الساعات

Forum Démocratique
- Democratic Forum
أضف رد جديد
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

الساعات

مشاركة بواسطة Mohamed Fadlabi »

مرات بالليل
في قلبي الخيل
ما بيرتاحن

و الروح .. عصفور الضو القفصو أنا !
بتوجعني شديد
مرات الإيد
ما بترسم شي
ما بتكتب شي
ما بتاكل شي و ما بتتنفس

عارف يا طبيب ?
أنا عارف البي .. عندي الساعات .

مرات بتكلم دون ما أحس بي نفسي بقول في شنو
أسمع صوتي و أقول ده منو ?
مرات العالم ببقى رمادي
وأحزانو بتبقى شي عادي
تختفي من وشو تقاطيعو

و يلمع في رقبتو عقد مبلول
إسمو الساعات

طبك يا طبيب !
دوايا شنو
أنا عارف البي
عندي الساعات


محمد oslo july 2005
صورة العضو الرمزية
طلال عفيفي
مشاركات: 124
اشترك في: الاثنين مايو 09, 2005 7:19 pm

مشاركة بواسطة طلال عفيفي »

صورة

فاضلابي ..

هل بدأ النمل زحفهُ الموسمي تجاه الروح ..

عساك بخير يا صديقي ..
أنا عارف حكاية الساعات دي يا محمد :
قلبك معصور , مش كده ؟

...
طلال
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

يا طلال يا صاحبي
العصرة الموسمية يا صاحب
(الروح اليومين دي زعلانة)
لكن كالعادة بتزول الله يخليكم بس
إيمان أحمد
مشاركات: 774
اشترك في: الاثنين مايو 09, 2005 6:27 pm

مشاركة بواسطة إيمان أحمد »

يا محمد
أعجبتني الساعات دي (بالحيل).
هو داء جديد إذن!
شكرا لحسن التعبير
لك سلامي
إيمان
ÚÕÇã ÇáÏíä ÈÔíÑ
مشاركات: 78
اشترك في: الأحد مايو 29, 2005 2:21 am
مكان: السودان
اتصال:

مشاركة بواسطة ÚÕÇã ÇáÏíä ÈÔíÑ »

الأخ فضلابي

أنا ذاتي





كِدا
د.عصام الدين محمود حسن بشير
Peace Activist
www.sudanpeace.meetup.com
أضف رد جديد