وثائق البداية،عشاري أحمد محمود

Forum Démocratique
- Democratic Forum
أضف رد جديد
حسن موسى
مشاركات: 3621
اشترك في: الجمعة مايو 06, 2005 5:29 pm

وثائق البداية،عشاري أحمد محمود

مشاركة بواسطة حسن موسى »



وثائق البداية
https://albidaaya.org
عشاري أحمد محمود خليل
النص المكتوب من خطاب حميدتي
 أمام ضباطه وجنوده في قطاع قري

السودان#حميدتي
العنوان في يوتيوب: تسجيل صوتي الفريق حميدتي لا أتشرف بوجودي في المجلس السيادي
https://www.youtube.com/watch?v=K2rFYvfShtc
·       تاريخ النشر في اليوتيوب: 16 نوفمبر 2019
·       2250 كلمة تقريبا، مدة التسجيل الصوتي 18 دقيقة و16 ثانية.
·       اقرأ النص المكتوب مع متابعة التسجيل الصوتي، ثم ادرس النص.
·       العناوين الجانبية مضافة لتسهيل متابعة التسجيل
·       تابع تسجيلي الصوتي عن خطاب حميدتي، والمقال التأويلي.
المحتويات
1______________ السلامة من بَرة ... ومن الهروب_ 5
2______________________ أنا ... زعلان منكم إتو ديل_ 5
3______________ نمسك قريشاتكو دي، نْقَطِّعا_ 6
4______________ تهربوا؟ الداير يهرب يِهرب  ... 7
5 تاني، نَكرر الخطأ، ندرِّبكم تدريب زي دا    8
6_________________ لكين برضو بنقول مافي غيادة_ 8
7__________________ خدعونا المجرمين الجابوكم_ 9
8_____ ما بتغودوا، والله تمشوا بيوتكو شت_ 10
9_________________ وينُم المية وتلتاشر ضابط؟_ 11
10 إنتوا قايلننا محتاجين؟  ولا ما محتاجين ليكم. إنتو المحتاجين لينا. 12
11_______________________ ما داير شماسة ... صعاليك_ 13
12_________________ القصر ليكم شنو؟ التدريب ... 14
13_______________ البصلة البِتْعفن الشوَّال_ 15
14_________________________ ما ممكن تخدعونا يا خي_ 16
15_____________________________________ القوة دي كبرت_ 17
16_________________________________________ قوات خاصة؟_ 17
17________ دايرين تلموها هنا وهنا، مش كدة؟_ 19
18_______________________________ الغُوَّة دي كبرت_ 20
19____________________________________ تاني تخذلونا؟_ 21
20______________________ لكن عندنا إجراءات حتتم_ 21
21 أنا والله مجلسم السيادي دا ما بتشرف بي    22
22__________________ كل دقيقة وثانية زعلي بزيد_ 23
23_____________________________ قبيل مش تَرشُوا...؟_ 24
24_____________________________________ أمرنا لي الله_ 25
25___________________ بي الباب .. بدل بقى زي البت_ 25
26_____________________________________ في أرشيف كامل_ 26
27_____ أي زول ... بنعرفو قاعد وين وساكن وين_ 27
28____________________________ أنحن الآن مستهدفين_ 27
29_________________________________ لازم نعرف ناسنا_ 28
30_________________________ حقنا نحن برضو حناخدو_ 29
31_____ هناك إتَّ عندك سقافتك. لكن هنا شين_ 30
32_____________________________________________ النضافة_ 31
33__________ عندك أربعة شهور دي لازم تكملها_ 34
34____________________________________ حكاية التربية_ 36
35___________________ أرضي ربنا، عشان يرضى عنك_ 37
36 لولا غُوَّتْنَا دي ... والله كان شَنقُونا ضَحَا    39
 
 
1            السلامة من بَرة ... ومن الهروب
1.1         سيدنا محمد
سريع يا إخوانا، الزَّمَنْ الزمن يا جماعة، الزمن ما وكت صلاة، الزَّمَنْ.
طيب يا خوانا،
بسم الله الرحمن الرحيم. الصلاة والسلام على أشرف المرسلين. سيدنا محمد وعلى آله وصحبه وسلم.
غايد،  الغط .. غايد قطاع قـ ... قري، وضباط، وضباط صف،  وجنود.
كل الحضور، سلام عليكم ورحمة الله وبركاتو.
[والسلام عليكم ورحمة الله وبركاتو].
1.2         من برة ... ومن الهروب
أول حاجة نحن نقول ليكم حمد الله على السلامة من برة، وحمد على السلامة من الهروب برضو، [ضحك]. والحمد لله الاتْقابَلنا.
2            أنا ... زعلان منكم إتو ديل
وأنا والله أكتَر ناسْ في الدعم السريع زعلان منكم إتُّو ديل.
أكتر ناس، أنا زعلان منكم إتُّو القاعدين ديل.
2.1         الدلع الدلعناكم
لأن الدَّلَع الدَّلعناكم لي، ما دلعناهو لأي زول.
اخترناكم بعناية.
قبل ما تتخرجوا ، سفرناكم لاستحقا ق ما حقكم.
بَعد جيتوا ، وثقنا فيكم، خليناكم مشيتوا.
3            نمسك قريشاتكو دي، نْقَطِّعا
3.1         ما ممكن ... نطلع زيتكم ...؟
ما ممكن نتعامل معاكو زي الآخرين؟
ما ممكن؟
نمسك قريشاتكو دي، نْقَطِّعا؟
نديكم ليها بمية وميتين؟
نطلع زيتكم بيها، ما ممكن؟
3.2         قلنا عندكم قيمة .. كرامة
لكين لأ،
قُلنا عندكم قيمة
قلنا عندكم كرامة
قلنا عندكم وطنية
قلنا عندكم قضية.
4            تهربوا؟ الداير يهرب يِهرب  ...
[مفتاح]
تهربوا؟
4.1         الداير يهرب
الداير يهرب يِهرب، في ستين.
4.2         الداير يحولوه
والداير يمشي يْحَوِّلو ما يْحَوِّلو.
يفوت عديل.
الداير يْحَوِّلو دا طبعا، عشان يِقَنِّنَا.
دا عندو فهم،
عشان حَقُّو ما يروح.
مش كدا؟
ولا حاجة تانية؟
ولا شان حاجة تانية؟
[تغليق]
عندكم قيمة؟
5            تاني، نَكرر الخطأ، ندرِّبكم تدريب زي دا
[افتتاح]
تاني، نَكرر الخطأ، ندرِّبكم تدريب زي دا.
5.1         دا بالدولار
إنتو عارفين التدريب دا الواحد فِيكُو بْكَلِّفْ كم؟
التدريب الهَسِّي قاعدين تِتدربوا دا، أربعتاشر يوم دا،
عارفين الواحد بْكَلِّفْ الواحد كم؟
أنا ما عارف، عندو مصلحة، ولا ما عندو مصلحة.
دا بالدولار.
5.2         أيَّ زول داير يِهرب يهرب
برضو ما عندكم قيمة.
تهرُبوا؟
أيَّ زول داير يِهرب يهرب،
إن شاء الله بركة كل شهر يقطع بحر.
6            لكين برضو بنقول مافي غيادة
لكين برضو بنقول مافي غيادة.
هنا، ما في غيادة.
لو في غيادة، ما كان الناس ديل هربوا.
لو كان في غيادة، ما كان الناس ديل هربوا.
كان ملوا ليهم برنامجُم.
7            خدعونا المجرمين الجابوكم
[فتحة]
والله أقول ليكم كلام.
والله،
7.1         نتشرف بالموجودين في الخرتوم
نحن نتشرف بالناس المعانا في الخرتوم،
ونتشرف بالناس الآن موجودين في الخرتوم،
ليهم هداشر واتناشر شهر،
وأمس مشينا خاطبناهم،
قلنا ليهم يا جماعة تمشوا، لكين عندكم مشن معين، تعملو،
قالوا ما دايرين نمشوا ذاتو.
...
7.2         الخدعة ما منكم إتو
كدة نحن اتغشينا فيكم إتو،
وخدعونا الناس الجابوكم.
الخدعة ما منكم إتو، الخدعة في الناس الجابوكم.
المجرمين الجابوكم.
8            ما بتغودوا، والله تمشوا بيوتكو شت
[فتحة]
وأنا شايف الضباط القاعدين ديل كلهم حرس حدود.
شوفوا:
أنا داير أقول ليكم كلام:
8.1         أي زول جايينا هنا مترمي
والله دايرين تغودا، دا امتحان بالنسبة ليكم،
غيادة حقيقية تغودوا،
ما بتغودوا، والله تمشوا بيوتكو شت.
ما في لعب في الموضوع دا.
[تهليل]
أي زول جايينا هنا مترمي، داير هو عندو أجندة، يمشي يشوف أجندتو برة.
9            وينُم المية وتلتاشر ضابط؟
9.1         وين المية وتلاتين؟
مية، وين المية وكم ضابط الهسي قلتوهم قبيل يا عثمان؟
قلتوا مية وتلتاشر ضابط،
وينم المية وتلتاشر ضابط؟
وينم يا مامون المية وتلتاشر ضابط الرفعتو؟
وينم يا عنكوليب ضباطك؟
وين المية وتلاتين؟
مية وتلت ... مية، وينم؟
9.2         هسي تعد لَي الضباط ديل
دي هسي مية واتناشر؟
هسي أطلعهم لي نمرة كاملة أعد مية واتناشر؟
هسي تعد لَي الضباط ديل يا عثمان ...
 [كواريك]
طلع ضباطك ديل عدوهم لي عشان ضباطك التحت،
نادي لي ضباطك ديل.
...
أمنع الكلام يا زول.
10      إنتوا قايلننا محتاجين؟  ولا ما محتاجين ليكم. إنتو المحتاجين لينا.
[فتحة]
هوي:
10.1    أركبوا شارعكم
دايرين تشتغلوا، اشتغلوا شغل رِجال.
دايرين ناس، جايين لمصالح، ناس ساكت، أركبوا شارعكم.
10.2    إنتو المحتاجين لينا
ولا محتاجين ليكم.
إنتوا قايلننا محتاجين؟
والله ما محتاجين ليكم.
إنتو المحتاجين لينا.
محتاجين ليكم في شنو؟
11      ما داير شماسة ... صعاليك
11.1    آلاف ... رجال
قوة دي آلاف.
قوة دي فيها رِجال.
الآن القضية الحمد لله، من مية وشوية بطلعوا رجال قضية.
11.2    أنا ما داير ليْ صعاليك.
أنا ما داير ناس كتار زاتو.
أنا داير ناس قضية،
ما داير لي شماشة ياخي.
أنا ما داير ليْ صعاليك.
أنا بجند أولاد أولاد ناس.
أنا بجند أولاد أسر.
أنا ما بجند لي شماشة يكونوا خصما علي.
11.3    أنحن نشطبك
وحتتفرتنوا بعد دا.
بعد دا، شفتوا؟
بعد دا حتتراجعوا.
نحن برانا بنقول ما دايرين، خليك إتَّ التقول تهرب.
حنجي نفرتنك انت دا زاتك.
أنحن نشطبك.
خليك إتَّ التَّهرُب.
12      القصر ليكم شنو؟ التدريب ...
12.1    الله
مش تخافوا الله.
ما تخافوا ألله ياخي.
قصَّرنا فيكم شنو؟
القصر ليكم شنو؟
12.2    شهادة ... ما بتحلم بيها
التدريب البتددربو دا أنحن يا خي مانا لاقنو.
الناس الحارسننا في بيوتنا ما هم لاقنو.
الحارسننا في بيوتنا ما لاقين التدريب الإتوا اتدربتوا دا
ياخي دي شهادة يدوك ليها تمشي بيها أمريكا تشغتل بيها ياخي. آ
ما بتحلم بيها زاتك.
نسوي ليكم شنو أكتر من دا؟
13      البصلة البِتْعفن الشوَّال
13.1    الغوة دي ...
أنا أسبوعيا معاكم هنا. [الله أكبر]
شوفوا:
الغوة دي مقمسة ستماية،
ما بتنقص منها واحد.
الغوة دي ستم ... اتقس.. اتوزعت ستميات، ستميات في حتتا دي.
وقع ليك الكلام دا؟
الغوة دي، عندها مِشن معين.
عندها زمن معين.
عندكم فترة.
13.2    مشغولين في اليمن ... مشغولين برة
الدعم السريع معروف،
قبيل نحن مشغولين في اليمن، مشغولين برة، مشغولين ... ...
الآن القوات اتخفدت.
13.3    بالذات المجموعة دي ...
لكن ما حتصِلوا ...
بطريقتكم الماشة دي،
صحي، ما كل الناس واحد.
لكن دي ما طريقة.
بالذات المجموعة دي،
القوة دي،
البصلة البِتْعفن الشوَّال.
14      ما ممكن تخدعونا يا خي
14.1    قبائل كاملة ما جات
وفي ناس أنا عارفهم.
ما كان إتُّوا قبائل إتو.
في قبائل كاملة ما جات.
14.2    نسَمعا عضمه بأضانه دي
والله الزول نسَمعا عضمه بأضانه دي.
عضمه كدي نسمعا لي عضمة أضانا دي، والله، والله ...
[الله أكبر]
ما في لعب في الموضوع دا.
ما ممكن تخدعونا يا خي.
15      القوة دي كبرت
شوفوا:
الآن، في ترتيب.
في ترتيبكو.
إتو ما براكم.
القوة دي كبرت.
القوة دي معروفة.
ات جيت الآن،
في ناس قاعدين ليهم حداشر شهر.
ما غاب منهم ولا زول.
اتناشر شهر، ما غاب منهم وما زول.
16      قوات خاصة؟
16.1    إتُّو ديل ياتُم ناس؟
دايرين شنو إتُّو؟
إتُّو ديل ياتُم ناس؟
قوات خاصة؟
ابداً.
ما حتكونوا قوات خاصة بطريقتكتو دي.
ما حتكونوا قوات خاصة.
16.2    نحن إذن ما بنستفيد من الدرس
والله نراجع موضوعنا دا.
يا خي بعد ما خذلتونا، تاني اديناكو التدريب دا.
التدريب دا تاني أديناكن لي إتُّو.
بعد خذلتونا.
...
نحن إذن ما بنستفيد من الدرس.
16.3    عندنا إجراءات حنعملا
نحن السبت الجاي، صرف مرتباتكم.
حنكون حاضرين.
السبت الجاي، حيكون صرف مرتباتكم.
حصرتوا ولا ما حصرتو؟
[حصرنا]
السبت الجاي حيكون صرف مرتباتكم،
حنكون حاضرين.
عندنا إجراءات حنعملا.
[تغليق]
والفرصة دي،  أنحن حنشتغل بيكم إتو ديل.
نعرفكم إتو دي زاتو ياتو.
17      دايرين تلموها هنا وهنا، مش كدة؟
[فتحة]
يا خي،
جر   ... ج ... ... حمَلة وجرَّها ما بتاكل شعير.
17.1    دايرين شغل حرس الحدود السابقة؟
 
دايرين تلموها هنا وهنا، مش كدة؟
يعني معا غنمك هناك تسرح بيهن؟
وبقرك هناك تسرح بيهن.
وابلك دار تسرح بيهن.
ودار تصرف مرتب، مش كدة؟
دايرين شغل حرس الحدود السابقة؟
17.2    تحرم عليكو دي
تحرم عليكو دي.
والله تحرم عليكو دي.
[الله أكبر]
تلقوها بالصح.
بالدغري، حتلقوها.
18      الغُوَّة دي كبرت
18.1    ما حنقدَر نمسك الغوة دي
معروف، الغوة دي حنقدر نشغل منها كم؟
حنقدر نأكلا؟
حنقدر نشرِّبا؟
الغوة دي كبرت.
ما حنقدَر نمسك الغوة دي.
18.2    حاجة مقسمة معروفة
الغوة دي الآن معروفة،
تلاتة شهور، مقمسة على تلاتة،
جزء في التدريب،
وجزء في الشغل،
وجزء في الإذن.
حاجة مقسمة معروفة.
19      تاني تخذلونا؟
19.1    من مشكلة لمشكلة
لكين ياخي نحن من مشكلة لمشكلة.
من مشكلة لمشكلة.
يا داب بدينا نعاود نعاود نعاود أنفاسنا، يا داب.
19.2    منكم إتو ديل وقدام
منكم إتو ديل وقدام، نحن حنستمر.
[تغليق]
يا خي تخذلونا، بعد تجي بو ...
تاني تخذلونا؟
20      لكن عندنا إجراءات حتتم
أنا ما عندي كلام أقولو أكتر من كدا.
كويس؟
20.1    الحق حق
السبت الجاي كان حيين انشاء الله حنتلاقي.
تجيكم المرتبات.
وما انحنا ما عندنا مرتب بصرفوا بالباطن.
والله، أنحن، الحق دا حق.
أيَّ زول عندو مشكلة، قبل ما يجي من اليمن،  عندو توكيل، أنا طبعا اتنورت من الضباط، من الأخ مامون.
العندو توكيل، عندو مشكلة حياخد حقه.
والوكيل ما جا، عندو مشكلة في الإجراء، دا ما فيهو مشكلة.
20.2    حقنا نحن ديل ...
الغياب حقك الغياب حقك الغبتو، حقنا نحن دا، عشان تبلغ لينا وما جيت،  حنحرمك  منو.
وحندِّيك من وصول تاريخك وصولك المركز دا،
نديك مرتبك، ما بنظلمك أبدا.
لكن عندنا إجراءات حتتم.
وبحضورنا أنحن.
21      أنا والله مجلسم السيادي دا ما بتشرف بي
21.1    أنا بتشرف بالدعم السريع دا
والله أنا ما تفتكروا أني مشيت بعيد من الدعم السريع. أبداً.
أنا والله مجلسم السيادي دا ما بتشرف بي.
أنا بتشرف بالدعم السريع دا.
[تهليل]
21.2    سلطة شنو؟
أنحن قاعدين فوقو عشان البلد دي ما تفلت بس.
غير كدة ما قاعدين فوقو تاني.
نسوي بيهو شنو؟
سلطة؟
تطير.
سلطة شنو؟
أنحن والله العظيم قاعدين في السلطة دي عشان البلد دي ما تتفرتك.
[تكبير]
22      كل دقيقة وثانية زعلي بزيد
أنا ما عندي معاكم كلام أكتر من كدا.
وأنا والله زي ما أقول ليكم:
أنا الآن، بتكلم معاكم.
صحي ممكن أنفش شوية،
لكين كل دقيقة زعلي بزيد منكم.
وكل دقيقة وثانية وزعلي بزيد منكم.
22.1    الدلع
لأنو الدلع الدلعتكم لي ما دلعت لي زول غيركم.
22.2    قسم ما حلفتو
يا خي قسم ما حلفتو.
ثقة أكتر من كدا تاني في؟
[مافي]
22.3    عندكو قيمة؟
عندكو قيمة، تقول لي إتو إتو عندكو قيمة؟
قَسَم يا خي ما حلفتوه.
23      قبيل مش تَرشُوا...؟
والله الدعم السريع دا، تفتشوا بقروشكو ما تلقو،  بي قروشكو دي.
قبيل مش تَرشُوا،
وبتَدفعوا عشان تخُشُّوا الدعم السريع؟
والله الجاب المليون ونص، ولا جاب الاتنين مليار، يمكن يجيب عشرين مليار في الدعم السريع دا.
...
24      أمرنا لي الله
نحن أمرَنا ما لي زول.
أمرنا لي الله.
ونحن خزاين خزنان بيقول ... خزاينو اللي الناس ما بتعرفها.
 
والغلبو الكلام دا،
لكين أنحن دا كلامنا معاكم.
25      بي الباب .. بدل بقى زي البت
أسة الداير يشتغل حبابو مليون.
والما داير يشتغل حبابو مليار.
ما عندنا أي مشكلة.
اتفضل طوالي،
ولا تقد الحوش،
اطلع بي الباب.
ما تقد الحوش،
ما تكسر لينا السور،
تخسرنا.
لا.
 السور بنوهو بقروش.
أطلع بالباب دا،
بس سلمنا حاجاتنا العندك.
بدل تبقى زي البت، تجدع بندقيتك وتفوت.
[ختمة]
ما حرام يقولو قوات خاصة؟
آ؟
26      في أرشيف كامل
26.1    السجن
والدَّار الوَجا، حأدخلو السجن طبعا.
ما أحسن ما يجي.
وانشاء الله حيخش السجن بإذن الله.
لأنه إلا كان يطير من دارفور دي،  
ولا من السودان دي،
حنتلاقى يوم من الأيام.
...
26.2    جابوهم إدارات
ما تفتكروا،
الناس ديل جابوهم ناس.
جابوهم إدارات.
في أرشيف كامل بالموضوع دا.
27      أي زول ... بنعرفو قاعد وين وساكن وين
27.1  الناس تأخرت في المرتبات
نحن إنشاء الله، لو حيين، يوم السبت، نخلي الناس يرتبوا ليكم،
صحي، الناس تأخرت في المرتبات.
لكن اتأخرنا للحصِر.
27.2    بنعرفو قاعد وين وساكن وين
ولا في لعب في الموضوع دا تاني،
أنحن أي زول بندي مرتبنا دا، بنعرفو قاعد وين وساكن وين.
28   أنحن الآن مستهدفين
أنحن يا جماعة الآن مستهدفين.
الآن الخرطوم دي كلها الآن ..
..
أكتر عندنا أكتر من تُلتمية بلاغ ، أكتر من قريب ألف وشوية نفر، دي بِنتَحلوا صفة الدعم السريع وشغالين فينا الآن.
عشان كدا لازم نعمل حسابنا.
لازم نعمل محل خروجنا دا نعرفو.
ما نمشي ساكت.
29      لازم نعرف ناسنا
29.1    نعرف ناسنا كم
أيَّ زول، عندنا مجموعة، مثلا، المدينة الفلانية، المنطقة الفلانية،
لازم نعرف ناسنا في المحليات،
الناس ديل في المراحيل،
في المحليات،
في المدن،
في الطرق،
نعرف ناسنا كم.
29.2    محل الجريمة
لمن يقولوا الجريمة في مشينج،
نحدد ناس مشينج منو.
نقولو الجريمة في يارا، نحدد ناس يارا منو.
...
مافي كلام ساكت.
29.3    التقنية
والتقنية دي إتوا شفتوها ما خلت شيء.
30      حقنا نحن برضو حناخدو
30.1    أي زول حقو دا
فأنحنا، أو ل حاجة نقول ليكم: الحمد لله الشفناكم.
المرة التانية أنشا الله حنتلاقى يوم السبت، وبعد داك لينا إجراءات.
ويا خوانا حَق أي زول، الظلم ظلمات،
أي زول حقو دا، بياخدو على دور المليم.
30.2    حقنا نحن برضو حناخدو
لكن حقنا نحن برضو حناخدو على دور المليم، ان شاء الله.
والسلام عليكم.
[الله أكبر]
[قطع الفيديو]
31      هناك إتَّ عندك سقافتك. لكن هنا شين
31.1    في ناس بمشوا المدن جوا
طيب، أنا الملاحظات ما اتنورت فيها.
في كداميل،
في شالات،
في بلاوي،
في ناس بمشوا المدن جوا.
31.2    كدمولك
داير تمشي المدينة،
كدمولك دا لمو،
الكدمول دا، للهوا، للغبار.
هنا ما عندا سِمعة، ترا، ما سمح هنا.
هناك إت عندك سقافتك.
لكن هنا شين.
هنا منبوذ.
وقع ليك الكلام دا؟
هنا ما عندو سِمعة.
عشان تلف كدمولك وتمشي بيهو. 
أبدا، دا برخصك.
دخلها في شنطتك.
31.3    ماشي الهوا، الهناي
يوم مشيت ركبت عريبتك دي، قلت ماشي الهوا، الهناي، لفوا والبس نظارتك، هنا صح.
ولا كلامي ما صحي؟
[موافقة]
32      النضافة
32.1    الرسول قال
الحاجة التانية النضافة، النضافة قال من الإيمان، النضافة.
أكلتَ، لِم أكلك الفضَّل.
صَحنَك غسلو.
ساعد الزول البيطبخ ليك دا.
ماك أرجل منو، ولاك أخير منو، هو أخير منك،
لأن الرسول قال خير القوم خادمهم،
ولا ما كدا،؟
32.2    المَسَقَّفِين حقين الخرطوم
شرِبت ليك قارورة حقت عصير، حقت موية، وجك جدعتها،
ما إتُّو براكم، المَسَقَّفِين حقين الخرطوم الحايمين ديل مسقفين ديل، نَزَّل القزاز تررر بجدعها في الشارع.
في العالم التاني، غرامة دي.
نضِّفوا إتوا.
شيل القارورة،
وديها البرميل، خاتنو وين،
ختها فيهو.
32.3    أنا قسَّمت المعسكر دا من اسة
وقَع ليك الكلام دا؟
أنا قسَّمت المعسكر دا من اسة، قعدت معاهم قسمناه لي مربعات.
أي غائد، مثلا التوجيه،
عندو حتة معينة متر في متر، مية في مية.
مثلا يعني.
دي نضافتو، مسؤوليتو هو؟
الـ الـ  الـ  الـ  الشون الإدارية، نفس الشيئ.
المعسكر دا يتقسم، النضافة ...
32.4    الحمامات
الـ الـ  الـ  الـ  الـ  الـ  الـ  الـ  الـ  الهناي،
الحمامات، تتابعوها.
الناس ما كلها بتفهم.
في ناس ما بتفهم.
كويس؟
الحُجار، ممنوعة.
تتابعوا.
الناس البيعرفوا،
يتابعوا.
32.5    عساكر الجيش القدام ديل
ودي مسؤوليتكم أتوا الواقفين ورا ديل.
عساكر الجيش القدام ديل.
ولا ما كو معلمين؟
دي مسؤوليتكم، تتابعوا الناس ديل.
كويس؟
مسلا، تعملوا يوم الجمعة، أو يوم والسبت نضافة.
ما ممكن؟
كلنا نتساعد.
يوم السبت دا كلنا نضافة في محل ...
33      عندك أربعة شهور دي لازم تكملها
33.1    كسلا ... بورسودان
طيب،
برضو أنحن في حاجة مهمة، ما اتكلمنا فيها.
حنحدد،
حنحدد.
عندنا ناس دايرين نوديهم كسلا، نبدل بيهم مجموعات.
في ناس دايرين نوديهم بورتسودان، نحدد بيهم مجموعات.
ولاَّ نخليكم قاعدين هنا فترتكم.
33.2    أخوانك التانين جاهزين
إنت عندك فترة.
شوفوا يا خوانا،
الزول لازم عندو فترة،
عندك أربعة شهور دي لازم تكملها.
لمن الأربعة شهور دي، أخوانك التانين جاهزين.
انت بتركب شارعك طوالي.
[تهليل)
 
الدور التاني التدريب، تتوزعوا كدا.
33.3    القُوة دي ...حتتقسم
القُوة دي، هي زاتها، هي ذاتها، هي زاتا في نفسها بعد شوية حتتقسم، الستمية دي.  
ميتين في التدريب،
ميتين الخدمة،
ميتين في الإذن.
ولا تتعبوا.
33.4    أنا ما بقدر بعد شوية
عشان أنا ما بقدر بعد شوية بطلع لي سبعين عربية،
مية عربية.
أبدا، أنا داير عشرين عربية بس.
ولا ما ممكن؟
33.5    بعد شوية مافي تهديد
الآن في تهديد، الآن بطلِّع مية لأنا في تهديد،
لكن بعد شوية مافي تهديد،
بخلي عشرين، بخلي خمستاشر.
34      حكاية التربية
34.1    يكتمل اللِّبِسْ
طيب، الحاجة التانية.
برضو الآن، أنحن حنبدأ حكاية التربية.
اللِّبِسْ، يكتمل اللِّبِسْ، لأي زول لِبْس التربية.
برضو التربية.
 في الطوارئ، الناس.
34.2    لو في غادة ... كان ملوا ليكو فراغكو
لو في غادة، كان شغلوا الناس.
ملوا ليهم فراغم.
ما في غادة.
ما في غادة.
[صاح]
كان عملوا برنامج،
كان عملوا ليكم برنامج،
كان ما خلوكم مشيتوا لبحري،
ولا مشيتوا الجيلي،
ولا مشيتوا ...
ما كان خلوكم مشيتوا. 
كان ملوا ليكو فراغكو.
34.3    أي زول هارب من هنا، مسؤولية الغادة
أنحن ما بنبرئكم إتُّوا،
لأنكم إتُّوا برنامجكم قديم.
لكن برضو الغادة، بدخْلتكُم هنا، دي مسؤوليتُم هم.
أي زول هارب من هنا، مسؤولية الغادة.
ما مسؤوليتكم أتوا.
35      أرضي ربنا، عشان يرضى عنك
النضافة
فأنحنا أنا دي حبيت أضيفها ليكم، النضافة.
زي العشرة دي، تقطعوها.
النضافة، تنضفوا.
الحكاية دي تنضفوها.
تنضفوا،
تشدوا حيلكم،
تبذلوا.
35.1    أرضي ربنا
الزول يرضي ربنا.
أرضي ربنا.
أرضي ربنا، عشان يرضى عنك.
لأنك بعد شوية بتفوت بتخلي الحكاية دي.
 آ؟
والله ربنا يسألك براك،
ما تفتكر إنو دي ما مسؤولية.
والله دي مسؤولية أمام الله.
35.2    والله التلتين يوم دي تتحاسب عليهن
ومن أخد أجرة حاسبه الله بالعمل.
ولا ما قال كدا؟
أخدت أجرة على كم يوم أنت؟
على كم يوم الأجرة؟
تلاتين يوم.
والله التلتين يوم دي تتحاسب عليهن.
ولا كلامي ما صاح؟
[صاح]
36      لولا غُوَّتْنَا دي ... والله كان شَنقُونا ضَحَا
عشان كدا،
أنحن، شوف:
أنحن غُوَّتْنَا دِي، أغلى لينا من عيونا.
[الله أكبر]
صحي، الزول عيونَا ديل ما برضى بيهِن.
لكين والله، لولا غُوَّتْنَا دي، عيوننا ديل ما كانَن موجودات.
[الله أكبر]
والله كان شَنقُونا ضَحَا.
[الله أكبر]
[التغليق]
لكين ما نوع البِهربوا ديل،
الغوة الأنا بتكلم عنها.
بتكلم عن أولاد رِجال، عندهم قيمة.
...
والسلام عليكم.
 
ملاحق:
مقتطفات من خطاب حميدتي العام
·       الغرض من هذه المقتطفات اكتشاف تناقضات حميدتي وأكاذيبه، بشأن موضوعات متعددة يتحدث عنها، منها:
o   علاقة الدعم السريع بالجيش وما إذا كان الدعم السريع جزءا من القوات المسلحة.
o   الإدارة الأهلية وعلاقته بها.
o   الشباب والمسقفين.
o   وحدى الدعم السريع والانضباط
o   التجنيد في قوات الدعم السريع
o   وموضوعات أخرى.
خطاب حميدتي مع الإدارات الأهلية

 
جات الفرصة عشان نصلح البلاد..
·       [هنا، كان لدى حميدتي خطاب مكتوب،  لكنه لم يقدر على قراءته، فتركه وقال لجمهوره أنه يفضل أن يتكلم بطريقته]:
الخطاب دا يا جماعة مكتوب، ما حقي.
أحسن أمشي في كلامي يا جماعة.
التحية لنهر النيل
الشمالية دنقلا
ولاية الخرطوم
النيل الأبيض
النيل الأزرق، سنار
ولاية الجزيرة
التحية لكل الحضور
بمختلف مسمياتهم
ناس دارفور موجودين
التحية
الجمع دا جمع بتاع قيادات وجمع بتاع رموز وبتاع مثقفين
دا السودان
الرسالة دي لجمع الشمل
لمحاربة دعاة الفتنة
جميع خاص بالنسبة لي
نأكد الهدف.
 
أنحن وكت مستمرين في الصاح ما في الغلط
بنرضي ربنا وما بنرضي البرهان
أول حاجة بنرضي ربنا
من مع الرئيس المخلوع.
 
في ناس الشبر دا ما حاسبنو.
بيجي يوم بنقطع.
طيب الآن يا خوانا ثقة الشعب السوداني الفينا دي والله ما نخذلها.
نمرة اتنين، والله ما نكذب عليكم
حتى نخش القبر، والله ما نكذب.
36.1    فض الاعتصام
التانية، وأنا ما داير أتكلم فيها كتير،
لكن بقول عنها كلمة كلمتين:
فض الاعتصام
فض الاعتصام فخ ألأ ... [القناة بترت الفيديو]
والمقصود بيهو الدعم السريع.
 
وأنا عشان ما أمشي في الموضوع دا طويل،
ما أاثر على العدالة،
نخلي كلامنا بعد التحقيق.
المقصود هو كولومبيا، وشارع النيل، وكولومبيا
 فقط.
ولكن حصلت حاجات لأغراض ...
 والحمد لله المعتصمين فيهم ناس وطنيين موجودين هما بشهدوا على الشي التم. إنشاء الله
https://youtu.be/vyKu9dRmddI
 
طيب أنحن يا خوانا الآن مهمتنا أمن البلاد ونستفيد من الدروس الحولنا
نشوف الحولنا نستفيد
أخونا كافوت أوفي
نستفيد من جيرانا الحاصل في جيراننا الشنو
طلما قلنا شعب
 
نحن نجود في الناس الناس ما بجودوا فينا
الأجاويد في السدان
عندنا إدارة أهلية تاريخية مكعروفة بخحل المشكل
عندنا طرق صوفية صاحبة سجادة معروفة بحل المشمالك
عندنا أعيان مسقفين لحل المشاكل
ارجو كلنا نتجه اتجاه واحد لحل مشكلتنا
الناس دايرين يودولوها
والتدويل ما من مصلحتنا
أنحن أصلا ما مختلفين نحن ما مختلفين
أنحن الثورة المجيدة دي أنحن شركاء حقيقيين فيها
الشباب القبيل غيروا عمر البشير، أنحن شريكين معاهم شراكة حقيقيةزحكومة تكنوقراط
الرؤى مسلا حمدوك ممضوي نحن موافقين
أي زول اختاروه الناس ديل أنحن بنوافق
التكنو موافقين
الخلاف في شنو؟ي ا جماعة
الخلاف عشان نبقى واضحين.
زول دار يسن ليهو قوانين، مجلس تشريعي غير منتخب، يستأصلنا كلنا.
دا الخلاف
عشان نبقى واضحين ما نغش نفسنا غش مع بعض
أنحن الآن مشكلتنا  المجلس التشريعي الغير منتخب.
يا اخوانا  أنا ممكن أسلم روحي لحكومة منتخبة، من الشعب السوداني  اليرمي القوات المسلحة والدعم السريع  والأمن والشرطة البحر الأحمر
ما يرميهم في النيل النيل بنشرب منو اليرمينا نحن في البحر الأحمكر موافقين
 
والله العظيم الظلم الحقيقي لكين للأسف الشديد ما عنندنا إعلام الظلم الحقيقي المظلوم المجلس العسكري
أبشر
يقرأ من الورقة
 
يشرب موية
طيب أنحن نواصل في الكلمة
زي ما قلنا ما مختلفين
دا الخلاف يا خوانا دا الخلاف
تاني ما عندنا خلاف
تاني دا الخلاف تاني ما عندنا خلاف
ما عندنا خلاف
واله المجلس جاهز يسلم اليوم
جاهزين لمجلسال  الوزراء الآن
 
يا خوانا العالم دا كلو فيهوا الجكومة
الجديد شنو في السودان أنو المجلس العسكري هو الحكومة
لكين يشمل الطيف السوداني كلو
 
 
دايرين الشباب الصادقين المتعلمين العملوا الثورة
يظهروا
وأيضا أساتذة الجامعات عليهم مسؤولية
والأحزاب العريقة ما نقول
كل الأحزاب التاريخ لن يرحمهم
لازم يظهروا
ما عندنا بروتوكول
الخايفين منو ما دايرين الوصلوه الآخرين
الآن الأمن مسيطر عليهو الأن
الوضع مستقر تماما
نقعد نتفق ما نقصي حد
ما في زول ينفرد برايو براهو لا المجلس للآخرين
المجلس قبيل
قلنا دايرين يمثل الشعب السوداني بمثل الولايات والمحليت الناس ما ربضو
 
 
 
 
 
 
 
 
 
مع الإدارة الأهلية
 
نبشركم ولببع بالنسبة لفض الاعتصام والله ما ما ما نخذلكم ولا نخذل أسر الشهدا والله ولو على أنفسنا
والله الارتكب أي غلط ال [بتر الفيديو]
هي مؤامرة،
بإذن الله طالما نحن كلامنا دا لو صادقين وما عندنا  وراهو شيءK
ما عندنا خيانةK
وكلامنا دا ما كذبK
 نحن بنقول ربنا ينصرنا.
ومن يتق الله فيجعل له مخرجنا له لرقبتو من حيث لا يحتسب>
 
بإذن الله، كلنا انحن الآن شغالين بيدينا وبرجلينا، عشان نوصل الزول العمل فينا العملية دي لحبل المشنقة، بإذن الله وبالقانون.
 
أنحن والله شاكرdk ليكم جَيَّتكم 
التحيات لرئيس المجلس العسكري.
بنقل ليكم تحيات رئيس المجلس العسكري.
بنقل ليكم تحيات الرئيس والمجلس العسكري.
السيد الرئيس الآن لو ما معاهو  اجتماعات مهمة ومن برة السودان، ...
ابشروا بالخير،
أنحن قبيل وكت مستمرين،
عارفين ورانا أمم،
وعارفين ورانا كل الولايات،
وعارفين والله، ما بتخذلونا.
ونحن الآن ، أنحن الآن يا خوانا الآن،
أنحن في ناس كتار جدا،
ودي كلمة مهمة،
في ناس كتار بقولوا حميدتي ات ماخِد غُوَّتَك من الغوة.
لكن، لا والله، أنا ما خد غُوَّتي من الشعب السوداني دا.
[تهليل]
أبشِر!
 
الوصية الداير اقولها ليكم يا جماعة أخيرا،
آخر شيء يا جماعة،
الحضور جميعا يتحملوا معانا المسؤولية
يتحملوا معانا المسؤولية
الحكاية دي مش في رقبتنا أنحن،
في رقبتكم أنتوا أيضا،
تتحملوا معانا المسؤولية،
اتحملوا معانا المسؤولية.
وما دايرين الثورة دي،
ما دايرنها تنحرف،
التغيير تغيير حقيقي.
ما دايرين الثورة دي ما ديايرنها تنحرف.
دايرين الثورة دي تكون ثورة حقيقية
وطنية
همها البلد
ما همها المصالح
 
بشكر كل الدول الوقفت معانا، ا خوانا
أشقائنا أصدقانا، الوقفوا مع السودان
بنقول ليهم شكرا،
وبرضو اتأذوا من الناس
اتأذوا من بعض الناس.
لكين يعني حقهم بلقوا عند الله سبحانه وتعالى.
شكرا .
استمروا في الخط، ونحن معاكن، قلبا وقالبا,
والشعب السودان معاكم.
الشعب السوداني كلو معاكم.
السودان تكون آمنة
 
دايرين نحن دايرين نركز في الشباب،
دايرين نركز في الشباب،
 في المرأة، في الشابات،
من هنا نحيي المرأة،
أخوات نسيبة
أنحنا سندنا الحقيقي
[دزغاريد]
تتحملن مسؤوليتكن في الأحياء.
في كل فج عميق.
والله يوم يوم البلد دي بقت آمنة ومستقرة،
ما دايرين نشرب منها كباية موية.
والله ما دايرين.
نركز في الشباب
ما يغشوكم، 
والله ما عندنا مصلحة في كرسي.
أنا شخصيا،
ما بضمن الآخرين
خاصة الشباب
انصروا الثورة.
بيوتنا مفتوحة عشان نحل مشكلة البلد.
 
 
 
 
 
18 مايو
 حميدتي مع السفير السعودي والقائم الأمريكي
 
"اتوصفنا بالضعف"..
في حملة منظمة موجهة وراعياها دول
ضد الدعم السريع.
لأن الدعم السريع في ناس مفتكرين ممكن تخمو،
نقول ليهو ما بتقدر،
لكن ما بنتخم.
لأننا بنرضي ربنا،
والله ما بخلينا.
تم القبض على الجناة الضربوا الناس  يا جماعة
[تصفيق]
 والآن بعرضوهم ليكن في الإعلام.
اليوم بيتم العرض.
سجلوا اعتراف قضائي.
سجلوا.
مصورين بالكاميرا.
كان نحن بنكذب، الكاميرا ما بتكذب.
محلهم وين،
وقاعدين وين، في الجامعة.
في حاجات أنا من الأخلاق ما بقدر أقولها.
يقولوها هم.
لكين داخل الجامعة،
وداخل الحراك،
وجوا الاعتصام.
وتفاصيلهم هم يقولولوها،
اتقبضوا، واعترفوا،
والحمد لله، مسجلين بالكاميرا.
دي يا خوانا ربنا مرقنا منها!
إلا يدبروا واحدة تانية!
 
الأخوان ديل ما قصروا، رتبوا،
تقنيتهم عالية،
غلبوا الدولة،
البصيرة انسدت حقت الجماعة ديل، يوتي وينزع الملك ...
الآن بدت المطامع.
ترجع منها وترجع الديمقراطية الشورى الديمقراطية الحقيقية
أي زول عندو قريشات يشتري الناس.
نحن مسلمين، ليه نغش؟ ليه نكذب؟
دايرين انتخابات حرة نزيهة.
أنا شخصيا،
بجيبوا المراجعة الأمنية،
أخلاقو تمام،
زول عادل،
بخاف الله،
ما بكذب،
ما بغش الناس،
أرجو كلامي ما كلام سياسية.
واله صادق مية في المية.
[عارفنك]
مجلس الإدارة الأهلية
شورى القبائل.
نقابل على المجلس الأعلى للإدارة الأهلية
أحمد حسين دينار، السلطان ...
https://www.youtube.com/watch?v=vyKu9dRmddI
16 يونيو (المتحدث الرسمي باسم المجلس السيادي]
معلومات ووتش مغلوطة.
نطالب المواطنين ألا يستسلموا للإيحاءات.
تقرير أجوف.
لم يضيف معلومات.
خاضت في أمر يجب أن يتم التحفظ فيه.
أقمنا فيه لجان.
لجنة عسكرية.
لجنة من النائب العام.
الوثيقة الدستورية نصت على لجنة قومية تباشر ...
من الحكمة ألا نتحدث عن الموضوع.
اللجنة تعبر عن مطالب الشعب.
"الادعاءات والأكاذيب"
عامر محمد الحسن
ذكرت حقائق غير مهنية وغير ...
منظمة حقوقية.
إشارة لبعض القادة بالاسم أنهم تسببوا في فض الاعتصام.
الأفضل الجهات العدلية هي التي تفصل من من تسبب.
تأثير على سير العدالة.
 
بورتسودان.
حامد موسى
بتوجيه من دقلو
القوات التي وصلت بورتسودان
وصلت بورتسودان على خلفية الخلافات بين البني عامر وال
حامد موسى المتحرك قائد.
جينا فقط لاستقرار الوطن.
عبر مواطنو بورتسودان
ناس الدعم السريع بيحلو المشكل.
لولا فضل الدعم السريع
وثيقة القلد وانتشار الدعم السريع.
 
 
 
وجدي صالح: قرار عمل 278 منظمة إعفاءات
وجدي صالح الناطق الرسمي لقحت
 
 
 
 
 
37      حميدتي 18 يونيو
·      
·       أمبارح جوا كل الأحزاب جابوا رؤية، وفوضوا المجلس العسكري
·       الشباب.
·       أساتذة الجامعات.
·       دايرين شيء جماعي.
·       الإدارة الأهلية.
·       ديل كبارنا،
·       الماعندو كبير وقع لي في بير،
·       ديل كبارنا.
·       مافي برلمان،
·       مافي مجالس تشريعية، أتوا البتمثلوا البرلمان،
·       وأتوا المجالس التشريعية.
·       إتوا قبايل السودان.
·       دي حقائق مافي زول يقدر ينكرها.
·       الإدارة الأهلية،
·       فوضتوا المجلس!
·       قبلنا،
·       لكين أتوا معانا في التفويض!
·       قابلنا ...
·       أساتذة جامعات وحملناهم المسؤولية.
·       الأطباء في اليومين الجاية، وبنحملهم المسؤولية.
·       أمبارح جوا كل الأحزاب، عدا الوطني، وفوضوا المجلس.
·       الشباب القبيل غيروا عمر البشير،
·       يجوا حضور.
·       دايرين شيء جماعي.
·       "نشيل الشيلة سوا، بالنسبة للتفويض"
·       بالغانون،
·       الآن كل الأجهزة الأمنية تبعية القوات المسلحة مباشرة.
·       تشيلوا معانا الشيلة، بعد التفويض من الإدارات الأهلية.
·      
38      27 مايو؟
·       محمد سرور
·       الناظر بابكر وكيل الجعليين
·       الشرتاي آدم
·       تعليق المفاوضات
استشعروا خلاف
هم البيحلوا الخلاف من المرة وراجلها إلى أن تصل حل النزاعات.
53 ناظر
اتفقوا يقوموا بالوساطة
لم الشمل.
الوساطة تفترض الأمانة والصدق والشجاعة.
سرور رملي
الوساطة
اتصلنا بالمجلس ورحب بالوساطة،
قال انتوا كبارنا شوفوا أولادنا وجيبوهم معانا.
اتصلنا الحرية والتغيير، برضوا لقينا منهم التجاوب.
كان طلبنا العودة إلى التفاوض فتم ذلك.
ظلننا نرقب التفاوض فيه تعثر
39      9 يوليو حميدتي مع الحدث
·       ما بعد الاتفاق
·       ما الجديد؟
·       "حصل الحادث"
·       3 يونيو
·       [لا يذكر حميدتي فض الاعتصام هنا ...
·       ما العوامل التي سرعت ...]
·       البلد ماشي في انحراف البلد ماشي في هاوية.
·       ننقل البلاد لبر الأمان.
·       المجلس العسكري ما متعنت.
·       الصبر
·       دايرين ضمان يستمر.
·       بنود الاتفاق كلها مرضية للشارع.
·        
·       الحكاية دي كلها لو صدقت النوايا
·       أصلا مافي خلاف،
·       المجلس ضامن للشعب السوداني.
·       نتمنى
·       قحت وجهوا الثورة، نحن مثببتين ليهم حقهم.
·       البلد هو الهدف.
·       تم اتفاق الحمد لله،
·       أهم شيء الوضوح
·       ما تكون في أجندة.
·       ثقتنا في الناس. دايرين البيان بالعمل
·       ما في الخفاء، وتعمل شيء تاني.
·       مصلحة البلد مصلحة الشعب السوداني.
·       المجلس السيادي ما عندنا تغيير.
·       من سبعة لخمسة.
·       ما قررنا الاتنين البينقصوا ديل منو.
·       التفاصيل.
·       التفاصيل اتفقنا مع الوسطا ألا نخوض فيها.
·        
·       اللقاءات الجماهيرية
·       تسعى جهات لتوريط الدعم السريع.
·       أحداث الاعتصام قلت في لقاءات الجماهيرية والمؤتمرات
·       تتحدث عن جهات لتوريط وتشويه صورة الدعم
·       عبارة عن أحداث فض الاعتصام
·         فخ نصب للدعم السريع الفخ
·       من له المصلحة
·       شوف حكاية الفبركة دي واضحة لكل الناس.
·       الصور مفبركة.
·       فيديوهات مفبركة.
·       إشاعات، اشاعة اغتصاب، ناس ما عارف إيه، رموهم في البحر.
·       كلو منسوب للدعم السريع.
·       في القوات المسلحة موجودة، في الشرطة، في الأمن موجود،
·       ليه بس الدعم السريع؟
·       الغرض إخراج الدعم السريع من المشهد.
·       المطل
·       مش فض الاعتصام بس
·        النقروز، حرامية.
·       ما ممكن يقوموا في التلاتة دفارات.
·       المساجد الدعم السريع جاييكم.
·       في نفس الليلة احتمت بالدعم السريع.
·        
·        
·       فبركة عملوها ناس ما بيخافوا الله.
·       نحن نفض
·       لو ما اتفض كان براهو مشى.
·       الأيادي
·       قبضنا الانقلاب.
·       لعند الآن الانقلاب قايم.
·       لأن الرئيس ما اتقبض.
·       بقولها على الهواء مباشرة.
·       حنوري الدعم السريع ساهم في شنو
·       نحن نصبر.
·       يمكن يوم 3
·       دا ابتلاء
·       سمعتنا باظت.
·       نحن انظلمنا.
·       نحن ضحايا.
·       ظلمنا ظلم ما بعدو ظلم.
·       الفيديوهات ترتدي زي الدعم السريع، تقوم في فيديوهات
·       شوف،
·       لا ننكر بعد دخول الاعتصام حصلت فوضى،
·       ممكن الدعم السريع
·       السبب الزول الدخَّل الناس القوات في الاعتصام.
·       هو مجموعات.
·       أنحن نخلي سؤالك دا بيجي وكتو.
·       عشان ما
·       حصلت فوضى
·       عندنا أكتر من تلاتين بلاغ منتحلين زي الدعم السريع.
·       ناس لابسين أسود غيروا لبسهم ولبسوا
·       داهموا قصر الشباب
·       كل الجرائم الحصلت
·       عسكريين
·       اتفتحت قضايا
·       نفس القيادة بتاعت الشغل دا
·       14
·       13 قوات مسلحة بيتبعوا لنفس الناس
·       واحد
·       أنت ما عارف في قوات في البركس
·       عندنا حاجات
·       لازم نوري
·         بعد داك عندنا راي تاني
·        
·        
·       حيتعرضوا
·       محاكمنا ميدانية
·       نحن الذخيرة شغالة
·       ما عندنا مجاملة
·       دي قوات كبيرة
·       الانت ضبطوتهم
·       قضية الاعتصام لازم
·       عشان ما يكوزن فيها دسديس
·       دي لجنة التحقيق ما تنتظر ولا يوم
·       انتوا متهمين بتمارسوا في نفس الأساليب
·       قطع الانترنيت
·       نفس العقلية الكا
·       قطع الانترنيت دا أمن قومي ودي ثوابت
·       ما نحن برانا
·       وسيلة أت قلت قبل شوية فبركة
·       نحن م
·       شغال في كل المصالح
·       فقط من الميديا
·       فتنة بس
·       قطعنا لمصلحة الشعب السوداني
·       مسألة مصادرة الصحف واعتقال الناشطين
·       كلامك دا القلت دا ما
·       فقط أربعة أشخاص يوم تلاتثن واتفكوا
·       بيكتبوا كلام ما عندو أي مصداقية.
·       في الديمقراطية شورى
·       ما أي واحد على كيفوا يفبرك
·       ما ممكن تنبز المجلس جيفة معفنة
·       من حقي نقاضيك
·       نحن حنطالب بحقنا
·       غانون
·       حنقاضيهم
·       دولة غانون وما في غانون
·       تفتح بلاغ
·       من زمان تلاتة أرباع الناس ديل اشتغلناهم بالغانون نجيب مستشارنا القانوني
·       اعتذر بنخليهو.
·       متهمنا بالعشوائية والعنصرية
·       استهداف اثني
·       عنصري بحت
·       كل الناس شغالين بينا شغل عنصري بحت
·       قوات
·       الصادق ذكر إذا أراد حمدان عليه أن يكون حزبا
·       انتب تسعى لتكون رئيس الجمهورية حشد الإدارات
·       انتب تسعى لتكون رئيس
·       احترم الإمام، من حكماء السياسة
·       بقدر
·       دا كلام سابق لأوانه
·       أنا نائب رئيس المجلس
·       أي إنسان شارك في الانتقالية ما يكون في الحكومة الانتقالية
·       ما عندي شغلة بى بسياسة
·       ما كنت عارف بتغيير ابنعوف أنا رافض
·       مافي زول في القوات المسلحة أكتر زول برهان
·       جاني البرهان لو أنا بجي انت تجي معاي
·       التزمت مع ناس الحرية ما أجي
·       أحسن أكون في حياد وبساعدك
·       هو أصر
·       وجودي ليهو
·       صحي اتأذينا أذا شديد
·        
·       ندمان للإساءات الحصلت فينا
·       تشويه السمعة
·       الإدارة الأهلية حلاها نميري وكسروها الإسلاميين
·       عملت الشورى تدمير الإدارة الأهلية
·       رجعونا لستين سنة
·       الإدارة عريقة سلسلة فلان عن علان ما لا نهاية
·       اتنين يطلعوا من القبيلة أفندية
·       أنا شغالين معاهم من بدري
·        استعنت بيها لأن البلد ماشة في هاوية ما في برلمان ما في حزب
·       عشان يشهدوا على الحاصل يخشوا يحلوا المشكلة
·       ما عندي معاهم اتفاق
·       ولو داير أعمل حزب
·       دي ما من أجندتي
·       دول كتيرة ليبيا مشاكل
·       ما دايرين نصل ليبيا
·       ناس الخرطوم ما شافوا شيء، يوم تلاتة
·       لكن بتاعت النقروز يوم تلاتتة
·       ما داير حزب ولا داير رئيس ولا بتمنى أكون رئيس
·       ما داير أكون رئيس ولا بتمنى أكون رئيس
·       دايرين نؤسس لديمقراطية حقيقية
·       السودان يكون نموذج ديمقراطية حقيقية
·       الصناديق هي التحقق منو.
·       لو انتخابات بدون تزوير
·       لو بعد الانتقالية قرار الحكومة المنتخبة حل قوات الدعم السريع أو هيكلتها
·       شوف
·        
·       الدعم السريع دا، هو جزء من القوات المسلحة، هو جزء من المنظومة العسكرية، هو  جزء من أمن السودان 
·       لو رأت الحكومة المنتخبة مصلحة السودان إنو تشيل  الدعم السريع، تمسحوا، نحن موافقين!
·       تضموا  للقوات المسلحة ، والمصلحة بتقول تضمو ... ودي المصلحة، نحن موافقين!
·       فقط نحن دايرين حكومة.
·       تسلم البلد لأيادي
·       أجندتنا
·       الشارع ما مصدق بيعتبركم امتداد
·       عندي لجنة تحقيق
·       عندي حاجات كتيرة لازم نكشفها
·       انحيازنا من أول المظاهرات قلنا من برة أي زول بيشهد
·        
·        
·       ما عارف الناس تتعامل معانا كدة ليه.
·       انحيازنا انحياز صادق.
·       ما كان نطيع عمر البشير
·       نبطش بالمظاهرات من أول يوم
·       والله أنا زول يقول لي مبروك بتحرقني
·       أي خاين ربنا بيكشفوا
·       انحيازنا حقيقي
·       نتمنى الناس اتغيرت
·       كلها تتحمل مسؤوليتها.
·       موقفنا قبل الإنقاذ تسقط.
·       لازم نبني البلد دي مع بعض
·       لازم نخلص لبلدنا
·       قربك من عمر البشير
·       تحموا البلد ولا نظام
·       مافي زول عارف كنا
·       حأعمل مؤتمر صحفي بيجي يوم
·       ما بيقبل النصيحة
·       الكرسي
·       حيجي يوم
·       ما بيقبل النصيحة
·       المسافة بعيدة مع المواطن بعد فض الاعتصام
·       كيف تقترب
·       الشعب جزء
·       العسكريين داخل الأحياء
·       التعامل العندو راي والع
·       الشي
·       الحكاية دي مقصودة تشويه الصورة
·       صورة الدعم السريع أخوانا قحت استهدفونا نحن بعد عدم الاتفاق
·       القوات العسكرية خط أحمر،
·       اتكلموا في المجلس،
·        لكن ما في القوات
·       مفروض ما تستهدفوا
·       القوات حامية ليك انت نايم هي حامية ليك
·       الغبن لدى المواطن الأرواح
40      حالة الغبن
·       كيف يمكن أن تسهم لجنة التحقيق في تخفيف حالة الغبن بعد الاحداث الدامية في 29 رمضان
·       شوف، الأحداث دي، لازم تصل لحقائق ولازم تصل للجاني
·       عشان ترضي الناس لازم الجاني
·       في حالة شك هذه
·       الأعداد الأمنية الكبيرة فقط إنها فقط لكولومبيا
·       دا غير صحيح
·       دا كلام ما صاح
·       الغدر
·       بعدين قوات الدعم السريع الشاركت في كولومبيا من الدعم السريع ما مسلحة.
·       اتنين الكلامهم دا ما صحيح
·       نحن لا نخون.
·       فقط محطتنا كولومبيا.
·       حصل خلل.
·       حصل خيانة وحصل غدر.

والغدر ماشي الانقلاب
الناس تتوصل لحقائق سريعة.
41  
     
أضف رد جديد