https://www.youtube.com/v/rmQdf8Dw42Q
ابتداء من الدقيقة العاشرة
يوتيوب 27 يوليو 2010
ملخص منقول:
حميدتي: "دمار البلد دي من داخل الخرطوم".
حميدتي: صادر فول بمبلغ ٩٠ مليون دولار تلف في الحاويات بميناء بورتسودان.
حميدتي: "نسمع تصفيات وتهديدات.. لكن نقول لهم لن يصيبنا إلا ما كتب الله لنا".
حميدتي: "معنوياتنا يومي داقة الواطة".
حميدتي: "ما يحدث في صادر الذهب شغل بتاع مصالح ولوبيات".
حميدتي: سنضع أيدينا على مناجم الذهب بمناطق الإنتاج.
حميدتي: الثورة لم تُغيِّر شيئاً.
حميدتي: "دمار البلد دي من داخل الخرطوم".
حميدتي: "شغالين في ثلاث حاجات البورصة والمحفظة والنافذة الموحدة".
حميدتي: "البلد دي فيها مافيا وعصابة دولار كبيرة وعاملين فيها نظيفين.. َلكن كلهم مُجرمين".
حميدتي: "إذا عاوزين البلد ده تطلع لازم نشوف محل الجرح وين عشان نكوي كي".
حميدتي: "لو اشتغلنا بالكلام البنقولو من أول يوم لاجتماع لجنة الطوارئ.. الدولار بالكتير يكون في حدود ٨٠ جنيهاً".
حميدتي: "قبضنا طائرة تحمل ٣٤٠ كيلو مشمعة وصلناها لمطار الخرطوم وتم فكها".
حميدتي: خزينة الدولة تحتاج الآن لـ(9) ملايين دولار.
حميدتي: "ناس ماشين زي الطلقة يدمروا في البلد دي ونحن ما ح نخليهم".
حميدتي: "البلد دي فيها مافيا وعصابة دولار كبيرة وعاملين فيها نظيفين.. َلكن كلهم مُجرمين".
حميدتي : خطتنا لإنقاذ الاقتصاد تواجه بمعاكسات كبيرة وهناك مافيا تعيق الحلول
حميدتي: شركات ذهب تنتج يومياً (٣٠٠) كيلو "مافي زول واضع إيدو عليها"
حميدتي: "الناس المصوا دم البلد دي في العهد السابق هم نفسهم.. بس اتلونوا مع الثورة دي".
حميدتي قال كلام خطير.. فيديو
-
- مشاركات: 1745
- اشترك في: الاثنين مايو 09, 2005 7:24 pm
- مكان: ألمانيا
- اتصال:
- الصادق إسماعيل
- مشاركات: 295
- اشترك في: الأحد أغسطس 27, 2006 10:54 am
الشداعة أم كلاش
الرَأيُ قَبلَ شَجاعَةِ الشُجعانِ "
" هُوَ أَوَّلٌ وَهِيَ المَحَلُّ الثاني
المتنبيء
سلام يا الصادق إسمعيل
كتبت " و دي شجاعة منه محمودة" في تقييمك لكلام محمد دقلو في الفيديو الذي بذله لنا ياسر
حيرني الثناء على شجاعة رجل الأعمال [أبو كاكي ] محمد دقلو عشان أهلنا قالوا "البلد المافيها التمساح يقدل فيها الورل" و خصوصا إذا كان الورل المذكور شايل كلاش و مسنود بكفلاء البترودولار في مواجهة الأهالي العزل. هل سمعت بالمثل الشعبي الدارفوري الذي يقول"العندو الكلاش يعيش ببلاش"؟. أهو الفريق الركن دا عايش ببلاش و لما تهف ليه يعلّم الناس مبادئ علم الإقتصاد كمان. هسع في "شداعة" اكبر من دي؟
غايتو ربنا يجيب العواقب سليمة.
" هُوَ أَوَّلٌ وَهِيَ المَحَلُّ الثاني
المتنبيء
سلام يا الصادق إسمعيل
كتبت " و دي شجاعة منه محمودة" في تقييمك لكلام محمد دقلو في الفيديو الذي بذله لنا ياسر
حيرني الثناء على شجاعة رجل الأعمال [أبو كاكي ] محمد دقلو عشان أهلنا قالوا "البلد المافيها التمساح يقدل فيها الورل" و خصوصا إذا كان الورل المذكور شايل كلاش و مسنود بكفلاء البترودولار في مواجهة الأهالي العزل. هل سمعت بالمثل الشعبي الدارفوري الذي يقول"العندو الكلاش يعيش ببلاش"؟. أهو الفريق الركن دا عايش ببلاش و لما تهف ليه يعلّم الناس مبادئ علم الإقتصاد كمان. هسع في "شداعة" اكبر من دي؟
غايتو ربنا يجيب العواقب سليمة.
-
- مشاركات: 1514
- اشترك في: الاثنين مايو 09, 2005 6:21 pm
الطلقة بتكتل اسرع من سُكات الزول
سلام يا شقليني و التحية لياسر الشريف المليح
تعرف صعود محمد دقلو و تمكنه في المشهد العسكري يطعن في جدوى المال و الجهد و الوقت الذي أهدره الشعب السوداني في تدريب و تأهيل جيشه النظامي، لأنه إذا كان في إمكان شخص خرج من البادية ان يهمّش المؤسسة العسكرية الرسمية ويتصدر مشهد السياسة السودانية و يفتي للإقتصاديين في مشكلات إقتصاد السودان إلخ ، لمجرد احتيازه على الكلاش، فذلك يطعن ليضا في دعاوي حكم التكنوقراط و بيوت الخبرة الإقتصادية و هلمجرا، بل أن صعود محمد دقلو يطعن في جدوى التعليم نفسه. أو كمان الناس المتعلمين الحريصين على إنقاذ السودان على شرط الحرية و السلام و العدالة ،يقوموا يسعوا ليهم كلاشات يحموا بيها مشروعهم السياسي. عشان الشعب الأعزل القابل الرصاص و هو يهتف : الطلقة ما بتكتل " المرة الجاية ممكن يطلع في الشارع بكلاشاته و هو عارف إنو الطلقة بتكتل اسرع من "سُكات الزول". شايف؟
سأعود
-
- مشاركات: 1745
- اشترك في: الاثنين مايو 09, 2005 7:24 pm
- مكان: ألمانيا
- اتصال: