مسدار مدن منعم رحمة

Forum Démocratique
- Democratic Forum
أضف رد جديد
حسن موسى
مشاركات: 3621
اشترك في: الجمعة مايو 06, 2005 5:29 pm

مسدار مدن منعم رحمة

مشاركة بواسطة حسن موسى »




مُسدَار المُدن
:
(1) بَارة

الشَّدر مُسواك الأَرِض و مَسايِّر
لَى أُم حَيا ، عُرفَّ الصَافِناَت..
البِّر و البّر المِسَامِح بَاره ..
و مِنِّك و فِيك بَراح ضُّلاً
عَفِيف و ظرِيف
مَستّف بَى عَرف خَالات
شَواهِى ،
قَمر تَغبان مِفَرِّش فِى رَمِلتِّك ضَّبو
و الصَّبايا مَرايا ،
و زَفِير نَفسِك
مِسك
مَسَّك
طَهور رِيقِّك
نُقاَّع مَزَاير
و ريدِّك فِى الجِروف بتّق
رَمَّح
طَّق طَّق عَصَب القَّلِب
جَرتّق
بَنات الجَّنقُو و الجَّانقى
و يَات مِن زُول
فى الضُّلع القُصار عبّك
بَخور تَيمان .. بَخَّت
و مِن بين الفَّرث و الدّم
تَبُّقى لِبون
صَوانى ضِيوف
شَواهِق
و سَلطة حقَّت (جُون)
كَذاً تِتهجِّى صُبحاً لَّنج
صَبِيَّاتَّن صّبَّن
فُوق زَمناً غَمَام قّيَّل
لَا أمناّ ينُط الحَيط
لَا خَمجاً و دِيناً بَنكَنوت و زَفَاره
و شِقّيش مِن نَفوتِّك حّد
يَفئ لِك حَّد
تِتلفِّيهو بالعَشَرات
و الرِيش الدُّقاق طَيران
و جِيدن جِيتَّ وّل ضّمى ..
و حَصَّنتِّك و لزَّمتِّك
الكُرسِي و الرّحمن
جَبل يَس
أمَانه عَليك شَدر لَيمون
بِنيَّاتِّك و صُبيانِّك دَهب مَختُوم
و أمَانه عَليك
حِزام حلّالِك المَنضُوم
مِن لفّة (شِريم) مِندَّلِى بى (أُم فَلجٍى)
سَارِح بى ضَهر (فَرج الله)
بَارِم بّ (أم قِويز) ناقِز
نَاقِّزلو كَّم نَقزَّه
تُجاه (دَرزّة)
و أمانَه عَليك صَباح خُدرَه
تِهار صُفرة ..
ألوان حَاضرَه و جَامعه مُقتدرَة
و حَاتياهُو الطَّلِس بُدرَه
سَلام بَاره
حِزامِك حَّج
- لا فَتَّر لا لَّج -
لَى كُّل المِلل و الخَّلق ..
و فَجّاً فَّج
سَوالفِك زي سَبيب الرَّاس .
سَلام بَاره
سَلام عَنقَّرة الرُّجال النُّور
سَلام كلتُومه ، وِليد عَبدالله
وَّد الضَّي
سَلام بَاره
سَلام النِيمَه و النَاله
نُون النِّسوة
الحَبوبه و الجَّارة
وَاو الجَّمع
الرَّهد الجَّبل
و التَّعب ينجَّم
سَلام بَاره
سَلام .
---------
هذا مسدار جديد يحاول الكتابة عن بعض مدن السودان فى تميزها و إنفتاحها على التعايش و السلام .أم حيا من الحياء و الحياة فى {ن ، الصافنات هي الخيل و باعرافها معقود الخير ، الجنقو و الجانقى من اهل الهامش ،(جون) هو جون قرنق و السلطة هي التعددية الإثنية ،(شِريم) (أُم فَلجٍى) (فَرج الله) (أم قِويز) (دَرزّة) من أحياء بارة ، القائد الأمير/ النور عنقرة المطربان عبد الرحمن عبدالله و صالح الضي . كلتوم بت عبد الرازق شاعرة (يسلملى خال فاطمة) .
محمد عثمان أبو الريش
مشاركات: 1026
اشترك في: الجمعة مايو 13, 2005 1:36 pm
اتصال:

مشاركة بواسطة محمد عثمان أبو الريش »

يا سلام عليك يا حسن.. لقد هيجت اشجانى بذكر بارا..
كان لى شرف زيارتها مع الأستاذ محمود محمد طه و (الوفد الطائف) عام 1973.. ونزلنا عند الركابية أهل الأستاذ.. أظن اسرة ممتدة لعبد الرحمن سوار الدهب.. فقد طالت المدة..
جميلة بأهلها الطيبين ونخيلها وصحرائها وواحتها.. ورغم قصر المدة والبرنامج المليان لكن حلاوة البيئة الطاهرة والنقية ما برحت وجدانى.

شكرا
Freedom for us and for all others
حسن موسى
مشاركات: 3621
اشترك في: الجمعة مايو 06, 2005 5:29 pm

الخيل تقلب و الشكر لمنعم رحمة

مشاركة بواسطة حسن موسى »



سلام يا محمد عثمان
قالوا الخيل تقلب و الشكر لحماد
ياخي هذا الشعر العذب من قلب الصديق الشاعر الأكبر عبد المنعم رحمة
و ما أنا بشاعر و لا ينبغي لي لكني أطمع في أجر المناولة حتى يستعيد منعم الباسويرد بتاعه
غايتو أنا بناول شكرك لمنعم و لي أجرين و كذا

:)
صورة العضو الرمزية
نجاة محمد علي
مشاركات: 2809
اشترك في: الأربعاء مايو 04, 2005 1:38 am
مكان: باريس

مشاركة بواسطة نجاة محمد علي »

سلام يا حسن
كتبت

كود: تحديد الكل

 حتى يستعيد منعم الباسويرد بتاعه

مفترض يكون استلم الباسويرد من قبل أسبوعين.

نجاة

صورة العضو الرمزية
إبراهيم جعفر
مشاركات: 1948
اشترك في: الاثنين نوفمبر 20, 2006 9:34 am

مشاركة بواسطة إبراهيم جعفر »

وليش "لا ينبغي ليك" دي يا سلطان الزمان يا حسن بالنسبة لي كينونة الزول- أي زول حسَّاس (على غرار عبارة "وأنا زول حساس وانت عارفني" في غنية كمال ترباس ديك أظن...)- شاعراً؟ :)
أضف رد جديد