فرويد مات وتوومبلي مات وأنا ذاتي متحسّس شوية!

Forum Démocratique
- Democratic Forum
حسن موسى
مشاركات: 3621
اشترك في: الجمعة مايو 06, 2005 5:29 pm

فرويد مات وتوومبلي مات وأنا ذاتي متحسّس شوية!

مشاركة بواسطة حسن موسى »

فرويد مات و توومبلي مات و أنا برضو متحسّس شوية!
فرويد مات، وتوومبلي مات[ وبن لادن ما معروف وين؟] و أنا ذاتي متحسس شوية و غايتو، ربنا يجيب العواقب سليمة.. [ و بمناسبة" متحسس" دي ،أفتح قوس وأشكر الأصدقاء و الصديقات الذين عضـّدوني و ساعدوني على إجتياز بلاء الجسد أثر العلة التي ابعدتني عن المشاركة في حوارات المنبر في الفترة السابقة.. و قد جاء في المثل ان " الصديق وقت الضيق " سيّما و الضيق المعني هنا يتعلّق بالشريان السُّباتي الذي ينقل الدم إلى الدماغ ـ و شرحها بالعربي الـ " كاروتيد " ـ. المهم يا زول ، انتهى الامر على خير و قد كسبت بحّة في صوتي جعلته مثل صوت " دون كورليوني " في فيلم " العرّاب " ، لكن الجراح طمأنني بأنها مسألة وقت و أنني سأستعيد صوتي الطبيعي قريبا و طمأنته بدوري بأنني لا انوي احتراف فن الغناء . ينوبني من كل ذلك اعجاب الممرضات الكبير بجرحي لحد استنفار كل من هب بالمستشفى ليحضر و يشوف الشغل النضيف.و أهلنا الفرنسيس قوم يدينون بدين التقنية . و أكتفي بهذا القدر و اقفل القوس وأحمد الله الذي لا يحمد على مكروه سواه]. لوسيان فرويد مات يوم 21 يوليو 2011 و هو في الثامنة و الثمانين بينما سبقه ساي توومبلي [ و اسمه الحقيقي إدوين باركر توومبلي ] الذي رحل يوم 5 يوليو 2011 عن 83 عاما.و قد عبرا مسار" الأسبار" الوجودية بأسلوب يدعو للإعجاب و أورثا الإنسانية تراثا أضاء أرض التصاوير و صان عز الرسم بشكل غير مسبوق فلا خوف على أحد و لا حزن لكن تلزمنا عودة متأنية للمساهمتين.
حتى اعود هاكم بعض الروابط من باب "قد عين الشيطان"..

روابط فرويد
https://www.leninimports.com/lucian_freud_bio.html

https://www.answers.com/topic/lucian-freud

https://www.bbc.co.uk/news/entertainment-arts-14243713

https://debordante.blogspot.com/2007/07/ ... e-nue.html

روابط توومبلي
[ شكرا لمحمد عمر بشارة ]

https://www.bendbulletin.com/article/201 ... 107060367/

https://www.nytimes.com/2011/07/06/arts/ ... at-83.html

https://www.nytimes.com/2011/07/07/arts/ ... aking.html

https://groups.google.com/group/alt.obit ... 3?lnk=raot

https://www.legacy.com/obituaries/nytime ... =152391692
https://www.artsjournal.com/culturegrrl/ ... t_hau.html

https://hyperallergic.com/28549/cy-twombly-dead-at-83/

https://entertainment.timesonline.co.uk/ ... 150267.ece

https://www.guardian.co.uk/artanddesign/ ... remembered[/size]
ياسر عبيدي
مشاركات: 1157
اشترك في: الخميس مارس 27, 2008 1:51 pm

مشاركة بواسطة ياسر عبيدي »


سلامتك يا حسن .. أمنياتى لك بوافر الصحة و العافية.
ãÈÑ ãÍãæÏ
مشاركات: 131
اشترك في: الجمعة إبريل 01, 2011 1:53 pm

مشاركة بواسطة ãÈÑ ãÍãæÏ »

أمانينا لكَ الصحّه الجيّدة والشفاء التام..تحيّاتي
النذير حجازي
مشاركات: 535
اشترك في: الجمعة يناير 11, 2008 7:27 pm

مشاركة بواسطة النذير حجازي »

عزيزنا الدكتور حسن موسى،

ألف حمد لله على السلامة وامنياتنا لك بوافر الصحة والعمر المديد، وشدة وبتزول

تحياتي
give me liberty or give me death
صورة العضو الرمزية
ÓíÝ ÇáäÕÑ ãÍí ÇáÏíä
مشاركات: 150
اشترك في: الأربعاء مايو 27, 2009 3:20 am

مشاركة بواسطة ÓíÝ ÇáäÕÑ ãÍí ÇáÏíä »

الف حمد لله على السلامة يا د. حسن.
نظرت في بعض اعمال الراحلين من الروابط التي وضعتها فاعجبتني اعمال فرويد و لم افهم اعمال توومبلي و بدت لي محض شخبطات.
When you find that you are on the side of the majority, it is time to pause and reflect."
Mark Twain
صورة العضو الرمزية
الوليد يوسف
مشاركات: 1854
اشترك في: الأربعاء مايو 11, 2005 12:25 am
مكان: برلين المانيا

مشاركة بواسطة الوليد يوسف »

https://www.youtube.com/v/Q4VRCW_9r_4
السايقه واصله
صورة العضو الرمزية
الوليد يوسف
مشاركات: 1854
اشترك في: الأربعاء مايو 11, 2005 12:25 am
مكان: برلين المانيا

مشاركة بواسطة الوليد يوسف »

الف لا بأس عليك وإنشاء الله برية وشفاء عاجل وعافية تلازمك وما تبرحك وتكون اليك اقرب من حبل الوريد والشريان السٌباتي ذاتو.

وليد يوسف
السايقه واصله
الفاضل البشير
مشاركات: 435
اشترك في: الاثنين مايو 09, 2005 7:56 pm

مشاركة بواسطة الفاضل البشير »

تركت رسالة فى تلفونك تمنيت ان اجدك لاسمع صوتك الجديد المؤقت
صورة العضو الرمزية
ÇáÈÑÇÞ ÇáäÐíÑ ÇáæÑÇÞ
مشاركات: 180
اشترك في: الأربعاء يناير 07, 2009 7:12 pm

مشاركة بواسطة ÇáÈÑÇÞ ÇáäÐíÑ ÇáæÑÇÞ »

يا زول حمد لله على السلامة وطالما كيبوردك ما فيهو بحة، صوتك خليهو يجي على راحتو، وقالوا الدنيا مصالح والداير صوتك يتهنابو أما نحن فيكفينا كتابتك حتى إشعار آخر.
لاحظت كما غيري تغيبك عن المنبر وعن بعض البوستات التي تغلي بهناك، وبالرغم من إنقطاعي عن الكتابة فيه إلا أنني لا أفتأ أتابع كل الكتابات الجيدة وهذه الأخيرة تناضل لتكون جديرة بك في هذا المنبر. أتمنى لك ولأسرتك دوام الصحة والعافية.
إيمان أحمد
مشاركات: 774
اشترك في: الاثنين مايو 09, 2005 6:27 pm

مشاركة بواسطة إيمان أحمد »

ألف سلامة يا حسن موسى

تبرى من الشر وإن شاء الله يوليوات كتيرة تمر عليك وتعيش وتنتج وتحيرنا رسم وكتابة.

إيمان
صورة العضو الرمزية
ÚÕÇã ÃÈæ ÇáÞÇÓã
مشاركات: 814
اشترك في: الأحد أكتوبر 23, 2005 4:48 am
مكان: الخرطوم/ 0911150154

مشاركة بواسطة ÚÕÇã ÃÈæ ÇáÞÇÓã »

سلامات يا استاذ، ولقد انتظرناك ولكن يبدو ان حظنا اتعس
تاج السر حسن
مشاركات: 103
اشترك في: الثلاثاء نوفمبر 21, 2006 10:08 am

مشاركة بواسطة تاج السر حسن »

يا زول كفارة وسلامات
وترجع لينا زي ما كنت أول.. كلك نشاط وإبداع
مولانا لوسيان فرويد عاش عمرا مديدا وبالطول والعرض كما بدا لي بعد مشاهدة معرضه الاستعاد ي الكبير في بومبيدو سنتر ٢٠١٠
ونحن.. ( لسة بنحلم بالمستقبل..) ونأمل في الفأل الحسن بتاع لوسيان (ياحسن عند الشدايد)
ياخي بُعد الشر عليك..
مع التحية
تاج السر حسن
سيد أحمد العراقي
مشاركات: 624
اشترك في: الأحد يونيو 21, 2009 11:44 pm

كفارة البيك يزول...المرض مايبكتلو زول

مشاركة بواسطة سيد أحمد العراقي »

[font=Tahoma]

كفارة البيك يازول...والمرض مابيكتلو زول

تلفونك مابيك خبور

التحيات والأمنيات الطيبة


سيدأحمد العراقى
ياسر الشريف المليح
مشاركات: 1745
اشترك في: الاثنين مايو 09, 2005 7:24 pm
مكان: ألمانيا
اتصال:

مشاركة بواسطة ياسر الشريف المليح »

ألف سلامة والحمد لله على نجاح العملية.

لقد سعدنا بالحديث معك ومع باتريسيا، أنا وإلهام.

ياسر
محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

الأخ حسن،
الف حمدللا عســلامـة، وبعـد الشر عنك.. وإن شاء الله كفارة تجنى ثمارهـا..

سعدت جدا بعودتك وفرحت أيما فرح.. فما زال الليل طفلون، وإسهاماتك فى بداياتها..







ما دام الصورة جات الصـوت برضو حيجى قريب.
Freedom for us and for all others
صورة العضو الرمزية
ÃÈæ ÈßÑ ÕÇáÍ
مشاركات: 236
اشترك في: الاثنين يوليو 28, 2008 11:15 am

مشاركة بواسطة ÃÈæ ÈßÑ ÕÇáÍ »


ألف سلامة و لا بأس عليك يا أخانا حسن موسى. تمنيات صادقة بالصحة و الوفيرة و تمام العافية.
أرض الله ما كبْوتة
محمد جمال الدين
مشاركات: 1839
اشترك في: الاثنين مايو 09, 2005 6:52 pm

مشاركة بواسطة محمد جمال الدين »

بعد الشر.

ولو جاز لي أن أتساءل: نعمل شنو عشان نساعد الأمور ترجع لزمانها؟

أعني أشياء عملية... لأنني أشعر أننا نحتاج صخبك بيننا أكثر عنفوانا!

محمد جمال

ÎØÇÈ ÍÓä ÃÍãÏ
مشاركات: 528
اشترك في: الخميس مايو 12, 2005 6:35 pm

مشاركة بواسطة ÎØÇÈ ÍÓä ÃÍãÏ »

يا ابو الحُسن .. لو تسمح ظروفك

يا امير

..

قال فيما قال .. شيخنا الزبير .. او شكسبير كما يتدبرهُ العامه
:

( لقد اراد الله ان اكون سوط عذابِه ومنفذ ارادتى )

فكفاره ليك يازول ,
..
عجبنى
يا ابو الحسن استشهادك
بالعراب
المجنون ,
الشاب ,
مارلون براندو
..
دم بعافيه
وامتعنا ما شاءت .. لك التفانين
وما اخترت من ,
خامات ٍ
ووحدانا
.
.
الفاضل الهاشمي
مشاركات: 2281
اشترك في: الاثنين مايو 09, 2005 6:14 pm

مشاركة بواسطة الفاضل الهاشمي »

[font=Microsoft Sans Serif]كفارة يا أبا الحُسن
توجّست حين غاب حضورك السامق هنا ، خاصة حين أشارت تماضر فى بوست العرس أنك رحبت بهن رغم المرض!!!
كفّارة ليك يازول .
تعيش وينعم الغاشى والماشى بخيرات تبلدى (الشجرة الوارفة ام خيراً برّا) عطاءك المميّز العالى.
حاسب وأدّى العُمُر حقّو من عناية كون آليات مقارعة الظلم تأخذ نصيبها من أشاوسة المقاتلين الذين تواصوا على الحق (حق الانسان وكل خلية حية وكبدة رطبة) والعدل والاحسان والصالحات .
بُشرى بعودتك سالماً معافى بتباشير دوائر الطباشير السودانية الواعدة.

سلامة تبراك.

الفاضل الهاشمى
The struggle over geography is complex and interesting because it is not only about soldiers and cannons but also about ideas, about forms, about images and imaginings
ادوارد سعيد "الثقافة والامبريالية 2004"
محمد عبد الجليل الشفيع
مشاركات: 155
اشترك في: الجمعة إبريل 01, 2011 11:11 am

مشاركة بواسطة محمد عبد الجليل الشفيع »

الأستاذ حسن موسى

ربنا يملاك عافية ويطرق صوتك، عرفتك ريشة وقلم
و (لولا التمباك لمتنا جوعاً) واتطلع لأسمعك في زيارتك
القادمة للرياض .. سندعو لك حتى ذلك الموعد وبعده
أيضا ..
أضف رد جديد