[مطر قادم]

اقول
والشمس فى عز الامل
تهت ومشيت
اقول يانحن ياا نتو و
بكيت
يامواعيد
ياصباح من غير وسم
تهت ومشيت
ماضلمت
مابتعرف الزول البجيك
ولا البجيك
بيعرفك
حتى الشبابيك
والزوايا الكان بتجمع
فى حناياه الشكوك
ماضلمت
اغشاك يانفسى الغريبه
من همومى اطلعك
القاك واقفه على الطريق
احزان بتفرح
وتشتبك
افراح بتحزن
وترتبك
لمن رحلت مع الغنا
عز الامانى و
ضلمت
مديت على الامل القريب
اشواق كثيره و
قصرت
فى زاويه من ضل الشجون
جابت ظنونا و
قيلت
كلمت اشجار الخريف
عن شوق نما
فى الوحشه والزمن الاسيف
دلتنى افتش
فى المغارب
والمشارق
عن علامات
او رصيف
ترقد الازهار عليهو
يابنفسج
كحلى غالى
وبرتقالى
امشوا انتو
انا البقيف

[محمد الجزولي]

.. .. .. .. ..
سلامات يامطر ..

.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )

[هادية بدر الدين]

مطر
ومحمد الجزولى
تحياتى .
امشوا انتو
انا البقيف

(ما ضلمت)
يا حليلك

[محمد الجزولي]

.. .. .. .. ..
هادية بدرالدين ..
ما بت( اهل ) الوقفة .. مابتقيفى كفن ..
والوقفة الجد .. جد ..
وما بنخليها( تضلم ) طال ماعيشين ياهادية ..
والله زمان ..
وياحليلو .. وحليل كثيرين .. وحليل زمن سمح ..
ازيك يابت القبائل ..
والأولاد ..
قريب .. حاأتغداء عندكم فى كندا ..
سلام ..
.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )

[هادية بدر الدين]

تحياتى اهل البوست الجميل
مطر قادم
الجميل الرحل عمر الطيب الدوش
الصديق محمد الجزلى
ابو حسن
راجينك انتة وام حسن والشلة الجميلة .

[مطر قادم]

الاخ محمد الجزولى
كل التحايا لك ولاصدقاءك باستراليا وخصوصا اهل حى الطوب الرملى بمدينة نصر سابقا وشكرا للمرور والتحايا.

[مطر قادم]

الاخت هاديه بدر الدين
كل التحايا والامنيات الجميله وجزيل الشكر وتحياتى للاستاذ يحيى فضل الله والابناء