كيف وجدت الموت .. فأنا أخافه

Forum Démocratique
- Democratic Forum
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

كيف وجدت الموت .. فأنا أخافه

مشاركة بواسطة Mohamed Fadlabi »



صورة


الطفل في باحة القهوة
يتأبط فرشاته و يدخن
كان يرسم أحلامنا في الهواء .. على الورق ..الجلد ..الخشب .. بين القماش وفي حائط المدرسة
قطفوا صوته ذات زهر جميل و متعب
ثم في حلقه علقوا النيشان

الخطوط رجال(قال لي)
الخطوط نساء
الخطوط قطط
ثم أرخى يديه و قال : طائرة !
قلت : ماذا ?
أجاب : كفن ..
و دخن حتى انصرفنا

من أين يدخلني الضوء جدا لأرسم
من أين يمسكني الله

الطفل يرسم و لكنه لا يموت
يسهو و يضحك لكنه لا يموت
يدخن لكنه لا يموت

الطفل مات
و لكنه
لا يموت .. !

.
ÂãÇá ãÕØÝì
مشاركات: 37
اشترك في: الثلاثاء مايو 10, 2005 12:42 pm

مشاركة بواسطة ÂãÇá ãÕØÝì »

فاضلابي..لك اشوأق كثيرة

أتمني أن نحلم سوياً في هذا المكان الجميل
بسودان جديد..بفرح جديد ..وبموت جديد
موت جديد ليس من الجوع
ليس من الفقر
ليس من القهر
وليس في المنافي
موت مكتمل وناضج في السبعين أو التسعين من العمر
موت لا يجد شئ ياخذه ..لأن الحياة اخذت كل شئ

إذاً فلنمضي نحو الشمس
حتي نجدد ما بنا من طاقة علي الحب والفرح
وحتي نقاوم هذا الحزن

معزتي
أمال
صورة العضو الرمزية
طلال عفيفي
مشاركات: 124
اشترك في: الاثنين مايو 09, 2005 7:19 pm

مشاركة بواسطة طلال عفيفي »

صورة

سلامات يا فاضلابي ..
أنا سعيد جداً لأنك هنا ..

لم تترك لي آمال الكثير لأقوله ..
لكني أقاسمكم الحلم ببلاد تليق بالناس ..

محبتي يا محمد وأشواقي ..

...
طلال


________________________
* رسم بعنوان : رجل أزرق .
ل " كارلوثيرتوس/ Carlo Thertus " .
تم توقيعها في 1996 بألوان إكليريك على
قماش ..
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

من أعمال عمر خيري
تصوير حسن موسى

صورة


نقلاً عن غاليري التشكيليين السودانيين:

https://sudanartists.org/omerkhiryp1.htm

مع مودتي
نجاة


.
نصار الحاج
مشاركات: 120
اشترك في: الاثنين مايو 09, 2005 6:59 pm

مشاركة بواسطة نصار الحاج »

الطفل يرسم و لكنه لا يموت
يسهو و يضحك لكنه لا يموت
يدخن لكنه لا يموت
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

آمال العزيزة
طبعا من حقنا أن نحلم ملء الدنيا
طبعا ومن حقنا أن نحقق أحلامنا
و أن نحب الحياة وإن لم نخترها فقد إختارتنا ..
و هل لحر سوى أن يهش بوجه من أختاره رفيقا
شكرا للحياة بسيئها و الطيب
يوما ما
سيكون ما حلمناه بيننا يتنفس و يطبب على كتوفنا
وسنعيش يا آمال
سنعيش
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

طلال يا صاحبي
حبا بحب
و شوقا بأكبر منه
إنشاء الله يا صاحبي
نتلاقى في بلد طيب زي روحك الحلوة
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

أستاذة نجاة
شفتي عمر خيري ده فنان كيف ??
أنا دايما كنت بحس إنو لو ما السطح عنده حدود كان حيكون برسم ويرسم و يرسم
للآن
يعني اللوحة الفوق دي حدودها ما هي حدودها .. لكن السطح إنتهى بس
الله يرحمك
يا أستاذي العارف بالرسم و التلوين
و يمدنا منك بروح..
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

نصار آمنة :)

الطفل مات

و لكنه لا يموت
صورة العضو الرمزية
سيف اليزل الماحي
مشاركات: 366
اشترك في: الثلاثاء مايو 10, 2005 12:00 pm

مشاركة بواسطة سيف اليزل الماحي »

يا فاضلابي
اكتب عني
عمر خيري فنان لا يسعه إلا أن يرسم .
مـن الآن فصاعدا يجـب التمـني بقـوة !!
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

سيف إنت الزول الكان عامل ريليف بالجلد فيهو شعر عاطف خيري (يا فرس كل القبيلة تلجمو ... )
عن سيدي مصطفى رحمة الله علينا إذ مضى شأنه كعمر خيري
و تركونا في الوحل و حدنا ??
تستاهل يكتبو عنك و نص
صورة العضو الرمزية
سيف اليزل الماحي
مشاركات: 366
اشترك في: الثلاثاء مايو 10, 2005 12:00 pm

مشاركة بواسطة سيف اليزل الماحي »

عزيزي فاضلابي
انا الزول زاتو .. وذاك كان مشروع بين كتابات عاطف خيري وصوت مصطفى .. لم يكتمل للآن ولاتسألني لماذا؟ انت سيد العارفين .
لا أعرف لكن ما بين مصطفى وعمر خيري غير حالة الابداع كثير ، هل نبحث في ذلك أم أن في الأمر مدعاة لحزن كبير على مبدعي الوطن .
المهم .. خلينا نتواصل
مـن الآن فصاعدا يجـب التمـني بقـوة !!
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

سيف
كيف أحوالك ياخ
نحنا متواصلين من زمان والبركة في شغلك الجميل المتحكر بين ذكرياتي عن معرض تخريج دفعتكم الجميل بس لازم تواصل يا شاب لأننا إتعودنا على عمايلك الجميلة :)
صورة العضو الرمزية
عالية عوض الكريم
مشاركات: 358
اشترك في: الاثنين مايو 09, 2005 5:50 pm

مشاركة بواسطة عالية عوض الكريم »

من أين يدخلني الضوء جدا لأرسم
من أين يمسكني الله


الفاضلابي

حياك الغمام

فرحة رموش الكلام بحدق هذا الحزن النبيل

محبتي
صورة العضو الرمزية
Mohamed Fadlabi
مشاركات: 111
اشترك في: الاثنين مايو 09, 2005 6:19 pm
مكان: النرويج - أوسلو
اتصال:

مشاركة بواسطة Mohamed Fadlabi »

عالية صاحبتنا في ألمانيا
شكرا على وجودك في الدنيا
قريت كتابتك و استمتعت كتير
ايمان شقاق
مشاركات: 1027
اشترك في: الأحد مايو 08, 2005 8:09 pm

مشاركة بواسطة ايمان شقاق »

سلامات يا فاضلابي


هل مات عمر خيري؟
لا اظن ، في رسمه وخطوطه حياة لا تنتهي.
الاحتفاظ برسوماته وعرضها في مكان يليق به و التعريف به... يبقيه حياً بيننا.
على الاقل نرد دينه علينا
ونزيل عنه بعضاً من الظلم الذي وقع عليه وعلى اعماله .







يا فاضلابي انت كنت دفعتنا؟
ولا ده محمد فاضلابي تاني ! صورتك بتشبه فاضلابي دفعتنا ؟

معليش فقد تشابه علي الفاضلاب

تحياتي
ايمان
صورة العضو الرمزية
ÝíÑæÒ ÚãÑ
مشاركات: 27
اشترك في: الاثنين مايو 09, 2005 10:18 pm
مكان: المانيا/ كاسل

مشاركة بواسطة ÝíÑæÒ ÚãÑ »

موت لا يجد شئ ياخذه ..لأن الحياة اخذت كل شئ


ما أجمله من موت ..
أو ...
يا لها من حياة .. !


فاضلابى ..
إزيك ..

لم يمت من عاش بكل هذا الصدق ..
أليس كذلك ؟

ايمان يا دفعه
سلامات

يا فاضلابي انت كنت دفعتنا؟
ولا ده محمد فاضلابي تاني ! صورتك بتشبه فاضلابي دفعتنا ؟

معليش فقد تشابه علي الفاضلاب


أظنك قاصده صبرى الفاضلابى .. مش؟
نحن كان عندنا فى دفعتنا فاضلابى واحد
"البينترجى"..

والا كيف .. يا سيف؟
صورة العضو الرمزية
سيف اليزل الماحي
مشاركات: 366
اشترك في: الثلاثاء مايو 10, 2005 12:00 pm

مشاركة بواسطة سيف اليزل الماحي »

فاضلابي سلام
ايمــان يادفعه ... ازيك
ويا روزا صاح .. ناس فاضلابي ديل جو بعدينا واخذو اجمل ما فينا على قلته ... اما الفاضلابي صبري فاظن ان ايمان شقاق لو وضعته بين حجاز ومعمر مكي بتعرف انه صبري الفاضلابي ذاك الجميل والساخر والرسام والبلدي خالص ...
والا كيف يا روزا
سيف اليزل
مـن الآن فصاعدا يجـب التمـني بقـوة !!
ايمان شقاق
مشاركات: 1027
اشترك في: الأحد مايو 08, 2005 8:09 pm

مشاركة بواسطة ايمان شقاق »

فاضلابي عن اذنك ح نسرح شوية هنا



فيروز،
كيفك يا بنية
وكيفك يا سيف يا دفعه،
ما نسيت صبري الفاضلابي ولد دفعتنا الملوناتي الشفاف.
لكن بتذكر في سنة أولى كان معانا زول اسمه محمد الفاضلابي ترك الدراسة بكلية الفنون ودرس اقتصاد على ما اعتقد في جامعة الخرطوم.
وفاضلابي ده (صاحب البوست) بيشبهو في الصوره!


تحياتي
آخر تعديل بواسطة ايمان شقاق في الاثنين مايو 23, 2005 7:54 pm، تم التعديل مرة واحدة.
صورة العضو الرمزية
سيف اليزل الماحي
مشاركات: 366
اشترك في: الثلاثاء مايو 10, 2005 12:00 pm

مشاركة بواسطة سيف اليزل الماحي »

حا نسرح كتير يافاضلابي .. بعد اذنك
لانو كتير كمان لم نلتقي
يابت شقاق قلت شنو
الملوناتي الشفاف؟ يعني كان بشف الرسم قصدك يا امونه؟ اتاريهو الولد...!!
باكر بنواصل السرحان لو الفاضلابي اكرمنا
سيف اليزل
مـن الآن فصاعدا يجـب التمـني بقـوة !!
أضف رد جديد