضاً من آل البيت. وبالتالي، إذا سلّمنا بأن المراغنة من سلالة الحسين، فإنهم أيضاً من آل البيت، حتى وإن لم يكونوا من سلالة العباس.

ويا ريت يجي حاتم الياس ليدلي بدلوه، لأن له رأي معقول طرحه في فيسبوك عن الدوافع وراء هذا المؤتمر.

نجاة


محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

حسب ما فهمت طيلة السنين فإن ال البيت هم ال (بيت النبى) تبدأ شجرتهم من النبى وفاطمـة وعلى.. إذا هم ابناء الحسن والحسين. مع حفظ المكانة الخاصة للعباس رضى الله عنه.
Freedom for us and for all others
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

ووو

مشاركة بواسطة محمد سيد أحمد »

سلام د نجاة

ليس لاحد الحق التدخل فى ممارسات اى مجموعة

كلام سليم


مع الانتباة ان لاتتغول اى مجموعة على المجموعات الاخرى

يعنى الخوف العباسيين ديل مع الادعاء بالجد ولا بالانتحال

يقبلو على الباقيين ويبدا التصنيف
نحنا اشراف افضل منكم
وانت رطانى وانت عبد وانت غرباوى
محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

مع الانتباة ان لاتتغول اى مجموعة على المجموعات الاخرى


موش دى وبس يا محمد، وحتى لو اساءوا معاملة افراد مجموعتهم الناس ما تقيف تتفرج.. فهم لا يملكون الناس.
الشرط الوحيد للتمتع بحقهم فى إدعاء ما يشاءون هو ان لا يستعمل هذا الإدعاء سياسيا ولا إقتصاديا لهضم حقوق الغير، بما فى ذلك أتباعهـم.
Freedom for us and for all others
صلاح النصري
مشاركات: 607
اشترك في: السبت يوليو 01, 2006 12:32 pm

مشاركة بواسطة صلاح النصري »

منقول من صحيفة
الخرطوم - المجهر
اختار مجلس أمناء رابطة (الأشراف العباسيين الهاشميين) في السودان بالإجماع المشير "عبد الرحمن سوار الذهب" رئيساً ود."عامر عبد الحميد سيد أحمد" أميناً عاماً للدورة القادمة، عقب اجتماع المجلس أمس في الخرطوم بتشريف ممثلي أمانة أنساب الأشراف العباسيين الهاشميين في العالم العربي والإسلامي، الشيخ الشريف "حسني أحمد علي" العبَّاسي الأمين العام للأمانة العامَّة ونائبه الشريف د."فيصل بن فهد العاصمي"، بحضور ممثلي الفروع والمجموعات العباسية من كل أنحاء السودان. وأوضح الشيخ الدكتور "عصام أحمد البشير" رئيس مجمع الفقه الإسلامي، أنَّ هذا الانتماء الرحب الواسع والموصول بآل البيت قادر على تخفيف غلواء العصبيَّة التي اعتورت مجتمعنا، مطالباً الحاضرين بأخذ الأمانة بحقها. فيما أكد د."فيصل بن فهد العاصمي" نائب الأمين العام للأمانة العامة لأنساب السادة الأشراف العباسيين الهاشميين في العالم العربي والإسلامي، أن الهدف الرئيس من تكوين هذا المشروع تقوية لُحْمة الأهل والأقارب وربط الأرحام ووصلها، مضيفاً بأنه من حسن الطالع أن يجئ تدشين الرابطة في يوم الهجرة، لتكون بداية هجرة العباسيين إلى السودان.


الحكاية وراءها تنظيم عالمي , وهل هاجر العباسيون للسودان في بداية العام الهجري وسنة كم ؟؟ ام ان هناك عرب سيهجرون للسودان ,ومن اي دولة الكلام ماراكب عدلو وواحد من السادة الاشراف يفهمنا.

محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

"مضيفاً بأنه من حسن الطالع أن يجئ تدشين الرابطة في يوم الهجرة، لتكون بداية هجرة العباسيين إلى السودان."

الكلام فعلا مدغمس يا صلاح..

وما استبعد هـذا الإجراء ليس إلا ذر الرماد فى العيون لتمرير مخطط توطين البدون.. ناس الجبهـة ديل يحيروا الشيطان زاتو..
هل جدهم العباس اعطاهم وعد بلفور لإيجاد وطن قومى لهم فى السودان؟
ديل موش مهاجرين، ديل جايين اسياد وسيطالبون بأبتاعهم وحيرانهم السودانيين فورا ويمرروا اجندتهم السياسيـة كما لو السودان حق أمهم.
Freedom for us and for all others
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

اختار مجلس أمناء رابطة (الأشراف العباسيين الهاشميين) في السودان بالإجماع المشير "عبد الرحمن سوار الذهب" رئيساً


أعتقد أن المشير سوار الدهب محسي؟ إذا كان اعتقادي صحيح، الدخَّل النوبيين مع الهاشميين شنو؟ الموضوع غريب.


محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

نجاة، سلام..

عبد الرحمن سوار الدهب ركابى والركابية حسب ما سمعت اشراف.. وزرنا عام 1973 بارا وكانت
منزلتنا فى بيت الاسرة الكبيرة، أعتقد كان منزل السيد محمد الحسن (الزمن طال).. لكن المهم هو من ركابية بارا.
Freedom for us and for all others
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

ح

مشاركة بواسطة محمد سيد أحمد »

اختيار سوار الدهب
رسالة
تعنى لنا الرئاسة دائما

ولنا الصدر فى العالمين




نحن البلاد الشاكيا جرحها للضجيج
جاتنا القوافل من بعيد
جرتنا من حلبة رقيض
ورتنا كيف صلبو المسيح
ورتنا كيف كتلو الحسين
بكينا اكتر منهم
وساقونا فى الاخر عبيد

((عاطف خيرى))
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

قالوا جدهم أول من أسس خلوة قرآن في دنقلا
مالو. تمام , الله يكتر خيرو
قالوا جاء من اليمن استغربنا
وقلنا ماشي:
واحد جاي من روسيا
وواحد من الهند
وواحد مراكبي جا من المغرب عن طريق الصعيد
قلنا مالو: المعايش جبارة
قالوا جدهم اسمو غلام الدين ففغرنا افواهنا:
كيف انسان بيعرف عربي كويس ورضع اللغة من شطر فصيح يسمي ولدو غلام الدين؟؟؟
درست اولاد مسلمين غير عب
عذرتهم
اسماء اولادهم متين
ماشي
ومبين
ماشي
ثم الطامة الكبرى
زنيم
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

ررر

مشاركة بواسطة محمد سيد أحمد »

الزول يقول ليك جدو العباس
ويعمل شجرة نسب
وفى الشجرة المزعومة ينقطع فرع
زول فى السلسلة او السلى سلة يطلع ما كان عندو ذرية
طوالى يلفو ويلصقو واحد تانى

ويقولو ليك مافى مشكلة
القصة يجوز فيها الانتحال

الطامة الكبرى
لو رضيت صاغرا او متضجرا او متجاهلا
بالفرية

يشب ليك بمفاجاءة
انا اشرف منك

غايتو جنس دغمسة
أضف رد جديد