من لفته وجعا استوطن

[ياسر زمراوي]

[font=Arial]مشتاق لك جدا يامدا
ياسنين مافاتن وماعدن
احزانا ركزن واتشدن
فى قولنا الطنطن ماهدن
ياروحى كفاك ماتتعكن
الجرح الفيك صابح رسن
الشوق الخارج من بدا
من لفته وجعا استوطن
اتخجن كلماتك خجا
الشابك شرقك واتشكن
والناهض غربك فى سدا
والكابح اقصى شمال كدا
وجنوبك كان وما امكن
احزانى بتجمع اوطانى
الفرح الكان يوما تانى
فى نبضة شوقنا السكانى
التعب اللافح ميدانى
المجنى بيصالح فى الجانى
والشهقة حضورك يادانى
زى اقصى حضور للمتفانى
اوطانى حزائنك اجمالى
والحالة الفيك البهدالة
التطرح الف سؤال مالا
مالاالاحزان شاكا منالا
فى ناسا غبش تربالا
فى كادح صادح بالحالة
النال من وجعو الاثقالا
والباكر صارح ومتلافح
ومتسامح جنبك متسامح
وبحبك دايما وليك صادح
ضحكاتك كل العنوان
لى بلدى بحبوا وانسان