[color=brown][size=24]
غِنيوه لي طَلْ الْصّباحْ
لو يوم صِحِيْتِي مع الصّباحْ
ولِقِيْتِي صفحات منادِيْلِكْ تَوَلّعْ
بي المَحَبّه
البي نَفَسْ مبهور تردّدْ
لي الغُنا البِشْجِيْكْ وبِعْزِفْ
فيكي أوتار انشراحْ
وبكَيْتِي لي سر الغُنا الْسّرَفِكْ أماني
وْوَدَّرِكْ فيهو الحنان الشَّرَّقِكْ
تر تيلو في سَفَر الرِّياحْ
حقُّو تعرِفِي إنُّو روحي اتْهَوَّدَتْ
بي شوقَا بي شَجَنَاً بِوَهِّجْ
لي الجَّوَانِحْ بي الغُنَا
ورَاحَتْ تَمَلِّي تْنَادِي لي
نيل المحنَّه الفِي قِلَيْبِكْ
موجُو راعِشْ
شانْ يِصَفِّقْ
فِيْنِي يغمُرْنِي اندِيَاحْ
راحَتْ تَدَفِّقْ
من عُذُويَةْ شَوْقَا
شلال الغُنا البِشْجِيْكِ يا طَلْ الْصّبَاحْ
راحتْ تدَفِّقْ
من عِذُوْبَةْ شَوْقَا
شلال الغُنا البِشْجِيْكِ يا طَلْ الْصَّبَاحْ
مارس 1981م
إبراهيم جعفر
* من مجموعة كمانات الأغاني، إبراهيم جعفر، الطبعة الأولى، المملكة المتحدة، 2009م، الإشراف الفني: طارق أحمد أبوبكر...
غِنيوه لي طَلْ الْصّباحْ...
- إبراهيم جعفر
- مشاركات: 1948
- اشترك في: الاثنين نوفمبر 20, 2006 9:34 am