وفاة الفنان محمد عثمان الاغا المشهور بـ عيون كديس

Forum Démocratique
- Democratic Forum
أضف رد جديد
صورة العضو الرمزية
الصادق إسماعيل
مشاركات: 295
اشترك في: الأحد أغسطس 27, 2006 10:54 am

وفاة الفنان محمد عثمان الاغا المشهور بـ عيون كديس

مشاركة بواسطة الصادق إسماعيل »

من الفيسبوك صفحة عمر الكردفاني:

اليوم فقدت بلادنا واحد من اهم الفنانين الفطريين العصاميين. محمد عثمان صالح الاغا المشهور بـ " عيون كديس" نسال المولى له الرحمة والجنة.. مثل الراحل امتداد لمدرسة الفنانين الفطريين العصاميين الموهبين، وهو امتداد لاسلوب علي عثمان وجحا. وقد عرف الناس فنه في الاسواق ووسائل النقل رساما وخطاطا.ولد عيون كديس في ام درمان حي العرب في نحو عام 1940 و انتقلت اسرته من بعد ذلك لحي العباسيه جوار الربيع و في سنة 1963 انتقل الى مدينة الابيض حيث استقر بها. توفي بامدرمان
حسن موسى
مشاركات: 3621
اشترك في: الجمعة مايو 06, 2005 5:29 pm

عيون كديس

مشاركة بواسطة حسن موسى »


حار العزاء لاسرة الفقيد و لجميع المهتمين بحركة التشكيل السودانية على هذا الفقد الاليم فقد كان الراحل احد اعمدة الريادة الفنية في زمان كان الناس فيه ينظرون للفنان التشكيلي بكثير من التوجس. بفضل التشكيليين الرواد من وزن عيون كديس تسنى لنا ان نتقدم على درب الممارسة التشكيلية وسط الرضاء و القبول و الاعجاب من قبل اهلنا الاميين الذين اشاحوا عن التوجس الديني لينظروا نحو الجانب المشرق في الممارسة الفنية
صورة العضو الرمزية
الصادق إسماعيل
مشاركات: 295
اشترك في: الأحد أغسطس 27, 2006 10:54 am

مشاركة بواسطة الصادق إسماعيل »

العراء ليك يا حسن وقبيلة التشكليين
وجماهير الفن التشكيلي والذين استمتعوا
برسومات ناس عيون كديس وجحا.
وللحقيقة حتى ونحن في الثانوي كانت صورة
الرسّام عندنا هي أمثال عيون كديس وجحا وآخرون لا نعلمهم
ولكن نشاهد تصاويرهم في البصات والمطاعم وفي المدارس
والغريبة أننا لم نعترف بأصحاب الرسومات الأخرى الموصوفة
زمننا بالتجريدية، بالطبع لم يتم تجسير الهوة حتى في المنهج
الدراسي. إعادة الاعتبار لي ناس جحا وعيون كديس (وفي واحد تاني
كان غفير مدرسة في النهود ما زالت احد لوحاته تزيّن صالون منزل
خالي المرحوم دكتور محمد احمد الحاج) أقول اعادة الاعتبار
لهم ولمساهمتهم مهمة جداً، ويا ريت لو اتعمل موقع لجزء منهم ينشر
لوحاتهم وتعريف بيهم.
قرأت ما كُتِبَ عن جحا، وتاج السر الملك تكلم باختصار عن بعض رسامي
مدني.
طبعاً أنا عارفك (شهرين سجن) إنت ما فاضي، لكن الغرامة محمداك إنك تكتب
شوية عن عيون كديس (وبالعدم) فإنزال بعض تصاويره هنا. والله من وراء القصد كما
جرت العبارة الشهيرة
عبد الله الشقليني
مشاركات: 1514
اشترك في: الاثنين مايو 09, 2005 6:21 pm

مشاركة بواسطة عبد الله الشقليني »



رحل الفنان التشكيلي " عيون كديس " ،
بعد حياة صاخبة بالإبداع ، وشهدنا ذات المنهاج الذي اعتدنا عليه يتكرر،
في محاولات مُستميتة تتواثب لمحو الذاكرة الشعبية من أناس قدموا الكثير من أجل الوعي في صمت .
تمجَّدت سيرتك سيدي ، بطلٌ من أبطالنا الأماجد .
*
العزاء لجميع التشكيليين .

*
عبد الله الشقليني
مشاركات: 1514
اشترك في: الاثنين مايو 09, 2005 6:21 pm

مشاركة بواسطة عبد الله الشقليني »





https://alsahafasd.com/9586582
ورد في الرابط أعلاه :
أن اسم الفنان هو : ( محمد عثمان سالم)
في حين ذكرتُ أخي الأكرم الصادق أن اسم الراحل هو:
( محمد عثمان صالح الأغا ) حسب ما ورد في صفحة ( عمر الكردفاني )

رجاء التفضُل بإفادتنا عن الاسم الصحيح ،
ولك منا وافر الشكر وجزيل التقدير


*
صورة العضو الرمزية
الصادق إسماعيل
مشاركات: 295
اشترك في: الأحد أغسطس 27, 2006 10:54 am

مشاركة بواسطة الصادق إسماعيل »

سلام الشلقيني

الكردفاني في الحسبة ود خالي وقريت الكلام في صفحته
ونقلته بضبانته هنا، ولو حسن موسى لقي ليه
فَرَقَة بجيب لينا النجيضة حول اسمه.
وعلى العموم انا كتبت للكردفاني يوضح لينا أكتر لو عنده معلومة
لأنه الهدف التوثيق لفنان تشكيلي ساهم مساهمة فاعلة في
مسيرة الرسم والتشكيل في السودان
عبد الله الشقليني
مشاركات: 1514
اشترك في: الاثنين مايو 09, 2005 6:21 pm

مشاركة بواسطة عبد الله الشقليني »


الرابط :

https://www.sudanile.com/index.php/منبر-الرأي/129-0-0-3-1-6-9-5/101288-في-ذكرى-الفنان-والرسام-عيون-كديس-1940-2017-بقلم-عبدالله-الشقليني

في ذكرى الفنان والرسام :عيون كديس (1940 -2017)

أضف رد جديد