كلية الفنون وشريط الذكريات

Forum Démocratique
- Democratic Forum
أضف رد جديد
ياسر عبيدي
مشاركات: 1157
اشترك في: الخميس مارس 27, 2008 1:51 pm

مشاركة بواسطة ياسر عبيدي »



تأكد يا كنديو الموقع ما فيهو مشكلة فى تحميل الصور والفيديوهات، وكل البحصل هو أخطاء صغيرة بتلخبط الأمور. وصورة البجاويات إختفت لأنك مسحت الرموز الزايدة ومعاها عنوان الصورة ذاتو، فإختفت الرموز الطويلة، اللهِىَ إسم الصورة ومعاها عنوان الصورة ذاتا. والحصل لمّا إنت فى المرّة الأولى وضعت عنوان الصورة الطويل بعد تحميلها فى هذه الصفحة، عملت "بيست" "لَصق" لهذا العنوان مرَّتين، واحد من العنوانين كان صحيح، ودا الظهّر لينا الصورة، والتانى حصل فيهو لخبطة، غالباً فراغ بين الرِّموز أو الأقواس، أو سقوط رمز ما، عشان كدا ظهرت لينا حروف العنوان الطويلة وفتلت "البوست".

أنا وصلت لعنوان صورة البجاويات الطويل فى صفحة التحميل ونزّلت الصورة البديعة مرّة تانية:

صورة


فى ناس بتسمى صورها بأسماء طويلة جداً عشان تقدر تميّزها بـ"العين المجرّدة" بين الصور المهولة المحمّلة فى الموقع فى صفحة تحميل الصور، لكن الوصول لموقع الصورة بعد التحميل ساهل إذا إنت ظهّرت إسم الصورة المحمّل والبظهر فوق باللون الأحمر بداية الجملة البتقول:

DDDDDV.jpg uploaded successfully

التظهير لازم يكون لحدِّى jpg فقط، ثم تضغط على مفتاح "كنترول" فى نفس الوقت مع مفتاح الحرف "F"، بمعنى "Find"، بقوم طوالى بظهر ليك شباك صغير بتاع العناوين، وإذا كنت بتستخدم متصفح "الإنترنت إكسبلورر" بيظهر أعلى الصفحة، أما إذا كنت بتستخدم متصفِّح "فوكس فاير" فبيظهر ليك أسفل يسار الشاشة، وفى نفس الوقت بيظهر فيهو إسم الصورة المحمّلة والإنت قمت بتظهيره. تقوم تضغط على مفتاح "إنتر"، طوالى صفحة التحميل بتتحرّك إلى مكان إسم الصورة المحمّلة، وبكون مظهَّر حتى يمكنك ملاحظته بسهولة. هنا عندك خيارين، إما تنقر على إسم الصورة المظهّر الذى ينقلك لصفحة جديدة تستطيع أن ترى فيه صورتك المحمّلة، وتقوم تعمل "كوبى" لعنوانها الظاهر فى الأعلى مكان: www.//http .. إلخ، وترجع للصفحة الحتنزّل فيها الصورة، وتضغط على "الآيكون" بتاع الصورة، حيظهر ليك شباك صغير تقوم تلصق عليه عنوان الصورة العملت ليهو "كوبى".

أما الخيار التانى: لمّا تتحرّك صفحة التحميل إلى مكان الصورة المحمّلة، ويظهر إسم الصورة مُظهّراً، ما تنقر عليهو، أعمل عليهو "رايت كليك"، ومن الخيارات البتظهر ليك، إختار "copy link location" ، وكدا تكون عملت "كوبى" لعنوان الصورة بدون الحاجة للإنتقال لصفحة أخرى، ثم تعود للصفحة الحتنزّل فيها الصورة وتقوم بنفس الخطوتين الإخيرتين أعلاه.

الطريقة دى أفضل وأكثر أماناً من محاولة لصق إسم الصورة بعد التحميل فى العنوان الأشار له عبود أعلاه، لأنو محاولة اللصق فى عنوان جاهز حتدخِّلك فى مخاطر الفراغات بين الحروف والأرقام وإختفاء الأقواس وتحرّك الرموز البيحصل أثناء عملية اللصق.

ما فى صعوبة فى الخطوات المذكورة أعلاه، وهى ما طويلة لمّا تتعوّد عليها، المشكلة خدمة الإنترنت عندنا تافهة وضعيفة، ودا البيزهِّج الواحد فى التنقل عبر عدّة صفحات.

أتمنى أن أكون أفدت، وأمنياتى لك بالتوفيق.


صورة العضو الرمزية
ÎáÝ Çááå ÚÈæÏ
مشاركات: 487
اشترك في: الثلاثاء مايو 10, 2005 12:26 pm
اتصال:

مشاركة بواسطة ÎáÝ Çááå ÚÈæÏ »

شكرا ياسر. .
وكنت أتمنى أن التقي بك ايام وجود القصاص، وزيارتكما لاحمد الشريف..
ولكن ظروفي كانت صعبة..
أتمنى لك الشفاء العاجل. .
وسنبقى أن شاء الله.
الحرية لنا ولسوانا
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

شكرا ياسر وتوقع ازعاج كتيييير بخصوص البوستات في الموقع المعقد دا وتحملني غايتو
واهو مشيت خطوة . وداير الشرح يكون مبسط اكتر لاني امي في المسائل دي . وساحاول
انزل صورة من جديد لاني اليوم كلو معلق في كوم التبن البدوخ وابحث فيهو عن ابرة الصورة اللي امرني الموقع باستخدامها حسب الخطوات العملتها في صورة بشير زمبه ونجحت اما الاخيرة لم اجدها في كوم التبن والآن سأحاول بتوجيهاتك .
مازالت المحلات جارية فصبرا آل الفن والتكتولوجيا صبر ساعمل حسب توجيهاتك بس المسالة دايرة مخ نضيف مش زي حقي دا المزهمر شوية د ا
ا
وطنا البإسمك كتبنا ورطنا احبك
ياسر عبيدي
مشاركات: 1157
اشترك في: الخميس مارس 27, 2008 1:51 pm

مشاركة بواسطة ياسر عبيدي »



شكراً يا عبود على الأمنيات الطيبات، وأمنياتى لأحمد شريف بالشفاء العاجل، وحتماً سنلتقى فى المستقبل القريب. ويا كنديو ما فى مشكلة أنا على إستعداد للمساعدة لحدِّى ما نظبط الأمور. وكنت عايز أواصل معاك عبر البريد الداخلى بتاع الموقع عشان ما نزعج قرّاء "البوست" الجميل دا بموضوع تحميل الصور. لكن صفحة البريد الداخلى أبت تتحمَّل لىَّ كاملة، يعنى ما ظهرت لىَّ فيها كل العلامات أو الأزرار أو "الآيكونات"، ومنها "آيكون" إرسال رسالة جديدة ! أها .. دا ما من الموقع .. دا من خدمة الإنترنت التعبانة فى السودان. ولحين ما تتحسّن الخدمة فى يوم تانى ونتمكن من المراسلة بالبريد الداخلى، جرِّب الطريقة دى للوصول إلى صورتك الغاطسة فى "كوم التبن":

1- أول حاجة أعمل "كوبى"، بصورة صحيحة، لإسم الصورة الرايحة فى "كوم التبن".
2- أفتح صفحة تحميل الصور أو "كوم التبن"، ثم أضغط فى نفس الوقت، يعنى مع بعض، مفتاح "كنترول – Ctrl" ومفتاح حرف الـ"F". حيظهر مكان صغير للكتابة، بلغة الكومبيوتر إسمو "bar". إما ظهر ليك أعلى يسار الصفحة أو أسفلها ناحية يسارك أيضاً، وذلك حسب متصفِّح الإنترنت: إذا كان "إنترنت إكسبلورر أو "فاير فوكس".
3- أعمل "بيست"، إلصاق، فى هذا الـ"bar"، لإسم الصورة العملت ليهو "كوبى" فى الخطوة رقم واحد. ثم قم بتظهيرو فى مكانو دا.
4- أضغط مفتاح "إنتر"، وستنتقل صفحة التحميل أو "كوم التبن" مباشرةً لموقع إسم الصورة الضائعة. الإسم حيظهر ليك مُعلّم باللون الأخضر، إذا كنت بتستخدم متصفح الإنترنت "فاير فوكس"، وإذا كنت بتستخدم متصفح "الإنترنت إكسبلورر"، حيظهر ليك الإسم مُعلّم باللون الأزرق، واضحاً كالشمس فى كبد السماء.

أنا عادةً بعد الخطوة التالتة، وقبل ما أضغط على مفتاح "إنتر"، باخُـد لىّ صَـنّة، لأنو صفحة التحميل عندى أو"كوم التبن" بياخد وقت حتى يكتمل تحميله ويستجيب لأمر مفتاح "الإنتر". فإنت إذا ما إستجابت ليك الصفحة لمّا تضغط على مفتاح "إنتر"، أصبر مسافة لحدِّى ما تكتمل، وبعدين جرِّب تانى أضغط المفتاح، وهكذا. مع الإنتباه لإنو إسم الصورة، العملت ليهو "كوبى آند بيست" لازم يكون على الدوام مُظهّر.

صورة العضو الرمزية
ÎáÝ Çááå ÚÈæÏ
مشاركات: 487
اشترك في: الثلاثاء مايو 10, 2005 12:26 pm
اتصال:

مشاركة بواسطة ÎáÝ Çááå ÚÈæÏ »

شكرا مرة أخرى لك.. ياسر..
هناك مشكلة تواجهني منذ أن انتقلت للعمل في التابلت الجلاكسي..وهي أن (كنترول) و (اف) غير موجودة في الكيبورد
الذي يعمل باللمس..
ولذلك بدأت اعمل بطريقتي غير المأمونة التي ذكرتها. .
طريقتك تنا سب اللابتوب العادي أو الكمبيوتر العادي. .
هل هناك بديل في الجلاكسي؟
الحرية لنا ولسوانا
صورة العضو الرمزية
ÎáÝ Çááå ÚÈæÏ
مشاركات: 487
اشترك في: الثلاثاء مايو 10, 2005 12:26 pm
اتصال:

مشاركة بواسطة ÎáÝ Çááå ÚÈæÏ »

حتى الطريقة التي كنت اعمل بها لم تجد..

ولا أود الإطالة.. ومشكلة هذا الخيط أن المهتمين به يعانون من طريقة أزال الصور..
والباقون لا رغبة لهم فيه..

فكرت في تعديل كوم التبن بحيث تكون الصور المحملة أخيرا في مقدمة قائمة الصور أو في آخرها. . أو تنزل على أساس الحروف الابجدبة، من ناحية الترتيب.. وهذا يسهل استعمال الطريقة التقليدية في كل أنواع الأجهزة. .
ما رأي مصمم الموقع؟
ما رأي الأخ المرضي؟


.
الحرية لنا ولسوانا
ياسر عبيدي
مشاركات: 1157
اشترك في: الخميس مارس 27, 2008 1:51 pm

مشاركة بواسطة ياسر عبيدي »



أما بالنسبة لإستخدام الموبايل الجلاكسى يا عبود، فأنا ضعيف فيهو بصفة عامة، وفى إستخدام الإنترنت عبره على وجه الخصوص. مرّة واحدة حاولت أقوم بتعديل فى أحد بوستاتى، فكان البحصل كل ما أنتهى من التعديل وأعمل إرسال، لا يتم إرسال التعديل إلى المداخلة القديمة، وإنما يتم إرسال مداخلة جديدة، حاولت ذلك ثلاثة مرّات، وتم إرسال 3 مداخلات جديدة !؟ .. ودا برضو ما لعيب فى موقع سودان للجميع .. والأرجح لقبول أو عدم قبول خدمة الإنترنت عندنا لإرسال هذا النوع من الرسائل عبر الموبايل للمواقع الإسفيرية، أو لنوع الموبايل نفسه .. أو .. أو .. إلخ. ولم أتمكن من معرفة موقع مفتاح "الكنترول"، وكيف يمكن الضغط، أو بالأحرى "لمس"، مُفتاحين فى نفس الآن. فضلاً عن أن تقنية اللمس دى ذاتا أنا ماراكبة لى فى راسى، ياخى تلمس مفتاح فيستجيب ليك مفتاح آخر ! .. ولو حكِّيت راسك ساكت، أو هشّيت "ضبانة" .. الشاشة تتحوّل لصفحة فى صقط لقط، .. وهكذا. بعدين ماممكن الشركات دى كل مرّة تطلع لينا ببدعة جديدة ونحن نقعد نكابد مشقّة التعلّم من جديد. عشان كدا أنا من رأيى، الواحد يجوِّد حاجة واحدة من أجهزة التكنلوجيا دى .. ويقرِّض عليها، وإلاّ حنكون فى حالة تعلّم الأساسيات أو"الأبجديات" بصورة دائمة، مع ظهور كل موديل تكنولوجى جديد.


صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

غايتو يا ياسر عندك جنس صبر عجيب وبعدين زي ماقلت عشان مانزعج الآخرين اليك رقم موبايلي زين وسوداني 0915980525 , 0122900314 علي التوالي والايميل كمان [email protected] بالاضافة عشان ما اتفضح معاهم ناس العالم الاول
المهم حسع بحاول لو نجحت الله اكبرولو مانجحت الله اكبر ولله الحمد
وصلت لـ (الله اكبر ولله الحمد)
وطنا البإسمك كتبنا ورطنا احبك
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

رسالة الغيتها
وطنا البإسمك كتبنا ورطنا احبك
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

]صورة
[color=darkblue][size=24][color=darkblue]اللوحة دي اولا حجمها بقي كبير وانا لسع وراك يا ياسر وقلت كدي انرسلها بشكلها دا

وثانيا ساعدني فيها اخونا ياسر عبيدي بالشرح المبسط عبر الرسائل في سودان فور اوول وعبر

الهاتف وبصبر ماكنت اتخيل اي الصبر دا موجود في الدنيا يكرر ويكرر ثم يكرر و( التكرار يعلم

الحمار ) واتاري المسألة ما صعبة ودايره
ليها مخ نضيف ما زي حقي دا له الشكر وانا انصح

اي واحد عنده مشكلة يلجأ لأيوب السوداني ( ياسر عبيدي )
وطنا البإسمك كتبنا ورطنا احبك
حسن موسى
مشاركات: 3621
اشترك في: الجمعة مايو 06, 2005 5:29 pm

شكرا يا ياسر و شكرا يا كنديو

مشاركة بواسطة حسن موسى »


شكرا يا ياسر على كرمك و أريحية روحك. و نحن نفتقد هذا النوع من الأدب الذي يملّك الأهالي مفاتيح التكنولوجيا الرقمية و يتيح ـ حتى للفنانين نوع ناس كنديو ـ أن يسيطروا على الآلات الرقمية الجهنمية التي صممت لتسيطر علينا.
ينصر دينك يا كنديو. يا دوب وقع لي صبرك على مشقات تنزيل الصور في المنبر. ما تحرمنا من الجايات .
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

سواكن وما ادراك سواكن

مشاركة بواسطة ÈÇÈßÑ ßäÏíæ »

[img]https://www.sudan-forall.org/files/Primery%20school%20-
منظر من جزيرة سواكن حيث تبدو مدرسة سواكن الاميرية آنذاك او الاولية في زماننا نحن حيث درسنا فيها وكانت لا توجد مدرسة وسطي في سواكن فكان لابد لنا من السفر الي بورتسودان للجلوس لإمتحان الدخول للوسطي كما كانت تسمي وليس (المتوسطة)
الجدير بالذكر انه درس في هذه المدرسة الفريق ابراهيم عبود .وعبد القادر اوكير رائد التعليم والمهندس الزراعي طاهر حسين شنقراي والفريق احمد محمد اول قائد للجيش السوداني . وغيرهم ( ساذكرهم لاحقا ) والمدرسة من اوائل المدارس في السودان للبنين ان لم تكن الاولي حيث بنيت في نهايات ثمانينات القرن التاسع عشر .المدرسة طبعا ظاهرة هي المبني من طابقين الهناااااك دااااااااك ) وصف سمح وساذج مش ؟؟؟؟
الآن مزقت المدرسة من الداخل من الاخشاب التي كانت عمادها في الطابق العلوي بهدف صيانتها ولا ادري هل ستتم الصيانة ام ستلحق بباقي المباني المتمثلة داخل الجزيرة في الصورة امامكم ( لي عودة قريبا لموضوع هذه المدرسة التي بدأنا نتخوف من ان يتم تدميرها .هنا لابد ان اذكر ان بعض خريحيها وجدوا ملفاتها الارشيفية القديمة التي تحوي اسماء المعلمين والطلاب ووجدوا حسب ما ابلغوني به حتي دفتر العيادة التي كنا نحمله ( بحمل الدفتر دائما اشطر واحد في المجموعة ودا كان تقليد تجنبا للمنازعات بين التلاميذ لان حمل الدفتر كان يعتبر شرف ) لمقابلة المساعد الطبي آنذاك سأعود بتفاصيل اكثر دقة في وقت لاحق اعتبروها حزمة ولو انها مشتتة شوية وجزء من ذكرياتي في المدرسة (((وبرضوالصورة صغيرة ودبلت وموجودة في مكان ما مناسب الحقني يا ياسر ))
شفت كيف يا حسن موسي اخوك لسع بكابد (وما بخليك حتي لو بقيت قمر السما ) رايكم شنو حاكتب ليكم عن ذكرياتي في سواكن ...... اصحي يا عبود ويا طبطب (النداء دا ظريف يا جماعة ؟؟؟؟)
صورةصورة
وطنا البإسمك كتبنا ورطنا احبك
ياسر عبيدي
مشاركات: 1157
اشترك في: الخميس مارس 27, 2008 1:51 pm

مشاركة بواسطة ياسر عبيدي »



تمام يا كنديو، أنت فى تحسُّن مطّرد، شوية كدا وحتفوتنا زاتو.

الصورتين الأخيرات نزلوا لكن صورة المدرسة ماظهرت لأنو عنوانها لمّن عملت ليهو "لصق - paste" إتمسح منُّو الأجزاء الأخيرة:

[img]https://www.sudan-forall.org/files/Primery%20school%20-

بالظبط إتمسح .jpg ، وقفلة قوس عنوان الصورة: [img/]، وكمان فى "شرطة أو داش" ، جات طالعة برّة القوس، ما عارف موقعها كان وين.
يعنى العنوان مفروض يكون حاجة زى دى كدا:

[img]https://www.sudan-forall.org/files/Primery%20school%20.jpg-[/img]

ممكن ترجع "لكوم التبن" وتضغط "كنترول وحرف F" مع بعض، تعمل "لصق" لإسم الصورة فى مكان البحث عن العنوان أسفل صفحة "فاير فوكس"، أفتكر إسم الصورة: (Primaryschool.jpg)، يعنى إسمها زى ماهو محفوظ عندك فى الكومبيوتر زائد "نقطة" و"jpg" ونعمل "إنتر"، عشان تنقل عنوان الصورة الصحيح مرّة تانية وتقوم بالخطوتين التاليتين، الإنت عارفهم، فى صفحة الإنزال. طبعاً عنوان الصورة بينزل أوتوماتيكلى أسفل الصفحة، تقوم تعمل ليهو "cut" وتلصقو فى مكانو فوق مكان العنوان الأول الخطأ .

مع أمنياتى لك بالتوفيق

حسن موسى
مشاركات: 3621
اشترك في: الجمعة مايو 06, 2005 5:29 pm

جزر القمر في رجل الفولة..نوكيدينق

مشاركة بواسطة حسن موسى »


بالله شوفوا الرابط دا
و الله رحلات ناس كلية الفنون دي ما في أعجب منها
الشباب ديل كانوا ماشين رجل الفولة لقوا نفسهم في جزر القمر



https://sudan-forall.org/forum/viewtopic ... 6831#14769
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

صورة[img]https://[/
مدخل مبني الجمارك القديم بسواكن وسانشر من ملف الصديق الدكتور
محمد الحسن علي المبني بعد صيانته ولي معكم الكثير من صور سواكن والتعليق عليها قريبا
وطنا البإسمك كتبنا ورطنا احبك
صورة العضو الرمزية
ÎáÝ Çááå ÚÈæÏ
مشاركات: 487
اشترك في: الثلاثاء مايو 10, 2005 12:26 pm
اتصال:

مشاركة بواسطة ÎáÝ Çááå ÚÈæÏ »

والله ما شاء الله.. تبارك الله أحسن الخالقين. .
أهو الهدندودي القدر يبقي شيوعي وسط دهشة ناس الفنون وعيلة زيزي زاتا..بقي كمان خطير في إنزال الصور في منبر صعب زي دا. .
الحرية لنا ولسوانا
حسن موسى
مشاركات: 3621
اشترك في: الجمعة مايو 06, 2005 5:29 pm

حزب النبقة

مشاركة بواسطة حسن موسى »


يا عبود ما تستغرب من شيوعية كنديو القاطعها من راسو دي عشان الهدندوة زيهم زي فقراء السودان التانين شيوعيون بدائيون جبلوا على قسمة النبقة و هي وجه من وجوه الشيوعية البدائية و هم مستعدين يركبوا الصعب ذودا عن مصالحهم و لو كان هذا الصعب في وعورة فكر ماركس أو في مشقة انزال الصور في منبر سودان فور أول. يوما ما سنتوفر على الوسائل المادية التي تمكننا من تطوير موقعنا فيسهل التعامل معه لجميع الشيوعيين البدائيين من عيال الفقراء و الأجر على الله :lol:
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

كتير شكري لكما حسن وعبود والشكر اجزله للاخ/ ياسر عبيدي ( ماتقول يا ياسر خليتك ...وراك وراك ).
ياحسن وياعبود ومن يهمهم الامر الهدندوة فرع رئيسي من فروع البجا الذين ينقسمون الي سبع قائل رئيسية هي ( البشاريين شمالا والامرأر في جنوب البشاريين (بورسودان وماحولها ) والارتيقة والاشراف (سواكن وطوكر ) والبني عامر جنوب طوكر وشرق كسلا والحلنقة كسلا واخيرا الهدندوة في القاش وحتي شمال سنكات وجبيت وهم اكثرية عددا ) هذا ما اعلمه حتي الآن الي ان يتداخل آخرون من ابناء المنطقة تأيدا اوتصحيحا .
اما عن الكلية فكان دخول احد ابناء البجا كان حدثا للطلاب والطالبات كما قلت سابقا ولكن الحدث الاكبر عبر عنه طه العطا عندما علموا انني انتمي الي الحزب الشيوعي بقوله ( الزول " لاحظ الزول دي بدل الهدندوي " اتاري فايتنا بي غادي وكان يتلاعب بينا ساكت _ غتاتت هدندوة ( بجا)ونجنا ما جايبين خبر أو كما قال .
وعندما اكتشفوا اني بلعب كورة وكمان بتلاعب بيها - اختيرت في منتخب المعهد الفني فيما بعد - فبهت الذين........
صورةصورةorall.
وطنا البإسمك كتبنا ورطنا احبك
حسن موسى
مشاركات: 3621
اشترك في: الجمعة مايو 06, 2005 5:29 pm

اولاد المدارس

مشاركة بواسطة حسن موسى »

بابكر كند[size=200]يو كتب:
اما عن الكلية فكان دخول احد ابناء البجا كان حدثا للطلاب والطالبات كما قلت سابقا ...
صورةصورةorall.




يا عبود الحدث الأكبر كان دخول كنديو للمدرسة ذاتها
و هي حكاية طريفة حكاها لي كنديو في قديم الزمان و سالف العصر و الأوان
بالله يا كنديو احكي قصة دخولك المدرسة عشان فيها عبرة كبيرة في منظور تطور و تدهور[ تدهور شنو قول: إنحطاط عديل] التعليم في السودان
صورة العضو الرمزية
ÈÇÈßÑ ßäÏíæ
مشاركات: 87
اشترك في: الثلاثاء مايو 02, 2006 11:29 pm
مكان: سواكن
اتصال:

مشاركة بواسطة ÈÇÈßÑ ßäÏíæ »

وانا صغيير الحقتني والدتي بخلوة تديرها إمرأة من البجا في سواكن وكانت قراءاتها ب(بجا ارابك) وهي كانت قاسية الي حد ما وكنت لااستسيقها لان تدريسها عبارة عن تلقين وتحفيظ مع قليل من الكتابة المرسومة رسم . كنت سريع الحفظ والتسميع (بالرغم من عدم فهمي للغة العربية آنذاك ، وما اظن هي نفسها كانت تفهم المعاني ) عكس اقراني الآخرين بطيئ الحفظ فكانت تلاحقني بمزيد من الآيات ولاتترك لي مجالا للعب لذا كنت اتغيب كثيرا وكانت ترسل عتاة الصبية للبحث عني وحملي مع الطواف بي في الشوارع المؤدية الي مبني الخلوة بالغناء والتشهير بي حيث يتم جلدي علي راحتي قدمي ( الفلقة )مما ولد في داخلي المزيد من العناد والهروب من المنزل والاختباء في اماكن اخري استمر الحال هكذا الي ان هداني تفكيري الي الهروب الي البحر مع الفجر (كمكان للاختباء ) حاملا عصاتي التي لا تفارقني كرمز للرجولة كعادة البجا في حمل الاسلحة
واهل سواكن يعتقدون بفائدة البحر في الصباح الباكر .
كنت لا اعرف السباحة لذا كنت اجلس علي الشاطئ وكغيري كنا ننزل الي البحر (لابسين من غبر هدوم ) بدأ الصبية السباحبن في مناوشتي لفظيا اولا ثم تطور الامر الي المناوشات الحركية والخشنة مما اثارني واغاظني الامر وكان احد تلاميذ المدرسة التي تقع علي نفس الشاطئ ( انظر موقع المدرسة في صورة البوست الاسبق)اكثر خشونة وكان اكبرهم
قررت ان انتقم من هذا التلميذ فخرجت من البحر ولبست ملابسي وانتظرت خروجه .
خرج "عدوي " امهلته حتي يلبس لباسه فقط وهجمت عليه شاهرا عصاي فهرب مني الي داخل المدرسة حاملا بقية ملابسه في يديه ودخلت خلفه المدرسة حينها

امسك بي معلم اسمه "صالح محفوظ" وسألني باللغة البجاوية عن اسمي فلما اخبرته قال لي انت ولد
كنديو الصائغ ؟ قلت له نعم . قال لي ولماذا انت لست في المدسة ؟هل تحب ان
تدخل المدرسة قلت نعم خوفا من عقوبة من اجل الولد واخذني الي الناظر اسمه ( حامد ابوعلي ) وهكدا تمت اجراءا التحاقي بالمدرسة بعد موافقة ابي . وفي المدرسة كانت لي حكايات وحكايات لطفل صغير لايعرف اللغة العربية سأحكيها في بوست آخر

وطنا البإسمك كتبنا ورطنا احبك
أضف رد جديد