دعوة لاولاد بربر وضواحيها..ومن شاء من رواد هذا المنتدى...

Forum Démocratique
- Democratic Forum
أضف رد جديد
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

دعوة لاولاد بربر وضواحيها..ومن شاء من رواد هذا المنتدى...

مشاركة بواسطة عادل السنوسي »

بشري وتحية لمرتادي ( سودانفوراوول ) وغيرهم ..لدينا موقع خاص بنا..نحن ( اولاد بربر ) وهو سابق لهذا المنتدى باكثر من سنتين فزوره ( ان شئتم ) :www.brbrnet.net
حسن موسى
مشاركات: 3621
اشترك في: الجمعة مايو 06, 2005 5:29 pm

مشاركة بواسطة حسن موسى »

[ عادل
عندي تلاتة أسئلة ليك و لبقية "البرابرة" ( يالنبي نوح)
وبنات بربر وين؟
و بعدين الاخ ثيو فان جوخ دا عندو أقامة في بربر و لا ترانزيت ساكت؟
انتو بربر دي و كت ما قادرين تمرقوا منها المقعدكم بعيد منها شنو؟
مودتي
حسن
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

عادل كيف حالك

دة رابط موقع "أولاد بربر"، لتسهيل ارتياده للزوار.

http://www.brbrnetnet

وزي ما قال حسن موسى، بنات بربر وين؟ نسيتوهن مع أنه ينسب لهن الكثير من الاختراعات السودانية (والله أعلم) من الحلو مر إلى بنينة العروس مروراً بالعطور السودانية.

نجاة
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

الاخ ..استاذنا حسن موسي ..شئ لله ياحسن ..يا سلطان الزمن..والاخت نجاة يا ست البنات ..اقول لكما علي الترتيب :
لا اعتراض لي علي كلمة ( البرابرة) ولكن عند وصفك ل ( ناس بربر ) فالصحيح ان تقول : ناس او اهل بربر فقط وليس البرابرة واكرر : لا راي لي في البرابرة ولكنا (نحن اهل بربر ) لسنا منهم ولا يوجد اي (بربري) واحد في مدينة بربر وضواحيها ..لذا لزم التنويه.
بنات بربر وين ؟ اسف ولم اقصد تجاهلهن ..اتجاهلم كيف ؟ ااااااااخ انا منهن !!
فان خوخ = ليس لديه اقامة في بربر ولكن بسبب مقتله كاد (الدطش) ان يسحبوا منا الاقامة في بلدهم المضياف وبالذات انا ...(معمني ) سوداني لكن شكلي يمكن اكون مسلم .. فتامل !
المقعدنا بعيد من بربر : دا سؤال صعب ..ربما احاول الاجابة عليه في المستقبل .
شكرا نجاة علي الدعاية لبربرنت.نت والي اللقاء وشكرا حسن ونجاة علي المرور .
آخر تعديل بواسطة عادل السنوسي في السبت نوفمبر 05, 2005 5:15 am، تم التعديل مرة واحدة.
كمال قسم الله
مشاركات: 158
اشترك في: الاثنين مايو 09, 2005 6:29 pm

مشاركة بواسطة كمال قسم الله »

[/b]الأعزاء عادل بدوى ، حسن موسى ونجاة محمد على
كل عام وأنتم بخير ، وتشكرات باقات.
والله يا عادل الفكره جيده ، بس مفروض تكون مهتمه بالبحث والتوثيق ، باعتبار انه بربر من المدن السودانيه القديمه والعريقه، الكتابه عنها بالصوره دى تعد من المساهمات المعقوله فى كتابة تاريخ السودان بطريقه أخرى .
وبعدين وزى ما قال حسن موسى ( يا النبى نوح ) يلحقنا وينتعنا وأضيف(ياالنبى لوط) بنات بربر وين يا عادل ؟
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

اخوي كمال ...يا ود الحلة..
لا اعتراض لي علي النبيين نوح و المدعو لوطا...(عليهما السلام ) ولكن من شدة حبي لي بنات بربر تجدني من انصار النبي محمد..لانه عن طريقه يمكن ان ( افوز ) بي اربعة منهن !!! دا خليك من ما ملكت ايمانهم !!
آخر تعديل بواسطة عادل السنوسي في السبت نوفمبر 05, 2005 10:41 am، تم التعديل مرتين في المجمل.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

حلوة يا عادل السنوسي معمني دي
عليك الله حسن موسى دايرنا نخرج من ديارنا وما نكب الجرسة. عليك الله شوف الزول دا؟
ولله أنا لوكنت من بربر كنتُ أهاتي بيها في بيكاديللي سيركس مثلا
ولا يعجبني في بلاد الانجليز إلاٌ البيرة اللاقر. يازول أقول ليك أنحن مرقنا من السودان دا
عشان نشتاقلوا. أها تاني في كلام. طبعا دا ما كفاية عشان أنا أتحالف مع ناس بربر. ديل يا خي مشينالم
في عيد. قاموا إتعاوروا فينا جنس عوارة. قالوا الضيوف من أم درمان إذن نعمل مباراة في الشراب بين
أولاد أم درمان وأولاد بربر. بعدين فازوا بيها هم لأنهم جابو العرقي
بالقفاف. أول مرة أشوف عرقي بجيبوه بالقفة. صرعونا ليك صرعة عدوك.
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

اخوي مصطفي...ازيك ياخوي...
انا هنا ( روتردام ) بدلت العرقي ب الويسكي ( جون المشاي ) وبدل ( القفة ) قاعد اجيبو ب الكرتونة ومرحبا بي اي مبارة !!
ملحوظة : عندنا واحدة في امستردام قاعدة تسوي العرقي !!! بارك الله فيها !
صورة العضو الرمزية
ÚÈÏ ÇáãÇÌÏ ÝÑÍ íæÓÝ
مشاركات: 77
اشترك في: السبت يونيو 11, 2005 12:07 pm
مكان: كيمبردج - إنجلترا

مشاركة بواسطة ÚÈÏ ÇáãÇÌÏ ÝÑÍ íæÓÝ »

الأخ السنوسي
السلام عليكم
بربر والله مدينة سمحة تب وكنت أزورها وأنا في طريقي للباوقة لزيارة أهلنا في حوش ودأبعلي.
المهم,تجولت في السايت بتاع بربر وهي صفحات جميلة ومنسقة تشكرون عليها.
لفتت نظري (في صفحاتكم) هذه الرواية عن أصل كلمة بربر ولم أستطع قبولها, وهي كمايلي:
تقول رواية تاريخية شفوية شعبية أنه كان في سالف الزمان امراة نوبية تسمي بربره تـحكم مدينه بربر والقرى المجاورة لها ومن اسمها اشتق أسم المدينة .
ويقال أنه كان لهذه المرآة عبدان وجاريه ، وكانا من المقربين إليها حتى جعلت أحد العبدين وأسمه الدانقيل حاكما علي قرية شمال المدينة لا تزال تعرف بهذا الاسم إلي يومنا هذا وجعلت العبد الآخر حاكما أيضاً علي منطقة تقع غرب بربر وكان يقال لها النخره وباسمها يعرف الجبل الممتد هناك شرقاً وغرباً حتى مضرب خيام قبيلة الحسانيه ، وخلف هذا الجبل شمالاً قبر طوله نـحو مترين قيل أنه قبر لشيخ من الشيوخ يقال له الشيخ هلال وكانت الجاريه (الفرخه) تحكم قرية تقع في شمال قرية الدانقيل وتعرف هذه القرية باسم الفريخه إلي الآن .

ماهو رأيك ورأي السودانفوراليين؟
مودتي
الوطن يتحدث جهرا
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

اخوي عبدالماجد ....شكرا علي المرور...والاعجاب بي موقعنا : بربرنت ...
اما اصل التسمية (بربر) فارجو ان تقبلها كما هي ..كما ذكرت Try to live with it ..ولا فائدة من انكار اصول التسميات و حقائق التاريخ....
آخر تعديل بواسطة عادل السنوسي في الأحد نوفمبر 06, 2005 1:44 pm، تم التعديل مرة واحدة.
كمال قسم الله
مشاركات: 158
اشترك في: الاثنين مايو 09, 2005 6:29 pm

مشاركة بواسطة كمال قسم الله »

الأخ عادل بدوى
أتساءل عن كيفية الأشتراك فى سايت ناس بربر .
الحاجه الثانيه ، ليه الناس فى سايت بربر بيكتبو بأسماء مستعاره ، المسأله دى ضد التواصل الذى هو واحد من أهداف هذا السايت ، بعدين ما ممكن تتحاور أو تتونس مع شخص دون معرفته ومعرفة أسمه خاصة فى سايت بربر لأن الناس كلهم بيعرفو بعض .

بعدين بمناسبة نبى الله ( لوط ) تساءل فى مره من المرات مولانا شيخ العبيد ، لم لا تسمى الناس أبناءها بأسماء الأنبياء ، أحد الطلاب الأشقياء ، قالو يا مولانا ما كان تسمى ولدك ( لوط ) فاذا بمولانا شيخ العبيد يحمل مركوبه بكلتا يديه ويحدفه تجاه ذلك الشقى مرددا (لوط ) يا ..........
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

اخوي كمال ...بي تستاذن لدخول بيتك ؟ بربرنت الدخول ليها سمبل ..خش طوالي ..ولو في اي مشكلة كلمني...
صورة العضو الرمزية
ÍÓä ãÍãÏ ÓÚíÏ
مشاركات: 465
اشترك في: الاثنين أغسطس 08, 2005 2:58 pm

بربر

مشاركة بواسطة ÍÓä ãÍãÏ ÓÚíÏ »

الأخ عادل السنوسي والأخوة والأخوات سلام

لما كنا بندرس في جامعة الأزهر كان معنا من ضمن ناس بربر علاء الدين محمد السيد وصديق البوصيري وكان علاء الدين مكرهني الحياة عشان انا كنت مسكين، لكن كنت بمشي انتقم من صديق عشان كان مسكين أكثر مني وكان مرة مشيت بيت الطالبات ووجدت صديق واقف ليهو مع حب جديد وكانوا لسه ما اتكلموا في الحب يعني يادوبوم فقلت ليهو قدام البنت انت ياصديق كيست البت دي ولا شنو يازول؟ صديق بقى برجف وقال لي انت ياحسن الكلام البتقول فيهو دا دراب.

الملاحظ انه بربر النيل جنبها لكن برغم من ذلك حافرين آبار، هل انشئت بربر قبل ما يجي النيل ولا شنو؟
مع خالص ودي

حسن سعيد
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

اخوي حسن ود محمد سعيد..انا والله سعيد بالمرور..
ناس بربر الحريفين ...( وانا منهم ) ما كانوا يستعملون موية المواسير الا في الحمام واما للشرب فقد كنا نستجلب (موية البحر ) بالكارو (وهي مهنة لها اساطينها ) وبعد داك = بعد ما نكبها في الازيار= بنقوم نخط فيها( الشب) للتصفية والنقاء..فتامل !!
صورة العضو الرمزية
ÚÇÕã ãÍãÏ ÔÑíÝ
مشاركات: 30
اشترك في: الأحد أغسطس 28, 2005 6:21 am

مشاركة بواسطة ÚÇÕã ãÍãÏ ÔÑíÝ »

الصديق العزيز استاذ عادل بدوى السنوسى

كل سنة وانت طيب..

على الرغم من انو العيد مسيخ وما فيه (السكسكانية).. اياها

فعلا موقع (بربر) جميل ..وقد لفت انتباهى منذ العام الماضى

وجب علينا ان نشكر الاخ (مجذوب عثمان سليمان)مصمم الموقع ..(وهو ان كنت تذكر: احد تلاميذك ببربر الثانوية (كان ورانا بدفعتين)

ومن ناحية اخرى(زى ما بقولوا ناس الاخبار)
وعدتنى بارسال بعض اعمالك عن طريق الايميل..لكن الايميل الجانى منك كان:blank
وايضا فى انتظار تزويدى باميل او تلفون عبد السلام

ولك كل الود
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

طبعا...طبعا ..ياعصومي ..ميدوب (مجذوب ) ...انا بتذكروا..لكن يا عاصم ما بالغت ......انا تلفون عبد السلام اخوي رسلتو ليك اكتر من شهرين هاك ليهو مره تانية مباشرة (+33671864774 سلام يا عاصم و انا برضو رسلت ليك تلفوني .....0031104829742 ..دائما..عادل بدوي السنوسي.
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

السكسكانية ياعاصم ؟ هل تعلم يا عاصم مافي بلد في العالم بتعمل السكسكانية غير بربر .....؟ مالك يا عاصم مقلب المواجع ؟
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

الي الاصدقاء القدامي ورفاق الدرب :
[email protected]
صورة العضو الرمزية
ãÍãÏ ÔÈíäí
مشاركات: 16
اشترك في: الاثنين أغسطس 08, 2005 2:23 pm

مشاركة بواسطة ãÍãÏ ÔÈíäí »

االعزيز/ عادل السنوسي
التحيه لك ولاهالي وسكان بربر
عمل جميل وفيه جهد عظيم.
تهانيننا
وعاوزيييين معاكم
اها كيف السبيل
مع معزتي
شبيني
عادل السنوسي
مشاركات: 839
اشترك في: الاثنين مايو 09, 2005 8:54 pm
مكان: Berber/Shendi/Amsterdam

مشاركة بواسطة عادل السنوسي »

الاخ شبيني..كيف حالك ؟ شكرا علي المرور والتوقف هنا...وشكرا علي رغبتك في المشاركة في بربرنت وهي متاحة للجميع ويمكنك فعل ذلك مباشرة عن طريق الشبكة ولكني لاادري الطريقة او لاادري كيف ا شرحها..فانا مازلت ( زول ابوجهل ) في الكومبيوتر ....لذا انصحك بالاتصال بالايميل الخاص بالشبكة وهو : [email protected] . اها التشكيل كيف ؟ سلام.
أضف رد جديد