يا مصطفى: مدونة سينما، وأنا موعود بمتعة عظيمة

Forum Démocratique
- Democratic Forum
صورة العضو الرمزية
سناء جعفر
مشاركات: 656
اشترك في: السبت إبريل 15, 2006 10:49 pm
مكان: U.A.E , Dubai
اتصال:

مشاركة بواسطة سناء جعفر »

كود: تحديد الكل


أكنت ح أقدر أكتب عن الاوسكار. دي عايزة ليها زول بذهنية
باباراتسي كدا من النوع البتلبّد للشخوص والأحداث حتى ينال
منها بغيته البصرية أو السمعية أو كمان بالمرة البصروسمعية!



[font=Microsoft Sans Serif]سلام يا مصطفى .. ياخي سعدت جداً بمدونتك لانها بتشبع نهمي للافلام .. قديمها وحديثها .. بعترف ليك اني من النوع الشمشار :) وحضرت حفل الاوسكار في التلفزيون بانتباه شديد .. وبديت اكتب عن فرحتي بفوز حبيبتي ميريل ستريب بالجائزة .. ومن باب الشمشرة كمان كتبت عن كراع انجلينا جولي البتمدها لينا في وشنا بمناسبة وبدون مناسبة .. لكن جات الاحداث الاخيرة في بلدنا التعسان وخربت مزاج الكتابة فما واصلت فيها .. غايتو الجزء الكتبته عن الاوسكار حلال عليك وبجي انزله ليك هنا بكرة كان الله حيانا والموت خلانا .. باقي انا ما بقدر اكتب الا في لحظات الفراغ النادرة في مكتبي .. وكمان بخلي الكتابة هناك وما بجيبا معاي البيت .. حاجة غريبة مش كدة ؟! ..


للصمت صوت عال ... فقط يحتاج الى الهدوء حتى يُسمع ...
للصمت غموض آسر .. يجذبنا اليه عندما يموج العالم حولنا بالصخب المؤلم ...
للصمت جمال وكمال وهيبة ووقار ...
للصمت بهجة سرية لا يعرفها الا من عاشه وتأمل معناه ...
للصمت جيرة طيبة ... ودودة ... مريحة ...
صورة العضو الرمزية
سناء جعفر
مشاركات: 656
اشترك في: السبت إبريل 15, 2006 10:49 pm
مكان: U.A.E , Dubai
اتصال:

مشاركة بواسطة سناء جعفر »

[font=Microsoft Sans Serif]سلام يا صاحب البوست .. شكراً على استضافتنا .. وعذراً على احتلال الصفحة دي ..

يا مصطفى مدثر .. كنت نويت الكتابة عن حفل الاوسكار بالتفصيل في الثرثرة وقبل خربان المزاج .. خصوصاً عن الفستاين والبهرجة والحركات العفوية والمصطنعة للحاصلين عن الجائزة .. والدموع المبذولة بسخاء تعبيراً عن الفرح .. وخلافه .. اها يا سيدي دة الجزء النجى من الوأد الفكري الحصل لي .. حانزله ليك هنا اثباتاً لنظريتك بتاعت انه ( الكتابة عن الموضوع دة عايزة ليها زول بذهنية باباراتسي كدا من النوع البتلبّد للشخوص والأحداث حتى ينال منها بغيته البصرية أو السمعية )


من وحي حفل الاوسكار 2012 :

حبيبتي ميريل .. مبروك الاوسكار .. ويا انجلينا يختي مشكلة كراعك شنو ؟! ...

يا حجة ميريل فرحت ليك من جوة قلبي ... والله انتي تستاهلي كل اوسكارات الدنيا .. موش تلاتة اوسكارات بس من يوم بديتي التمثيل لغاية هسة ... يا خيتي انتي مقنعة في التمثيل لحد محير .. انا لسة ما حضرتك وانتي متقمصة تاتشر الا من خلال اللقطات القصيرة الشفتها في قنوات التلفزيون المختلفة .. لكن متاكدة انك ابدعتي واجدتي كالمعتاد ..
منتظرة اشوف الفلم عشان استمتع بادائك بس .. لاني ما كنت بحب الست مارجريت كتير ... وبستسمحك لانه عندي شوية تحفظ على مظهرك في الحفل .. افتقدت اناقتك المعتادة .. يعني شعرك كان مبهدل حبة .. وفستانك ( ملعلط ) حبتين .. لكن دة ابداً ما بقلل من جمال حضورك الانساني .. ومن طلتك اللطيفة .. ومن لمعة الذكاء البتشع في عيونك .. ومن البهجة المرسومة في ابتسامتك .. ويا زولة ولا يهمك تحفظي على مظهرك .. انتي ست الكل ومافي أي ممثلة تانية تقدر تحتل مكانتك في قلبي .. اهو انجلينا جولي جات بكامل اناقتا بفستان اسود ( سترابلس ) ومشقوق من نص الكراع .. بس برضو ما حبيت طلتا .. وما قدرت اعرف شنو مشكلة كراعا البتمدها بالطريقة الغريبة دي !! ... ما عارفة ليه ذكرتني بكنش حبوبة البتكوجن بيه عصيدة الحلومر .. طويلة ومكعكعة من فوق .. يعني صحي هي انجلينا جميلة جداً .. وصحي انا بحب أغلبية افلاما وتابعت شديد الليدي لارا كروفت في سلسلة Tomb Raider وعجبني دور البت البوهيمية البتصلح العربات بشعر اشقر مضفر في فلم Gone In Sixty Seconds مع نيكولاس كيدج .. واتعاطفت معاها شديد في دور الام المكلومة التي اختطف طلفها في فلم Changeling وبعتقد انها بتستحق ترشيح الاوسكار على الدور دة .. واستمتعت بدور الشرطية الذكية الادته في فلم The Bone Collector مع دنزل واشنطن .. واتقانها التام لحركات الاكشن في فلم wanted وفلم Mr. & mrs. Smith لكن من زمان ما قدرت اغفر ليها انها سرقت براد بيت من البت اللطيفة الرقيقة جينفر انيستون .. عشان كدة قاعدة ليها على الواحدة .. وعشان كدة حركة كراعا البايخة البتعملا في كل مكان دي ما عجبتني .. حسيت فيها نوع من الاستعراض والمباهاة المستفزة ..
وعليه يا ميريل يل فنانة يا عظيمة .. يا عبقرية يا جميلة .. مبروك تاني وتالت وعاشر .. وعقبال الاوسكار العاشر .. بس المرة الجاية لازم تمشي في البساط الاحمر باناقة ملوكية تليق بيك وبتاريخك وبمكانتك .. واصلاً ما تديني فرصة انتقد اي شئ فيك .. باقي انا لساني طويل وما بقدر اسكت حتى على الناس البحبهم شديد زيك كدة

للصمت صوت عال ... فقط يحتاج الى الهدوء حتى يُسمع ...
للصمت غموض آسر .. يجذبنا اليه عندما يموج العالم حولنا بالصخب المؤلم ...
للصمت جمال وكمال وهيبة ووقار ...
للصمت بهجة سرية لا يعرفها الا من عاشه وتأمل معناه ...
للصمت جيرة طيبة ... ودودة ... مريحة ...
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

يا سلام
والله شرفت يا سناء ونورت الخيط.
طبعاً الكتابة في الحاجات دي، اوسكار صبحية سوق خيري زمان،
مسلية جداً وهم ناس انجلينا
عندهم شنو غير الماكسيهات الماكاسيات.
أما ميريل دي فهي أعتقد كانت شاربة ولا حاجة. ولا يهمها!
ياخي دي دايخة من الجوائز السنة دي!
لكن "ملعلط" دي شدة ما ضحكتني لما انتبهت إني ما بعرف
معناها ذاتو! بس تقبلتها كما أتقبل "مهرتم" كان سمعتي
بيها!!!
أها اليوم يوم التحديث وعندي الجزء الثاني من عرض فيلم
"الالق" أو "البريق" حاجة كدا وهو فيلم الرائع الذي يخلص
من نمنة اللقطة السينمائية المرحوم بإذنه تعالى ستانلي
كُبريك. وفيها اتناول صراعه الفكري مع الروائي ستيفن كنج
وهو متخصص رواية رعب والأمريكان طايرين بيهو السما.
الصراع بينهم يدور حول مدى التعديل الذي يسمح به صاحب
العمل الأصلي. الحكاية إنو عمك كوبريك شال من الرواية
ما خلا ليهو غير الراس والجلد.

Kubrick's The Shining
------------
آخر تعديل بواسطة مصطفى مدثر في السبت سبتمبر 08, 2012 7:37 pm، تم التعديل مرة واحدة.
صورة العضو الرمزية
سناء جعفر
مشاركات: 656
اشترك في: السبت إبريل 15, 2006 10:49 pm
مكان: U.A.E , Dubai
اتصال:

مشاركة بواسطة سناء جعفر »

كود: تحديد الكل

لكن "ملعلط" دي شدة ما ضحكتني لما انتبهت إني ما بعرف 
معناها ذاتو! بس تقبلتها كما أتقبل "مهرتم" كان سمعتي
بيها!!!
أها اليوم يوم التحديث وعندي الجزء الثاني من عرض فيلم
"الالق" أو "البريق" حاجة كدا وهو فيلم الرائع الذي يخلص
من نمنة اللقطة السينمائية المرحوم بإذنه تعالى ستانلي
كُبريك. وفيها اتناول صراعه الفكري مع الروائي ستيفن كنج



[font=Microsoft Sans Serif]

سلام يا مصطفى .. قدر ما حاولت القى طريقة اشرح ليك بيها كلمة ( ملعلط )ما لقيت .. دي كلمة تتحس بس ما تتشرح .. اما مهرتم دي فأظن انها من مصطلحات الانقاذيين التي اعيد تدويرها لتتناسب مع المرحلة .. فظهرت عبارات الشهداء الذين مهروا الارض بدمائهم .. ويا من مهرتم اتفاقية السلام .. وبلا بلا بلا ..


نجي لفيلم البريق .. عموماً بحب افلام الرعب .. خاصة المرتبطة بالاشباح والارواح .. حضرت فلم البريق قبل كم سنة في التلفزيون .. ابهرني اداء جاك نيكلسون .. اما الممثلة الادت الدور قدامه فما عجبتني شديد .. الطفل البشوف الاشباح برضو كان اداءه جيد .. لكن عموما جو الفيلم اصابني بالكآبة .. وكذلك الموسيقى التصويرية .. بس المحصلة انه فلم كويس وبطرح اسئلة كتيرة .. ووقتها خلاني اتساءل عما اذا كان كل انسان مننا بيحمل جواه بذرة جنون كامنة ممكن تكبر وتنمو وتثمر اذا اتوضعنا في ظروف معينة ..

لك الكثير من التحايا ..



للصمت صوت عال ... فقط يحتاج الى الهدوء حتى يُسمع ...
للصمت غموض آسر .. يجذبنا اليه عندما يموج العالم حولنا بالصخب المؤلم ...
للصمت جمال وكمال وهيبة ووقار ...
للصمت بهجة سرية لا يعرفها الا من عاشه وتأمل معناه ...
للصمت جيرة طيبة ... ودودة ... مريحة ...
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

أقوم كدا وأرفع الحد يا حبيبنا يا نقد.
هنيئاً لك إنتقالك ليسار علامة يساوي في المعادلة:
تعب + نكد = .
كان تاخدنا معاك. ولا ماك حاري فينا ونس؟
تحديث في المدونة الحزء الثالث من "البريق" ملحمة ستانلي كيوبريك:

Kubrick's The Shining Part Two

شكراً أستاذة سناء وسأعود لك.
آخر تعديل بواسطة مصطفى مدثر في السبت سبتمبر 08, 2012 7:47 pm، تم التعديل مرة واحدة.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

كاوبوي نص الليل

مشاركة بواسطة مصطفى مدثر »

جديد المدونة
من أهم كلاسيكيات السينما الحديثة
كاوبوي منتصف الليل
جون شليسنجر
دستن هوفمان
جون فويت
موسيقى جون باري


Midnight Cowboy

-------
آخر تعديل بواسطة مصطفى مدثر في السبت سبتمبر 08, 2012 7:58 pm، تم التعديل مرة واحدة.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مدوّنة يا مصطفى تستضيف محسن خالد

مشاركة بواسطة مصطفى مدثر »

مدونة يا مصطفى تستضيف الكاتب الأديب
محسن خالد في مقال عن "كتاب إيلاي"
The Book of Eli
Denzel Washington
A Movie by the Brothers Hughes


The Book of Eli

*
آخر تعديل بواسطة مصطفى مدثر في السبت سبتمبر 08, 2012 8:04 pm، تم التعديل مرة واحدة.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

تحديث الاسبوع مقالة قصيرة عن
أفلام سبيلبيرج انديانا جونز


[web]
https://yamustafaya.blogspot.ca/2012/04/ ... -bcgi.html
[web/]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


مقال آخر قصير لمحسن خالد يتناول فيه وجه تشابه غائم لكنه
جدير بالتأمل ولا يستطيعه إلا الكاتب القارئ الحق.
ولي معه لقاء آخر ترجمة لمقالته الضافية عن فيلم أفيتر
Avatar
تحديث المدوّنة
The Taking of Pelham

آخر تعديل بواسطة مصطفى مدثر في السبت سبتمبر 08, 2012 8:10 pm، تم التعديل مرة واحدة.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

تحديث في المدوّنة
داني بويل يدير فيناً وقائع الاولمبياد في لندن
بويل هو صانع فيلم مليونير الزقاق القصة الهندية.
وفيصل هاجي غرب عمل أمريكي تشادي سوداني وفيه دور
للأستاذة تماضر شيخ الدين.
لارس فون ترير وصاحبه فيرينبيرج وجنهما الأحمر
ولكل دوجما يومها
A Look Forward

آخر تعديل بواسطة مصطفى مدثر في السبت سبتمبر 08, 2012 8:35 pm، تم التعديل مرة واحدة.
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


We don't need no education
We dont need no thought control
No dark sarcasm in the classroom
Teachers leave them kids alone
All in all it's just another brick in the wall
All in all you're just another brick in the wall

أذكر مرة في حفل في واحد من مدرجات كلية الطب بالخرطوم غنت هذه الأغنية فرقة جاز ناشئة لا أذكره إسمها الآن. الكلام دا بعد شوية
من صدور الألبوم 1979 وقبل انتاج الفيلم 1982. كنا لسع بنتغشى
الحتات ديك ساكت وفاء للذكرى. والحقيقة أداء الفرقة كان مذهل
والجملة الاولى في قصيدة ِ2-Another Brick in the Wall وهي الجزء الثاني من ثلاثية ترجمتها هي(طوبة أخرى في بناء الحائط) كتبها الشاعر الكبير وعازف البيز بالفرقة روجر واترز هذه الجملة كانت مثار كهربية وتململ عاجز وسط الجمهور (اولاد الاقاتعليم بالذات)
لكن الفيلم ذهب أبعد من ذلك في نقد النظام القائم (الرأسمالية)
The Establishment. طبعاً من السخرية أن نفس القرووب استثمر مسألة جدار برلين ومشوا غنوها هناك عند سقوط حائط برلين وعندي واحد صاحبي عنده شوية فلوس قال مستعد يجيبهم عند سقوط حائط الصمت بينه وبين واحدة كدا!
أفكر في إيقاف هذا الخيط لانه باي ناو المهتم بيكون وضع لينك المدوّنة في مأثوراته.
هيا بنا لتحديث اليوم:

[web]https://yamustafaya.blogspot.ca/2012/05/what-is-it-to-earn-critical-acclaim-but.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


سلام للجميع
تطيب لي دعوتكم متابعين ولا ما متابعين
للمرة الثالثة تعاون بين الاديب محسن خالد
ومدونة يا مصطفى
الجزء الأول من مقالته "ظلال فلسفية للافيتر- الايربندر الأخير"
أو لاوي الهوا الأخير
في تحديث الليلة:

[url=https://yamustafaya.blogspot.ca/2012/05/movie-critic-article-on-last-airbender.html]Shades of Philosophy in The Last Airbender Part One
[/url]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


مدوّنة يا مصطفي!
ظلال فلسفية للافيتر (الايربندر الأخير)

الجزء الثاني
احجز نسختك!

Shades of Philosophy in The Last Airbender Part Two



[web]https://yamustafaya.blogspot.ca/2012/06/movie-critic-article-2-on-last.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

جديد المدوّنة
الحزء الثالث من مقال الاستاذ محسن خالد
ظلال فلسفية للأفيتر (الايربندر الأخير)


[web]https://yamustafaya.blogspot.ca/2012/06/movie-critic-article-3-on-last.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

تحديث المدوّنة
في هذا الجزء الرابع يصل المقال لذروة في
بحثه في الاشارات الثقافية في تقاطعها مع ترميزات
فلسفية ودينية ولكن المدهش هو شرحه لعودة السيادة
للاسطورة حتى في العلوم الطبيعية!

ظلال فلسفية للايربندر الأخير- الجزء الرابع
يا مصطفى !

[web]https://yamustafaya.blogspot.ca/2012/06/movie-critic-article-4-on-last.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

[web]https://yamustafaya.blogspot.ca/2012/06/back-to-our-question-why-hero-of-this.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


تحديث المدوّنة:
هايلي جيريما
مخرج واستاذ بجامعة هاوارد بواشنطون دي سي
تيزا (2008)
عمل سينمائي كبير يوّثق لفترة الديرج (منغسيتو ومعه
حوالي 120 رجل) في اثيوبيا ثم المجاعة وحروب الجبهات!
عمل درامي
الآن موجود على دي في دي. أرشحه لمن لم يره بعد.

[web]https://yamustafaya.blogspot.ca/2012/06/movie-critic-review-haile-gerimas-teza.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »


Iara Lee's Docu
Cultures of Resistance
How to make a guitar look like a gun but
"When it hits you feel no pain"
تحديث فيلم يارا لي "ثقافات المقاومة"
أو كيف تصنع جيتاراً على هيئة بندقية
تخبط به ولا يؤلم


[web]https://yamustafaya.blogspot.ca/2012/07/movie-critic-article-free-screening-of.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

Update
مقالي عن المبدع الراحل سيدني بولاك
يفتح كوة لنقد الديمقراطية الأمريكية
ولمعرفة الدور العظيم للسينما والأدب
في مقاومة الاقصاء الدائب لليسار من
قبل طبقة الرأسمالية المهيمنة.



[web]https://yamustafaya.blogspot.ca/2012/07/movie-critic-article-sydney-pollack.html[/web]
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

تحديث المدوّنة
الفراعنة والأتراك يتسابقون لخطبة ماما السوداء
البروفسيور التركي الأمريكي صاحب معرفة ب فلمولوجيا
السينما الأفريقية يقف وراء عرض أفلام افريقية لأول
مرة في تركيا
ويقول ان الافارقة يحسون ويفكرون تماماً كسكان الشاطئ
الشمالي البحر المتوسط. أقول هناك عباقرة يعبرون
الاطلنطي لعرض نفس الخواص على أوباش أمريكا
وهناك تغريد سنهوري بس ان شاء الله حكاية انها أفريقية
ما تأثر عليها. مبروك وبراوا عليك وعلى الكينية
(المخرجة مش الخطوط)
الرايط هنا:

الفراعنة والعثمانيون (سابقاً) يتسابقون لخطبة ماما السوداء
أضف رد جديد