هذا المكان موتور وتسوءه قلة الدهماء

[محمد جمال الدين]

انا جيت
اسلم
وبس



اسلم ساكت وبس



اناي لا شحم ولا ورم




بس برضو الواحد ممكن اقعد شوية لو لقى عضو واحد رحب بيه
حا اقعد ساكت
ساكت وبس

بس برضو لو واحد من اهل الادارة رحب بالواحد
حا تقوى عيني واحتمال اتهور واقوم اكتب

اكتب ساكت
ساكت وبس

لو ضربت معاي وطلع لي بوست حلو
حا اترشح لعضوية مجلس ادارة المنبر

عضو ادارة ساكت
ساكت وبس

لو الواحد ربنا وفقه وقدر اعمل ليه سمعة قوية و شلة بهية
حا ارشح شخصي لمنصب نجاة

نجاة وبس
بس مش ساكت وبس


]انتهى الزجل



انا هنا لكوني مستفز
الخيال

هائج

مائج

وفي خلدي الدمار

غير اني اسفي غير قادر على النهوض كون اني في هذا المقام
مرجوما بحجر الفكرة

محمد جمال الدين

[محمد جمال الدين]

يسعد صباحكم خير


دليل المفردات الصعبة

موتور من المخاض

الدهماء هم بلهاء الفطرة من الانسان بانتقاء الطبيعة قضاءا وقدر لا ذنب ولا تثريب عليهم ويليهم شعراء البلاط وفقهاء السلطان كونهم اناس اعمت بصائرم طفاستهم فهم لا يشعرون ولا يفقهون

اناي لا شحم ولا ورم منظومة في مقابل العياذ

اسلم ساكت وبس بمعنى ان تبادر باظهار الحب للمحبوب اصالة لا رغبة في جنته ولا خوفا من ناره

نجاة هي الدكتورة نجاة محمد على

[محمد جمال الدين]

نرجع للموضوع الاساسي:


الحرية!



الحرية في اللغة في المصطلح في المدارس
في الشعر


وفي مقابل العبودية






موضوعي الاساسي هو الحرية
مش انا حر


م. جمال

[طارق ابو عبيدة]

محمد جمال والله الليله تقعد تهضرب براااااااااااااكـ


يا ناس سودان فورال .. محمد جمال اخوكـم في الديمقراطيه و حقوق الانسان

- زول ود بلد
- غالاااااااااااااااااااااااااات
- محاور جيد .. مابتقبض بالساهل


رحبو بيهو .. الزول ده اضافة حقيقيه ليكم




محمد
مرحب بيكـ

[محمد جمال الدين]

شكرا شكرا طارق
على الترحاب الجميل

اها انا كدا في درجة
حا اقعد ساكت


وشكرا على الاطراء وعلى
)- غالاااااااااااااااااااااااااات(


انا بالمناسبة عضوء قديم قدم هذا المكان
ولم اكو بفاعل
فرجوت ان يؤمني القوم من قبيلتي ومن عاداها
اوان ساعة انفعالي



وحا نرجع للموضوع الاساسي

[محمد جمال الدين]

اعتذار

في دليل شرح المفردات الصعبة الوارد عاليه
وردت كلمة لا تسريب والمقصود لا تثريب
هذا ما لزم توضيحه من باب صيانة المعنى

ملحوظة:

هذا الاعتذار عن هذا الخـطا اللغوي لا يدخل من باب عبادة اللغة
فلا احد في ظني مطالب بمراجعة اي هنة املائية او نحوية في كتابته مادامت الفكرة واضحة

بمناسبة الاخطاء اللغوية دي
حبوبتي كانت شابكني ليك ياالنبي نوح يا النبي نوح بمناسبة وبدون مناسبة
مرة اتوكلت وقلت ليها نعما بالنبي نوح بس لوط مثلا ما برضو نبي
قالت: هي سجمي!

فتاكدت ان الخلط من اللغوي والغلط من الثقافي

مرات الاخطاء اللغوية ممكن تكون فادحة !



كتب طارق:
))محمد جمال والله الليله تقعد تهضرب براااااااااااااكـ((

اها انا بهضرب مقدما بس ما حا ازود العيار
قبل ما اعرف اللوائح! انا لسه جديد

م. جمال

[خالد الطيب]

عزيزي محمد جمال الدين

سلام

ياخي والله حتي الآن لم أفهم " فكرة" البوست أو موضوعه الأساسي والتي ربما تكون " الحرية" حسب إجتهادي ولولا أنك ذكرت في مامعناه أن هنات الإملاء والنحو ليست بذات بال طالما أن الفكرة واضحة :

فلا احد في ظني مطالب بمراجعة اي هنة املائية او نحوية في كتابته مادامت الفكرة واضحة

وبالطبع لا أوافقك الرأي في ماقلته " داخل الاقتباس" .. ولكن ليس في نيتي الخوض في مناقشة حاليا , إذ ربما ننحرف عن موضوع البوست الذي لم أفهمه بعد .. فهلا كنت أكثر وضوحا في التعبير عن " فكرتك" ..

وشكرا

خالد

[محمد جمال الدين]

طابت اوقاتك عزيزي خالد الطيب

وصلني ان فكرة البوست ليست واضحة لديك
على وجه العموم
وثم انك تختلف معى على وجه الخصوص في اهمية الاملاء والنحو


والاجابة على الجزء الاولاني

ما عندي موضوع هسه
مش ممكن اسلم على الناس اول شي وادخل في الموضوع بعد شوية

انا قايل كدا احسن من توش



اما الحرية

هذه الكلمة الساحرة هي سر الاشياء كل الاشياء.



وفي الختام فان الاختلاف في الاملاء والنحو لا يفسد للود قضية

فلك الود كاملا
م. جمال الدين

[نجاة محمد علي]

سلام يا محمد جمال ومرحب بيك

تقول في دليل مفرداتك أن مفردة "موتور" آتية من المخاض. بيد أن "سودان للجميع"، قد جاء للوجود نتاجاً لعمل أمتد عبر عمر تجارب مؤسسيه، أي وليداً لفكرة تجاوزت مرحلة المخاض.
ونواصل سواءً في هذا الخيط أو في نقاشات أخرى.
منتظر تعمل ليك شلة بهية؟ ما أنت براك كدة شلة بهية يا محمد.

مرحب بيك تاني، ولك عامر مودتي.
نجاة

[محمد جمال الدين]

شكرا نجاة على هذه الاريحية
و كم انا سعيد بوجودي هنا

هذا المكان تزحمه الرؤى المتناغمة
و اعرف انه اكبر بكثير من عمره الاسفيري
وانه نتاج الم وجد وكدح فادح
فلك مني التقدير اعظمه

واما عن موتور وما ادراك ماالارق فهذا شان اخر سادعه لخيط اخر فما انا هنا الا لاعلن عن احترامي لاحترام ولمقام الاحترام


ولو بطريقتي الخاصة
وشتارتي الفادحة

ليك القومة

م. جمال

[åÏì ÇáÍÓä]

لو ضربت معاي وطلع لي بوست حلو
حا اترشح لعضوية مجلس ادارة المنبر

عضو ادارة ساكت
ساكت وبس

لو الواحد ربنا وفقه وقدر اعمل ليه سمعة قوية و شلة بهية
حا ارشح شخصي لمنصب نجاة

نجاة وبس
بس مش ساكت وبس[/b]

تحياتى يا جمال

واحدة من اخواتى حكت لى قصة طريفة مع احد طلبة الصف الاول فى امتحان الدين الشفهى :

الاستاذة : ما ذا كان يعمل سيدنا محمد قبل ان تنزل عليه الرسالة؟

الطالب: كان شغال تاجر ولما تجارته اتوسعت فتح مغالق فى بحرى.

[محمد جمال الدين]

أنا سعيد بمرورك يا هدي

والقصتين حقيقة لافقين

انا على كدى أقدر أكتب، وكمان بعد الشلة البهية بقيادة طارق ابو عبيدة إمكن اترشح وافوز ديمقراطيا، واذا استعصى الامر حا اتضامن مع بعض عساكر البورد! .



وعلى كدا انا عملت بوست جديد (لا يقل شلاقة عن هذا) اسمه: الحرية: لا اعبد ما تعبدون ولا انتم عابدون ما أعبد



وعلى كدا يكون البوست دا فقط للسلام والجديد للكلام



والسلام

محمد جمال الدين

[محمد جمال الدين]

الأعزاء:
فى تعريف (ما أسميته انا) بدليل الكلمات الصعبة ورد التالي في تعريف الدهماء:

((الدهماء هم بلهاء الفطرة من الانسان بانتقاء الطبيعة قضاءا وقدر لا ذنب ولا تثريب عليهم ويليهم شعراء البلاط وفقهاء السلطان كونهم اناس اعمت بصائرم طفاستهم فهم لا يشعرون ولا يفقهون))
بقيت موغوش شوية من الجزء الاول من التعريف بعد ما قرأت ترجمة د. بولا لمقال فولتير غير الشهير (عن الزنوج) ومساهماته المتعددة في مثل هذا الاتجاه، في بوسته:

في الديمقراطية والثقافة: مداخل متعددة للنقاش ـ الجزء الثاني.

أشعر بني كنت أعني متبلدي الضمير (الانساني) وهم قاعدة شعراء البلاط وفقهاء السلطان وجهاز أمنه العام وحرسه الشخصي.
والا إمكن أكون انا حساس ساي، ما عارف بالزبط، بس فولتير كلامو جارح للانسانية
ومهم جدا للانسانية (في حسباني) لتعيد قراءة شعارات الثورة الفرنسية وشعارات جميع الثورات السابقة واللاحقة (بما فيها إكتبوبر السودانية)
لاجل إنزالها بالحق على أرض الواقع

سلالماتي وحبي بعد لفولتير لاجتهادات أخرى قيمة قام بها ومن قبله لعبد الله بولا لحسن حفره في ذاكره منسية (سهوا أو عمدا) لكنها ما تزال تفعل فعلها في أرض الواقع
م. جمال