التشكيليين ديل مشوطنيين عديل كدا

Forum Démocratique
- Democratic Forum
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

الكتاب التشكيلي

مشاركة بواسطة صلاح حسن عبد الله »

سلام تالت يا محمد سيد احمد
منذ بداية البوست كنت حريص انو ( الحكاية ما تبقى "انحنا وانتو"). لاننا (انحنا وانتو، كلنا في الهواء سو). لكن شايف الحكاية مشت في منحى آخر ( انا وانت .. والغائب ايضاً )، وتمترس الاخ الوليد يوسف خلف موسيقيته ثم اختفى نهائياَ من البوست. واعقبه انسحاب حسن موسى لانه (زاهد في الشجار معك)، وبارك ليك (لستكك و ترسك ) و(خيطك في سيرة أدب التشكيليين) بدون (ما تعتر ليك) قشة مرّة. وليعلن أنّه سيعود (في حالة الضرورة القصوى فقط ). هذه الضرورة التي نامل الا يطول مداها لانو ( خيطك) نفسه عنده علاقة قوية جداَ بكتابات حسن موسى وبولا السابقة؛ الرصينة والرزينة حول الطرف الخفي من الخيط نفسه؛ كتاباتهم في زمن الكهنوت التشكيلي والطلاسم التي لم يكن ليجرؤ على الخوض فيها الا السحرة من كهنة المؤسسة الرسمية ودجاليها. فيومها، وبعد ان دار سجال طويل ومكلف جداَ في سبيل الانعتاق من كهانة المؤسسة الرسمية، أصبح الحديث عن التشكيل ممكن ومبذول لكل الناس. ولنا في ذلك أنْ نراجع احتفاء حسن موسى باثنين الكتاب ممن لم يعرف عنهما ممارستهما للتشكيل( سوق الفن التشكيلي عامر هذا الشهرسواء على مستوى الممارسة والعرض أم على مستوى التنظير.. ننشر هنا جزء مما وصلنا من مداخلات بعض الاخوة المهتمين بالتشكيل من خارج دائرة التشكيليين المحترفين " ازهري عبد الرحمن نور الدين وصلاح حسن أحمد" كعلامات إيجابية على طريق حركة التشكيل القادمة والتي تتخلص كل يوم من قيود النقد السلفي وتقاليد الكهانة، حتى يتاح لكل الناس أنْ يقدروا على التعامل مع الخلق التشكيلي بلا عقد وبلا ابتذال- جريدة الايام عدد 8 /3 / 1977). واعتقد أنَّ مساهمة محمد سيد احمد هي أيضاً واحدة من هذه "العلامات الإيجابية". لكن كمان يا محمد سيد احمد، ستة او سبعة أسطر شوية.
ولنا ايضاَ أنْ نراجع عبد الله بولا( . . هذا المفهوم الذي يلزمه حوار طويل ومساهمة جماعية حتى يتبلور. وهذه المساهمة الجماعية هي جذره بالذات التي تطرح جانباً الناقد المحترف لا ليأخذ مكانه الفنان الممارس المختص بل الجميع بلا واسطة- جريدة الايام عدد -14/12/1976).
وعليه فاعتقد أنَّ هذه (الايجابية) هي التي تشكل الارضية الضرورية لامكانية الدفع بها في اتجاه محاولة الوصول بها الى اتفاقات نافعة للحركة التشكيلية.
تقريظك لمحمد عبد الرحمن واعجابك واستمتاعك لفكره النير وقدرته على التعبير بلغة عميقة وبسيطة ككاتب وناقد ومفكر، لن يكون كافياً إلا إذا أردنا تحنيطه في "متحف الأحياء" باعتباره كائن توقفت مساهماته عند هذا الحد. ولكن محمد عبد الرحمن آلى على نفسه أنْ يشرع اليوم في تدريس طلاب كلية الفنون الجميلة بالخرطوم (تاريخ التشكيل المعاصر في السودان). ولكن، فكيف سيتثنى له إنجاز هذه المهمة الجليلة مع غياب الكتاب المرجعي عن (تاريخ التشكيل المعاصر في السودان)؟ لذلك فان الطرق على ما افترعته انت في الحديث عن (ندرة الكتاب التشكيلي) يصبح أمراَ مفيداً وضرورياً للغاية. وهي مهمة ليست مهمة التشكيليين وحدهم، بل هي مهمة كل المهتمين"ٍبلا عقد وبلا ابتذال".

صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

كتب صلاح حسن عبد الله
انا وانت .. والغائب ايضاً

بولا أصبح "الغائب" يا صلاح؟ قليل من الوقوف أمام حضوره رغم غيابه الفيزيائي يلزم.

قبل أن يكتب:
منذ بداية البوست كنت حريص انو ( الحكاية ما تبقى "انحنا وانتو"). لاننا (انحنا وانتو، كلنا في الهواء سو). لكن شايف الحكاية مشت في منحى آخر ( انا وانت .. والغائب ايضاً )

الحكاية شنو، تكميم أفواه؟ كلٌ يكتب وفق ما يريد ويرى. وليس هنالك من يمتلك الحق في توجيه الناس في أي منحىً يكتبون.
وروح وصاية أيضاً: "منذ بداية البوست كنت حريص". يبدو إنك نسيت إنه البوست له مفترع وله مشاركون، أنت فقط واحد منهم. اختيار العبارات ضروري.

صورة العضو الرمزية
الوليد يوسف
مشاركات: 1854
اشترك في: الأربعاء مايو 11, 2005 12:25 am
مكان: برلين المانيا

مشاركة بواسطة الوليد يوسف »

وحات خوتك يا صلاح حسن انا تمترست خلف كل الفنون من مدخل وبوابة الموسيقى، الصنعة البعتقد انني أجيدها. لكن ختمت عبارتي بكل الفنون متن والكتابة هامش له للتأكيد. وانا ما زلت متابع الخيط ولو لقيت لي فرقة أضيف فيها ما يفيد سأفعل .

تحياتي
السايقه واصله
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

سلام صلاح وشكرا على مساهمتك النيرة والتى اضافت الطكثير وتثير مزيد من الاسئلة

كتبت البوست ولم يخطر ببالى افتراض تحوله لمقال هى بضعة اسطر
افضل كتابة البوستات المختصرة لطبيعية الكتابة التفاعلية فى مواقع التواصل
فسرعة وسهولة الكتابة والمداخلة تفتح مجالا واسعا للتفاكر والمثاقفة

فالبوست نواة يمكن ان تخضر وتزهر وتثمر اذا ما احاطتها رعاية السقيا بالمساهمات والافكار

حاشا تحنيط البوب
محمد صديق اعرفه جيدا بعد ان تجاورنا فى السكن لسنوات مفكر ومثقف وانسان فى غاية التهذيب
عندما تسال محمد عن موضوع يحدثك عنه بكل تواضع حتى يصدق عليه قول الشاعر
كأنك تعطيه ما جئت تطلبه
اذكر فى ذات افتهانة قات وفى بهاء الساعة السليمانية امتعنا بوب فى عام 1996 بورقة نقدية عميقة عن روايات ميلان كونديرا فى منزلنا بتعز اليمن
لله دره الفتى

الوليد رجاء مواصلة مساهمتك من زاوية اهل الموسيقى
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

نفيا لكسل التشكيايين القمنى العزيز تاج السر الملك حجرا
وافادنى بانه قام بطباعة 5 كتب بجهده وماله الخاص
اها خشمى عندى تانى عن موضوع الكسل
صورة العضو الرمزية
تاج السر الملك
مشاركات: 823
اشترك في: السبت أغسطس 12, 2006 10:12 pm
مكان: Alexandria , VA, USA
اتصال:

مشاركة بواسطة تاج السر الملك »

سلام للجميع
لم استطع رفع صور الاغلفة يا اخي العزيز محمد سيد أحمد
فقد أحالني الويندوز إلى صفحة حمراء حذرني بأنها غير آمنة
فآثرت السلامة على نصب الطريق، وقطاع الظرق الاسفيرية،أما عن نفسي فقد أخرجت للوجود، الاسفار الآتي ذكرها:
الأحمسة
الدغمسة
الهلوسة
نخلة لا تنبت والابنوس ( وقد زينته رسومات الأستاذ حسن موسى والغلاف من صنع المرضي وآحرون)
وأخيرا رواية
أفق الأرجوان. وأعمل حالياً على اخراج كتاب أنثولوجي الصورة الشخصية السودانية والذي بدأ
كخيط في هذه الموقع الثري....
هل قصرنا معك؟
تحيات للجميع
تاج السر
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

تب ما قصرتا يا تاج الفنان
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

ضمير الغائب

مشاركة بواسطة صلاح حسن عبد الله »

كتبت نجاة محمد علي:
اقتباس
بولا أصبح "الغائب" يا صلاح؟ قليل من الوقوف أمام حضوره رغم غيابه الفيزيائي يلزم.

ولكن ما نعرفه هو انَّ اللغة، اياً كانت، ففيها دائماً ما هو متعارف عليه من الضمائر، "انا" ضمير المتكلم؛ و"انت" ضمير المخاطب؛ و"هو" ضمير الغائب. ولما اخاطبك انت يا نجاة، في الحالة دي بكون محمد سيد احمد او الوليد او اي زول تاني من المتداخلين أو غير المتداخلين، بكون هو (الغائب)، والغياب هنا ما معناها "الرحيل الفيزيائي"، و"الغائب" ما معناها الراحل عن الدنيا، هو الغائب في المخاطبة. "والمعذرة لهذا المنحى التعليمي الفظ" كما يقول عبد الله بولا ضمن تعريفه لهوية الانسان الممتاز. فقط أرجو الا ينسب لي ما لم اقله.

وكتبت ايضاً

اقتباس:
لحكاية شنو، تكميم أفواه؟ كلٌ يكتب وفق ما يريد ويرى. وليس هنالك من يمتلك الحق في توجيه الناس في أي منحىً يكتبون.
وروح وصاية أيضاً: "منذ بداية البوست كنت حريص". يبدو إنك نسيت إنه البوست له مفترع وله مشاركون، أنت فقط واحد منهم. اختيار العبارات ضروري.
فده كلام شنو ده يا نجاة ؟ منو العايز يكمم افواه الناس؟
و بعدين كلام الزعل والكلام القوي ده واتهام الناس بتكميم افواه الاخرين والوصاية عليهم، الجابو شنو؟
كدي انت اول حاجة اسالي نفسك منو الكمم فم ( صلاح حسن ) في تدشين كتاب "بداية مشهد مصرع الانسان الممتاز" و منو المارس عليه الوصاية بشكل غليظ و منعو من انو يكون ضمن المنصة اللي قدمت تدشين الكتاب باتحاد الكتاب. وفي اليوم داك ، وبعد منعي، آثرت اني اخد موقعي ضمن الحضور واقول كلامي ضمن الفرص اللي فتحت للحضور. عقب التدشين، واحد من المشاركين في المنصة علق على التدشين وسأل ( ليه كلام زي كلام صلاح حسن ده ما يكون ضمن المنصة ؟) لكنه طبعاً هو ما كان عارف انو نجاة محمد على اصدرت اوامرها من باريس بمنع ( صلاح حسن و معاهو كمان محمد عبد الرحمن ابو سبيب) من المنصة، لسبب بتعرفيهو انت براك، و لحدي هسي انا ما سألتك عنو.
انت بتوصيني بضرورة "اختيار العبارات" فهل اخترت انت العبارة الضرورية يوم ان اصدرت قرارك الصريح بمنعي من المشاركة في منصة تدشين كتاب بداية مشهد مصرع الانسان الممتاز؟
واذا كنت بتفتكري انو( كلٌ يكتب وفق ما يريد ويرى. وليس هنالك من يمتلك الحق في توجيه الناس في أي منحىً يكتبون). فانا ذاتي بكتب وفق ما اريد و ما ارى.وما عندك حق في توجيهي في اي منحى أكتب.
وعلى كل حال في البوست ده، أنا ما سعيت لتكميم افواه الناس. كل المسألة و ما فيها، إني كنت و مازلت وبالصوت العالي، حريص داخل البوست ده على موضوع واحد ومحدد؛ شح الكتاب التشكيلي في علاقته باشكاليات النشر. فاذا وجدت ذلك داخل البوست فاهلاً وسهلاً، وبالعدم فلا حاجة لي بالبوست جملة وتفصيلاً. و ليس لاحد أنْ يلزمني باي شيء آخر . وانا ما الزمت اي زول بأي حاجة. و بالمقابل، ومرة أخرى، فليس لاحد ان يحدد لي ما يجب أن أحرص عليه وما لا يجب أن أحرص عليه. اما إذا كان في زول تاني عنده من الحرص ما يكفي لأي شيء تاني فهو مخير. وبنفس القدر فانا برضي مخير ان اشاركه حرصه او لا أشاركه.
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

وحات خوتك

مشاركة بواسطة صلاح حسن عبد الله »

كتب الوليد يوسف
اقتباس:
(وحاتك خوتك يا صلاح .. الخ ).
فياوليد أ كان حلفتك بخوتي ليك ولا كان طلعت القمرة وجيت ولا قعدت فيها قبلك، فانا مصدقك بدون حليفة. لكن كلامي معاك كان كلام العشم فمن احسن فيه الظن. فمحمد سيد احمد فتح لينا باب ما معروف حيتسد متين ولا كيف، ولا الحيدخلو منو تاني . و كلامك انو (الفنون متن والكتابة هامش له)، واقع لي. فبين التشكيل والشعر والموسيقى والغناء والادب وكل اجناس الفنون، هنالك نهر، من شرب منه، فحيلقى نفسه بين شواطىء متداخلة وبلا نهايات. و رغماً عن انتقاء محمد سيد احمد للتشكيليين في العتب عليهم بالشح في الاهتمام بنشر (الكتاب ) ألا أنَّ جذر المشكلة بين مختلف مجالات المعرفة في السودان واحد. فمحمد سيد أحمد عرض لاربعين عنواناً صدرت عن المسرح خلال العام الذي قدم فيه دراسته مقارنة، بما لا علم به، من إصدارات (الكتاب التشكيلي) خلال نفس الفترة موضوع البحث، وبما لا علم لنا به من الاصدارات في المجالات الاخرى الشبيهة؛ يعني المقارنة مقارنة انطباعية. واياً كان فهل الأربعين عنوان في المسرح كفاية؟ وفي نفس الوقت فلا علم لما حتى آلأن بمحتوى الاصدارات نفسها. هل غطت كل مجالات المسرح؟ وهل اوفت المجالات التي غطتها حقها؟ ونفس الأسئلة لا محالة ستتمدد الى خارج التشكيل والمسرح مع تفاوت درجات الاشكالية في كل.
الحلول التي تنتظر جبهة التشكيل ليست معزولة عما عداها. فمشكلة (البحث) ومشكلة (النشر) في السودان هي مشكلة الكل بلا إستثناء. في السودان يوجد اليوم مركز قومي واحد للبحوث، يعمل في مجال ابحاث الاعشاب الطبية والنباتات العطرية. واذا سالت عن حال هذا المركز وما توفر له من امكانات، فحاله يغني عن سؤاله مقارنة بما وفرته دولة الكيزان لمركز البحوث والدراسات بديوان الزكاة على سبيل المثال.
الجامعات الكتيرة اللي انتشرت مع (ثورة التعليم العالي الانقاذية) كان من الممكن انها تكون مراكز للبحث، ولكن اصابها من الخراب ما اصاب بقية مناحي الحياة في السودان على يد الانقاذ. و لك ان تتخيل أنَّ الجامعات في السودان قد إستحدثت هذا العام درجة الدبلوم التأهيلي ، بعد الكلاريوس، للطلاب الراغبين في الحصول على الماجستير. بمعنى انو الجامعات نفسها قد أقرت أنَّ درجة البكلاريوس لم تعد مؤهلاً كافياً للاتحاق بدراسات الماجستير، بعد أنْ تحول التعليم الى واحد من مجالات الاستثمار الكبير في السودان بصرف النظرعن القيمة المعرفية.
دور النشر في السودان تكاد تحسب بالكاد على اصابع اليد الواحدة، كما يقول المثل المتداول. فها هو حال النشر في السودان. لاحظ انّ محمد سيد أحمد يتكلم عن ثلاثين عنوان صدرت عن المسرح (ففى ما بين عام 2018 و2019 صدر ما يزيد عن 30 كتاب توثيقى فى المسرح السودانى بمساعدة من الهيئة العربية للمسرح كاكبر عدد من الاصدارات تطبع فى الخارج لكتب سودانية) . فهو يتكلم عن كتب صدرت خارج السودان وبمساعدة من الهيئة العربية للمسرح. واشكالية النشر خارج السودان دائما هي انَّ " المنشور" لا يتم توزيعه داخل السودان، الامر اللي بيحرم جزء كبير من القطاع الحيوي العامل في المجال المعين من الاطلاع على ما نشر.
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

خشمي عندي

مشاركة بواسطة صلاح حسن عبد الله »

كتب محمد سيد احمد :
اده خشمي تاني عندي من موضوع الكسل.
يا محمد سيد احمد (فتح الخشم ) هين. لكن المشكلة في سده. وسيك سيك معلق فيك. صحي المشكلة ما كسل. وطالما اتفقنا انو المشكلة ما (كسل)، يبقى نمشي خطوة لقدام من حيث الاتفاق اللي وصلنا ليهو.
أعتقد انو في ظرف موضوعي ، نتج عنه ما لاحظته انت وعبرت عنه بكلامك عن" شح الكتاب التشكيلي وندرته". وافتكر انها ملاحظة صائبة، وجات في وقت مناسب. وطبعاً ممكن تقول ( الخلى الوقت يبقى مناسب شنو؟ ودي بجيك راجع ليها) لكن المهم الآن انو الملاحظة دي ممكن تتمدد وتشمل مجلات تانية مجالات المعرفة. وإذا كان (الكسل) ماهو السبب، يكون السبب شنو؟ وهل من سبيل لتجاوزه؟ وكيف؟
كلنا مسؤول يا محمد سيد أحمد في البحث عن الاجابة، وطالما انت فتحت البوست فما حتكون معفي من البحث مع الآخرين.
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

يا صلاح حسن عبد الله

ما عندي والله وقت لكلام القوالات. عندك مصدر قوله عديل. ولا لكلام المطاعنة من شاكلة: "لسبب بتعرفيهو انت براك، و لحدي هسي انا ما سألتك عنو".
طيب تحلى بالشجاعة وكلمني عنه هنا قدام الناس وخليني أنا لي روحي أعرفه.
بصفتي محررة للكتاب وكاتبة التقديم له*، فمن المشروع أن اقترح على المنظمين في وضوح كامل إضافة من أراه مناسباً لإضافته لمن اختاروهم هم من جانبهم: د. محمد عبد الرحمن
والسر السيد كمدير للندوة. فاقترحت من جانبي إضافة د. هشام عمر النور. ولا يستطيع أحد أن يطعن في اختياري.
وحينما شاوروني في اختيار من يبتدر النقاش (وفق التقليد المتبع لديهم)، اخترت فتح الرحمن باردوس. عندك اعتراض عليهما؟
بعدين أول مرة أسمع زول يقول بنفسه إنه حاول فرض نفسه على منصة ندوة معلن عنها قبل أكثر من أسبوع، عندها منظمين وتم اختيار المتحدثين الرئيسيين لها قبل مدة. معقولة؟!!!
لست ملزمة على أن أقدم لك هذا التوضيح، ولكن من حقي أن أنفض عن نفسي غبار الحديث الذي لا يلزم.
وأعرف أن بيني وأبو سبيب من الود والاحترام ما يرفع تعاملنا معاً عن هذا المستوى الذي أربأ بنفسي عن النزول إليه.
أما هذا الإكثار في استخدامك لعبارات لبولا للهجوم عليّ (أو قل لمطاعنتي)، فليس غير لائق فقط، وإنما يكشف عن غبن عجيب لا يليق أن تكشف عنه بهذه الصورة.

* وكمان صممت البوستر/ الدعوة للندوة.


صورة

.
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

سلام صلاح
مداخلاتك تثرى موضوع البوست
عندما قارنت ما صدر من كتب فى مجال المسرح مع ماصدر فى مجالات الفنون الاخرى
المعلوم لدى بصورة اكيدة هى كتب المسرح وكتب التشكيل من متابعتى وقراءاتى لما يصدر من كتب وما يعضد مقارنتى قولك عن شح الاصدار التشكيلى
بالمناسبة كتب المسرح التى قراتها واحصيتها هى فقط ما صدر من الهيئة العربية للمسرح وهناك بالتاكيد كتب صدرت من دور نشر اخرى مثال كتاب ابوطالب حفريات نقدية وكتاب اليسع عن تاريخ المسرح السودانى
احاول ان اسهم مع الجميع فى التفاكر حول قضية النشر
وضعت فرضية الكسل وتراجعت عنها
المطابع ووسائل النشر يمكن ان تكون عائق رغما عن ملاحظة زيادة النشر فى مجال الرواية السودانية
لابد من التوقف عند دور وسائل التواصل التى تحفل بالعديد من الكتابات الجيدة الموثقة الكترونيا والتى يمكن ان تصدر فى كتب مثال كتابات بولا وحسن موسى وتاج السر الملك وعماد عبد الله فى المواقع الالكترونية وهى فى حرز مكين
تجربة تاج السر الملك جديرة بالاحتفاء فعلى نفقته وبجهد شخصى اصدر 5 كتب
فى سبيل الافتراض اعتقد ان زيادة النشر فى مجال المسرح من اسبابه حصول عدد كبير من المسرحيين على شهادات الدكتوارة ومن ثم طباعة البحث فى كتاب او اصدار كتب باسم الدكتور فلان
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

بوب

مشاركة بواسطة محمد سيد أحمد »

اعادنى حوار عميق للمفكر محمد عبد الرحمن بوب
فى قناة سودانية24 امس
للكتابة فى البوست

طرح محمد العديد من الافكار النيرة والجديدة
استوقفتنى اجابته على سؤال علاقة التشكليين السودانيين بالنقد والتنظير
فقال
كلية الفنون اسسها المستعمر لتخريج مدرسين وخطاطين ومصممين لذا لم يكن هناك اهتمام بتدريس الجوانب النظرية
ولتغطية هذا النقص بادر مجموعة من التشكليين فى السبعينات بالكتابة فى الملاحق الثقافية ونظروا للتشكيل السودانى ونحن تلاميذ لهم
وذكر على سبيل المثال بولا وابوسبيب وحسن موسى وصلاح حسن عبد الله
اجابة محمد صححت لى فكرتى الخاطئة عن دور كلية الفنون فى تميز كتابات التشكليين ...باين الكتابة دى جابوها كفاحا وقلع ضراع
واشار على انشاء قسم فى كلية الفنون بجامعة النيلين باسم النقد والدراسات الانسانية
يستعيين بكتاب بولا الذى صدر مؤخرا وكتاب لحسن موسى من دار مدارات كمراجع للتدريس

اسمتعت جدا بالحوار والشابة المذيعة كانت فى قامة المحاور
االحوار امتد لموضوعات اخرى خارج اطار البوست لذا سوف افرد لها بوستا فى سودانيز
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

تلفزيون

مشاركة بواسطة محمد سيد أحمد »

اليوم فى تمام الساعة التاسعة بتوقيت السودان
الجزء الثانى من حوار محمد بعنوان نقد الحداثة
تحاوره المذيعة المثقفة مشاعر عبد الكريم
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

العودة

مشاركة بواسطة صلاح حسن عبد الله »

كتب محمد سيد احمد :
"اعادنى حوار عميق... الخ"
إنْ شاء الله دايماً عايد يا محمد سيد احمد. وإنْ شاء الله كلهم عايدين. وانا ذاتي إن شالله كمان عايد.
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

سلام صلاح بركة بالعودة
داير اشرق واغرب بالبوست اصلا مش بوستى ههه
فى حوار بوب الأخير عن نقد الحداثة
كثير من الاختلاف لدى مع ما طرحه
على سبيل المثال تحدث إيجابا عن جامعة أفريقيا العالمية وقال انها مثل جامعة الأزهر تسهم فى التعليم الدينى وجامعة الأزهر افتتحت فى عهد عبد الناصر وظلت دوما نصيرا لوجهة نظر السلطة وقفت اسرائيل فى عهد عبد الناصر وضدها فى عهد السادات
وجامعة أفريقيا أقامها نظام ايديولوجى اسلامى لتجنيد طلاب أفارقة وقد سبق أن صرح د حسن مكى وقال لدينا وجود سياسى كبير فى افريقيا وذلك بتاثير طلاب جامعة أفريقيا وقد صدق فجماعات بكوحرام وغيرها جندت طلاب وقادة تخرجوا من جامعة أفريقيا...ولم يتطرق بوب لمناهج الجامعة ماذا تدرس وما المحتوى ومن هم كوادر التدريس ومن هم أعضاء مجلس الأمناء وما دور دول عربية اسلامية فى دعم الجامعة
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

سلام يا أخ محمد سيد أحمد.

شاهدت الحلقة الأولي من الحوار التلفازي مع الأخ محمد عبدالرحمن، عند بثها قبل أكثر من إسبوع، وكنت حريصا علي مشاهدة، و الإستماع لل
جزء الثاني من الحوار، ولكني مست إت*
ليتك تمكنت، أو ربما أي زميل آخر، يحاول أن ينزل لنا الحلقات، هنا، كاملة، حتي نستمتع بالحوار والمناقشة.
الفكر الديني ضعيف، لذا فإنه يلجأ الي العنف عندما تشتد عليه قوة المنطق، حيث لايجد منطقاً يدافع به، ومن ثم يلجأ الي العنف.( ... )
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

رد

مشاركة بواسطة محمد سيد أحمد »

سلام سنوسى

معرفتى ضعيفة بتقنيات انزال الفيديو

نطلب معونة
الحلقة بثت فى قناة سودانية 24 والبرنامج بعنوان عن قرب تقديم مشاعر عبد الكريم

انا حريص على نزول الحلقات
اعجبت جدا بالحوار فى الحلقة الاولى
وتحول الاعجاب الى اسئلة واستفهامات واختلاف كبير مع افكار بوب فى الحلقة الثانية
محمد سيد أحمد
مشاركات: 693
اشترك في: الاثنين مايو 09, 2005 8:21 pm
مكان: الشارقة

Re: رد

مشاركة بواسطة محمد سيد أحمد »

محمد سيد أحمد كتب:سلام سنوسى

معرفتى ضعيفة بتقنيات انزال الفيديو

نطلب معونة
الحلقة بثت فى قناة سودانية 24 والبرنامج بعنوان من مسا فة اقرب تقديم مشاعر عبد الكريم

انا حريص على نزول الحلقات
اعجبت جدا بالحوار فى الحلقة الاولى
وتحول الاعجاب الى اسئلة واستفهامات واختلاف كبير مع افكار بوب فى الحلقة الثانية
صلاح حسن عبد الله
مشاركات: 212
اشترك في: الثلاثاء مايو 10, 2005 11:40 am

البوست بوستك

مشاركة بواسطة صلاح حسن عبد الله »

سلام يا محمد، ومرحب عودة عادل السنوسي، وعقبال الباقين يجوا عايدين
كتب محمد سيد احمد:
داير اشرق واغرب بالبوست اصلا مش بوستى
وصحي يا محمد سيد احمد البوست بوستك. لكن خلي بالك، البوست ده وراه مرفعين كبير. وكان داير المرفعين ذاتو من هسي اعتبره تبعك. بس امسك فيهو شديد. وكان غلبك انا ممكن اكون واحد من (المساعدين). بس انت امسك شديد.
وبعدين يا اخي الفونت ده كبره شوية
أضف رد جديد