قالوا :
انتقل الى صفحة السابق  1, 2, 3 ... 15, 16, 17
 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
محمد أبو جودة



اشترك في: 25 سبتمبر 2012
مشاركات: 424

نشرةارسل: الاحد ابريل 23, 2017 10:31 am    موضوع الرسالة: ه رد مع اشارة الى الموضوع



بالإشارة، لــ" قالوا " التي نشرتُها بالأمس، فقد واللهِ، استحيتُ!، أن أشير - وكان في بالي الإشارة فائرة غائرة باترَة - إلى أن ضمير الغائبة الأنثى السياسية المعنية في فِعل (طلّع)+ حرف الجـّر اللّام، هي الأستاذة أمين قطاع التنظيم بالحزب الاتحادي الديمقراطي - المسجَّل - إشــراقة سيــِّــد محمــود؛ والتي كانت وزيرة للعمل والإصلاح الإداري، عن حزب السيد د. جلال الدقير + السيـد د. أحمد بلال عثمان، وزير الإعلام المُكلّف حالياً، بعد كنكش في الوزارة من زمن قديييم! بل ويأمل أن يعود فيها وزيراً مُرأسّا ..! وقد يجيء! ولكن لا أعتقد أنه سيستمر في عَيْنة نضاله التطليعي Rolling Eyes دا وكدا حسبما نسَب إليه الكاتب الصحفي، الذي كان تحريرياً مديراً بـصحيفة " آخر لحظة " ثم أُخِذ - لا أقول على حين غِرّةٍ - مُتَوّجاً ككاتب عمود صحفي يومي، بصحيفة "الســوداني" قبل شهرٍ من الآن تقريبا، فكتَب "أعمدة" معقولة في تحريرها وموضوعاتها، بل وتكاد تؤكِّد صِلته القوية بدوائر صُنع القرار السياسي والحواري والشماري وما إلى ذلك، لكنّه بالأمس، بالغ في البلطجة..! ولله في خَلْقِه شـؤون.

أقول: استحيتُ أن أوضّح ضمير الغائبة يرجع لِـ مَــنْ ..! وأعني الأخت التي تبلطج عليها الصحفي أسامة ع.الماجد، بكونه لولا أن الوزير ورئيس حزب الدقير ( وهذا الأخير، زمانه، كان قد زاغ عن منصبه الرئاسي كــ "مساعد رئيس الجمهورية"، وكذلك زاغ من منصبه كــ رئيس حزب الاتحادي المُسجَّل، وهرعَ إلى مُعـْــتـَــكَــفِــه القديم بــ"لندن" بعد إذ ضجّ بحركة إصلاح تقودها الستّ إشراقة؛ ويُؤرَّخ لتلك الهبّة الإشراقية تحديداً بعد خلعها عن وزارتها في التشكيل الحكومي ال فات ال فات وفي ديلو ..!) السيد الدكتور أحمد بلال، ووفقاً لكلام الصحفي أسامة عبدالماجد، أنّه لو لم يكن الوزير أحمد بلال (غير) قليل الخبرة السياسية، لَــ " طَلّعه " لها .. فتوارَتْ خجلا ..ثم سكتت إلى ما بعد التشكيل الوزاري ذاتو .. Mad !


ولكن بحمد الله تعالى، فاليوم، قد عاد لي "بياض" عيني (والسّوادُ في الحالَيْنِ قاعدُ) فالتغافل لا يكون محمود العواقب بالطبع، في ظل صُحُف وصحفيين بهذا المستوى الطامح من البلطجة ال فائرة وُ منجلغة لا تخشى بأســا Wink





..................
كُنّا حَيـِّـــيّون! طَبيعةً وتَطبُّــعا، بيد أننا حالياً نعاني تحرُّش بلطجي من صحف كصحيفة "الســوداني" يضطّرنا أن نتحلّى - أحياناً - بعينٍ بيضاء لا تقربها قَشّة مُرَّة؛ أو ضاعت المكارم بين الناس، ثم دامت المكارِه.


عدل من قبل محمد أبو جودة في الاحد ابريل 23, 2017 11:19 am, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة
محمد أبو جودة



اشترك في: 25 سبتمبر 2012
مشاركات: 424

نشرةارسل: الاحد ابريل 23, 2017 11:06 am    موضوع الرسالة: رد مع اشارة الى الموضوع





أفراح الفريق طه
وزّع السكرتير الصحفي السابق لرئيس الجمهورية المهندس أُبَي عــزالدين، رقاع الدعـوة الخاصة بمدير مكاتب رئيس الجمهورية الفريق طه عثمان الحسين، لحضور عقد قران كريمته، وذلك الإثنين المقبل عقب صلاة المغرب بمسجد سيدة سنهوري بالمنشية.

++++

ورَد هذا القول العجيب ..* في الصفحة ما قبل الأخيرة لعدد صحيفة "الســوداني" بتاريخ اليوم الأحد 23/أبريل/2017م تحت اسم الزاوية السـِّرِّية** اليومية: شَبَكَة الســوداني.





ـــــــــــــــــــــــــــــــــــــــــــــــــــــــــــ
*: هو قولٌ عجيب، باعتبار أن السكرتير الصحفي للرئيس، كان قد خُلِع شَرّ خَلعة من منصبه..! مباشرةً بعد إظهاره فلاحته الإعلامية بنشرِه تبرير صحفي مـؤذٍ، برّر فيه تلك البلفة الرياضية الهائلة ..! إهداء قميص اللاعب العالمي "ميسِّي" لرئيس الجمهورية، تُقلّده له "ناشطة" خوّاجية، بعيدة مهوى القُرط Surprised إلخ,,, وقد حلّلتْ بعض الأخبار التالية، أن خلع السكرتير الرئاسي كان من جانب الفريق طه! وإن صَحّ هذا، فكيف يوزّع "رقاع " الدعوة من كان مخلوعا به..! أيكون الصّهر وقَع؟

* هي زاوية شبه يومية، تجمع بين "هزل" الأخبار الشّمارية + "بعض جَـد" الأخبار الخفيفونة وكدا، وضمن الأخيرة، تتراكم تلك الأخيبارات التي يُراد لها ألّا تتصدّر بقية المساحات في الصحيفة، يحدفونها في "الشَبَكَة" .. واللهُ تعالى، أعلَم.
انتقل الى الاعلى
استعرض نبذة عن المستخدمين ارسل رسالة خاصة
محمد أبو جودة



اشترك في: 25 سبتمبر 2012
مشاركات: 424

نشرةارسل: الاثنين ابريل 24, 2017 2:59 pm    موضوع الرسالة: لولا السفارة السودانية لـ "ضاع صـبري" ..! رد مع اشارة الى الموضوع




( لو ما السفارة أنا كنت حأكون محجوز للآن)




الطاهر ســاتي، الصحافي السوداني بـ"الانتباهة"

في إجابته بالحوار الذي أجرته معه صحيفته السابقة..!! "الســوداني"، وذلك عشيّة احتجازه في مطار القاهرة الدولي لعدة ساعات ، ثم سُمِح له بالعودة على طائرة الخطوط الإثيوبية؛ وكان سؤال المحرر:
ماذا فعلت سفارة السودان بالقاهرة إزاء ما تعرضت له؟
فردّ قائلاً:
السفارة السودانية بالقاهرة تدخلت وأنهت الأمر، وهي تمثل خارجية السودان بالضرورة، (لو ما السفارة أنا كنت حأكون محجوز للآن).









ــــــــــــــــــــ
والأقواس، من عندهم، وُ "طلاق بالتلاتة" ... أها عايزين شنو تاني Laughing فالتقويس دا، أصبح سِمة تشفيرية عند صحفيي الإنقاذوية، قَـلّ مَنْ يسلم من عثراتها ..!
انتقل الى الاعلى
استعرض نبذة عن المستخدمين ارسل رسالة خاصة
الصادق إسماعيل



اشترك في: 27 اغسطس 2006
مشاركات: 266

نشرةارسل: الاثنين ابريل 24, 2017 4:47 pm    موضوع الرسالة: رد مع اشارة الى الموضوع

تأجيل أي جولة للمفاوضات تدعو لها الآلية الرفيعة الحركة الشعبية
مع حكومة المؤتمر الوطني حتى يوليو القادم، لتمكين الحركة من
معالجة أوضاعها الداخلية ولأن شهر رمضان الكريم على الآبواب

بيان الحركة الشعبية وسبب طلب التأجيل
يا ربي تكون في فتوى بي حُرمَة التفاوض
في رمضان، لتعارضه مع قيام الليل والاعتكاف وكدا
انتقل الى الاعلى
استعرض نبذة عن المستخدمين ارسل رسالة خاصة
الصادق إسماعيل



اشترك في: 27 اغسطس 2006
مشاركات: 266

نشرةارسل: الخميس مايو 18, 2017 10:23 pm    موضوع الرسالة: رد مع اشارة الى الموضوع

They love my style and they need a new approach

تراجي مصطفى في لقاء مع الطاهر التوم في رد على سؤاله (ليه
الناس حتنضم لتراجي إذا عملت حزب)

لمشاهدة اللقاء
أنقر الرابط (الدقيقة 19 وما بعدها)
https://www.youtube.com/watch?v=DxWPUgM8MBs



انتقل الى الاعلى
استعرض نبذة عن المستخدمين ارسل رسالة خاصة
حسن موسى



اشترك في: 06 مايو 2005
مشاركات: 3086

نشرةارسل: الجمعة يونيو 30, 2017 10:11 am    موضوع الرسالة: علي بابا و الأربعين بتاع رد مع اشارة الى الموضوع

قالوا
شماشي تكل عجلتو جنب مجلس الوزراء..
جاهو العسكري طاير قال ليهو: ما عارف المحلة دي بيجوا فيها وزراء و ولاة و نواب برلمان و مسؤولين كبار؟
الشماشي قال ليهو: ما تخاف ياخ أنا عامل ليها قفل.


من " واتساب" كرم الله وجهه
انتقل الى الاعلى
استعرض نبذة عن المستخدمين ارسل رسالة خاصة
حسن موسى



اشترك في: 06 مايو 2005
مشاركات: 3086

نشرةارسل: الاثنين يوليو 24, 2017 3:32 pm    موضوع الرسالة: الياقوت،رجل واحد شجاع يصنع أغلبية رد مع اشارة الى الموضوع


« 
ضابط جهاز الامن للشيخ الياقوت: انت استضفت طلاب الحركات المسلحة
ولو لم تأمر بمغادرتهم سنفض تجمعهم بالقوة .

الشيخ الياقوت: مابطرد زول من قريتي
والدايرو الله ببقي"


على الرابط
http://sudaneseonline.com/cgi-bin/sdb/2bb.cgi?seq=msg&board=490&msg=1500477658&page=0
انتقل الى الاعلى
استعرض نبذة عن المستخدمين ارسل رسالة خاصة
عادل القصاص



اشترك في: 09 مايو 2005
مشاركات: 1212

نشرةارسل: الاحد سبتمبر 10, 2017 9:17 am    موضوع الرسالة: رد مع اشارة الى الموضوع

عن صفحة مروان نبيل بالفيسبُكْ:


الكشة جات



يوم التلات 5 سبتمبر اول امبارح...يوم جميل وظريف وكالعادة راجع من الشغل مشيت مطعم وكافي اسمو ( كافيين ) انا شخصيا بمشيهو كتير عشان جميل وبفرق فيهو بالاضافة لي انو بنعمل فيهو ليالي موسيقة (music sessions ) باعتبار انو المزيكا هوايتي وحاجة جميلة وانا بحبها..اليوم داك كنا شغالين فيهو ..جات الساعه 8 وبدينا نشتغل البرنامج كان فيهو جزء عبارة عن talent show يعني ناس (مافنانين رسميا ) والموضوع بالنسبة ليهم هواية ما اكتر بعد ساعه من بدينا وتحديدا فالحتة بتاعه ال talents فجأة جا بتاع الساوند سستم وقفل الصوت ووراهو جيش بتاع ناس دخلو عملو ارهاب للناس وقفو للناس في طرابيزهم ويعاينو ليهم بي طريقة مستفزة وما محترمة نهائي..سألتا الحاصل شنو قالو دة النظام العام طيب والمشكلة وين ؟؟ قالو في ناس سكرانة فالمحل..طيب وينهم ؟ مالقو اي زول..قامو قالو طيب في ناس شاربة بنقو والضابط قال للعساكر شمو الناس دي...طيب وينهم ؟ قامو يشمشمو فالناس وبرضو ما لقو شي... قامو كالمعتاد قبلو على البنات انتو ما لابسين طرح وانتي لابسة بنطلون وانتي ما بعرف شنو اركبو الدفار دة وانتو يا الفنانين اركبو برضو وجيبو حاجاتكم دي قلنا جدا نعمل شنو الله لينا.. حصل تواصل مع واسطات طبعا وكل زول ضرب لي ناسو قامو نزلو البنات كلهم من الدفار قمنا مشينا نحنا القسم ...كتبو الشباب تعهد ( ولحدي حسة انا ما فاهم اتعهدو على شنو اساسا) ومشو..فضلنا نحنا ( الفنانين ) على قولهم انا وبتاع الساوند والمغني ..طيب نحنا مشكلتنا شنو يا سعادتك و نحنا عاملين تصديق للحفلة وعندي بطاقة من اتحاد المهن المسيقية (طلعتها ساكت مع انو انا ما شغال فالموسيقى كأساس ) والكلام دة اصلا جوة المحل يعني ما عامل ازعاج للجيران او كدة ؟.... رد الضابط قال انتو اخليتو بالتصديق... طيب يا سعادتك كيف اخلينا بالتصديق؟ قال لي التصديق مكتوب فيهو حفل بي جيتار..قلتا ليهو وانت لقيت شنو ؟ قال لي انتو عاملين حفلة بي جيتار و ( فنان ) .. انا صراحة ما اتوقعتا رد غبي فالدنيا زي الرد دة وفي نفسي قلتا ( يعني كان مفروض نكتب كمان حنجي لابسين شنو ولون الجزمة وحنقيف كيف وباخين ريحة ومزيل عرق ولا شنو ) قلتا ليهو عليك دينك حصل شفتا ليك حفلة بي اورقن شغال براهو قبل كدة ؟ قام اظن حسا بي انو عبيط (لكن طبعا اكيد ما حيسكت ) قال لي بعدين انتو بتغنو بالانجليزي ودة ممنوع لانو مخالف للعادات والتقاليد السودانية .. قعدتا اضحك ( شر البلية ما يضحك ) ..قلتا ليهو نعم ؟؟؟ انت عارف يا سعادتك انو الجاز دة اصلا ما سوداني ؟ وعارف انو ناس اتحاد المهن الموسيقية الي هم بطلعو بطاقات للناس عندهم فرق بتشتغل انجليزي بس؟ قال لي لا مافي قمتا قلتا ليهو اسامي فرق وفنانين من اتحاد الجاز واسامي المحلات البشتغلو فيها ..قام قال لي لأ ما شغالين...انا استوعبتا اللحظة ديك ووصلتا لي قناعة انو النقاش دة عقيم .. سكتا ..اتفتح فينا بلاغ ودخلنا حراسة وطلعنا بي ضمان...وراجين المحكمة .
حقيقة المخالف للعادات السودانية هو الخباثة و وساخة النفس..المخالف للعادات السودانية الظلم البقا شي طبيعي واتاقلمنا واتعودنا نتعامل معاهو كحاجة طبيعية .. المخالف للعادات السودانية بعد تعرف انك غلطان تناكف وتواصل في غلطك وتكون انسان عفن وقلبك اسود ...ياخي ما بتخجل تكون زول حقير كدة ؟؟

نكتة سريعة :

الجيتار حقي قاعد فالقسم ( معروضات ).



مروان نبيل





المصدر:

https://www.facebook.com/photo.php?fbid=10155161982325909&set=a.10151105321700909.459358.635560908&type=3&theater
انتقل الى الاعلى
استعرض نبذة عن المستخدمين ارسل رسالة خاصة
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
انتقل الى صفحة السابق  1, 2, 3 ... 15, 16, 17
صفحة 17 من 17

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة