حميد يقطع المسافة عدواً ما بين مصطفى سيد احمد وكيان الشمال

[سناء جعفر]

[font=Microsoft Sans Serif]يا جماعة الخير جاتكم البت الما بتفهم في السياسة كتير وبسؤالاتها الكتيرة تاني ...
اعتقد انو معظكم قرا البيان الصادر عن حاجة كدة اسمها ( كيان الشمال ) .. وللناس الما قروه ولا سمعوا بيه هاكم ليهو هنا

بسم الله الرحمن الرحيم
كيان الشمال / المركز العام

قال الله تعالى (وما كان لنفسٍ أن تموت إلا بإذن الله كتاباً مؤجلاً) صدق الله العظيم

إلى جماهير الشعب السوداني عامة .. إلى أبناء الشمال خاصة ، نخاطبكم اليوم وكلنا أشدّ حزناً وأكثر ألماً للجريمة الشنعاء التي اهتزت لهولها فرائص السماوات ، وارتعدت لها أطراف الأرض واستنكرتها جموع شعبنا الأبي ، وهي ترى بأم أعينها حملة الفكر والانتماء الحق ، وهم يذبَّحون كالشياه ، ويبشَّع بهم ويمثَّل بأجسادهم الطاهرة بصورة تعكس أقصى أنواع الانتقام والتشفي والحقد المعمَّى ، ..، لاشك أن شهيد الحق الصحفي المقاوم والأديب المصادم /محمد طه محمد أحمد ، ظل يجسد فيما يجسد روعة "ود البلد" العصامي والذي يفجِّر كل طاقاته الكامنة ويطورها وفق ما يشتهي الإنسان .
اسمحوا لنا وبلا مزايدة أن نزفَّ لكم هذا الشهيد الرائع روعة الأرض التي غرَف منها وهي أرض الشمال الحبيب المغلوب على أمره ، والذي ظل يقدم للعالم كل ما هو رائع وأصيل من حملَة الإبداع والفكر ، والذي تعرفونهم ، ويشهد لهم الأعداء بفضل رفدهم للحضارة الإنسانية في شتى الضروب ، ... ، نحن هنا نعلنها داويةً أن يا حملةَ الفكر في كل المواقع ومن شتى البقاع كونوا على نارٍ من اليقظة ، فالمتطرفة لا يستثنون أحداً لكونه من أولئك الحزب ، أو ذلك التيّار ..؟
نحيِّي وقفة الصحافة السودانية النبيلة والتي تجلَّت في أعظم صورها وندعوهم أن يظلّوا قابضين على جمرهم في خندقٍ واحد مع شعبهم السوداني الكادح لأجل الديموقراطية والحرية والأمن والطمأنينة المستدامة.
نحن في كيان الشمال سنظل نتابع عن كثب سير التحقيقات حتى كشف الجناة ، ومن هنا نضم صوتنا إلى الأصوات التي تنادي على السيد/وزير الداخلية أن يكون شجاعاً ويتحمل مع أجهزته الأمنية جرّاء ما حدث وأن يتصدى بكل قوة لحماية شعبه وبنفس القوة التي تصدى بها لفض التظاهرات السلمية الأخيرة !!؟؟ وإلاَّ فالرحيل .. الرحيل .
نعاهدكم أننا متى ثبت لنا أن وراء هذه الجريمة الشنعاء بعداً اثنياً أو دينياً ، فإن وزرها لا يقع على من اقترفوها وحدهم فحسب ، وإنما سيتعداها ليطال كل رموزهم النخرة وما وراءهم ، حتّى نخلِّص السودانيين عموماً ، ونريح العالم أجمع من حملَة المِدَى الصدئة ، والتي لا تشبه جمال هذه البلاد وروعتها وسماحها الطيب .
نكرِّر ونلحّ على رموز الإبداع في وطننا عامة ، ومبدعي ومفكري الشمال خاصة ونخص أكثر المستهدفين منهم ، أن يتوخوا الحيطة والحذر ، وأن يجلبوا لأنفسهم الحماية الذاتية ، وليعلم الجميع أننا سنقتص لشهيدنا ولو بحبال وأشواك النخيل فقط ، متى ما قصّرت السلطات في واجبها .
ولا نامت أعين الجبناء .
ٍختاماً لأبناء شعبنا (إنما يأكل الذئب من الغنم القاصية )
وسلام على /محمد طه في الأعالي ، وما ضاع حق ومن ورائه مطالب .

دائرة الثقافة والإعلام
بأمر المكتب القيادي
الخرطوم 7/9/2006م


[font=Microsoft Sans Serif]انا مشكلتي ما في البيان .. ولا في الكيان ( مع انو كلمة كيان دي مخيفة شوية وكل ما اسمعها باتذكر اسرائيل ) ...
مشكلتي الوحيدة انو البيان دة قالوا ( حميد ) ...
لمن اتعلمت اسمع مصطفى سيد احمد .. اتعلمت اقرا لحميد ...
وبقى الموضوع بالنسبة لي زي الكسرة والويكة ... زي الملوخية والرز ... زي العصيدة وملاح التقلية ... معليش للتشبيه يعني كل شئ لازم للشئ التاني ... بقى مصطفى وحميد ...

بدت الاسئلة الكتيرة
كيان الشمال دة شنو ؟؟
اتكون متين ؟؟
ووين ؟؟ وليه ؟؟
انا شخصياً اول مرة اسمع بيه .. يعني هو حزب بيضم ناس الشمال بس ؟؟
طيب والسودان الوطن الواحد ؟؟ ما قد كان ؟؟؟ وما سيكون ؟؟
طيب هو يعني الكيان دة سياسي ولا اجتماعي ولا اقتصادي ؟؟ ولا خليط من كل شئ ؟؟
طيب شنو علاقة الشاعر محمد الحسن سالم حميد القريت ليهو من ضمن كلامو السمح

يا نيل قبل خاطرك يطيب
أرضك تفزّع باللهيب تكشح تواريب الغضب
صعب المراس
نوبة وزنوج وبجة وحلب
رطانة عربان مو اشو
ومولدين تلقانا أو نلقاك ضو

شنو علاقتو بكيان بتفوح منو ريحة تعنصر غريبة لناس الشمال ...
الا هو الشمال دة بيبدا من وين ؟؟
من الخرطوم ولفوق ؟؟ ولا تحتها شوية ومعاها مساحة صغيرة شرقها وغربها لكن ما تصل الشرق ولا الغرب ؟؟
سالت نفسي شنو المشكلة يعني انو شاعر بقامة حميد يكون ناطق رسمي باسم كيان الشمال ؟؟ ما هو شمالي .. ومن عمق الشمالية ... يبقى شئ طبيعي انو يتكلم عن ناس الشمال ...
لكن مخي العنيد رفض يقبل المنطق دة ..
وقعد ينقنق .. ينقنق .. ينقنق ...
لكن دة ما حميد ؟؟ الغنى ليهو مصطفى عم عبد الرحيم وغيرها ...
دة الزول الكان بيعبر عن احزان الغلابة والمساكين والحيارى ؟؟
ولا يمكن يا ربي الغلابة والمساكين والحياري ديل يكونوا في الشمال بس ؟؟
يمكن باقينا في الجنوب والشرق والغرب ما فيهو ناس تعبانين ولا مطحونين ولا عرفوا الحزن في يوم ..
يمكن ؟؟ ولا شنو يعني ؟؟
هسة انما بقيت باعاني من مشكلة كبيرة جداً ... انو كل ما اجي اسمع مصطفى بيغني لحميد موضوع كيان الشمال دة حيشوش عليّ وحيخليني افقد متعة الانصات للصوت الشجي ...
الله ينعل ابو السياسة ... هي اصلها كدة ثقيلة وبتخرب اي شئ تدخل فيهو ..
الله ينعل ابو السياسة .. عليكم الله ما لي حق اتغابى فيها العرفة ؟؟!!...

[ÃÈæ ÈßÑ ÓíÏ ÃÍãÏ]

يا سناء .. دائما جايبة البلخبط المخ ...
بين السياسة كمنهج وعمل وعلم وبين ما نقول كثيرا بون شائع ... السودانيون شعراء كتابا وغيرهم من خلق الله حينما يعبرون عن ذاتهم وما يجري لهم وحولهم ليسو بساسة بالضرورة وهنا يبقي انتاجهم وليد تجاربهم الشخصية .. فالسياسي " يجب ان يكون دغيل وبالانجليزية Shrewd" ومعني سياسة في المعاجم هو " Using or marked by prudence, expedience, and shrewdness; artfu" بحيث يتناول مثل تلك الامور بحرص كثير ورشاقة وباستقراءات لما حوله وما يقول جماعته والمتنافسيين وبالتالي تاتي عواطفه خلف تناوله السياسي لموضوع معين او لا تكون ظاهرة بالمطلق ...
ذكرت هذا لابعد حميد عن كونه سياسيا وبالتالي فهو مثلنا وكل خلق الله في التعبير عن دواخله شعرا ونثرا حتي ولو قال كلاما يعتبر اجندة سياسية ..
اما كيان للشمال وانا من اقصي الشمال ونشط في ما يخص مناطق في اقصي الشمال فلا علم لي بها ولكن ان يسمي هكذا كيان الشمال ووفق ما قرات فهو ليس الشمال السياسي انما شمال الخرطوم فامر "سلطوي " اخر حيث لا يعرف اهل الكيان ان لهم كيانا يتحدث باسمهم ويتجاوز مفردات ارثهم ودعوتهم للم الشمل لا بعثرته كان حميد احد اصواتها العالية ..
وهنا لا نلعن "السياسة " يا سناء فنحن لم نتناولها كما يجب ان تكون وخلطنا مزاجنا الشخصي بشئ ما قلنا عنه سياسة وصنفنا البشر وفقا لذلك فمن غني للارض والزرع والضرع قلنا عنه انه من سياستنا نحن ملح الارض ومن غني لابعاج وفارس الحوبة والملك والامير قنا عنه بوق للسلطة والفرعون وبين هذا وذاك تطحن مشاعرنا ..
ودمتي تلخبطي عقولنا
ابوبكر

[ãÍãÏ ÚÈÏ ÇááØíÝ ÅÏÑíÓ]

الجماعة ديل لازم عملو الكيان ده وختو حميد (قنطروه زينة ), زي ما
قال حسن موسى في احدي البوستات ما معناه بطريقة ( حميد ذاته معانا ).
الكلام ده عشان احاول ابرئ حميد من الورطة دي .
بقصد ورطة ازمة بعض المثقفين او المستنيرين وانفصام شخصياتم .
كم من المستنيرين ولا اقول المثقفين
• يتكلم عن التقدم والعلم بل يضحي
بعمره من اجل قضية التقدم والعلم وفي نفس الوقت يمارس طقوس
عكس تقدميته الظاهرية مثل :
• خفاض بناته , نظرته للنساء ,
• علاقاته القبلية المكثفة . تقييمه ونظرته للعناصر السودانية المرتبطة
بكمية الدم العربي فيه !!
وكثير من التناقض بين الفكر وبين الفعل .
شنو الفرق بين تكوين كيان هلامي باسم ناس ما عارفين الحاصل
وبين الانقلاب العسكري ؟ كله مكاوشة وتكوين كيمان (بطريقة ده حقي !!!) .
.
لطفي

[سناء جعفر]

[font=Microsoft Sans Serif]ابو بكر قال :
ذكرت هذا لابعد حميد عن كونه سياسيا وبالتالي فهو مثلنا وكل خلق الله في التعبير عن دواخله شعرا ونثرا حتي ولو قال كلاما يعتبر اجندة سياسية ..

سناء قالت :
سؤال بسيط يا ابو بكر .. ( كيان الشمال ) الذي لا يعرف عنه ابناء الشمال شيئاً ... ولولا عملية الاغتيال الغريبة البشعة للصحفي محمد طه لما سمعنا عنه ابداً ..هل الكيان دة سياسي ؟؟ .. اذا كانت الاجابة نعم يبقى اي ناطق باسمه سياسي .. ولا شنو ؟؟
ما في مشكلة انو الانسان يخلط بين الشعر والسياسة .. خصوصا احنا السودانيين .. الظروف خلتنا نتنفس سياسة ونعيشها ونتعايش معاها غصباً عننا وفي كل لحظة من لحظات حياتنا ...
المشكلة بتجي لمن الشاعر يكون طول عمره بيتغنى بمبادئ معينة .. مبادئ جميلة مترفعة عن السفاسف والمهاترات والضغائن والنعرات .. فجاة يتبنى سياسة كيان مجهول الهوية .. مجهول الاهداف ... وبتطفح منه روائح العنصرية البغيضة .. والتفرقة العرقية القبيحة ...
هسة انا زاتي ملخبطة ... شديد ..
يا زول اقول ليك كلام ؟؟!!...
انعل ابو السياسة ...

[سناء جعفر]

[font=Microsoft Sans Serif]محمد عبد اللطيف ادريس قال :
*خفاض بناته , نظرته للنساء
* علاقاته القبلية المكثفة ، تقييمه ونظرته للعناصر السودانية المرتبطة بكمية الدم العربي فيه !!

سناء قالت :
يا محمد .. كلامك دة بيخليني افكر انو معظم المجتمع السوداني بيعاني من مشكلة ( دكتور جيكل - مستر هايد ) ...
وبيخليني افكر اننا فعلا شعب عنصري شديد ... وان كنا بننكر الشئ دة بقوة واصرار ..
يا الله .. دة تفكير مخيف .. ومحتاج لكلام كتير ... بس بعيد عن السياسة ..
وزادت اللخبطة ..
غايتو ... الله ينعل ابو السياسة ...

[ÃÈæ ÈßÑ ÓíÏ ÃÍãÏ]

ياسناء ..
لطفي قال

شنو الفرق بين تكوين كيان هلامي باسم ناس ما عارفين الحاصل
وبين الانقلاب العسكري ؟ كله مكاوشة وتكوين كيمان (بطريقة ده حقي !!!) .

وانا قلت

اما كيان للشمال وانا من اقصي الشمال ونشط في ما يخص مناطق في اقصي الشمال فلا علم لي بها ولكن ان يسمي هكذا كيان الشمال ووفق ما قرات فهو ليس الشمال السياسي انما شمال الخرطوم فامر "سلطوي " اخر حيث لا يعرف اهل الكيان ان لهم كيانا يتحدث باسمهم ويتجاوز مفردات ارثهم ودعوتهم للم الشمل لا بعثرته كان حميد احد اصواتها العالية ..

يعني كيان الشمال ده وجه من وجوه السلطوية الفردية او افراد معددوين ولكن ليس لكل الكيان علم به.. ربما جمعية خاصة وكان الاحري ان يسموها جمعية فلان او مكان الخاصة وعندئذ لهم ما يشاؤون فيما يقولون باسم جمعيتهم الخاصة اما ان يختونا كلنا من جعليين وشايقية ومناصيير وبدرية ورباطاب ونوبيين وجعافرة وعبابدة وكل اهل المنطقة في "بغجة" ويمشو بيها سوق المساومات والتصنيفات الشعبي فلا حق لهم كانو شعراء او كتابا او صحفيين او ... الخ ....لهم ما شاؤوا ان يتحدثو عن ارث وثقافة و ماض وحاضر اما غير ذلك من بعثرة فلا ... وما اصل بلاء بلادنا الا هذه البغج والحايميين بيها