مشروع علاج التشكيلي أحمد الشريف من مرض السكري وغسيل الكلى

[ÎáÝ Çááå ÚÈæÏ]

ضحكتني ضحك شديد يا صديقي أحمد سيد أحمد.

المصريين عندهم مثل ظريف يقول" سيب وأنا أسيب" عندما يمسك إثنين بخناق بعض، ولا يسيب الواحد منهم الآخر إلا التاني يسيب...

أما محمد عثمان أبو الريش فهو مدد ساقه الله إلينا هنا ... وهو شديد الهمة وأذكر أنه كان موهوبا في مجال الإلكترونيات منذ الشباب وكان يصين الألعاب الألكترونية في الملاهي بالمقرن، وكان يساعد طلبة الهندسة في جامعة الخرطوم في تنفيذ الدوائر الكهرباية الدقيقة... ثم تخصص تخصص عالي في امريكا.

وأهو إنت شايف في كم يوم عمل شنو؟
بالمناسبة إنت وحسن موسى ومن يقرأ كتابي هذا عليهم عمل الدعاية اللازمة لكتالوج أحمد الذي صمممه أبو الريش، في المنابر المختلفة.

تصور الظاهر إنت سحرت الأندرويد لأن "الأندرويد" من أمبارح حلف بي راس أبوه مايشتغل وأنا ماشي الآن لمكتب "زين" و"إم تي إن" عشان يشوفو لي صرفة في الجهاز دا...

ياخي لما الكمبيوتر الشخصي بدأ ينتشر في التسعينات إشتريت واحد بمبلغ كان كبير جدا في مسقط لأن أولادي الإتنين قالوا لازم يتعلموه، وهم مش أقل من زملائهم في المدرسة...
إتوكلت على الحي الذي لايموت وجبت الكمبيوتر الغالي جدا بتمن عربية مستعملة جيدة... وبأت أطبز وأتعلم منهم ... والغريبة أمهم كان لاتحلم بالعمل فيه، وفي النهاية وبقدرة قادر سيطرت على الإنترنت زثيهم تمام وأنا وهم علمناها ... ولما جاب لي عبود الإبن هذا الأنرويد بذلنا أنا وجواهر مجهود جبار قدرنا بيه نشتغل واتساب وكمان برامج أخرى ... بس المشكلة عندنا بقت في الشبكات السودانية العجيبة... والحصار ارلأمريكي الذي لم يترك لنا فرصة للتعامل مع " قوقل بلاي" وعندنا الماح لغنزل الواتساب والبرامج الأخرى بس "ون ماركت" والظاهر عليه زحمة عدوك... أكتر من صف العيش الايام دي..

قول يالطيف.
.. ووراك وراك يامحمد عثمان... مدد مدد ياابوالريش.

[محمد عثمان أبو الريش]

غايتو البوست دا عزز الثقـة في نفسى، إنى أفهم في الفنون اكتر من حسن موسى في الأندرويد.
ويا أبو خلف وحسن، محتاج لوحات كتيرة لأن التطبيق الان فيه 6 واللا سبعة بس وما كفاية.. يا ريت لو زيادة عشان اطلع نسخة منقحـة..

[Ahmed Sid Ahmed]

سلام يا عبود.

أنت كتبت :
"
تصور الظاهر إنت سحرت الأندرويد لأن "الأندرويد" من أمبارح حلف بي راس أبوه مايشتغل وأنا ماشي الآن لمكتب "زين" و"إم تي إن" عشان يشوفو لي صرفة في الجهاز دا...................................................

... بس المشكلة عندنا بقت في الشبكات السودانية العجيبة... .."


ولا يهمك يا عبود، " الأندرويد " بدّاوَى الكلام فى الشبكات والتأمل فى الدخول .!

[ÎáÝ Çááå ÚÈæÏ]

[align=right]سلام... سلام

تمام يا محمد عثمان... الشغل دا زاته بيخليك تمشى لي قدام في أعمال عظيمة إن شاء الله...
بفتش ليك صور من فلاش أو حاجة لأحمد الشريف وأرسلها ليك...

يا أحمد سيد أحمد فعلا الشبكات بت كلب... أول أمس صلحت الجهاز وأدخلت فيه واتساب نسخة جديدة... تتصور وين..؟ ما بتصدق... عند الأولاد القاعدين في طبليات قدام محلات الكمبيوتر ... ذلك بعد أن ذهبت لمكتب رئيس لشركة زين وحاول الفني يعمل شيء والنتيجة أنه عمل تخريب في الجهاز زيادة، أثمرت مسح كامل لأصل الواتساب في جهاز التابلت (الأندرويد)... وعرفت أنه النوع دا من الفنيين معينين بالواسطة من مسؤولين من جماعة(الإنقاذ) الإخواني .. َ
وهم غير مسؤولين...

وبرافو للشباب الشغالين في الرصيف.

[Ahmed Elmardi]

سلام للجميع
وشكرا على الثقة أخي خلف الله
كامل تضامني مع الأخ العزيز أحمد وأمنياتي له بعاجل الشفاء
إعتذاري الشديد عن التأخر في هذا العمل لظروف قاهرة
ولكني على استعداد للمساهمة في مشاريع الدعم ببعض أعمالي بكل تأكيد

[عادل القصاص]

لم ألتق بهنس، ولم أشاهد بعض أعماله أو أقرأ بعضها إلَّا بعد أن غَدَرْنَا به.

لم ألتق أحمد الشريف، ولم أشاهد بعض أعماله إلَّا عبر هذه الخيط وبعض إحالاته.

غير أني لاحظت أن أمر الأخير تُرِكَ - غالبا، وظاهريا على الأقل - لأقربائنا التشكيليين وحدهم.

نعم أحمد الشريف ينتمي ل"عشيرتنا" التشكيلية.

لكنه يعود الى "قبيلتنا" الإبداعية.

إنه إبن "بطننا" السودانية وغير السودانية.

صحيح أنه لا يمكن لأحد - ربما إلَّا فيما ندر - أن يحسدني على وضعي المالي الراهن.

بيد أنني لا أفتقر إلى سخاء الوجدان، هِمَّة المُخَيِّلَة ونخوة التفكير.

وبسبب من المكابدة الأولى والخصائص الثانية، أقول:

أنا،هنا، سأفعل شيئا. أنا، هناك، سأفعل شيئا.

[ÎáÝ Çááå ÚÈæÏ]

[font=Arial] سلام... سلام
مازال معرض دبنقا قائما، والشكر لمدام عمر ومديرة دبنقاوالجمعية التشكيلية.

[ÎáÝ Çááå ÚÈæÏ]

ورفع البوست هو أضعف الإيمان.

[ÎáÝ Çááå ÚÈæÏ]

الأعزاء أحمد المرضي وعادل القصاص

تحياتي القلبية

عفوا...
قلت أرجع لكما بالمهلة لكي ارد بروقة.

لا اشك، عزيزي أحمد المرضي في مشاعرك تجاه أحمد الشريف وفي وفاءك وإستعددادك للعطاء من أجله ومن أجل كل التشكيليين الذين يتعرضون لإمتحنات كهذه.
ويمكنك عمل ماتراه وبكل تأكيد سوف يسهم في علاج العزيز أحمد.

الأخ القصاص
من المؤكد أننا لانرضي لزملاءنا مصير بهنسن وهذا درس يجب ان نتعلمه، لكي نقف بكل طاقتنا مع المبدعين الذين يتعرضون لهذه المشاكل.
أقدر وقفتك وعزمك على عمل شيء.

[محمد عثمان أبو الريش]

مع احترامى لرأى حسن موسى، إلا انى ما زلت أرى تكوين لجنة للأسباب التالية.

1- اللجنة تشعر بالمسؤولية تجاه المتابعة لسرعة التنفيذ
2- نقاشاتها محدودة بتنفيذ برنامج العمل
3- تلزم نفسها بنشر النتائج في وقت او أوقات معين
4- تقترح بدائل فورية حسب سير البرنامج

[حسن موسى]

نيخاو و رحمة الله يا محمد عثمان.
ياخي ما يجي منك إلا الخير.
أنا إعتراضي على اللجنة غير مبدئي ، فمن المستحيل مباشرة أى من وجوه العمل العام بغير تفويض للجنة ما، و لكن عبارتي وردت في مقام التعبير عن اسفي على تراكم الإحباطات التي تتسرب للاوعينا بعد فشل اللجان الجزافية فتلهمنا نوع التفاكير اليائسة من شاكلة أننا شعب يستطيب " أدمان الفشل" و شنو و شنو من كلامات المحبطين العظام الذين يشيحون عن إشراقاتنا الكثيرة و يوثنون أتفه فشل يصيبنا و يصنعون منه قبة يزورونها في كل ملمّة .

[محمد عثمان أبو الريش]

.
حسن أب كم..
وعليكم نى هاو ورحمة الله

ياخى كلمة زى "يوثنون" دى تانى ما تفكها ساكت كدا مجانا.. غايتو أنا اعتبرتها رزقا تكوس ليه ورزقا يكوس ليك.. الناس توثن المواقف والأشخاص بل العقائد البالية مرات، مع أن القران قال على لسان إبراهيم: "أتعبدون ما تنحتون * والله خلقكم وما تعملون".. ونحن إفتكرناهم قوم إبراهيم أو مشركى مكة ورجعنا الكرسى ورا وإتجعصنا فوقو.. مع إنو كل يوم ننحت اله جديد بالفكر القاصر ونقعد نعبد فيه. بل الهة متعددة مثل الهة اليونان.. فهذا إله السياسـة، وهذا اله الكورة، وذاك اله الرزق (يتمتع بأكثر المؤمنين)، واله الحرب...الخ
.
.

يا خلف اقتراحى اعملوا لجنة وسوو ليها خيط في المنبر دا.. ما في حتة تانية. ويلتزم أي عضو بزيارة الخيط مرة في اليوم على الأقل.
ما رأيكم دام فضلكم؟

[ÎáÝ Çááå ÚÈæÏ]

سلام يا محمد عثمان

ويا حسن أرى أنه إقتراح محمد عثمان مناسب.

طبعاتقصد يا محمد عثمان اللجنة بتكون من أعضاء من المنبر دا مش كدا؟...
طيب... خلونا نبدأ...

اقترح أحمد سيد أحمد وحسن موسى ونجاة والمرضي وشخصك الكريم وشخصي.... وهي مجموعة متنوعة في التخصصات والأمكنة
ونترك الفرصة لمن ينتدب إضافة نفسه...

مجرد إقتراح.

[ÎáÝ Çááå ÚÈæÏ]

*******

[محمد عثمان أبو الريش]

تكون من أعضاء المنبر وأهو حسن ما عنده إعتراض في اصل الإقتراح.. بس خاف اللجنة تلجنو..

بس تعديل بسيط هو ان كل زول يرشح ويثنى ويزكى نفسه بعضوية اللجنة.. وليه الحق يخج كمان..
والان أنا أقترح

ودا أنا.. قول واحد.

[ÎáÝ Çááå ÚÈæÏ]

كلامك مظبوط يا ابو الريش

انا طبعا رشحت نفسي قبيل
قول 2

[Ahmed Sid Ahmed]

سلام يا عبود ومحمد عثمان.

كان محمد عثمان قد كتب،

إقتباس:

"
________________________________________
مع احترامى لرأى حسن موسى، إلا انى ما زلت أرى تكوين لجنة للأسباب التالية.

1- اللجنة تشعر بالمسؤولية تجاه المتابعة لسرعة التنفيذ
2- نقاشاتها محدودة بتنفيذ برنامج العمل
3- تلزم نفسها بنشر النتائج في وقت او أوقات معين
4- تقترح بدائل فورية حسب سير البرنامج
_________________

هل أسباب تكوين اللجنة التى ذكرت أعلاه هي أيضا مسئولياتها أو واجباتها بالتحديد
والتفصيل.؟ حتى يقيس على ضوئها من أراد/ت التطوع الإمكانيات والقدرات والظروف الذاتية التى تبرر وتمكن من التطوع .

[محمد عثمان أبو الريش]

أعتقد يا اخ أحمد بالنسبة للواجبات والمسؤوليات فهى الغرض الذى من اجله فتح البوست.. لكن التفاصيل تترك للجنة
فهم يضعوا خططهم ثم ينفذوها (حسب رأيى).. فما رايك؟

[Ahmed Elmardi]

أنا غايتو في ظرفي الراهن ما أظن أكون مفيد في لجنة
لكن قولوا لي أعمل كدا بعمل
وبرضو في أعمال ممكن أشارك بيها

[حسن موسى]

Iam in