ســمــــاع
انتقل الى صفحة السابق  1, 2, 3, 4, 5, 6, 7, 8  التالي
 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاثنين مارس 09, 2015 10:29 am    موضوع الرسالة: رد مع اشارة الى الموضوع

عثمان حسين في "ربيع الدنيا" ("يا أُختَ رُوحي في دُنيا الخيالْ!") :



https://www.youtube.com/watch?v=g05pNOxavBY


عدل من قبل إبراهيم جعفر في السبت مارس 14, 2015 8:57 am, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الخميس مارس 12, 2015 10:26 am    موضوع الرسالة: رد مع اشارة الى الموضوع

أحمد فرح في "تحلف تقول البيّا بيك": دي ما ممكن تلقوها يا ناس. يمكن نجاة محمد علي، بالذات، كانت بتقدر تلقاها لانها نكّاتة أغاني صميميّة:



https://soundcloud.com/abdulrahman-abdulhalim/abdulrahman-abdulhalim


عدل من قبل إبراهيم جعفر في السبت مارس 14, 2015 8:57 am, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
عبد الماجد محمد عبدالماجد



اشترك في: 10 يونيو 2005
مشاركات: 1648
المكان: LONDON

نشرةارسل: الخميس مارس 12, 2015 2:57 pm    موضوع الرسالة: رد مع اشارة الى الموضوع

تحياتي لكم جميعا
وتحية خاصة لاخينا النكات ابراهيم جعفر فقد اعطاني فرصة لاسمع احمد فرح لاول مرة في حياتي.
دا ما الفنان البستبدلووه بوردي. لا قيس لا مثل.
لست مطربا ولا موسيقيا ولكن أقول:
أنا شميت ريحة ابراهيم عوض وكمان ريحة صديق عباس في هذه الاغنية.
الزول دا كهربتو ما عالية - يعني ضلو ميت - يعني كوبليه واحد من وردي يكون مشحون بكهرباء صاعقةز
أسف

_________________
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة انتقل الى صفحة المرسل
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الجمعة مارس 13, 2015 1:02 pm    موضوع الرسالة: رد مع اشارة الى الموضوع

أظنُّو، يا أستاذ عبد الماجد، دخلت عليك، بي ورا ومن تحت نفسك، دون أن تدري، أو في "لا وعيك"، زي ما بقولوا بتاعين علم النفس، عند استماعك لي غنية أحمد فرح دي الإسمها "حِلْفَانْ" غنية تانية لي إبراهيم عوض قريبة منها في "روح" لحنها و"روح" شعرها مما قد يجعل الإنسان- تلقائياً- يربط بينها وبين غنية أحمد فرح دي واغنية إبراهيم عوض دي اسمها "الدنيا الجديدة" وأظنها من كلمات محجوب سراج (فيها نفَس محجوب سراج، على كل حال) وبتبدا بي "لو قُتَّ ليك حياتي بيك/روحي ليك تفدى عينيك/برضو شويَّة عليك" وبقول فيها الفنان الذري، عشان تتذكرا احسن، "غريب بلاد وغريب أهل/بلادي في سود المقل"، الشي اللي خلاها، زي ما أظن، زمان بقدموا بيها "برنامج المغتربين" في الإذاعة السودانية. المهم الغنيتين ديل زي الأختين، لكن برضو مختلفتين. قصر الكلام: أظن أن ما بدا لك من تشابه الغنيتين ديل- وهن في رأيي غير متشابهتين بل، بالأحرى، "متآخيتين"، كلاميَّاً ونغميَّاً/لحنيَّاً- هو الذي جعلك تتحدث عن أثر لي إبراهيم عوض في أحمد فرح ده. أما عن صديق عباس القلتو ده فأحرى بأن نقل- لوكان صحيح هو في صوتو شبه بي أحمد فرح وانا لا أرى ذاك الشبه- أنو هو الفيهو حاجة من أحمد فرح وليس العكس وذلك ببساطة لأنو جاء لي الغنا في السبعينات من القرن العشرين الماضي فيما جا ليهو أحمد فرح قبلو بي كتييييير- في الستينات من القرن العشرين الماضي.

بعدين الكلام القلتو فوق عن غنيتي "حلفان" لأحمد فرح و"الدنيا الجديدة" لإبراهيم عوض يمكن يتلاحظ، زي ماهُو تماماً، في حسِّي الشعري واللّحنيْ، بخصوص غنيتين تانيتين هما لفنانين كبيرين ومشهورين هما إبراهيم عوض (برضو!) وصلاح ابن البادية وهما غنيتي "لو بعدو بيرضيهو" (إبراهيم عوض) و"أسير الغرام" (صلاح بن البادية) إذ قد يُصوّر في الذاكرة التحتانية للسامع الجيد إليهما- كما قد صُوّر لك في حالة أحمد فرح- أن صلاح بن البادية فيهو في غنية "أسير الغرام" نَفَس الفنان الذري إبراهيم عوض وذلك رغم تميز كل منهما عن الآخر، وعن بقية المغنين طبعاً، في الصوت والأداء و"طرق" اللحن معاً.

وملاحظة جانبية أخيرة: أنا شفت ما بدا لي أثراً لي إبراهيم عوض ده ذاتو برضو في صالح الضي ذاتو، رغم اختلافهما البين، وتميزهما كذلك، في الصوت والأداء والكلام والألحان، وذلك في غنية "يا عينيَّا" البقول فيها "يوم سافرت قطارك/جاني خبر عشيّه/عزّوني العوازل/وما نامت عينيَّا"! لو نجاة قدرت تجيبا لينا هنا، أو قدرت أنا، ممكن تشوف كلامي ده، يا ماجد!

ختاماً خَلِّيْنِي "أُقرؤُكَ السلام"، يا عبد الماجد...



إبراهيم جعفر



عدل من قبل إبراهيم جعفر في السبت مارس 14, 2015 9:00 am, عدل 2 مرة/مرات
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
عادل السنوسي



اشترك في: 09 مايو 2005
مشاركات: 780
المكان: Berber/Shendi/Amsterdam

نشرةارسل: الجمعة مارس 13, 2015 4:23 pm    موضوع الرسالة: رد مع اشارة الى الموضوع

تحياتي للجميع ومرحبا ...

-----------------

القمر في كنانة مع بشير عباس :

= فشل رفع الملف ، سأحاول مرة اخريhttps://www.youtube.com/watch?v=kCmgCGZCNzo&feature=player_embeddedي ..
_________________
الفكر الديني ضعيف، لذا فإنه يلجأ الي العنف عندما تشتد عليه قوة المنطق، حيث لايجد منطقاً يدافع به، ومن ثم يلجأ الي العنف.( ... )


عدل من قبل عادل السنوسي في السبت مارس 14, 2015 8:57 pm, عدل 2 مرة/مرات
انتقل الى الاعلى
استعرض نبذة عن المستخدمين ارسل رسالة خاصة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: السبت مارس 14, 2015 10:44 am    موضوع الرسالة: رد مع اشارة الى الموضوع

خِلِّي العيش حرام ("التِّختَارُو لي لا شك جميل، يا جميل/البِدُّورُو لي لا شك جميل، يا جميل!")، كلمات: صالح عبد السّيد (أبو صلاح)، لحن وغناء: ميرغني المأمون واحمد حسن جُمعة:



https://www.youtube.com/watch?v=ssvH30SHAfs
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
ثروت همت



اشترك في: 27 اغسطس 2009
مشاركات: 192

نشرةارسل: السبت مارس 14, 2015 6:28 pm    موضوع الرسالة: رد مع اشارة الى الموضوع

يا سلام على هذا الروضة الغناء.
_________________

التجويد، البحث والتملك، التمرد على النمطيه المُهلكة، التفرد اللغوي، التريث و تَهَنِّيد سيوف الدهشة كلها أنْقُس وأنْقاس كتابة.
الخوف بابُ يَقحِم للتقليد؛ والتقليد هلاكك البطيء ياخ.
انتقل الى الاعلى
استعرض نبذة عن المستخدمين ارسل رسالة خاصة انتقل الى صفحة المرسل
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 15, 2015 10:07 am    موضوع الرسالة: رد مع اشارة الى الموضوع


يا سلااااام، ثَرَّوتة بي جاي؟

بل سلامٌ على عِرْفَانَكِ هذا يا ثَرَّوتة، و"جِيْدَ لِيْ بِهِ"، ولكِ أجمل الروض في العالمين. كنتُ قد كتبتُ، مُتَلَهْوِجَاً، في ما سميته، قديماً، "قصة قصيرة" لي كان عنوانها قد جادَ لي هاميَاً، بل فاض لي هاميَاً، يا صديقتي، بتسمية نفسه "الفكر.. الغناء وأطياف السلام" (هي قد نشرت هنا في زمان سابق وأظنني قد "لنَّكْتُ" السبيلَ إليها، في زمان ليس بعيداً، عِنْدَ صفحتي بالفيسبوك)، أن "الغناء للإنسان هو المخرج". كأنّي بي أعودُ الآنَ، بقوة عودةٍ متجددةٍ دوماً، في "أيام ظهورٍ جديدة" لي(والإشارةُ هنا إلى إنشاد عوض الكريم موسى ("كرومة")العرفاني الجمهوري الذي يبدأ بعبارة "هذه الأيام أيام الظّهُور/من يذق فيها يذق للنار نور")، إلى ذاك الغناء الذي هو، في جِماعِهِ وجُملتِهِ، غناءٌ، فَحَسْبَ، "من زمن الرَّعشة".






إبراهيم جعفر
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 15, 2015 1:13 pm    موضوع الرسالة: رد مع اشارة الى الموضوع

حبَّة شوق، كلمات محجوب سراج، لحن وغناء: صلاح مصطفى:



http://www.sudanradio.info/arabic/modules/debaser/player.php?id=1595



إبراهيم جعفر
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 15, 2015 1:25 pm    موضوع الرسالة: رد مع اشارة الى الموضوع

[size=24]حسن سليمان الهاوي، صلواتٌ في هيكل الحب، كلمات: ابو القاسم الشابي، لحن وغناء: حسن سليمان الهاوي: [/size]



http://www.sudanradio.info/arabic/modules/debaser/player.php?id=3268
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاربعاء مارس 18, 2015 12:51 pm    موضوع الرسالة: رد مع اشارة الى الموضوع

حكاية غرام، كلمات اسماعيل حسن، لحن وغناء التجاني مختار (دي أغنية شديدة الرقَّة ياخ!):



http://www.sudanradio.info/arabic/modules/debaser/player.php?id=2954
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: السبت مارس 21, 2015 4:25 pm    موضوع الرسالة: رد مع اشارة الى الموضوع

كتب إبراهيم جعفر:
اقتباس:
أحمد فرح في "تحلف تقول البيّا بيك": دي ما ممكن تلقوها يا ناس. يمكن نجاة محمد علي، بالذات، كانت بتقدر تلقاها لانها نكّاتة أغاني صميميّة


سلام يا إبراهيم
يا ريت لو بقدر ألقى أغاني الراحل أحمد فرح. ظللت أبحث عنها منذ زمن طويل، لكن لم أجد سوى "يا الطال غيابك سنة وزيادة"، وبتسجيل تعبان:


https://www.youtube.com/watch?v=kMMfAeXWT58

شكراً على أغنيته "تحلف تقول البيّا بيك".

انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: السبت مارس 21, 2015 4:36 pm    موضوع الرسالة: رد مع اشارة الى الموضوع

صه يا كنار مرة أخرى، مع أبو عركي وكابلي
https://www.youtube.com/watch?v=k0xNtdBdSr8

وعثمان حسين، يغنيها تخنقه عبرة
https://www.youtube.com/watch?v=66xH5BYFsmU

.
انتقل الى الاعلى
استعرض نبذة عن المستخدمين ارسل رسالة خاصة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 22, 2015 9:11 am    موضوع الرسالة: رد مع اشارة الى الموضوع

ليالي لقانا (أو "الدّنيا مُنى واحلامْ!"، يا نجاة)، كلمات العم عبد الرحمن الريح، لحن وغناء: إبراهيم عوض، بكل بهاء وصفاء صوت تسجيلها الأصلي الأول، وعزفها الصفي الاولاني داكْ، و"بناته" الشيّالات:



http://www.sudanradio.info/arabic/modules/debaser/player.php?id=648

أقرن/أقرو دي، عندها صلة بي الغنية الفوق دي:

http://www.sudan-forall.org/forum/viewtopic.php?p=71625&sid=ff07ab03d72d0c070ab8e5589e0d7eea#71625

ثُمَّ: حمد الله على السلامة يا نجاة من الرحلة الطويلة، وكذلك لي شيخنا عبد الله بولا. أظني برضو لقيت نفس تسجيلك حق "سنة وزيادة"ده، يا نجاة، وبوعدك أني بفتش حاجاتو التانية زي "لوسعيد الحظ"، "حليلك يا بلدنا" و"البريدو مالو اتأخر بريدو" و"احاول ديمة اتصبّر" وما سوى ذلك من أغانيه.


تسلمي نجاة، وشكراً على "صه يا كنار"، ألحان الرائد إسماعيل عبد المعين وكلمات الصاغ محمود أبوبكر عم صديقنا فنان الكومبيوتر وإخراج الكتب والسينما والتوثيق الإعلامي طارق أحمد أبو بكر...



إبراهيم جعفر

انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الثلاثاء مارس 24, 2015 1:42 pm    موضوع الرسالة: رد مع اشارة الى الموضوع

أغنية حنان الحنان ذاتُو: قُمري وقُمريَّة، كلمات اسماعيل حسن، لحن وغناء: محمد حسنين ("أبو سريع"):



http://www.sudanradio.info/arabic/modules/debaser/player.php?id=2682
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الثلاثاء مارس 24, 2015 1:49 pm    موضوع الرسالة: رد مع اشارة الى الموضوع

الرائدة منى الخير: نظرة:



http://www.sudanradio.info/arabic/modules/debaser/player.php?id=1246
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الثلاثاء مارس 24, 2015 2:28 pm    موضوع الرسالة: رد مع اشارة الى الموضوع

أسحار الجمال، كلمات: عبد الرحمن الرّيّح، لحن وغناء: إبراهيم إدريس (ودَّ المُقْرَنْ):



http://www.mp3opps.com/music/song_listen_4857_1.html
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
عبد الماجد محمد عبدالماجد



اشترك في: 10 يونيو 2005
مشاركات: 1648
المكان: LONDON

نشرةارسل: الاربعاء مارس 25, 2015 11:26 pm    موضوع الرسالة: رد مع اشارة الى الموضوع

كتّر خيرو كتّر ختيرو - إبراهيم جعفر
_________________
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة انتقل الى صفحة المرسل
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الخميس مارس 26, 2015 3:17 pm    موضوع الرسالة: رد مع اشارة الى الموضوع

نظرة: عبد الله الماحي، صاحب أول أسطوانة غنائية في السُّودان:



https://www.youtube.com/watch?v=jfM5J11HXa8



نـظرة

كلمات سيد عبد العزيز، لحن وغناء عبدالله الماحي



نظرة يا السمحة أم عجن
لو كان قليل تبرى الشجن
أعرف صفا الأيام أفيقن
وأنظر جمال تلك الوجن

دولات صدودك ما وعن
آلامى وبى اتدرعن
أبكى واصيح مُتضرِّعَنْ
يا ناس دموع عينى ترَّعَنْ

أرحمونى مارضنى الظعن
آمالى جور لى قاطِعِنْ
أحشاي هديل أتقطَّعَنْ
وبالفُرقة نشَّابِكْ طَعَنْ

يا منبع النُّور والفِطَن
يا الفُقتِى يعرب والرَّطَنْ
فى جوفى من حبك قَطَنْ
يا جاهلة مليون ألف طن

كيف أسلى عينيك والوِجَنْ
يا البسمتِكْ نور الدُّجَنْ
جسمك حرير ناسجُو العجن
ناضر وباللون انعجن

الضَّاويَه زى خديك مَنْ
فى الدنيا يا نور الزَّمَنْ
أرواح نَسَايْمِك لى رَمَنْ

نرجس مزج لى مسك اليمن

ما أحلاكِ يا الجِّيدِك شَدَنْ
يا العُمْرِى فيك ضايِع سُدَىً
أنا عِندى شوفتك يا اللَّدَنْ
أحسن من الرُّوح فى البَدَنْ
***
يا منبع الذوق آه يا مَنْ
حبك غرز فى الجوف كمن
يا غالية قط ما ليك تمن
إن هب او جار الزمن

ليكِي السَّلام ما ولَّعَنْ
خَدَّيكِ بالنُّور يلمَعَنْ
وعدد النجوم ما يطلعن
يرضيك وبيك لي يَجمَعَنْ


عدل من قبل إبراهيم جعفر في الثلاثاء ابريل 07, 2015 4:04 pm, عدل 1 مرة
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: الخميس مارس 26, 2015 10:51 pm    موضوع الرسالة: رد مع اشارة الى الموضوع

سلام يا إبراهيم

أغنية "نظرة يا السمحة أم عجن" ذكرتني بتعليق ضيفة جاتنا مرة ومعاها شرائط بتسمع فيها، من بينها شريط للمغنية عابدة الشيخ فيهو أغنية بتقول فيها "لأني بحبك كدا بالواضح". ضيفتنا قالت لي: شوفي قوة العين دي ماشة في تطور سريع كيف، زمان كانوا بقولوا للبت نظرة يا السمحة أم عجن، بعده جاء زمن يقولوا ليها فيه أمسكي عليك عيونك ديل، أها جانا زمن بقت فيهو البت هي البتتكلم، وكمان تقول لأني بحبك كدا بالواضح. هنا انتهى كلام ضيفتنا. لذا لزم التنويه Wink


انتقل الى الاعلى
استعرض نبذة عن المستخدمين ارسل رسالة خاصة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: السبت مارس 28, 2015 10:17 am    موضوع الرسالة: رد مع اشارة الى الموضوع

ده، يا نجاة، زمن كان البِت بتغني لي الولد وتقول: "إسمَكْ تقيل يا فلان زَيْ حنضل القيزان" فيما الولد يغني لي البِت ويقول: "إسمِكْ ما بجيبُو فلانة يا الله بي النيرانا!" (يعني نيران الشوق بتقوم فيهو بمجرد ذكر اسم البت الهو مُتيَّمْ بيها دي، فتأمَّلِيْ؟). وأنا برضو عندي حكاية زي حكايتك ده. مره كنت، في أواخر سبعينات القرن العشرين الماضي، بسمع في لقاء في إذاعة أمدرمان (رحمها الله!) مع واحد من رواد شعر الحقيبة والشعر الأوركسترالي برضو، أظنو عمنا محمود إبراهيم فلاح (مؤسس دار فلاح للغناء الشعبي)، لكني ما متأكد. المهم الزول ده في تعليق ليهو على تبديل الزمن لي طبيعة الغنا ووفق رأي ليهو بأنو الغنا بقي "مايع ساكت" Smile قال هذه الأمثولة: زمان، يعني في زمن الحقيبة الأولاني داك، الغناي بقيف وبقول: "يا جرح غَوَّر أريتَكْ أصلُو ما بَريْتَا!". أما الآن- و"الآن" بتاعتو دي مقصود بيها أواخر الأربعينات وأوائل الخمسينات من القرن الماضي حيث بداية صعود الاغنية الأوركسترالية اللي بدا إبراهيم الكاشف عهدها، فتصَوَّرِي!- بقي الغنَّاي يقول: "تجرحني ليه وأنا كلي جراح!"- والإشارة هنا طبعاً لي غنية "بت النيل" حقت أحمد المصطفى. شُفْتِي كيفْ؟


سلام عليكَنْ/عَلَيْكُمْ جميع...



إبراهيم جعفر



عدل من قبل إبراهيم جعفر في السبت فبراير 27, 2016 1:31 pm, عدل 2 مرة/مرات
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: السبت مارس 28, 2015 10:25 am    موضوع الرسالة: رد مع اشارة الى الموضوع

وهاكم، ما دمنا جينا بي جاي، غنية "الغالي تمر السُّوق"، بأداء عثمان حميدة (الذي هو نفسه الكوميديُّ أَحَمَدْ ودَّ اللَّمِيْنْ تَور الجَّرْ):



https://www.youtube.com/watch?v=O7hiRx7a08s
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
عبد الماجد محمد عبدالماجد



اشترك في: 10 يونيو 2005
مشاركات: 1648
المكان: LONDON

نشرةارسل: الاحد مارس 29, 2015 3:06 am    موضوع الرسالة: رد مع اشارة الى الموضوع

صباح الخير
يا ابراهيم جعفر
والله انت خبير
لازم تكتب لينا كتــــاب
قالوا منصور خالد قاعد يكتب عن الحقيبة والكتاب لم يخلص بعد
يمكن كتابك يكون احسن
______

عندي ليك سؤال بتاع علم نفس ولا تدجين ما عارف
مما عيوني فتحن بحب الحقيبة ولي فيها ثالوث: ابراهيم عبدالجليل - سرور كرومة
واحب آخرين لكن لا يحركوني كما يحركني الثالوث - ببكي عديل لما اكن لوحدي في حضرة ابراهيم عبدالجليل (يا حليل زمن البكاء, عواطفنا جفّت)
المهم بعد ما سمعت أغنية عبدالله الماحي التي رفعتها لنا ندمت بأثر رجعي:
قمت سمعت كل أغانيه في اليوتيوب وغيرها:
شي عجيب. بدا لي أن ذلك الصوت هو اعظم صوت سمعته في الحقيبة:
!
هل كنت مدجنا بأثر المبارك ابراهيم واختيارات الإذاعة أم كنت أصمّا؟ ما عارف
في شي إما في تطور ذائقتي أو تدحرحها أو أثر الإعلام القديم: يا ي دا يكون شنو؟
وهداني عقلي بأن: لا ينبئك مثل خبي . وهو أنت يا ابراهيم جعفر
ويا ريت يخشو معاك ناس الوليد يوسف وعادل السنوسي وبقية العقد.
تحياتي

_________________
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة انتقل الى صفحة المرسل
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 29, 2015 8:19 am    موضوع الرسالة: رد مع اشارة الى الموضوع

[size=24]هاك يا أستاذنا عبد الماجد "خمرة هواك يا مي صافية وجليَّة" الصُّوفيَّة-البابليَّة دي، بصوتي ميرغني المأمون وأحمد حسن جُمعَة:


[/size]
https://www.youtube.com/watch?v=aNwbeOXdDrY



أما ما كتبته لي فوق هنا فقد أخجلني منِّي وخلاني أشكرك شديد لي تعزيزك لي، أما أنا فلستُ، في الحق، سوى متذوِّق شديد التعلق العاطفي، وليس خبيراً، بذاك الغناء وبغرق فيهو شديد، لحد الجذب العديل، مرات...

كده شوف بعد خمرة هواك دي بحصل ليك شنو يا أستاذ عبد الماجد!


أيوه دايرين ناس عادل السنوسي ونجاة النجيضة هنا!



[align=left]إبراهيم جعفر
[/align
]
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
إبراهيم جعفر



اشترك في: 20 نوفمبر 2006
مشاركات: 1717

نشرةارسل: الاحد مارس 29, 2015 1:30 pm    موضوع الرسالة: رد مع اشارة الى الموضوع

خلينا نبقى "حداثيّين"، نسبيَّاً، ونديكم "مسكينة المحبة" ("يلا بيعنا وشوف مصالحَكْ")، للمطرب الطيب عبد الله:



https://www.youtube.com/watch?v=Ohgr0pRHG-E
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: الخميس ابريل 02, 2015 1:43 pm    موضوع الرسالة: رد مع اشارة الى الموضوع

نقرأ في هذا الرابط:

هنــــــــا
اقتباس:
العزيز عبد الماجد طوبى لنا "بحلاوة الماضي" المايكملش وسماع أصوات الماضي تلك ألأصوات التي يؤكدها الغياب وإهمال السنين وضنين الوعود، فتصار الى تلذذات حنين عذبه، تفتح نوافذ الأمكنة الغابرة والأزمنة العابرة و تعالج شكوانا من مرارات الواقع، الواقع فوق راسنا وواجعوا شديد.

شكراً كثيرا

وليد


النوستالجيا... النوستالجيا
وما هي النوستالجيا إن لم تكن هذا الكلام؟
السؤال موجه بخصوص رشاش الاتهام بالنوستالجيا في غير موضعه الذي أصابني على صفحات الفيسبوك.

نجاة


انتقل الى الاعلى
استعرض نبذة عن المستخدمين ارسل رسالة خاصة
عبد الماجد محمد عبدالماجد



اشترك في: 10 يونيو 2005
مشاركات: 1648
المكان: LONDON

نشرةارسل: الخميس ابريل 02, 2015 3:50 pm    موضوع الرسالة: رد مع اشارة الى الموضوع

الأخت نجاة
عودا حميدا
وتحياتي لكم جميعا:
استدللت:

اقتباس:
العزيز عبد الماجد طوبى لنا "بحلاوة الماضي" المايكملش وسماع أصوات الماضي تلك ألأصوات التي يؤكدها الغياب وإهمال السنين وضنين الوعود، فتصار الى تلذذات حنين عذبه، تفتح نوافذ الأمكنة الغابرة والأزمنة العابرة و تعالج شكوانا من مرارات الواقع، الواقع فوق راسنا وواجعوا شديد.

شكراً كثيرا

وليد


نووستاجيا وبَسْ ؟؟
نوستاجيا ليها ضُلْ
في الصغر الفن موجهٌ للعقل
وفي الكبر مُثبِّتٌ له.
والنوستالجيا دي لو ما جاتنا نحنا تجي لمنو؟ لابوقلباٌ ميّت ؟ الذي نسى فقسا والذي تغَرّب فاكتفى. حاشانا
تحياتي

_________________
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
انتقل الى الاعلى
استعرض نبذة عن المستخدمين ارسل رسالة خاصة ارسل الرسالة انتقل الى صفحة المرسل
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: الاحد ابريل 05, 2015 6:32 pm    موضوع الرسالة: رد مع اشارة الى الموضوع

سلام عبد الماجد،
قلت:

اقتباس:
نوستالجيا وبَسْ ؟؟
نوستالجيا ليها ضُلْ

ياها نوستالجيا وليها ضل Very Happy

انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: الاحد ابريل 05, 2015 6:55 pm    موضوع الرسالة: رد مع اشارة الى الموضوع

دي أغنيةاسمها "الله يصبرك يا قلبي". أول مرة أسمعها الليلة وعجبتني شديد. يعني لا نوستالجيا لا اتهامات من النوع دا. عثرت عليها في اليوتيوب مصادفة.
لما أستمتع بسماع مقطوعة لموزارت، أو أغنية صينية قديمة، أو أغنية مكسيكية واغلة في القدم، دا برضو بيلصقوا عليه تسمية نوستالجيا؟ أفتكر الزول بيستمع للموسيقى ال بتروق ليهو، بغض النظر عن قدمها أو جدتها (عشان ما أقول حداثتها). إلصاق مثل هذه المصطلحات في غير مكانها، وفي موضوع معقد ومركب زي الاستمتاع بالإبداع الموسيقي، عملية لا تخلو من شتارة. ثم، هل لقينا أعمال موسيقية سودانية جديدة وأبيناها؟ جديدة بمعنى كون خروجها للوجود جاء حديثاً، وليس باجترار لحن قديم وإضفاء آلات جديدة عليه.

دي غنية الله يصبرك يا قلبي"، يغنيها سيد خليفة، عبد العظيم حركة، وصديق عباس.


https://www.youtube.com/watch?v=JXKRO1T_mPU


.
انتقل الى الاعلى
استعرض نبذة عن المستخدمين ارسل رسالة خاصة
نجاة محمد علي



اشترك في: 03 مايو 2005
مشاركات: 2626
المكان: باريس

نشرةارسل: الخميس ابريل 09, 2015 1:37 pm    موضوع الرسالة: رد مع اشارة الى الموضوع

عوض الكريم عبد الله في أغنية أسْمِعْني نشيدك

https://www.youtube.com/watch?v=zvhPWPValSg

أسْـمِعْني نشيدك
وريني كمان في الفن تجديدك
يا حمام الدوح

انتقل الى الاعلى
استعرض نبذة عن المستخدمين ارسل رسالة خاصة
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
انتقل الى صفحة السابق  1, 2, 3, 4, 5, 6, 7, 8  التالي
صفحة 6 من 8

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة