الشاي

 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الثلاثاء مايو 24, 2005 8:40 pm    موضوع الرسالة: الشاي رد مع اشارة الى الموضوع

لن أرى من أحب مرة أخرى
كل يوم تلفحني ريح جنوبية
و يبدو النهر فارغا وسحيق..


............
............

شارعين

بودو لغابة صفرا

و أنا ضل نحيف في المفترق

أختار منو ..?

أنا من زمان مليان غلط

والمرة دي

أنا نفسي أعمل حاجة صاح

أنا نفسي شارع في نهاية تكوني إنتي

زي ما أتفقت معاك زمان

متذكرة ..?

تعبان شديد

الروح حوافا إتآكلت

و مع إني زول هسع ضعيف .. نصو اتحرق

و مع إني و الله لو لقيتك هسي دي

أعمل معاك أحسن من الناس كلهم

أنا بيك بكون أحسن من الناس كلهم

أنا داير أحبك قدر ما الحب بحتمل

أنا ناوي قلبي كلو أكملو في كلامي ليك

و أنا نفسي يوم نتقاسم الليل والرغيف و الواجبات

.......
.......

داير أصحى عليك

أصحى و ألقاك سويتي الشاي

أسمع صوت نفسك نايمة

و قبال ما أرقد أغطيك

أمشي المكتب متأخر

و أرجع بدري

و أموت بالشوق لمن تمشي الجيران

و نتغدى سوا

و نتفرج سوا في التلفزيون

و أغسل ليك العدة

و نتشاكل ساكت .. و نتصالح

ونتونس

عن أي بلاد

أو أي مطر

أهو نتونس

و لمن أبوسك

تفتح نجمات سرية الضو في رئتينا

وتنتظر الجنة خيول دمي

و طيور دمك

و نروح في بعض

داير أصحى عليك

أصحى

و ألاقي عيني في عينيك

......
......

أنا من زمان مليان غلط

و المرة دي

أنا نفسي أعمل حاجة صاح

أنا نفسي شارع في نهايتو تكوني إنتي

وفي بدايتو تكوني إنتي

ونص مسافتو تكوني إنتي

أنا نفسي شارع كلو إنتي



ما إنتي صاح

و أنا نفسي أعمل حاجة صاح
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
طلال عفيفي



اشترك في: 09 مايو 2005
مشاركات: 124

نشرةارسل: الثلاثاء مايو 24, 2005 11:03 pm    موضوع الرسالة: رد مع اشارة الى الموضوع



هي دي ورطتنا يا فاضلابي ..
عاملين فيها فنانين ..
لكن نأتي على مقربةٍ من طرف الدرب ونهيم شوقاً ..
ونتحول إلى قصَاصي أثر .. نتلمس طعم خُطى الراحلين ونبكي ..

نبكي .. لا لأنهن لا يتكررن , بل عشان إحنا لن نستطيع العوده ..

دربنا ممدود ..
وقلبنا دائماً مأخوذ لما كان ..

ترى يا ربي , من سيدفع ثمن هذا الحنين ..


...
طلال



____________________
* أولجا / Olga .
حبر وزيت على قماش .
رسمها وحنً إليها بيكاسو .
العام 1923 .
انتقل الى الاعلى
استعرض نبذة عن المستخدمين ارسل رسالة خاصة
مصطفى مدثر



اشترك في: 09 مايو 2005
مشاركات: 935
المكان: هاملتون-كندا

نشرةارسل: الاربعاء مايو 25, 2005 4:31 am    موضوع الرسالة: رد مع اشارة الى الموضوع

جميلة والله يا فاضلابي
أسمع انتو الشاي دا بتشربوه أحمر ولا بلبن؟
عشان أنا أهديت ليك أنت وطلال "لبن" في بوست جديد!
أشوفكم هناك وما تخافوا!!
مصطفى مدثر
انتقل الى الاعلى
استعرض نبذة عن المستخدمين ارسل رسالة خاصة
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الاربعاء مايو 25, 2005 10:30 am    موضوع الرسالة: رد مع اشارة الى الموضوع

طلال

الله المستعان
البنات ..البنات يا صاحبي
الفوضى البخلونا فيها دي و يمشوا
الله يسامحهم


أهو الواحد بعاين ليك ويقول البشوف مصايب الناس ..
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الاربعاء مايو 25, 2005 10:33 am    موضوع الرسالة: رد مع اشارة الى الموضوع

مصطفى مدثر

الشاي ده نحن ما ضوقناه خالص
وده المجرسنا
غايتو البركة في اللبن بتاعك الهديتو لينا أنا و أخوي الكاشف
Smile
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
أماني عبد الجليل



اشترك في: 09 مايو 2005
مشاركات: 33
المكان: صنعاء ، اليمن

نشرةارسل: الجمعة مايو 27, 2005 8:02 am    موضوع الرسالة: رد مع اشارة الى الموضوع

ازيك يا ود
طبعاً لو قلت ليك تغسل ليها العدة Rolling Eyes
حتقول لي تااااااااني Wink
وحاقول ليك الله مرقك بس لانه دينا لايجوّز محاكمة النصي بالمرجعي Laughing Laughing
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم الجريفاوي



اشترك في: 25 مايو 2005
مشاركات: 503

نشرةارسل: السبت مايو 28, 2005 1:11 pm    موضوع الرسالة: رد مع اشارة الى الموضوع

[b]يا صاحبي ياهناك

أنت تعرف اعجابي بك شخصياً " صاح"
وانني اعمل لدعمك حياً وميتاً..
و
لكن معليش , احتمل الاتي...
الجمعة الذي هو امبارح القريبة دي :
عماد ببو جيتاريين" ليكتريك" واحد نورمل , محمد عركي ا"أورغ " عجيب كلو كلو
خواجه "كونقة" , قاسم امين" بيز" بكري "ايقاع" غاندي " فلوت" واحسن جهاز صوت في البلد ...
شبكة , قصي , محمد عثمان , ابراس, حامد ابسبح ,
عمار نورالدين , بكري, عزت, ابذر , عمر فقيري ...
"لون"... ويوم والصباح مرتاح مشوا , حكي لي صديقي
ا "اسه" وصديقك سابقاً "احمد سعد "عن علاقته بهذا النص
" مشوا ".. كدت أبكي...
12ساعة غني وونسه ورد فيها اسمك وحكاياك...
الف مرة بشجن وشوق يا صاحب يا فاضلابي يا" دين"
بعدين محمد عبدالعزيز ده غناي "حمار" عديل كده...
ما حاقدر احكي ليك , عشان ما تعملها في هدومك...
وضياء بسلم عليك ...
[/b]
انتقل الى الاعلى
استعرض نبذة عن المستخدمين ارسل رسالة خاصة
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الخميس يونيو 02, 2005 12:02 pm    موضوع الرسالة: رد مع اشارة الى الموضوع

إبراهيم
يا حبيب

سبحان الله ياخي
أمس كنت أقلب إلبوم صور فيه ثواني نفيسة محنطة على ورق مصقول
جواري بنت جميلة كالماء
و كنت عطشان و بي رهق وشوق و مراهقة
أقلب الإلبوم و أرى شبكة
أنظر فأرى قصي و غاندي وببو و عثمان النو و أبوذر و شمت و أحمد سعد و خالد الشلن و كتو
دمعت يا إبراهيم و حكيت للبنت بلغتها عن سحر الأيام في الخرطوم
عن كلما الخرطوم يعاين فيني ليلا
ويفتح النيل فيني نيلا
و أبقى نجمة
رايحة في الليل والضلمة
........
........
أحكي لها: شايفة اللابس أخضر ده .. إسمو شبكة
غناي و وناس و صاحبي
و ده قصي
وده ...
البنت بتقول الأسماء بلكنة مكسورة حاءها مائلة و عينها لينة
أحسست بنفسي باهتا
كحائط قديم
وددت أن أخبرها لكنها لن تفهم
أغلقت نفسي داخلها
و أشتقت
أشتقت
أشتقت
اللهم أنت الصاحب في السفر
و الخليفة ...
اللهم أرحمني و كف عني شوقي و ردني ذات يوم
يا إبراهيم
عندما أعود إلى الخرطوم
سأمشي من مكان ما فيها إلى مكان ما
ثم أبكي جدا
و أستغفر الله العظيم
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الخميس يونيو 02, 2005 12:06 pm    موضوع الرسالة: رد مع اشارة الى الموضوع

أماني
مشتاقين
طبعا حأقول ليك تاني
ما إنت عارفة أنا والمرأة علاقتنا وطيدة قدر شنو
لكن جنكم جندرة
الله غالب
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
خالد الطيب



اشترك في: 09 مايو 2005
مشاركات: 300
المكان: أديس أبابا

نشرةارسل: الاحد يونيو 05, 2005 2:03 pm    موضوع الرسالة: رد مع اشارة الى الموضوع

محمد (الفاضل)

سلامات ..

قلت أجي أشرب لي كباية شاي معاك ...

خالد
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
طارق ابو عبيدة



اشترك في: 09 مايو 2005
مشاركات: 404

نشرةارسل: الاثنين يونيو 06, 2005 8:11 am    موضوع الرسالة: رد مع اشارة الى الموضوع


يا محمد
عليكـ الله تلاته شيشه و بتين










اجملـ قهوه
Very Happy Very Happy

انتقل الى الاعلى
استعرض نبذة عن المستخدمين ارسل رسالة خاصة AIM عنوان
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الاثنين يونيو 06, 2005 10:34 am    موضوع الرسالة: رد مع اشارة الى الموضوع

خالد (الطيب)
ALLE I HUSET
دي بقولوها في بلدنا دي معناها ما في زول ناقص
كده البورد بقى زي الورد
(إتفضل جاي
أعمل لك شاي)
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
Mohamed Fadlabi



اشترك في: 09 مايو 2005
مشاركات: 111
المكان: النرويج - أوسلو

نشرةارسل: الاثنين يونيو 06, 2005 10:36 am    موضوع الرسالة: رد مع اشارة الى الموضوع

غايتو يا طارق شناة طبع شديدة خلاص
ما كفاية شيشتين و بت واحدة
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
صفحة 1 من 1

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة