نفس الشعور

Forum Démocratique
- Democratic Forum
أضف رد جديد
ÚãÑ ÅÏÑíÓ ãÍãÏ
مشاركات: 72
اشترك في: الاثنين مايو 09, 2005 9:44 pm

نفس الشعور

مشاركة بواسطة ÚãÑ ÅÏÑíÓ ãÍãÏ »

فى بداية النصف الاول من ستينات 1900 . كان الوقت صباحا والدنيا برد وانا ما بين الرابعه والخامسه من عمرى قادتنى (حبوبتى). حوه بت جدعه- لها الرحمه الى خلوة الشيخ محمد ود عاشه الكائنه بالحجير مركز مروى....
وقالت له
ياشيخنا ليك الجلد ولينا العضم....التفتت الى كانت عيناها ترقرق بالدموع
لفراقى تلك الساعات القصيره؟
ليتمى المبكر
ام لفرحتها ان حفيدا لها سلك فى درب التعليم؟
انا كنت فرحان
الناس فى السودان بموتوا عشان ...يعلموا اولادهم....وين سمعت الكلام ده؟ والله ماعارف
بابكر بدرى؟
فى كتاب حياتى
ربما....
فى العام 1970 وانا فى السنه الثانيه اسطى مدرسة الدوش الثانويه العامه قادنى والدى(كدارى) عليه الرحمه.....والوقت ايضا كان صباحا والدنيا برد من امبده الى المنطقه الصناعيه امدرمان لورشة الاسطى محمد خير احمد صلاح(دقدوق) وقال له يامعلم
ليك الجلد ولينا العضم
فوجئت بان ابى كان يبكى لم افهم وقتها رغم حسرتى على فراق المدرسه
‍‍‍
من احساسه ان ولده فقد فرصته فى التعليم...لفقره؟
ام لفرحته اننى ساصير اسطى كهربجى ازيل عنه هم الفاقه....وانفع نفسى
فى الحظه ديك.......عينى وقعت منى على سفنجة ابوى..... كانت تعبر عن لسان الحال
وكنت فرحان
لفت الدنيا عركتنا ...وصارعناها مره نقوم....ومرات نقع ..اتعلمنا ماتيسر....قمنا وقعدنا ...الليله الصباح والدنيا برد ..فى بريدى رساله من الاخت الدكتوره نجاة محمد على تدعونى فيها للأشتراك فى منبر الحوار الديمقراطى التابع ل الجمعيه السودانيه للدراسات والبحوث فى الفنون والاداب والعلوم الا نسانيه
انتابنى نفس شعور الفرح وانا ماشى الخلوه والمنطقه الصناعيه
هتفت من اعماقى ليكم الجلد والعضم .
ما احوجنا....للاستناره.....واالتعليم
فى مدرسه يقودها بولا,وحسن موسى, ونجاة
شكرا لكم
مصطفى مدثر
مشاركات: 935
اشترك في: الاثنين مايو 09, 2005 10:26 pm
مكان: هاملتون-كندا

مشاركة بواسطة مصطفى مدثر »

سلام وأشواق يا عمر أدريس
لمحت اسمك في منابر أخرى وضعت مني في الزحمة.
لكن هنا في المكان الرايق دا فرصة طيبة لكي أحييك!
وأكيد ناس المنبر دا ح تسعدهم كلماتك الطيبات. ان شاء
الله يغفروا لي سبقهم في الرد عليك!
مصطفى مدثر
صورة العضو الرمزية
طلال عفيفي
مشاركات: 124
اشترك في: الاثنين مايو 09, 2005 7:19 pm

مشاركة بواسطة طلال عفيفي »

صورة

العزيز عمر إدريس ..

لقد أمتعتني بهذه الكتابه ..
كتابه صادقه وترتاح إلى نفسها ..

إنها فرصه سعيده بحق أن أقرأ لك ..
وأنت أكون هنا , بينكم ..

شكراً لك يا عمر ..


...
طلال
ÚãÑ ÅÏÑíÓ ãÍãÏ
مشاركات: 72
اشترك في: الاثنين مايو 09, 2005 9:44 pm

مشاركة بواسطة ÚãÑ ÅÏÑíÓ ãÍãÏ »

العزيز

مصطفى مدثر


عرفته مهتما بالاطفال

ادب الاطفال

لعب الاطفال
كتب الاطفال
ك....الاطفال.....باقى الكلمه بعد الكاف ممسوح
وبلح رطب للاطفال

مقدمة قصتك الرائعه التثاؤب الكبير...ترقد عندى فى قصاصه من زمن طويل,فى الحقيقه دهر كامل والمناسبه كانت....عيد....فيه ...تلاوه أشعار...وقصص... .وعيون براقه
وناس..
واحلام
...لازلنا فى الواقع .....لانملك غيرها
وعييييييييييك....يامصطفى

احييك....واشكرك


وانشاء الله المكان ده يكون....

تلك العجوه المعطونه فى العسل زى ماكان بقول حماد...

وهويحتفى بكل جديد
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

.

الأخ العزيز عمر إدريس،

شكراً على هذه الكلمات المعبّرة والمؤثرة.
وما تدينا أكتر من حقنا. فلا يمكن لهذا المكان أن يكون مدرسة إلا بجهودنا كلنا معاً.

لك ولأسرتك خالص تحياتي ومودتي وتقديري.

نجاة

.
ÚãÑ ÅÏÑíÓ ãÍãÏ
مشاركات: 72
اشترك في: الاثنين مايو 09, 2005 9:44 pm

مشاركة بواسطة ÚãÑ ÅÏÑíÓ ãÍãÏ »

العزيز

طلال
وقفت على بابك
فى الحقيقه
كتلنى الباب...... ياولدى

وراه بالضبط....كانون وتحته حطبات مولعات....وحله قديمه...قديمه جدا..فايره
فيها سخينه...كل مكوناتها...بصل وملح ومويه
والايادى كثيره ياطلال

مره دخلت عليك فى المنبر الاخر...وبدون ما اشعر وبلا مقدمات كان يقتضيها الحال ....قلت اعجابا بكتابتك عن السيره
الزول ده نصيح؟؟؟؟؟
ومرقت...
وبعدها سلكنا فى الابواب.....والحكايات البديعه حقا التى تكتبها....وتصدق انا مندمج فى حزب بلاطه.....رفعت راسى لقيت كلماتك هنا

فرحنى ترحيبك

لك التقدير..
وكل
الاعزاز
ãÍãÏ ÇáÌÒæáí
مشاركات: 329
اشترك في: الأحد مايو 15, 2005 10:06 pm

مشاركة بواسطة ãÍãÏ ÇáÌÒæáí »

العزيز عمر ادريس
ليك الشوق اطنان..
طبعا( مصطفى مدثر) دائما شايل ( وش الملاح ) ! :lol:
لكن مامشكله نكون فى الأول نكون فى الأخر .. المهم نرحب .. ونسالم
وعذرا لوخريت الرد .. لم اطلع على البوست الى اليوم ( منعول ابوك مشاغل )
مرحبيك ياعمر وحبابك( دشليون )..
وسلام للأهل جميعا ..
ونفس الشعور برضو ..
ولى قدام ..



.. .. .. .. ..
تخريمه ..
( الماعندو محبه ماعندو الحبه .. والعندو محبه ماخلى الحبه )
ÚãÑ ÅÏÑíÓ ãÍãÏ
مشاركات: 72
اشترك في: الاثنين مايو 09, 2005 9:44 pm

نفس الشعور

مشاركة بواسطة ÚãÑ ÅÏÑíÓ ãÍãÏ »

الأخت العزيزه
نجاة

ان تتحملوا مسؤولية بناء صرح ديمقراطى نحتاجه ....فعلا

وبالضبط

فى المكان

والزمان

شى اكبر من كل كلمات الشكر.......


لك التحيه والتقدير

وشكرا على الاستضافه والترحيب
ÚãÑ ÅÏÑíÓ ãÍãÏ
مشاركات: 72
اشترك في: الاثنين مايو 09, 2005 9:44 pm

مشاركة بواسطة ÚãÑ ÅÏÑíÓ ãÍãÏ »

العزيز

محمد الجزولى


لفت الدنيا ياحبيب..

والله زمن

الاشواق

والزكريات......والكان داك.....

والمهم

الحايكون ده

سعيد والله القاك هنا.....

وشكرا جزيلا على الترحيب....


وسلامى للجميع

وحسن الجزولى الصغير على وجه الخصوص
صورة العضو الرمزية
طارق ابو عبيدة
مشاركات: 404
اشترك في: الاثنين مايو 09, 2005 7:20 pm

مشاركة بواسطة طارق ابو عبيدة »


فى بداية النصف الاول من ستينات 1900 . كان الوقت صباحا والدنيا برد وانا ما بين الرابعه والخامسه من عمرى قادتنى (حبوبتى). حوه بت جدعه- لها الرحمه الى خلوة الشيخ محمد ود عاشه الكائنه بالحجير مركز مروى....
وقالت له
ياشيخنا ليك الجلد ولينا العضم....التفتت الى كانت عيناها ترقرق بالدموع
لفراقى تلك الساعات القصيره؟
ليتمى المبكر
ام لفرحتها ان حفيدا لها سلك فى درب التعليم؟

انا كنت فرحان
الناس فى السودان بموتوا عشان ...يعلموا اولادهم....وين سمعت الكلام ده؟ والله ماعارف
بابكر بدرى؟
فى كتاب حياتى
ربما....
فى العام 1970 وانا فى السنه الثانيه اسطى مدرسة الدوش الثانويه العامه قادنى والدى(كدارى) عليه الرحمه.....والوقت ايضا كان صباحا والدنيا برد من امبده الى المنطقه الصناعيه امدرمان لورشة الاسطى محمد خير احمد صلاح(دقدوق) وقال له يامعلم
ليك الجلد ولينا العضم
فوجئت بان ابى كان يبكى لم افهم وقتها رغم حسرتى على فراق المدرسه
‍‍‍
من احساسه ان ولده فقد فرصته فى التعليم...لفقره؟
ام لفرحته اننى ساصير اسطى كهربجى ازيل عنه هم الفاقه....وانفع نفسى
فى الحظه ديك.......عينى وقعت منى على سفنجة ابوى..... كانت تعبر عن لسان الحال
وكنت فرحان
لفت الدنيا عركتنا ...وصارعناها مره نقوم....ومرات نقع ..اتعلمنا ماتيسر....قمنا وقعدنا ...الليله الصباح والدنيا برد ..فى بريدى رساله من الاخت الدكتوره نجاة محمد على تدعونى فيها للأشتراك فى منبر الحوار الديمقراطى التابع ل الجمعيه السودانيه للدراسات والبحوث فى الفنون والاداب والعلوم الا نسانيه
انتابنى نفس شعور الفرح وانا ماشى الخلوه والمنطقه الصناعيه
هتفت من اعماقى ليكم الجلد والعضم .

ما احوجنا....للاستناره.....واالتعليم
فى مدرسه يقودها بولا,وحسن موسى, ونجاة
شكرا لكم



شكراً ليكـ انت ياعمر يا صديقي
الكلام الانتا كاتبو ده خطير جداً في تقديري المتواضع
ياخي انت قلت السودان كلو في كلمتين
وقلت عمر ادريس برضو في كلمتين
انا اشهدكـ انكـ فنان فنان فنان
صورة العضو الرمزية
طارق ابو عبيدة
مشاركات: 404
اشترك في: الاثنين مايو 09, 2005 7:20 pm

مشاركة بواسطة طارق ابو عبيدة »


زمان ابوي يا عمر .. كان بقول نفس الجملة دي

ليكـ الجلد و لينا العضم

انا ماكنت فاهم معناها .. كنت فاهم انها جملة حميمة بين استاذي و ابي لانو ديل

كانوا الاتنين الوحيدين الممكن يدقوني .. فطبيعي انهم يكونو اصحاب


صورة العضو الرمزية
مصطفى آدم
مشاركات: 1691
اشترك في: الاثنين مايو 09, 2005 5:47 pm

مشاركة بواسطة مصطفى آدم »

صورة

مرحبا عمر
توعدنا كلماتك الوضيئة بإضافة نوعية للبورد،
وشوف لينا الباب دا وراهو شنو!
يكون خلوة الشيخ ودعاشة؟

اين أنت يا مصطفى مدثر؟
اشتقنا إلى قصصك وإبداعاتك ا لباهرة و بنفس القدر من الشوق لحكاوى المواطن الجديد
مع المودة
مصطفى آدم
صورة العضو الرمزية
سيف اليزل الماحي
مشاركات: 366
اشترك في: الثلاثاء مايو 10, 2005 12:00 pm

مشاركة بواسطة سيف اليزل الماحي »

كتب عمر ادريس
انتابنى نفس شعور الفرح وانا ماشى الخلوه والمنطقه الصناعيه
هتفت من اعماقى ليكم الجلد والعضم .
ما احوجنا....للاستناره.....واالتعليم
فى مدرسه يقودها بولا,وحسن موسى, ونجاة


تعرف يا عمر
كلامك طاعم ومعبر ومعجون بالصبر ..
ودموع الحبوبات الغالية.

وما اكضب عليك انا ما دخلت الخلوة.. !
الوالد ربنا يديهو العافية اصطحبني للمدرسة مرة واحدة فقط كان ذلك في يوم تسجيلي تلميذا على دفتر الوزارة، دخلت انا اولى(ب) وخرج هو من باب المدرسة وبعدها سجل غيابا مستمرا حتى من مجالس الآباء، فقد كان يكتفي بارسال المصاريف (ناقصة) والتوقيع على النتيجة واحيانا كثيرة يعبر عن امتعاضه من كثرة المصاريف ويلحقها لعناته لنظام التعليم، قال انه يكره كلام المعلمين الكتير وقرارات الحكومة في التعليم(فخرجنا معارضين لحكومات السودان بدون فرز)، وكما ترى لم يقل لاحد تلك الجملة الشائعة في السودان فقط (ليكم اللحم ولينا العضم)، وحاصل الحاصل انو وزارة التربية وفي كل المراحل اكلت لحمنا ولم تترك حتى عضم الشيطان، المهم بعدها قامت امي بمتابعة الباقي من فصول تعليمي وكما اعرف هي آخر من يقول ليكم اللحم ولينا العضم، لذلك انشغلنا سنينا بالمطالبة بديمقراطية ومجانية التعليم حتى مجئ الانقاذ فدفع الناس دمغة الجريح والمظلوط والمفقوه فلم تشفع لهم ولم ترحمهم تلك الجبايات فأنتحر على اثرها احد التلاميذ في وسط الخرطوم الراعفة.

على هامش المشاوير(المتعبة) تلك في صحبة الوالد كنت كثيرا ما اعبر له عن امتعاضي انه واجدادي من الفريقين لم يخلفوا لنا غير الفقر والمعاناة، كان يقول: ما خلينا ليكم شي يذكر، لكن اهو علمناكم، وبقيتوا رجال اعملوا انتو الباقي. والباقي ده ياعمر انت عارفو وخابرو.

اهو انت شايف براك ما فضل فيها لحم ولاعضم لهذه المدرسة إلا ناكلها على اللّباد.

المهم مرحب بيك

سيف
مـن الآن فصاعدا يجـب التمـني بقـوة !!
علي عجب
مشاركات: 470
اشترك في: الاثنين مايو 09, 2005 5:48 pm

مشاركة بواسطة علي عجب »

عمر ادريس
لايملك من يمر عبر ما تكتب الاوان يقف
اجلالا لهذا الانسان الذي تحمله في العمق
هكذا امثالك
يحس الانسان حيالهم
بالدفء
هذه الكلمة هي ماينتابني
تجاهك
علي عجب
أضف رد جديد