مسدار الدرجو فصيح

Forum Démocratique
- Democratic Forum
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مسدار الدرجو فصيح

مشاركة بواسطة عبد المنعم رحمة »


مسدار الدرجو فصيح
للحلوين الغايبين و حاضرين
(مشعلوا الحرائق الجميلة، و فعلة الانسان النصيح)



(0)

محمود ود طه:
استعين بى الله الفيك و تعال
يا مفرهد بالناس و ذلال،
يا بعيد و قريب
حبيب و غريب
يا رطيب النفس نفيس..
يا خال.

فد يوم شفتك فيهو
حبست السكة علي
وقدر ما اتعتر فى سوءآتى
اتشوشو بى رغباتى
وأغتس أقلع تعطش ذاتى
تقوم تلفانى بكلمة ري
بس يا ريت القلب جناح جبريل
ما الحد من خلف خلاف
وسوقك حااار يا حي.


(1)

محجوب وليد مريوم:

على مد من الأبيض الأزرق مظان شجر
على مكث من الأحمر الأصفر تراب تبر
على مد مكث منك كانت سماك الشعر:

وأطير أحلق فوق سماك
سما الوطن معيون،
وأطير أحلق فوق خلاك
خلا الوطن مسموم،
وأطير أحلق بى غناك
ما غناك مردوم
غناك تم تم
وأطير أحلق بى غناك
ما غناك مريوم
غناك ميروم
وغناك
فتح للضلمه عيون.


(2)

محمد الحسن سالم حميد:
مقيم فوق الشموس العصية،
ردءا للوطن
حتى تغلبه الشموس الى الظلال
فيلفحها قميص دمور ويخرج:

أرتيق المضايف واللطايف، المزاير والمصايف
الساق الشمش للضل
حميد للبنود من الشقاوة فتر
فوتك رهاب ، و فوت البلد أكبر.
ونوح من ها الحتوف ، من ها الحفوف يا نوح
نووح منها كتمة روح
ولسان مجروح
وولدا مالى ملى وكان بحبوح
بس ..
وييينك يا جرف يا حرف
يااازوول يا روح.

(3)

زهاء الطاهر:
يقول الشعر الا..نثيرا
يحب البنات الا..قليلا
يسقي فصول النبات الحياة
أكثر كثيرا.

العوافى يا ود يا موافى
با زاهى وماك متجافى
يا طاهر وماك عواف
البت بى وراك حدت وغطت وشا ضو بـ ريدك
والريد من بعدك شت و حت، سج و لج
وجف رهيدك.
با تقيل وشفيف
أخدر نكته ووناس
يا ذوق وقيافه
يا ود يا زراف.
آخر تعديل بواسطة عبد المنعم رحمة في الجمعة يوليو 10, 2015 3:37 am، تم التعديل مرة واحدة.
صورة العضو الرمزية
عادل القصاص
مشاركات: 1539
اشترك في: الاثنين مايو 09, 2005 4:57 pm

مشاركة بواسطة عادل القصاص »

يا منعم،

هل كنت تكتب مثل هذا الشعر البديع، الراقد في حضن العامية بجدارة، وتخفيه عن أفئدتنا؟
أم هي حقا تجربة (بالعامية) أولى، أو من الأوائل - يا صديق الأصائل؟

ومهما يكن، أكانت أولى، من الأوائل، أو ثانية، فهي تجربة قمينة بالاحتفاء والتأمل.

مرحى ومرحبا.
صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

[b]كتب عبد المنعم رحمة عن العارف الشَّهيد "محمود ود طه" : [/b]


"وقدر ما اتعتر فى سوءآتى
اتشوشو بى رغباتى
وأغتس أقلع تعطش ذاتى
تقوم تلفانى بكلمة ري
بس يا ريت القلب جناح جبريل
ما الحد من خلف خلاف
وسوقك حااار يا حي.- عبد المنعم رحمة"


يا سلااام. وبعدين كلام عادل القصاص ذاتُو الفوق ده وصمتِي أنا...



[align=left]إبراهيم جعفر
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »


وأنتما أحد مظان الشعر..

،،،،،،،،،،،،،،،،،،،،،،،،،،،،،،،،،،،،




ولكن ماذا أفعل؟

ماعوني ضيق لا يسع الأخيار جميعا

ناهيك عن الوتر الواحد

فاغفر لى واعتذر له عني

يا شيخى إبراهيم ود جعفر

كما إني أتطاول فى الكلمات وأنسى

أدب السعي

والسر جهر.


أما أنت..

أما أنت يا مبروك صفية

و مفروك الورق الأخدر

فأشهدك على أني ثور أشتر؟

،،،،،،،،،،،،،،،،،،،،،،،،،،،

إلى الشيخ التمساح إبراهيم ود جعفر،
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

مسدار الدرجو فصيح


(4)

فاطمة أحمد ابراهيم:
بهداوة ودربة وأناقة حيية
تلبسين الثوب بياضه الطهور
ثم تعيدين فره وكيه وتبسمين..
هل كان الاجتماع ناجحا؟
نعم أبى،
وكان عنك، عنا عن قوامة النساء
والحكم البينا وبيك.
حكم ريدك حكم قرقوش
وحكم حلمك رشت مطيره فوق الحوش
وحكم البجيك هفتان صينية عريس
وعنقريب مفروش
سلام فاطنه، وحلاة حكمك.

(5)

محمد طه القدال:

نهار ساطع الحزن بشقراوات يكسرن ملح البحر
ولا..
لا يحفلن بالغريب.
كل طائر الى..فنن،
كل أنثى الا..سكن.
كل البلاد عداك الا..
محض وهم.
والريقة معاك والقدلة..
ريقتك
سعدانة كبابيش
ودامرقة غرب
وضربك فى الحروف
عامر معمر تلب.
بس ويينك يا ولوف يا دم يا قلب.
وطشيش صاحبك حرام، قطعن حرام
زى صيد اليهود فى يوم سبت.
ــــــــــــــــــــــــــــــ
السعدانة هي أكلة الكبابيش الشهية وهي من لحم زور الابل.
الدامرقة هي عصيدة الدخن المقشور بالشرموط دجاجا كان أو غيره .
محرم عند اليهود الصيد بالسبت..تأتيهم الحيتان شرعا فى سبتهم.

(6)

الحيموت :
يا عايد من خلف جدار الموت
راجنك وحاسنك ما حتموت
ما الموت للعاطل و باطل والمسنود
بى رايات الدين الكاذب والنكتوت
الموت للدسه السم فى عسل الناس
اتكه واتماص
فاقد الاحساس وحسود
الموت ما للزيك
يا هدى
يا رضى
يا سكوت
الموت ما للزيك
يا محجوب العازه علي،
وألماظ حميد، محمود الحوت.
الموت ما للزيك
يا وردى الحس والحاس
يا ساس وجميل ومنسق
زيزى وجابرى
أولاد وبنات سبتمبر والرصاص.
الموت ما طال وبطول راشد والشعب
شفيع وأمين دراج الحزب
الموت ما شبه المنجل والقلم الفاس
الموت للجسد الفانى
ما للفهم الراس.
ــــــــــــــــــــــــــــــ
الحيموت هو الحي ميت، وهو مقترح الدارجية لــ (الشهيد) الكرهونه فيهو الجعبجية العلوج،
و هو أيضا، الذى شارف الهلاك وأنجاه الله.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »



مسدار الدرجو فصيح


العازه على عبد اللطيف:

على فترة من اللواء الأبيض

وموعد مع اللطيف علي

تغزلين لنا اللواء الجديد.

وآه أنا، آه أناآااااه

ياخدره وقدره تقاوم شغل السخرة البدرة

القطع النئ

لقد أخذك الخليل شمالا وباليمين علي

وأنت تبيعين سوق أمدرمان الطواقى

تجلسين فوق ضل النبي.

العفو والعافية ،

يا عزة وصافية

العفو والعافية،

قصرنا كتير فى حقك

وحق اللبن، اللقمة الحافية ونار الضي

بس انت الباقيه

وانت سماي و ضراي فى الشتا والصي.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ومن المؤسف جدا والمخجل فى آن، أن تضطر هذه المرأة الخاصة جدا،

والرمز كذلك الى بيع الطواقى فى سوق أمدرمان كسبا لقوتها؟


(7)


خليل فرح:

يا مسالس و مسلس رفث القوم بى ضحكه فوز الكاس

با كاظم غيظك وشغال غيرك بالوسواس

بسام خلقه

و عمرو ما شافك حد بتجارح وقارح

بس من طرف خفي بتقول الصاح

وحبيب لي فوز

وصبي أحلامها

أديب و أريب

هين ولين ، هيبه وقامة

يا خليل

يا نون من نيل

ونون في النسوة عديل وعديل

يا لام من ليل

وليل يا ليل والله واااي ليل.

ـــــــــــــــــــــــــــ

فوز هي صاحبة الصالون الأدبي الأشهر بالموردة.


(8)

محمد ابراهيم نقد:

للقلب أذن

وأذن خير واعية

للشعب قدم

و قدم صدق عالية

للحق عين جارية وأنت..

لم تك تقف ما ليس لك به علم وتب

تب ما تفيت من خشمك

حق الشعب.



ما الحق العين أستاذ

والقلب بشوف بالعين الفيهو وعين الراس

يا خلوق و مخالق وطلة رزاز

يا حاسى وماسى

وماس السلك البينا وبين الأرض

يا زول يا تقى

يا طول ياعرض.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

(9)

جون قرنق دي مابيور:

يا جليس وأنيس

ومئنسن كل ما حولك

يا عادى وبنج

يا نادى

ونادى الشدر الطير الحجر الأرض

يا أرض رضيه وسما مفتوحة

وكل هوية وشمسقمر

يا التشبه كل الناس و وحيد

يازول ياااا لنج.

يا جايب المدن الريف

وقطعا بتورد وتبرد لى سهراجة الصيف

يانضيف

وقاطع قلب الجنبك

وتملى كمان دقن التحريف

يا حريف ومشون بى نيران الدرجو فصيح ولطيف

ومخاوى الجوكر بى كرتين

راجى الخمسين؟

بس وين،

بس آاااااخ،

بس طاااخ،

يااارب

أقبله مع الحيين.

ـــــــــــــــــــــ

بنج هو القائد الزعيم عند أهلنا الدينكا.

لنج هو الجديد وهي اختصار لـ لواء السودان الجديد عند أهلي القرناب.



(10) ود المجاذيب عبدالله الطيب

ود المجاذيب عبدالله الطيب

آخذ بالعفو الى شطه

العرف الى أهله

معرض عن الجاهلين

يا سديد السلام

قصر الكلام..

يا رضا

يا هميم.

سكنتك النوبة ورقصت قبلك (بضم القاف)

وبركت سبقت الفاتو القبلك

حمدت شكرت شرحت اللكلك

راسى وباسم وماك ملكلك.

جوته المصحف ظاهر و باطن

فرعته السنه وجيت متطامن

علمته شعوبن علمن دايم

وشادو قصورك فى الدارين.
حسن موسى
مشاركات: 3621
اشترك في: الجمعة مايو 06, 2005 5:29 pm

طواقي عزة

مشاركة بواسطة حسن موسى »

عبد المنعم رحمة كتب:[size=24]

لقد أخذك الخليل شمالا وباليمين علي

وأنت تبيعين سوق أمدرمان الطواقى

تجلسين فوق ضل النبي.

العفو والعافية ،

يا عزة وصافية

العفو والعافية،
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ومن المؤسف جدا والمخجل فى آن، أن تضطر هذه المرأة الخاصة جدا،

والرمز كذلك الى بيع الطواقى فى سوق أمدرمان كسبا لقوتها؟









سلام يا عبد المنعم
و الله متجملين و طربانين كتير بس حكاية الأسف على بيع الطواقي في سوق أم درمان ما فهمناها.
لو عندك براح شوف كلام بقيع بدوي عن الطواقي في الرابط دا

https://www.sudan-forall.org/forum/viewt ... 0484b152d2

ينوبك ثواب و أجر عظيم
عبد الماجد محمد عبد الماجد
مشاركات: 1655
اشترك في: الجمعة يونيو 10, 2005 7:28 am
مكان: LONDON
اتصال:

مشاركة بواسطة عبد الماجد محمد عبد الماجد »

يا التشبه كل الناس و وحيد

يازول ياااا لنج.


يا زول انت كنت وين؟
بتجيب كلام ما حدِّي قالوا قبلك
شاعرية متفردة
تغلغلت في نفسي
المزيد من الألق
المطرودة ملحوقة والصابرات روابح لو كان يجن قُمّاح
والبصيرةْ قُبِّال اليصر توَدِّيك للصاح
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

يااا سيدى حسن موسى أنا الطربان.
لقد ظللت ومنذ أن سحرنى ذات نهار مفعم بالجمال فى بيت من خلف سينما كولزيوم،
منذ أن (قهم) معارفى الصغيرة وفتح بصيرتى على لون مغاير، منذ كم ظللت أتشهى بل
أتصبى (كلمة) من (المصوراتى) حسن موسى؟
وكنا (اولاد الضهرة) نتصنت أخبار موسى وبولا، ولما تتجاوز معارفنا الجمالية ليحان الشرافة
فى دامر المجاذيب، اذن والحال هكذا تكونوا أدركتم مدى طربى.
أما عن الطاقية والتم تم الذى يغازل و يغزل بهي ألوانها، و يجعلها تتحدر طربا هي الأخرى فوق
شم الجباه، فحاشا لله أن أنتقص من شرفها وجمالها الحر الطلق، ولكن هي فقط حسرة على
التكريم بعد الممات و...قوم ما أعوج منى يااا حبيبنا.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

عبد الماجد محمد عبد الماجد، ما أجمل هذا الاسم؟
يااازول كتلتنى كتله؟
من أين لى كل هذه الفرادة التى تقول، ومن فوقى وأمامى وحولى كل أؤلئك العدول،
الدرجو فصيح ونصيح ودرجونا معهم وزانوا البكان والزمان.
شكرا كتير وأتمنى ألا أخذلك فى المسادير القادمات.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

(11)

[align=right]يوسف كوه مكي:
أول خيت أبيض خرم الدنيا نسيجو بـ لا
وأول خالف سكن الدنيا بداها بـ لا
والريح الزاريه، كلمة لا
البنت العاصفه، ضفيرة لا
والجبل الشامخ، حجرو بـ لا
وأنت الجبل البنت الريح الخيت الأبيض ولا.


الحمرة فى عينك
ما حمرة وردا
دى حمرة فرسه
والحب الفى قلبك ثرثار
ما بحمل كرسه
يا مفصل من الجوع هندام
وتريان بالناس نظره وقدله
بسمه ولمسه.
يا هامش و ما مهمش لى غيرك
يا الجعته وشبعت احلامك، احلام غيرك
يا انيق ورقيق
قائد ورفيق
والخندق قدام متفضل خيرك
يابدر تماام.
الجبل السهل الغاب كملتو مشى
والراس القرعه حشيتو حجى
ودرست الكون الثورة حساب.
ـــــــــــــــــــــــــــــــــ
وردا بكسر الواو وهي الحمى.
خننق متقدم (قدام) لغة فى الجيش.


(12)

بابا فزارى:
يا طيب و اصلك طيب
والكل بى وراك وامامك طيب،
أبيض ديمه وماك مرقع
يا طيب وذاكى
وزول ملاكى
مستك ومستكة شايها منعنع
يا مطيب سيرتك بالخالق
وكورال شفع
غنيت ليهم وبيهم
ومليت حيشانا شتول من ريد
لوزو مفقع
يا مورق صفق الكلمة
غناوى أطفال
وهدوم للعيد.
يا ملون كراس أطفالنا
بالأخضر أمى يا أمي
والأبيض أنا طالبه
والأزرق نيل
وفطرت معاهم
سلطة روب، طعميه، مصقع
يا حنين و طير الجنه
يا بابا فزارى
وماما فزارى
دهنة شعرى
وكورة الملعب.
ــــــــــــــــــــــــــــــــــــــ
أمى يا أمى وأنا طالبه من حلو ألحان بابا فزارى.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

(13)

عبد العزيز بركه ساكن:
اتبارك بى الله الفيك يا بركه وبركن
يا طاعم ومطعم بوش الناس بالممكن
يا زارع وحاصد وفاتح صدرك
برندة نملى هبوبه علال
وماك مشركن.
ثم،
هب لي من اتزان بالك ظهرا
أديره لهذا الغياب
وشيئا من الغواية
أتفنكه بها بين الصحاب
وسطرا من طواحينك المائية
تجنبنى بها ظمأ الشراب
ثم ،
كيف حالك حال المهاتما، مسامير أرضك
والخندريس البنات؟


(14)

عمر الطيب الدوش:
و من الدوش الكلام
و من الريش الحمام
و من الأرض الغمام
ومن الضل سعاد..
وسعاد ياها بخيتك يا بخيت وخاص (بتشديد ياء البخت)
يا فاتح ومفتح للريد بيبان احساس
يا رايق ومروق موية الناس
بس وينك ناش؟
وخيلك حيلك ما بتتحاش؟
محل ماك ماش
ودود وولود ورشاش.
بس بى وراك..
ناس المعهد نفس الدقن الـ حتى الرفث الناس
ناس تيجانى؟
تكفير تهجير وضرب رصاص
طينة لكيكة وراس استيكة
ومكان مصماص.
ـــــــــــــــــــــــــــــــــــــــــ ـ
الدوش من أطيب اللحوم، وناش اسرع فى مشيه، (حتى) البعض حضر فيها دكتوراة، وهي فى مقام الدكاترة الهراء،
ناس تيجاني اشارة الى المعهد العلمي وحربه على الشاعر الكبير التيجانى يوسف بشير. والمقصود(معهد الموسيقى).
لكيكة شديدة اللزوجة.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

(15) محجوب محمد صالح:

آاامحجوب
النخلة الجدول،
القرص الحار،
التكية الجبنه،
وكلمة سر.
يا محجوب والمهنة تعابه
وقلبك مزنه صبيبه كتابه.
يا محجوب كفكف قلمك أبره،
أبره وسل
سل السوس من قصرنا سل.
آآآمحجوب، آآآمحجوب
يا محجوب كفاك انزل
انزل من ها الشمش الفاقعة
البقل الحر..أمشى الضل
ما تقعد بس، اغسل
اغسل وشك من تعب الحرف الصف
رصاص الصف هو القاعد يفرى ويهرى زمان
لاكين حرفك رصك وصفك
كان رصاص
رصاص فى اللفلف
وجانا مركب مكنة دين وملفلف
شيتن بنك وشيتن تنك
و دقنا أغلف.
يا محجوب وماك محجوب من قولة الحق
يا تيراب الصلحو لى حالنا
وخدمو الأرض.
يا حر وحرفك صافى مصافى
كذا الأيام مصفوفة حب
للبلد الناس الخلق.
آآمحجوب
يا محجوب كيفك والأيام؟
ما الأيام بتراوح بينا تقاوى حروف
أشجارمن ناس بنيان مسقوف
وانت الأجمل خلقه و خلق.
سلام ومحبه كتير علشانك
ولى جار جارك وكل عيالك
وباكر يصلح حالك حال الناس الأرض
وكذلك حال الأيام.

ـــــــــــــــــــــــ
كفكف أي شمر، أبره سن، سل أجذب واقلع بقوة، البقل سخانة الواطة
الصف فى السابق كانت حروف الطباعة تجمع وتصف من الرصاص وكانت تمرض الصفيف
التقاوى هي البذور، و الأيام هي الصحيفة العلم.


(16) محمد المهدى المجذوب :

(وأرتضع السجارة وهي أنثى )
و هل لنا فى الأنثى الا مناص؟
يا ناص ومناصص حلمك بالناس
نص من بيت تفعيلة و نص من شعرن حاذق
بيت من طين، شدرة نيم
وزير سقاط.
ونص الناس القضل حقنه وردا،
مويه و نور
قلم، كراس.
يا قديم وجديد
غنة وكنته
وسكسك جيد.
يا شعر الدرجو فصيح
وموزون وزنو بالقيراط
وزايد حسنا بل حسنات فى ميزان حبك للتجديد.
كانت كتاباتك فجرا لألسنة الناطقين بها، وهي تتعرى أمام..
صهيل حناجرنا الكوشية النوبية بشئ من تركين الشمال،
وازا الشفاه الصدور،
وبعضا من بوظه الكرن،
وكنت أنت وحدك، ولا أحد سواك من تماهى، ماج وساح
لهيج سماح و صدق قدم.
طبت وسلمت قرابينك، كما وأيضا مجاذيب نارك
ودمت قمين بذاك الوطن.
ــــــــــــــــــــــــــــ

وأرتضع السجارة هو صدر بيت مجذوبي و بقية السجارة بطرفكم .
نار المجاذيب وسفر الخروج و القربان من دواوين محمد المهدي المجذوب،
ان لم تسعفني الذاكرة ، وأسعفني حواره النبيل الأستاذ / سامى سالم
وأروى خيلي من حوض المجذوب.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

مسدار الدرحو فصيح:

(17) النيل، أحمد سودا نوب:

نيل .. حب (بضم الحاء)
نيل .. حب (بكسر الحاء)
سودا .. نوب.
بس مين فيكم كان فى الأول:
انت، ولا السودا نوب؟
يااا نيل
يا أزرق أبيض أخضر أسود وجميل
ومجمل وديانك بالشدر ، البقر ، الطير ، الحجر ، البشر الملك . (بضم الميم)
يا سايس و مسيس لي خفقات الأرض
والسودا نوب من بعض أحلامك
واعمال الرب .
بس طيعا وقطعا احمد ياهو حقيدك،
وانت المغدور يوسف
حامل أختام الملك. (بضم الميم)
وقريب بتبق
من ظلمات الجب
و تعيد الملك
للسوودا .. نوب .


سوودا آااان
أسوودا .. الآن
وشوق ضهبان
كايس ومودر يرسم قلبين فى شدره
ويملاهم نيل سودان.
وأنا كنت أسيرك وخليلك بس نمت عليك
ما النوم سلطان
وكان صحانى أنينك
يا مسمسم كل سيقان فى جرفك
يا هايش وحليم وشبعان تحنان
و كنت و كانت زيك تبكى و تشكى ضفافك
من فحش الخربو سبيلها سبيلك
و شدو القيد فى خريرك
و كانو نشاز .
يا مربوش و مريش من صدر الجنه
يا حنه محنه و قوة راس
ياسوداتوب ، يا نيل الأرض الناس
يا نيل نيلو نيلو الله واااي لو.
ولا يقع نوم نائم الا عليه،
نوباتيا.
ولا يستحكم نوم نائم الا به و اليه
أبسينيا.
البكان آمنا به
أثيوبيس.
والزمان قائما له
تانهسو.
دم العروق و لبن الضروع،
كاشا.
موية العيون و سمع الاضان
كوش.
وااانيلو نيلو نيلو الله واااي لو .
ــــــــــــــــــــــــ

أحمد سودا نوب هو مقترح الدرجو فصيح كبديل لــ محمد أحمد التى تطلق
على الشعب السوداني ، اذ أن أحمد فى مقام الحفيد .
مسمسم مسمن و مسمح ، هايش ملان فرح و صبيتة ، مربوش جايط فى عفوية ، مريش غني ,
نوب نوباتيا ابسينيا اثيوبيس تانهسو كاشا كوش من أسماء السودان القديم ..
الأثريات الحديثة أكدن ان الانسان النوبي هو الأصل.


مسدار الدرجو فصيح:

(18) الشيخ حاج الماحى:

مترادع قلبك ومواعد مطر الشو
ما دام غلبك سدها شن بتسو
أذكر ربك و قوم جو جو
أكرب عينك و سو سو سو
سو سو سودانا سو
سو سو ابسينيا سو
سو سو واسينا سو
سو سو بى ايجي سو
سو سو بى فقرى سو
سو سو بى لبى سو
سو سو لى بكره سو.
و اذكر ربك لما تنوم
أذكر ربك لما تحوم
و ان حر عليك القر
قرقر و مزمز مز
مز بى الله وعز
عز الله و لذ
بالواحد الله العز .
ـــــــــــــــــــــــــــــــــــــــــــــــــــــــــــ
مترادع أو متراعد به رعد .
ابسينيا هي الحبشة و كانت تطلق على كل ما وراء خط الاستواء بما فيها السودان القديم .
ايجي (ايد) ، فقرى (حب) ، لبى (قلبي) لغة فى الحبشة .
آخر تعديل بواسطة عبد المنعم رحمة في الاثنين نوفمبر 09, 2015 10:55 am، تم التعديل مرة واحدة.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

مسدار الدرجو فصيح :

(19) جمعة صديق حمدون الجامعة :


جمعة حمدون الجامعة
يا صديق قوم ما تنشقل ترقد دفعه
قوم من قبل تقوم ما موتك جمعه
حمدل حوقل و بسمل جمعه
صنقع دنقر فنجل عينك جمعه
حبحب حب و اتحبب جمعه
يا جمعة حق يا جمعه
يا ست الستات الجمعة .
يا عارف و محكر جمعه
يا صديق ، يا أحمد جمعه يا حمدون الحمدو بى دمعه
يا ناقش من أوتار داؤود و بلال
نوته و جمعه .


مسدار الدرجو فصيح :

(20) مالك اقار :


مالك أقار اير
يا صاحب و مصاحب المهموش من جم
أرقد فرفش و شويه انجم
من هذا الغم
غم فى هم ، هم غم
فى الأولى تعب
و التالية تلم .
صارحته و صارعته بالقول الفعل الصاح كم كم
بس أبدا ما اتكمكم
كاودا الباو النوبا الهامش طبعا مركز و هم
راس و لسان و قدم
و هم همنا همك
و همك فكرو علم
يرفرف ناصية خيل سابحات ، بيوت فاتحات جبنات ونسات
ماسورة و لمبه ، استيكه قلم
سرير و حقن
و روحك رافه رفيف بى شغل الجن

جنا راكبو جواد ، و جنا راكب جن ، و جنا راكب الراس
و جنا أبيض مسخ عيشة الطير الشدر الحجر الناس
و جنا راكبو دقن ..
و الكل مهووس بالكرسي الحكم .
يا طير يا شدر يا ناس يا حجر
سودان ممكن ،
بل ممكن
و قريب جدا ..
سودان متناصح و ون.
ـــــــــــــــــــ
جم تعنى كل و انجم أي ارتاح .
لمن يهمه الأمر ..
.. كنت قد قررت ألا أكتب ، أو بالأحرى ألا أواصل نشر ما كتبت و أكتب فى مسدار العرفان و الحب ،
للدرجو نصيح و تريقونا و ححنكونا بمهضوم المعرفة ، وسلسوا خطونا فى شائك دروب و ضروب
المعانى ، و علمونا حب الوطن و الأوض و الانسان ..
كنت ، و لكن ماذا أفعل و ..
بت الموردة ، خالدة زاهر بالباب ؟
فهل ترانى رادها ، أم تراكم ستستبقوا الباب و تشرعوا ضلفتيه استقبالا لها ؟
ياا يحي سلام ،
و انت الحي ما بى اصبع و احد
باصابع شعبا ر افع حبو اليك تمام
و انت الحي بى أصابع قلما
صادق و رائع
و انت الحي بى أصابع فكرا
ناير و ثاقب
و انت الحي بيناتنا و نحن أصابع .
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

مسدار الدرجو فصيح :

(21) خالدة راهر :

خالدة راهر :
يا خالدة و زاهرة منك و فيك
و مورده بيبان كل جيرانك ، حيك و الأرض غمام
يا مورده زارعه و خابزه الكفر الوتر العلم أفنان
يا رضا والدين
علم مدفق بالجنبين
و راس مرفوع
و كلام مخلوق انسان .
صوتك قارح طالع و محندق
فى حق البلد البنت الولد الحزب الحي
و يصبح و يمسى رقيق لى مريض
زي نقاعة زير المي
يا بت يا دفعة و اولة الدفعة
و راسك بى كل صبيان غردون
يا نون
و اول بت فى حستو قبل الحزب يكون .
أبوكى الزاهر عينو نجيطه
خت عزيمتو و خزنة بندق
فوق البت
يا بت يا نقطة و شولة و خاتيه حروف العله
حلفت يمين بمبضع حانى حنين
يقص و يداوى كل الناس و المله
و أبدا ما درتى الطنقعه مرقت بره
ما انت كبيره جوه و بره .
يا خالده مزاهر و وقفه .
ياا بت
ياا مورده قلده و كرفه .
( .. و مورداب احبكم
قولولو ما شاءالله ...)

ــــــــــــــــــــــــــــ
مورده بكسر الميم و شد الراء مع الكسرة من الورد .
مورده هي الحي الأمدرماني العريق و كم أعطت كفرا و وترا و فنون .
محندق أي طاعم أو حدق لغة فى مصر .
حستو هي حركة التحرر من الاستعمار و الحزب هو الحزب الشيوعي السوداني .
الطنقعه هي الافتراء على خلق الله و قلده و كرفه هي الضم و الشم للحبايب .
مورداب هي النشيد الوطني الخاص بالمورداب .



مسدار الدرجو فصيح :

(22) الزتجران ، اسماعيل عبد المعين :


اسماعيل وتر المساعدية ،
و حادى سواقين البدى فورد
الكرادفة أبان طاقية تم تم
عافية الميرود و جرتاق الصبية
اسماعيل يا نشيد انشاد الوطن
و جرس السعيه .
ضلين تووش فى الموية بعومو
و انا المطلوق فى البر بهدومو
قمبور شعرو
و خرخير كومو .
و كندرو مندرو خبر الحلة ده الصحيح
و المصاحح صاح :
زنجران كتاب الله سمعو
ود الشريف رايو كملو
و انته بول الحاشى كابى شو
اسماعيل .
رقيبة البعير الفتاشه
وليد فاطنه بت الفور
أب بخساية و لا أم كي كىه ضنب التور
اسماعيل .
اليانكى الخوجه أب عينن كديس
سرق طمبرته أب شغلها
طابور ديش من البحرايه للميس
اسماعيل .
حبوبه سقور الزنجران جاكى
لا تتبى واقفه ضيفيه جالس
حبوبه سقور سيد البخسايه ولدت
جابكى بنو و الشايه رقدت
اسماغيل .

ـــــــــــــــــــــــــــــــــــــــ
الزنجران هو مقترح الموسيقي العبقري اسماعيل لافضاء السلم السباعي غلى الخماسى .
الكرادفة من سكن كردفان ، السعيه البهايم ، و كندرو مندرو و ود الشريف من لطائف ود فاطنه اسماعيل .
الحاشى الجمل و بوله لا ينقطع بسهولة .
البخسايه اناء من القرع وهكذا كانت تطلق سفور حبوبة اسماعيل على عوده .
أم كيكى آلة موسيقية وترها من شعر ذنب الثور .
صه يا كنار هو نشيد الثورات جميعا و نشيد مؤتمر الخريجين.
آخر تعديل بواسطة عبد المنعم رحمة في الاثنين أكتوبر 26, 2015 10:40 am، تم التعديل مرة واحدة.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »


مسدار الدرجو فصيح :


(23) أزرق طيبه ، الشيخ عبدالله :


أزرق طيبه ، الشيخ عبدالله :
يا ود عيشه أم قدحن تنجر
باصر بصر و أبصر
الله حداك و انت مقنجر
عفعف خشمك ما تتطفل
مطمط بصرك و اسكت اتفل
تبقى الحاضر من البارح للمستقبل .
أفسح فسح لا تتفسل
اصبر و صابر و بالمدثر
زمل روحك و دثر كتر
تبقى صليح ما تورا أشتر .
يا عبدالله الذاتو هميمه

ألحق حصل عبدن طينه ،

جاك حوارن سارح و طارح

أبدا قارح و حالتو لئيمه .

يا عيد الله الهامش كيف

و كيفك كيفنا و أكل العيش ؟

ركزته ذكرته طرحت الريش

و صرت عميل و عندك فيش ,

يا عبدالله الحاله عضيره

و الناس كبست خشم الطيره .

يا عبد الله البلد انجاطتت

وحيط الناس جميع اتماصت .

يا عبد الله أمرق بره بى حيرانك

اكرب ضرسك يعظم شانك .

يا عبدالله الحيله قليله

جر السبحة و كبر شيله .

يا عبد الله الدنيا مليله

أفرش لوحك يبقى نجيله .

ساعد ساعد انحنه عليله

تعيد السيرة للتكبيره .
ـــــــــــــــــــــــــــ
القدح و التنجر آنية للاطعام كبيرة كناية عن كرم عيشه أم منعم رحمه .
عفعف من العفة ومثلها المضمضة ، و التفسل هو البخل حصريا .
الفيش أخذ البصمات و فتح فايل لدى الشرطة للمتهم (المجرم) .
مليلة من الحر و السخانة ، التكبيرة الله أكبر (القديمة) .


مسدار الدرجو فصيح :

(24) آما دونا أو رومان أببى قيزاو :

آمه دونا أو رومان أببى قيزاو :
أسمحوا لي بقليل من الأنانية و ..كثيرا من الحب و العرفان لهذه الانسانة الــ شمسقمر ،
و التى لم (أكسر) ظهرا لها/ي فى كل مواقفى/ها
مسدار الدرجو فصيح :
(24) آمه دونا أو رومان أببى قيزاو
.
الكك البينا كبير و ختر
و الجرح كذلك
قديم و معورن
بس فى ختفة بوسه ، و وقفه عروسه و مرسى حجر
بسحب كل الفات و حضر
و نكون فى البرزخ بين نهديك :
واحد شمس و التانى قمر .
و اطلع فاير ناير منك و ليكى
ديك بى عوعى
متركش ريدك رجفة حاجب ، شمخة شارب
و شيه جمر .
باذني فيل مذعور أتسقط لهثات نبرك
و الغي منك رصاص
يا فاء الكلمة
عين الكلمة
لام الكلمة
فعل الشعر و نثر الناس . ...


ــــــــــــــــــــــــــــــــــــــــ

آما دونا هي مقترحي اسما لـ خليلتى و حليلتى رومان أو ميميو ، كما ان دونا هي الخيل لغة فى دنقلا القديمة .
الكك هو الجن ، و الختفة هي أخذ الشئ بسرعة .
صورة العضو الرمزية
تاج السر الملك
مشاركات: 823
اشترك في: السبت أغسطس 12, 2006 10:12 pm
مكان: Alexandria , VA, USA
اتصال:

مشاركة بواسطة تاج السر الملك »

ساكتفي منك بالقراية
فوق قدرتي على التعليق
اشكرك بصدق فقد افقدتني القدرة على التعليق.
عبد المنعم رحمة
مشاركات: 48
اشترك في: الأربعاء نوفمبر 14, 2012 10:18 am

مشاركة بواسطة عبد المنعم رحمة »

صورة


هزَّ تاج السر الملك ضراع لسانو و قال :
(.. نقعد تحت ضل في انتظار حبيبتو تجي طالعه و يشوفا ، نقعد لامن الضل يحسي ، الضل يبقي رقيييييق ، و الشمس تصقع اصابعين كرعيك ، أها في نص النِضال ده ، أنا قمت حبيتا معاهو .....) .
و أنا كمان برضو حبيتكم معاها و ...
و على ذكر الحُّب .. هلّا أذنت لي فى أن يزدان (ديناب) قلبي بـ صورة مَن هي أُمك/أُمي .
أضف رد جديد