داليا

[خالد الطيب]

الاعزاء هنادي و وليد

تهاني القلبية بقدوم داليا وقد زاد عدد النساء في العالم بمقدار واحد صحيح .. و حمدا لله علي سلامة هنادي وربنا يحفظ داليا ويغطيها من كل شر ... آميييين يارب العالمين ..

خالد

[الوليد يوسف]

العزيز خالد الطيب

الله يسلمك وتشكر علي التهاني والدعوات الصالحات .
وليد و هناء

[ãÍãÏ ÔÈíäí]

هنادي و الوليد
تهانينا وتبريكاتنا بقدوم داليا
الوليد عندي ليك عريس خطير، كدة فضل ليك كم ؟
مي برضو بتبارك

شبيني

[الوليد يوسف]

محمد شبيني أزيك وكيفنك أنشاء الله كلو تمام.وشكراً علي التهاني
بس داير أعرف العريس بتاعك (مرسيدس ) ولا ( فلوكس واجن ) بعد داك ننظر في الطلب بتاعك .
وليد

[ÃÈæ ÈßÑ ÓíÏ ÃÍãÏ]

من هسع دي ياقريبي ؟؟ التكنلوجيا سريعة التطور وفي ذاك الزمن لا مرسيدس ولا فلوكس واجن ولكن اسببيس شاتل Space Shuttle خاص ... في الزمان القديم زمن ال Matriarchy كان مهر النوبية عند الزواج من غير النوبيين ان يهجر لغته الي النوبية وانت استثنوك من المهر دة فبالله ما تضيع حق البت داليا بتاعتنا ..

[الوليد يوسف]

والله يا قريبنا ولا أستثنوني ولا حاجه بس أنا كنت حريف واتمسكنت لحدي ما أتمكنت وبعد دا ما في طريقه.بس أنا كمان بحب اللغه دي شديد وأحتمال حبي لي بتكم كان نابع من حبي لي اللغه او العكس وعشان كده بحاول أتعلم النوبيه وربما أهجر لغتي التي هي ليست لغتي لصالح اللغه النوبيه والحساب سليم كده بس عايزه زمن أنشاء الله نلقاهو ؟ .

وليد

[ÃÈæ ÈßÑ ÓíÏ ÃÍãÏ]

ياقريبي.. يعني تعاملت بحرفنة مع قلوبنا الرهيفة ... خد وقتك لحد ما بنيتنا الصغيرونة تكبر و تد كندك وترمي بشروطها لبتاعيين المرسيدس ديل ...

[نجاة محمد علي]

طارق، وليد، هناء والجميع
عاطر سلامي

السبب المشغوليات يا وليد، وتوقعوا منا تلفوناً قريباً.
وحتى ذلك الحين، قبلاتي لداليا ولينا ومنذر.
وداليا ولينا يا وليد، بنات أخوي. كانت فاطمة وهي صغيرة بتناديهم نينا ونينا. أو نحن بنسمعها بتناديهم بالصورة دي. ومؤكد إنه في فرق غميس ما كنا بنسمعه.

مودتي
نجاة

[طارق ابو عبيدة]

والله يا قريبنا ولا أستثنوني ولا حاجه بس أنا كنت حريف واتمسكنت لحدي ما أتمكنت وبعد دا ما في طريقه.بس أنا كمان بحب اللغه دي شديد وأحتمال حبي لي بتكم كان نابع من حبي لي اللغه او العكس وعشان كده بحاول أتعلم النوبيه وربما أهجر لغتي التي هي ليست لغتي لصالح اللغه النوبيه والحساب سليم كده بس عايزه زمن أنشاء الله نلقاهو ؟ .

شايفها مقسمة معاكـ تمام هنا






ولي
تلفونكـ ماشغال يبدو انو رقم قديم
اجدع لي الجديد في المسنجر لو رجعتوا البيت

[عبد الله بولا]

عزيزيَّ هنادي ووليد،
ألف مبروك دالية الكرْم والكرَم، المحروسة بالمواهب من كل حدبٍ وصوب.

بـــولا

[الوليد يوسف]

العزيز بولا .....سلامات

تشكر علي التهاني والمباركات وكذلك علي تفسير معني الأسم (دالية) حيث كنا نحسبه غير ذلك او كما تزعم (هناء) .
تقبل تحيات هناء وسلامي لجميعىالمعاك.
وليد

[مصطفى آدم]

مبروك هناء ووليد و حكاية العريس دي خليها على عمك!
لقاء و سديم حايمات من حفلة لحفلة من امستردام لباريس , و لا حتى رسالة واحدة
لولدى المسكين المعفّر بطين دردق
أنا و هو نطينا لكن حكاية مرسيدس دي نتناقش فيها ! يمكن يكون عندنا موريسدس!
مبروك و سلام للجميع

[الوليد يوسف]

العزيز/ مصطفي أدم سلام كتير

أنشاء الله يبارك فيك وفي اولادك

غايتو يعني بعد ما فتحو ليكم ناس لقاء وسديم جاي تفتش الماضي ؟
علي العموم مافي مشكله وممكن تقدموا طلب وبعد داك ننظر في أمر المرسيدس او المورسيدس.
الف شكر ليك ولي ناس دردق.

هناء و وليد

[ÚÈÏ ÇáÚÙíã ÃÑÈÇÈ]

وليد هناء
رمضان كريم
ان شاءالله يكون رمضان وصل عندكم
ماشفنا صورة داليا ؟؟؟؟
طارق ابوعبيدة
وين باقي الاغاني .. بديت اصدق كلام نجاة ..
ارباب

[مازن مصطفى]

..

[الوليد يوسف]

الأعزاء عبد العظيم الارباب ومازن مصطفي

الف تحيه وتشكر علي السؤال والمباركه و(داليا) الآن تبلغ من العمر ثلاث شهور بالتمام وتحييكم.وكان قد سبق أن قلت أن الصور ابت تقسم معاي عسي أن يقوم واحد من المقسمه معاهم بارشادي الي طريقة التقسيم في الموقع لكن ولا هببو لي. هسي تاني بسألكم يا أخوانا المقسمين كيف يمكنني أن اقوم برفع او تحميل صوره في الموقع عشان تشوفو داليا.

وليد يوسف

[نجاة محمد علي]

سلام يا وليد
بخصوص تحميل الصور، أنظر لذا الخيط

أضغط هنا

أتمنى أن تجد في الخطوات الموضحة فيه ما يفيدك في إنزال صورة داليا وغيرها من الصور.

سلامي للجميع
نجاة

[الوليد يوسف]

اول محاوله فشلت

[الوليد يوسف]

والتانيه برضو لكن السايقه واصله

[ãÌÏí ÌáÇá]

هناء عبيدى بت الاهل ووليد يوسف الشّرّاد،

إزيّكم بقى،

ياخوانا إنتوا بقيتوا كم ما شاء الله!! من ديك وعيك. غايتو بعض أخباركم معاى.

مرحباً بداليا وتتربى فى عزَّكم ـ دون شك ـ مع من سبقوها و لم نتشرف بمعرفتهم.

أفرحى يا دنيا بقدوم داليا، فمولد كل طفل أمل للبشريّة.