كيف وجدت الموت .. فأنا أخافه

Forum Démocratique
- Democratic Forum
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

فيروز النحاته شديد و سيف و إيمان أخت حسن القانوني اللامع و رسام الكاريكاتير نمرة واحد
أسرحوا زي ما دايرين أنا لاقيكم وين
أنا ما دفعتكم.. وقريت إضافية ساكت لكن دفعتكم دي أنا بحبها حب شديد
صبري ود عمي
والزول الكلمني أقرأ تلوين حبيبي معاوية الدقاق
و الناس الوروني الدريبات إبراهيم الحلبي و هيثم الطيب وإسلام كامل و حسين الخطاط ود رفاعة والقائمة تطول
أما العلموني الشفتنة في المعارض والبيع
من دفعتكم غسان عباس
وقدامكم شوية
رجاء أوشي وحسين سالم أكتر ناس بحبهم بعد أمي
في اللحظة دي أنا رسام النوع العندو شروط داك و ما بعرض لو ما القاليري عامل كيف .. و ده شغلي في النرويج
الصباح شغال قاليرست والمسا بمشي الأستديو حقي ,ملاحظين لي حقي دي :)
و كل بفضل دفعتكم تتعلى ما تتدلى
أنا يا إيمان قريت إقتصاد في النيلين ساي ما الخرطوم لأنو الواحد بليد شوية و أبوي قال أنا زكاة أخواني
و كلكم معزومين الموقع حقي وصلته في البروفايل بتاعي
صورة العضو الرمزية
طلال عفيفي
مشاركات: 124
اشترك في: الاثنين مايو 09, 2005 7:19 pm

مشاركة بواسطة طلال عفيفي »

صورة

فاضلابي ..
سلام ..

حين مات " حسين شريف " , أصابني غمُ مستحيل ..
وغابت عن روحي البصيره ..

أمي , عليها السلام , قالت لي :

" عليك أن تواصل .. وإن لم يكن لديك هدف في الدنيا , فليكن هدفك إحياء
ما حاول أن يقوله .. عِش من أجله .. وخلي صورته , دايماً , قِدَام عيونك ..
إنتو ما إتلاقيتو صدفه , فعشانو ما تخلي الإكتئاب يسيطر عليك .. "

يبدو يا محمد أننا مضطرين لمواصلة الحياه ..
إنها الوصيه ..
والحكمه ..

مات عمر خيري ..
وحسين شريف .. مات ..
وها نحن أحياء ..
ونحبهم ..

ما زال الدرب ممدوداً لنا ..
والشوارع ..
فيجب أن نواصل الركض ,
والرسم .. والتلوين ..

لا بأس من بعض الشعر ..
والإعجاب بالبنات ..
والرؤى السياسيه ..

فلنواصل يا محمد , ذلك الحب العجيب لذواتنا , ولإفريقيا ..
ولنتحسس , زي العميانين ملامح البلاد .
نتلمس رائحة البُن فيها , وطعم حليب الصباح ,,
سهر الليالي ..
ورفض الحاكمين ..

تعال نُجَرب أن نكون هنا ..
في هذي الحياه ..

بكامل محَبَاتنا وخطايانا ..


فاضلابي ..
يا محمد ..

كل الأشواق , لك .
ولعمر خيري ..
حسين شريف ..

والباقيات الصالحات .


...
طلال



_________________
حمامه !
خط ورسم بيكاسو .
تم توقيعها العام : 1921 ..
في الثامن والعشرين من ديسمبر .
آخر تعديل بواسطة طلال عفيفي في الأربعاء مايو 25, 2005 2:49 pm، تم التعديل مرة واحدة.
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »



طلال يا صاحبي
أجمل المشي.. أن يرافقك من تحب
الحمد لله على نعمة الأصدقاء
و الحمد لله أنك بينهم في شارع الدنيا

عارف يا طلال أنا كنت حزين الى أن ينتهي الحزن لأني ما لاقيت أستاذي وحبيبك حسين شريف ..
عارف يا صاحب إنك بالرغم من ثقل حمولك و حزنك الذي أعلم أنه يفوق أحزاننا جميعا عليه .. عارف إنك أكتر من خفف عني

الحب يا طلال لا ينتهي عند حدود المحب و حبيبه
الحب سحري .. يمس كل من صادف المحبين

أقسم بالله أني ألتقيته عبرك .. و أنا أكيد من هذا جدا
يمكنني حتى أن أحكي عنه للناس .. فأنا أعرفه جدا .. أعرف حتى الفاروظة أياها في خاتمة .. أعرف حتى كيف يختلط الأمر عليك هل هو أب أم صديق أم زميل أم فنان تحبه و تحب صنيعه

واصل يا صاحبي
و أنا سأواصل

عفيفي
يا طلال

حبا بحب
وشوقا بأكبر منه
ايمان شقاق
مشاركات: 1027
اشترك في: الأحد مايو 08, 2005 8:09 pm

مشاركة بواسطة ايمان شقاق »

سلامات فاضلابي
يعني برضوا طلعت تبعنا.. ما دام بتعرف كل الشباب! وحسن اخوي كمان:)

تعرف أنا برضوا درست في فصل الرسم بكلية الدراسات الإضافية قبل ما ادخل الكلية...

زرت موقعك... وبدعوك للمشاركة في سودان ارتيست قالري.
وواصل الرسم والتلوين....... والكتابة
والحياة!

وزي ما قال طلال
حسين شريف وعمر خيري... موجودين في وجداننا.



يا سيف اليزل ده شنو الشغب ده :lol: :lol:

تحياتي

صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

إيمان
حبا و كرامة
الموقع بتاعي عندك إختاري العاوزاه وفيه سيرة ذاتية و كل حاجة
و شكرا على العزومة :)
صورة العضو الرمزية
طلال عفيفي
مشاركات: 124
اشترك في: الاثنين مايو 09, 2005 7:19 pm

مشاركة بواسطة طلال عفيفي »

صورة

فاضلابي ..

قال الشاعر :

" لم يسألوا : ماذا وراء الموت ؟
كانوا يحفظون خريطة الفردوس أكثر من
كِتاب الأرض ,
يشغلهم سؤال آخر :

ماذا سنفعل قبل هذا الموت ؟

... "







______________________
الكلام أعلاه ل : محمود درويش .
عن ديوان " لا تعتذر عمَا فعلت " .
صادر من " دار الساقي " , 2004 .

الرسم :
رحيل ..
رسمها بيكاسو حين مات صديقه ..
كان إسمه " كيث جيمس " ..
وبعده دخل بيكاسو في مرحلته الزرقاء .
مات Case gemas مُنتحراً .
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

يا طلااااال

شايف الضو في وش الزول ده ???
الروح ضوءها خفت
لأن زيتها نفد
والموت الفي الصورة دي فيه حياة يا سلام يا طلال يا سلام
مرات بفكر في حاجة إتفقت مع نفسي مؤخرا إنو يكون إسمها (الجمال القبيح)
لمن الواحد مثلا يقول إنعل أبو الحكومة في قصيدة..
(إنعل أبو) بتكون جميلة جدا
الموت في الصورة دي غريب
الراجل ده بغالط صاحبه المات و بتحدي موته
لأنه أحياه من جديد بالرسمة دي
أضف رد جديد