ســمــــاع

Forum Démocratique
- Democratic Forum
أضف رد جديد
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

حكاية غرام، كلمات اسماعيل حسن، لحن وغناء التجاني مختار (دي أغنية شديدة الرقَّة ياخ!):



https://www.sudanradio.info/arabic/modul ... hp?id=2954
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

كتب إبراهيم جعفر:
أحمد فرح في "تحلف تقول البيّا بيك": دي ما ممكن تلقوها يا ناس. يمكن نجاة محمد علي، بالذات، كانت بتقدر تلقاها لانها نكّاتة أغاني صميميّة


سلام يا إبراهيم
يا ريت لو بقدر ألقى أغاني الراحل أحمد فرح. ظللت أبحث عنها منذ زمن طويل، لكن لم أجد سوى "يا الطال غيابك سنة وزيادة"، وبتسجيل تعبان:


https://www.youtube.com/watch?v=kMMfAeXWT58

شكراً على أغنيته "تحلف تقول البيّا بيك".

صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

صه يا كنار مرة أخرى، مع أبو عركي وكابلي
https://www.youtube.com/watch?v=k0xNtdBdSr8

وعثمان حسين، يغنيها تخنقه عبرة
https://www.youtube.com/watch?v=66xH5BYFsmU

.
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

ليالي لقانا (أو "الدّنيا مُنى واحلامْ!"، يا نجاة)، كلمات العم عبد الرحمن الريح، لحن وغناء: إبراهيم عوض، بكل بهاء وصفاء صوت تسجيلها الأصلي الأول، وعزفها الصفي الاولاني داكْ، و"بناته" الشيّالات:



https://www.sudanradio.info/arabic/modul ... php?id=648

أقرن/أقرو دي، عندها صلة بي الغنية الفوق دي:

https://www.sudan-forall.org/forum/viewt ... 7eea#71625

ثُمَّ: حمد الله على السلامة يا نجاة من الرحلة الطويلة، وكذلك لي شيخنا عبد الله بولا. أظني برضو لقيت نفس تسجيلك حق "سنة وزيادة"ده، يا نجاة، وبوعدك أني بفتش حاجاتو التانية زي "لوسعيد الحظ"، "حليلك يا بلدنا" و"البريدو مالو اتأخر بريدو" و"احاول ديمة اتصبّر" وما سوى ذلك من أغانيه.


تسلمي نجاة، وشكراً على "صه يا كنار"، ألحان الرائد إسماعيل عبد المعين وكلمات الصاغ محمود أبوبكر عم صديقنا فنان الكومبيوتر وإخراج الكتب والسينما والتوثيق الإعلامي طارق أحمد أبو بكر...



إبراهيم جعفر

صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

أغنية حنان الحنان ذاتُو: قُمري وقُمريَّة، كلمات اسماعيل حسن، لحن وغناء: محمد حسنين ("أبو سريع"):



https://www.sudanradio.info/arabic/modul ... hp?id=2682
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

الرائدة منى الخير: نظرة:



https://www.sudanradio.info/arabic/modul ... hp?id=1246
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

أسحار الجمال، كلمات: عبد الرحمن الرّيّح، لحن وغناء: إبراهيم إدريس (ودَّ المُقْرَنْ):



https://www.mp3opps.com/music/song_listen_4857_1.html
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

كتّر خيرو كتّر ختيرو - إبراهيم جعفر
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

نظرة: عبد الله الماحي، صاحب أول أسطوانة غنائية في السُّودان:



https://www.youtube.com/watch?v=jfM5J11HXa8



نـظرة

كلمات سيد عبد العزيز، لحن وغناء عبدالله الماحي



نظرة يا السمحة أم عجن
لو كان قليل تبرى الشجن
أعرف صفا الأيام أفيقن
وأنظر جمال تلك الوجن

دولات صدودك ما وعن
آلامى وبى اتدرعن
أبكى واصيح مُتضرِّعَنْ
يا ناس دموع عينى ترَّعَنْ

أرحمونى مارضنى الظعن
آمالى جور لى قاطِعِنْ
أحشاي هديل أتقطَّعَنْ
وبالفُرقة نشَّابِكْ طَعَنْ

يا منبع النُّور والفِطَن
يا الفُقتِى يعرب والرَّطَنْ
فى جوفى من حبك قَطَنْ
يا جاهلة مليون ألف طن

كيف أسلى عينيك والوِجَنْ
يا البسمتِكْ نور الدُّجَنْ
جسمك حرير ناسجُو العجن
ناضر وباللون انعجن

الضَّاويَه زى خديك مَنْ
فى الدنيا يا نور الزَّمَنْ
أرواح نَسَايْمِك لى رَمَنْ

نرجس مزج لى مسك اليمن

ما أحلاكِ يا الجِّيدِك شَدَنْ
يا العُمْرِى فيك ضايِع سُدَىً
أنا عِندى شوفتك يا اللَّدَنْ
أحسن من الرُّوح فى البَدَنْ
***
يا منبع الذوق آه يا مَنْ
حبك غرز فى الجوف كمن
يا غالية قط ما ليك تمن
إن هب او جار الزمن

ليكِي السَّلام ما ولَّعَنْ
خَدَّيكِ بالنُّور يلمَعَنْ
وعدد النجوم ما يطلعن
يرضيك وبيك لي يَجمَعَنْ
آخر تعديل بواسطة إبراهيم جعفر في الثلاثاء إبريل 07, 2015 7:04 pm، تم التعديل مرة واحدة.
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

سلام يا إبراهيم

أغنية "نظرة يا السمحة أم عجن" ذكرتني بتعليق ضيفة جاتنا مرة ومعاها شرائط بتسمع فيها، من بينها شريط للمغنية عابدة الشيخ فيهو أغنية بتقول فيها "لأني بحبك كدا بالواضح". ضيفتنا قالت لي: شوفي قوة العين دي ماشة في تطور سريع كيف، زمان كانوا بقولوا للبت نظرة يا السمحة أم عجن، بعده جاء زمن يقولوا ليها فيه أمسكي عليك عيونك ديل، أها جانا زمن بقت فيهو البت هي البتتكلم، وكمان تقول لأني بحبك كدا بالواضح. هنا انتهى كلام ضيفتنا. لذا لزم التنويه :wink:


صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

ده، يا نجاة، زمن كان البِت بتغني لي الولد وتقول: "إسمَكْ تقيل يا فلان زَيْ حنضل القيزان" فيما الولد يغني لي البِت ويقول: "إسمِكْ ما بجيبُو فلانة يا الله بي النيرانا!" (يعني نيران الشوق بتقوم فيهو بمجرد ذكر اسم البت الهو مُتيَّمْ بيها دي، فتأمَّلِيْ؟). وأنا برضو عندي حكاية زي حكايتك ده. مره كنت، في أواخر سبعينات القرن العشرين الماضي، بسمع في لقاء في إذاعة أمدرمان (رحمها الله!) مع واحد من رواد شعر الحقيبة والشعر الأوركسترالي برضو، أظنو عمنا محمود إبراهيم فلاح (مؤسس دار فلاح للغناء الشعبي)، لكني ما متأكد. المهم الزول ده في تعليق ليهو على تبديل الزمن لي طبيعة الغنا ووفق رأي ليهو بأنو الغنا بقي "مايع ساكت" :) قال هذه الأمثولة: زمان، يعني في زمن الحقيبة الأولاني داك، الغناي بقيف وبقول: "يا جرح غَوَّر أريتَكْ أصلُو ما بَريْتَا!". أما الآن- و"الآن" بتاعتو دي مقصود بيها أواخر الأربعينات وأوائل الخمسينات من القرن الماضي حيث بداية صعود الاغنية الأوركسترالية اللي بدا إبراهيم الكاشف عهدها، فتصَوَّرِي!- بقي الغنَّاي يقول: "تجرحني ليه وأنا كلي جراح!"- والإشارة هنا طبعاً لي غنية "بت النيل" حقت أحمد المصطفى. شُفْتِي كيفْ؟


سلام عليكَنْ/عَلَيْكُمْ جميع...



[align=left]إبراهيم جعفر
آخر تعديل بواسطة إبراهيم جعفر في السبت فبراير 27, 2016 4:31 pm، تم التعديل مرتين في المجمل.
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

وهاكم، ما دمنا جينا بي جاي، غنية "الغالي تمر السُّوق"، بأداء عثمان حميدة (الذي هو نفسه الكوميديُّ أَحَمَدْ ودَّ اللَّمِيْنْ تَور الجَّرْ):



https://www.youtube.com/watch?v=O7hiRx7a08s
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

صباح الخير
يا ابراهيم جعفر
والله انت خبير
لازم تكتب لينا كتــــاب
قالوا منصور خالد قاعد يكتب عن الحقيبة والكتاب لم يخلص بعد
يمكن كتابك يكون احسن
______

عندي ليك سؤال بتاع علم نفس ولا تدجين ما عارف
مما عيوني فتحن بحب الحقيبة ولي فيها ثالوث: ابراهيم عبدالجليل - سرور كرومة
واحب آخرين لكن لا يحركوني كما يحركني الثالوث - ببكي عديل لما اكن لوحدي في حضرة ابراهيم عبدالجليل (يا حليل زمن البكاء, عواطفنا جفّت)
المهم بعد ما سمعت أغنية عبدالله الماحي التي رفعتها لنا ندمت بأثر رجعي:
قمت سمعت كل أغانيه في اليوتيوب وغيرها:
شي عجيب. بدا لي أن ذلك الصوت هو اعظم صوت سمعته في الحقيبة:
!
هل كنت مدجنا بأثر المبارك ابراهيم واختيارات الإذاعة أم كنت أصمّا؟ ما عارف
في شي إما في تطور ذائقتي أو تدحرحها أو أثر الإعلام القديم: يا ي دا يكون شنو؟
وهداني عقلي بأن: لا ينبئك مثل خبي . وهو أنت يا ابراهيم جعفر
ويا ريت يخشو معاك ناس الوليد يوسف وعادل السنوسي وبقية العقد.
تحياتي
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

[size=24]هاك يا أستاذنا عبد الماجد "خمرة هواك يا مي صافية وجليَّة" الصُّوفيَّة-البابليَّة دي، بصوتي ميرغني المأمون وأحمد حسن جُمعَة:



https://www.youtube.com/watch?v=aNwbeOXdDrY



أما ما كتبته لي فوق هنا فقد أخجلني منِّي وخلاني أشكرك شديد لي تعزيزك لي، أما أنا فلستُ، في الحق، سوى متذوِّق شديد التعلق العاطفي، وليس خبيراً، بذاك الغناء وبغرق فيهو شديد، لحد الجذب العديل، مرات...

كده شوف بعد خمرة هواك دي بحصل ليك شنو يا أستاذ عبد الماجد!


أيوه دايرين ناس عادل السنوسي ونجاة النجيضة هنا!



[align=left]إبراهيم جعفر
[/align
]
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

خلينا نبقى "حداثيّين"، نسبيَّاً، ونديكم "مسكينة المحبة" ("يلا بيعنا وشوف مصالحَكْ")، للمطرب الطيب عبد الله:



https://www.youtube.com/watch?v=Ohgr0pRHG-E
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

نقرأ في هذا الرابط:

هنــــــــا
العزيز عبد الماجد طوبى لنا "بحلاوة الماضي" المايكملش وسماع أصوات الماضي تلك ألأصوات التي يؤكدها الغياب وإهمال السنين وضنين الوعود، فتصار الى تلذذات حنين عذبه، تفتح نوافذ الأمكنة الغابرة والأزمنة العابرة و تعالج شكوانا من مرارات الواقع، الواقع فوق راسنا وواجعوا شديد.

شكراً كثيرا

وليد


النوستالجيا... النوستالجيا
وما هي النوستالجيا إن لم تكن هذا الكلام؟
السؤال موجه بخصوص رشاش الاتهام بالنوستالجيا في غير موضعه الذي أصابني على صفحات الفيسبوك.

نجاة


عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

الأخت نجاة
عودا حميدا
وتحياتي لكم جميعا:
استدللت:

العزيز عبد الماجد طوبى لنا "بحلاوة الماضي" المايكملش وسماع أصوات الماضي تلك ألأصوات التي يؤكدها الغياب وإهمال السنين وضنين الوعود، فتصار الى تلذذات حنين عذبه، تفتح نوافذ الأمكنة الغابرة والأزمنة العابرة و تعالج شكوانا من مرارات الواقع، الواقع فوق راسنا وواجعوا شديد.

شكراً كثيرا

وليد


نووستاجيا وبَسْ ؟؟
نوستاجيا ليها ضُلْ
في الصغر الفن موجهٌ للعقل
وفي الكبر مُثبِّتٌ له.
والنوستالجيا دي لو ما جاتنا نحنا تجي لمنو؟ لابوقلباٌ ميّت ؟ الذي نسى فقسا والذي تغَرّب فاكتفى. حاشانا
تحياتي
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

سلام عبد الماجد،
قلت:

نوستالجيا وبَسْ ؟؟
نوستالجيا ليها ضُلْ

ياها نوستالجيا وليها ضل :D

صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

دي أغنيةاسمها "الله يصبرك يا قلبي". أول مرة أسمعها الليلة وعجبتني شديد. يعني لا نوستالجيا لا اتهامات من النوع دا. عثرت عليها في اليوتيوب مصادفة.
لما أستمتع بسماع مقطوعة لموزارت، أو أغنية صينية قديمة، أو أغنية مكسيكية واغلة في القدم، دا برضو بيلصقوا عليه تسمية نوستالجيا؟ أفتكر الزول بيستمع للموسيقى ال بتروق ليهو، بغض النظر عن قدمها أو جدتها (عشان ما أقول حداثتها). إلصاق مثل هذه المصطلحات في غير مكانها، وفي موضوع معقد ومركب زي الاستمتاع بالإبداع الموسيقي، عملية لا تخلو من شتارة. ثم، هل لقينا أعمال موسيقية سودانية جديدة وأبيناها؟ جديدة بمعنى كون خروجها للوجود جاء حديثاً، وليس باجترار لحن قديم وإضفاء آلات جديدة عليه.

دي غنية الله يصبرك يا قلبي"، يغنيها سيد خليفة، عبد العظيم حركة، وصديق عباس.


https://www.youtube.com/watch?v=JXKRO1T_mPU


.
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

عوض الكريم عبد الله في أغنية أسْمِعْني نشيدك

https://www.youtube.com/watch?v=zvhPWPValSg

أسْـمِعْني نشيدك
وريني كمان في الفن تجديدك
يا حمام الدوح

أضف رد جديد