التشكيليين ديل مشوطنيين عديل كدا
انتقل الى صفحة السابق  1, 2
 
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي
استعرض الموضوع السابق :: استعرض الموضوع التالي  
مؤلف رسالة
نجاة محمد علي



اشترك في: 03 مايو 2005
مشاركات: 2762
المكان: باريس

نشرةارسل: السبت يناير 25, 2020 8:11 pm    موضوع الرسالة: رد مع اشارة الى الموضوع

يا صلاح حسن عبد الله

ما عندي والله وقت لكلام القوالات. عندك مصدر قوله عديل. ولا لكلام المطاعنة من شاكلة: "لسبب بتعرفيهو انت براك، و لحدي هسي انا ما سألتك عنو".
طيب تحلى بالشجاعة وكلمني عنه هنا قدام الناس وخليني أنا لي روحي أعرفه.
بصفتي محررة للكتاب وكاتبة التقديم له*، فمن المشروع أن اقترح على المنظمين في وضوح كامل إضافة من أراه مناسباً لإضافته لمن اختاروهم هم من جانبهم: د. محمد عبد الرحمن
والسر السيد كمدير للندوة. فاقترحت من جانبي إضافة د. هشام عمر النور. ولا يستطيع أحد أن يطعن في اختياري.
وحينما شاوروني في اختيار من يبتدر النقاش (وفق التقليد المتبع لديهم)، اخترت فتح الرحمن باردوس. عندك اعتراض عليهما؟
بعدين أول مرة أسمع زول يقول بنفسه إنه حاول فرض نفسه على منصة ندوة معلن عنها قبل أكثر من أسبوع، عندها منظمين وتم اختيار المتحدثين الرئيسيين لها قبل مدة. معقولة؟!!!
لست ملزمة على أن أقدم لك هذا التوضيح، ولكن من حقي أن أنفض عن نفسي غبار الحديث الذي لا يلزم.
وأعرف أن بيني وأبو سبيب من الود والاحترام ما يرفع تعاملنا معاً عن هذا المستوى الذي أربأ بنفسي عن النزول إليه.
أما هذا الإكثار في استخدامك لعبارات لبولا للهجوم عليّ (أو قل لمطاعنتي)، فليس غير لائق فقط، وإنما يكشف عن غبن عجيب لا يليق أن تكشف عنه بهذه الصورة.

* وكمان صممت البوستر/ الدعوة للندوة.




.
انتقل الى الاعلى
استعرض نبذة عن المستخدمين ارسل رسالة خاصة
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الاحد يناير 26, 2020 4:52 am    موضوع الرسالة: رد رد مع اشارة الى الموضوع

سلام صلاح
مداخلاتك تثرى موضوع البوست
عندما قارنت ما صدر من كتب فى مجال المسرح مع ماصدر فى مجالات الفنون الاخرى
المعلوم لدى بصورة اكيدة هى كتب المسرح وكتب التشكيل من متابعتى وقراءاتى لما يصدر من كتب وما يعضد مقارنتى قولك عن شح الاصدار التشكيلى
بالمناسبة كتب المسرح التى قراتها واحصيتها هى فقط ما صدر من الهيئة العربية للمسرح وهناك بالتاكيد كتب صدرت من دور نشر اخرى مثال كتاب ابوطالب حفريات نقدية وكتاب اليسع عن تاريخ المسرح السودانى
احاول ان اسهم مع الجميع فى التفاكر حول قضية النشر
وضعت فرضية الكسل وتراجعت عنها
المطابع ووسائل النشر يمكن ان تكون عائق رغما عن ملاحظة زيادة النشر فى مجال الرواية السودانية
لابد من التوقف عند دور وسائل التواصل التى تحفل بالعديد من الكتابات الجيدة الموثقة الكترونيا والتى يمكن ان تصدر فى كتب مثال كتابات بولا وحسن موسى وتاج السر الملك وعماد عبد الله فى المواقع الالكترونية وهى فى حرز مكين
تجربة تاج السر الملك جديرة بالاحتفاء فعلى نفقته وبجهد شخصى اصدر 5 كتب
فى سبيل الافتراض اعتقد ان زيادة النشر فى مجال المسرح من اسبابه حصول عدد كبير من المسرحيين على شهادات الدكتوارة ومن ثم طباعة البحث فى كتاب او اصدار كتب باسم الدكتور فلان
انتقل الى الاعلى
استعرض نبذة عن المستخدمين ارسل رسالة خاصة AIM عنوان
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الخميس فبراير 13, 2020 3:49 am    موضوع الرسالة: بوب رد مع اشارة الى الموضوع

اعادنى حوار عميق للمفكر محمد عبد الرحمن بوب
فى قناة سودانية24 امس
للكتابة فى البوست

طرح محمد العديد من الافكار النيرة والجديدة
استوقفتنى اجابته على سؤال علاقة التشكليين السودانيين بالنقد والتنظير
فقال
كلية الفنون اسسها المستعمر لتخريج مدرسين وخطاطين ومصممين لذا لم يكن هناك اهتمام بتدريس الجوانب النظرية
ولتغطية هذا النقص بادر مجموعة من التشكليين فى السبعينات بالكتابة فى الملاحق الثقافية ونظروا للتشكيل السودانى ونحن تلاميذ لهم
وذكر على سبيل المثال بولا وابوسبيب وحسن موسى وصلاح حسن عبد الله
اجابة محمد صححت لى فكرتى الخاطئة عن دور كلية الفنون فى تميز كتابات التشكليين ...باين الكتابة دى جابوها كفاحا وقلع ضراع
واشار على انشاء قسم فى كلية الفنون بجامعة النيلين باسم النقد والدراسات الانسانية
يستعيين بكتاب بولا الذى صدر مؤخرا وكتاب لحسن موسى من دار مدارات كمراجع للتدريس

اسمتعت جدا بالحوار والشابة المذيعة كانت فى قامة المحاور
االحوار امتد لموضوعات اخرى خارج اطار البوست لذا سوف افرد لها بوستا فى سودانيز
انتقل الى الاعلى
استعرض نبذة عن المستخدمين ارسل رسالة خاصة AIM عنوان
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الاربعاء فبراير 19, 2020 6:08 am    موضوع الرسالة: تلفزيون رد مع اشارة الى الموضوع

اليوم فى تمام الساعة التاسعة بتوقيت السودان
الجزء الثانى من حوار محمد بعنوان نقد الحداثة
تحاوره المذيعة المثقفة مشاعر عبد الكريم
انتقل الى الاعلى
استعرض نبذة عن المستخدمين ارسل رسالة خاصة AIM عنوان
صلاح حسن عبد الله



اشترك في: 10 مايو 2005
مشاركات: 212

نشرةارسل: الاحد فبراير 23, 2020 12:17 pm    موضوع الرسالة: العودة رد مع اشارة الى الموضوع

كتب محمد سيد احمد :
"اعادنى حوار عميق... الخ"
إنْ شاء الله دايماً عايد يا محمد سيد احمد. وإنْ شاء الله كلهم عايدين. وانا ذاتي إن شالله كمان عايد.
انتقل الى الاعلى
استعرض نبذة عن المستخدمين ارسل رسالة خاصة
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الاحد فبراير 23, 2020 1:42 pm    موضوع الرسالة: رد رد مع اشارة الى الموضوع

سلام صلاح بركة بالعودة
داير اشرق واغرب بالبوست اصلا مش بوستى ههه
فى حوار بوب الأخير عن نقد الحداثة
كثير من الاختلاف لدى مع ما طرحه
على سبيل المثال تحدث إيجابا عن جامعة أفريقيا العالمية وقال انها مثل جامعة الأزهر تسهم فى التعليم الدينى وجامعة الأزهر افتتحت فى عهد عبد الناصر وظلت دوما نصيرا لوجهة نظر السلطة وقفت اسرائيل فى عهد عبد الناصر وضدها فى عهد السادات
وجامعة أفريقيا أقامها نظام ايديولوجى اسلامى لتجنيد طلاب أفارقة وقد سبق أن صرح د حسن مكى وقال لدينا وجود سياسى كبير فى افريقيا وذلك بتاثير طلاب جامعة أفريقيا وقد صدق فجماعات بكوحرام وغيرها جندت طلاب وقادة تخرجوا من جامعة أفريقيا...ولم يتطرق بوب لمناهج الجامعة ماذا تدرس وما المحتوى ومن هم كوادر التدريس ومن هم أعضاء مجلس الأمناء وما دور دول عربية اسلامية فى دعم الجامعة
انتقل الى الاعلى
استعرض نبذة عن المستخدمين ارسل رسالة خاصة AIM عنوان
عادل السنوسي



اشترك في: 09 مايو 2005
مشاركات: 827
المكان: Berber/Shendi/Amsterdam

نشرةارسل: الاحد فبراير 23, 2020 7:12 pm    موضوع الرسالة: رد مع اشارة الى الموضوع

سلام يا أخ محمد سيد أحمد.

شاهدت الحلقة الأولي من الحوار التلفازي مع الأخ محمد عبدالرحمن، عند بثها قبل أكثر من إسبوع، وكنت حريصا علي مشاهدة، و الإستماع لل
جزء الثاني من الحوار، ولكني مست إت*
ليتك تمكنت، أو ربما أي زميل آخر، يحاول أن ينزل لنا الحلقات، هنا، كاملة، حتي نستمتع بالحوار والمناقشة.
_________________
الفكر الديني ضعيف، لذا فإنه يلجأ الي العنف عندما تشتد عليه قوة المنطق، حيث لايجد منطقاً يدافع به، ومن ثم يلجأ الي العنف.( ... )
انتقل الى الاعلى
استعرض نبذة عن المستخدمين ارسل رسالة خاصة
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الاثنين فبراير 24, 2020 4:24 am    موضوع الرسالة: رد رد مع اشارة الى الموضوع

سلام سنوسى

معرفتى ضعيفة بتقنيات انزال الفيديو

نطلب معونة
الحلقة بثت فى قناة سودانية 24 والبرنامج بعنوان عن قرب تقديم مشاعر عبد الكريم

انا حريص على نزول الحلقات
اعجبت جدا بالحوار فى الحلقة الاولى
وتحول الاعجاب الى اسئلة واستفهامات واختلاف كبير مع افكار بوب فى الحلقة الثانية
انتقل الى الاعلى
استعرض نبذة عن المستخدمين ارسل رسالة خاصة AIM عنوان
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الاثنين فبراير 24, 2020 6:06 am    موضوع الرسالة: Re: رد رد مع اشارة الى الموضوع

محمد سيد أحمد كتب:
سلام سنوسى

معرفتى ضعيفة بتقنيات انزال الفيديو

نطلب معونة
الحلقة بثت فى قناة سودانية 24 والبرنامج بعنوان من مسا فة اقرب تقديم مشاعر عبد الكريم

انا حريص على نزول الحلقات
اعجبت جدا بالحوار فى الحلقة الاولى
وتحول الاعجاب الى اسئلة واستفهامات واختلاف كبير مع افكار بوب فى الحلقة الثانية
انتقل الى الاعلى
استعرض نبذة عن المستخدمين ارسل رسالة خاصة AIM عنوان
صلاح حسن عبد الله



اشترك في: 10 مايو 2005
مشاركات: 212

نشرةارسل: الاثنين فبراير 24, 2020 8:16 am    موضوع الرسالة: البوست بوستك رد مع اشارة الى الموضوع

سلام يا محمد، ومرحب عودة عادل السنوسي، وعقبال الباقين يجوا عايدين
كتب محمد سيد احمد:
داير اشرق واغرب بالبوست اصلا مش بوستى
وصحي يا محمد سيد احمد البوست بوستك. لكن خلي بالك، البوست ده وراه مرفعين كبير. وكان داير المرفعين ذاتو من هسي اعتبره تبعك. بس امسك فيهو شديد. وكان غلبك انا ممكن اكون واحد من (المساعدين). بس انت امسك شديد.
وبعدين يا اخي الفونت ده كبره شوية
انتقل الى الاعلى
استعرض نبذة عن المستخدمين ارسل رسالة خاصة
عبد الله الشقليني



اشترك في: 09 مايو 2005
مشاركات: 1506

نشرةارسل: الاحد ابريل 05, 2020 6:59 am    موضوع الرسالة: رد مع اشارة الى الموضوع

فوق
انتقل الى الاعلى
استعرض نبذة عن المستخدمين ارسل رسالة خاصة
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الثلاثاء ابريل 07, 2020 5:28 am    موضوع الرسالة: رد مع اشارة الى الموضوع

لديامية المخستكة
قالت دايرة يكرروا ليها بتاعت الشعيرية أم تسوسة كمضاد لنفسيات كورونا الداقة الدلجة.

عليكم النبي دي ترباية؟

.....

صديق الموج قال:
زول مثلثي.. راقد رز، وطباخ عزايم وطاااااعم.. بيحكي:

( جوني أحمد ود مساعد واللمين أب صبره، قالوا ود أحمد داير بت اللمين وعندهم عيزومة العرس باكر دي، ودايرنني اخدمو ليهم.
سمح اها العرس وين؟؟.. قالوا هنوووك في أم شلتوفة ورا الكنار!!!.. أجي ياخواتي؟!!، طنطنت كدي وخفت النصيحة ليك يا الله، الاسم براهو توّر لي شعرة جلدي، لكن قت ليهم سمح.. ما قدرت اقول شي وكت زادوني في القروش. قلت ياهو فرد يوم ونخلس، ولا خساني بالاسم المبشتن ده.
...
تاني يوم من اصبحت جوني وشهم ينعل قفاهم، ده مباري ده متل غنم الليشلاق، ركبنا في بوكسي اللمين ود صبره.. ومرقنا.
عاد إنت يا البوكسي يا اب زيق يا العفين تمشي وتدهج، تمشي وتدهج، قدر ما مشينا وانتي يا شلتوفة السجم ما دايره تنسلي تمرقي. اتكندكت جنس عجاجة في الدنيا دي!! بنضم أنا عاد؟؟ بري.. خشمي وعندي.
بعد خراج روح حتين انت يا البوكسي وصلت أم هناية دي.. أم شلوفه. قلنا كدي نزلنا.. ختت كراعنا في الواطة دي واتلمو فينا العروب بسيوفهم وسكاكينهم في ضرعاتهم والحمير والقجج.. عاد يا يمه قجج السواد.. بررري بررري بررري. والعجاجة قامت والدفير والنقزي.. الله يسألني بس الميل اربعين. خشمي وعندي؛ بتكلم أنا عاد؟؟.. جابو لي عنقريب هبابي مخلقن.. تقعد فيهو، ما تقعد فيهو ياهو الصلبك واصل الواطه. قالو لي ارتاح شوية لامن يختو الغدا. غايتو غمتت، يا يمه نومة الديك في الحبل، بالي كلو في السيوف والسكاكين وبنو النضير ديل.
...
شويتين بين نايم وحاسي.. كان تدهسني ليك في نخرتي ريحة زيت السمسم الني..!! أجيييييييي يااااا العصاره الدخلت بي جملها؟؟.. فتحت عيني وصنقرت، كان كوركوروب رمو لي الصينية الالمونيا المعووجه.. مغتية بالطبق، الطبق اب قنبور داكا وعندو زريزيرة متل زريزيرة الظابط، وقالو كدي فتحو الطبق وينبحو: الغدا الغدا، زلعة التابا وليداتي يا يمه.. اتلمو العروب، العميان شايل المكسر.. مشمرين اريتا عضلات حبيبك، عيني باردة، والسكاكين في الضرعات بي جفايرها تسوي كدي ها. بس فتحتهم للطبق كدي: كان عيني في صحن الباشري حق الويكة ام كسرة الفيتريتة حمررررره، وجنبو صحين فيهو نصيبه صفرة مكوجنة، عاد يخربني ساعه بعاين فيها ابت تنعرف لي، لامن خلااااااس روحي انسلت سعلتهم: هوووي ها.. ده شنو ده؟ أتاريها شعيرية!! الله يسألني، شعيرية بزيت السمسم الني طافح اصفااااار في وشها!!!. عاينت للعروب والسكاكين والضراعات والطواقي البرتغالية المشنقة والقجج حقت وليم تيل. النصيحه خفت والدنيا خلا، عاد أكان مسكوني تكوني ضبحوني في السهلة دي الماشي يجيب خبري منو؟؟، إلا غلبني السكات وشلاليفي قامن على.. خليت العروب أبان سلاح ديل.. بس وقبلت علي الشعيرية وقت ليها الليلة أمك وجاتك يا الشعيرية يا العفنة.. فشيت فيها غبينتي:

بتتتتتتتت الكلِب يا الشعيرية، يا المبشتنه يا المعولقه يا الشعيرية، يا الهاملة يا الما عندك والي يا الشعيرية.. سمحة يا يمه السكسكانية عند ستاتها البعرفن جيهتها في خرتوم إتنين والمنشية والمهندسين وكافوري..
انتي.. انتي.. انتي بالنيني القرنتيني اليخليك تمشي وتنيني يا الشعيرية.. يا الشعيرية يا الغبيانة يا هبو هبو لا أم لا أبو.. بتتتت الكلب يا الشعيرية يا الرخيسة يا الدنية يا البتباري الحلال لامن تمرقيها في ام شلتوفة يا الشعيرية..
إشا الله بركة النبي يا الشعيرية، باكر بعد باكر تسوقك نفيستك السغيرة دي.. تخليك تباري الحلال دي حلة حلة.. تباري وتباري كدي لامن تمرقيها في ام تسوسة.. شحدت ربي يلايقوكي بالويكة يا الشعيرية، ويسوو ليكي الشطة في برنيطتك.. بس).

هدية لشقلينى
رافع البوست
عماد عبد الله فى جن من جنون التشكيليين
انتقل الى الاعلى
استعرض نبذة عن المستخدمين ارسل رسالة خاصة AIM عنوان
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الثلاثاء ابريل 07, 2020 5:30 am    موضوع الرسالة: رد مع اشارة الى الموضوع

انا بس داير اعرف

العصارة الدخلت بى جملا

من بنات افكار عماد
ام هى عبارة متداولة عند اصحاب المثلثات
انتقل الى الاعلى
استعرض نبذة عن المستخدمين ارسل رسالة خاصة AIM عنوان
محمد سيد أحمد



اشترك في: 09 مايو 2005
مشاركات: 692
المكان: الشارقة

نشرةارسل: الخميس ابريل 09, 2020 5:09 am    موضوع الرسالة: جائزة د يوسف عيدابى للبحث المسرحى رد مع اشارة الى الموضوع

جائزة الدكتور يوسف عايدابي للبحث المسرحي
الدورة الرابعة 2020
27مارس 2020


" إننا محكومون بالأمل وما يحدث اليوم لا يمكن أن يكون نهاية التاريخ"
سعد الله ونوس 1996


يَجَئ اليوم العالمي للمسرح هذا العام وخشبات المسارح مظلمة، يَجِئ وصالات المسرح فارغة، يَجُئ اليوم العالمي للمسرح ونقول لسعد ونوس اننا مازلنا محكومون بالامل،وان (المسرح سيبقي ما بقيت الحياة) كما قال الشيخ الدكتور سلطان بن محمد القاسمي،سيبقي المسرح رغم عنف الوباء،وأملنا ان تزول محنة البشرية،وسيظل الانسان قادرا علي العطاء،في ظل هذه الظروف والمحن،نهدي كافة المسرحيين فسيلة الحياة وندعو الله أن يَمنً علي الجميع بِنعمةِ الصَحةِ و العافية،وبذلك نعلن انطلاقة الدورة الرابعة وتدعو أمانة جائزة د.يوسف عايدابي للبحث المسرحي ودعماً لحركة التوثيق والتنظير والنقد والبحث في الحياة المسرحية السودانية للمشاركة بالكتابة في واحد من المواضيع المذكورة بعد ونشير إلي:-
1/ ضرورة أن تلتزم الكتابة البحثية بالمنهج العلمي.
2/ أن يلتزم الباحث بكتابة المصادر والمراجع واللقاءات الشخصية وفقاً لطريقة هارفارد.
3/ أن لايقل البحث عن 10000كلمة(عشرة الف كلمة) مطبوعة عليwordبونت16Traditional Arabic.
4/ آخر موعد لإستلام البحوث 1/11/2020 وإعلان النتائج في 17/11/2020
5/تُكتب البحوث المشاركة باللغة العربيَّة.
● يتحمل الباحث المسؤولية القانونية نحو الآخرين وفقا لقانون حق المؤلف و الحقوق المجاورة و المصنفات الفنية و الادبية أو اي قوانين اخري وألا يكون البحث مأخوذاً عن أية أبحاث أخرى، وألا يكون البحث قُدِم للمشاركة في أيّ مسابقة أخرى، وألا يكون قد نُشر سابقاً في أي منبر من منابر النشر (ورقيَّة كانت أم إلكترونيَّة) ولم يتم تقديمه في ندوة، وليس معدّاً لتقديمه في مؤتمر سيُعقد في سنة المسابقة، وليس جزءاً من كتاب مُنجز فردي أو جَماعي.
● تفتح الجائزة ابوابها هذا العام لطلاب الدراسات العليا في مجال علوم المسرح.
● يحق للجائزة أن تَطبع الأبحاث الفائزة وتنشُرها للمرة الأولى بِصفة مُستقلة، أو بالتعاون مع جِهات ثَقافيَّة مُستقلة أو رسميَّة داخل أو خارج السودان، طِبقاً للقواعد الماديَّة التي تحدّدها، ولا يجوز للباحث أن ينَشر بحَثه في حالة فوزه، إلاٌ بعد مرور(24 شهراً) على إعلان النتائج.
● لا تُقبل المشاركة بأكثر من بحث واحد للباحث، وأصول الأبحاث المقدمة لا تُرَد إلى أصحابها، سواء نُشرت ام لم تُنشر.
● تُرسل البحوث مع سيرة ذاتيَّة مختصرة للباحث مع إقرار بالموافقة على شروط الجائزة مكتوباً بخط اليد.
آليَّة التحكيم:
● تُخصِّص أمانة الجائزة لجنةً مُحكَّمة للفرز بين الأبحاث استناداً إلى الأسُس والمعَايير الِعلميَّة في الكتابة البَحثيَّة، وتُرجِّح بينها على الأُسس العلمية والجدة والابتكاريَّة والأهميَّة.
كَيفيَّة المُشاركة:
* تُرسل الأبحاث إلى مِنبر تجَارب بالمسرح القومي السوداني -أم درمان،أو عن طريق اليد، أو عبر البريد الإلكتروني

Email:-
sudanese.th@gmail.com
theatricalresearch@gmail.com3


قِيمة الجائزة:
تَمنح أمانة الجائزة جَوائزة مالية قيٌمة للِبحوث الفائزة :الأول /الثاني /الثالث.
* محاور الدورة الرابعة للمسابقة هي:
1/المسرح وقضايا العصر2000- 2020 السودان نموذجاً
/المسرح و السياسة في السودان خِلال نصف قرن 1969- 20192

نتيجة الدورة الثالثة 2019
في 18مارس من هذا الشهر وبسبب جائحة كورونا (كوفيد19) تقرر إلغاء المؤتمر الصحفي الخاص بإعلان نتيجة الدورة الثالثة2019 ويَسُر مجلس أمناء الجائزة أن يعلن نتيجة الدورة المذكورة وإستنادأ لقرار لجنة التحكيم نعلن الآتي:
1/حجب الجائزة الأولي
2/منح الباحث ابوطالب محمد الجائزة الثانية عن بحثه بعنوان "القومية والمسرح في السودان"1900-1940"
3/تمنح الباحثة أماني علي عبده جائزة تقديرية عن بحثها الموسوم بالتجريب فـي المسرح السوداني ما بـين الموروث الشعبي والتاريخ .
ولمزيد من التفاصيل الرجاء الدخول على صفحة الجائزة على Facebookعبر الرابط أدناه:

https://www.facebook.com/%D8%AC%D8%A7%D8%A6%D8%B2%D8%A9-%D8%AF%D9%8A%D9%88%D8%B3%D9%81-%D8%B9%D8%A7%D9%8A%D8%AF%D8%A7%D8%A8%D9%8A-%D9%84%D9%84%D8%A8%D8%AD%D8%AB-%D8%A7%D9%84%D9%85%D8%B3%D8%B1%D8%AD%D9%8A-1137930663035144/https://www.facebook.com/%D8%AC%D8%A7%D8%A6%D8%B2%D8%A9-%D8%AF%D9%8A%D9%88%D8%B3%D9%81-%D8%B9%D8%A7%D9%8A%D8%AF%D8%A7%D8%A8%D9%8A-%D9%84%D9%...8A-1137930663035144/
انتقل الى الاعلى
استعرض نبذة عن المستخدمين ارسل رسالة خاصة AIM عنوان
استعرض مواضيع سابقة:   
انشر موضوع جديد   رد على موضوع    sudan-forall.org قائمة المنتديات -> منبر الحوار الديمقراطي جميع الاوقات تستعمل نظام GMT
انتقل الى صفحة السابق  1, 2
صفحة 2 من 2

 
انتقل الى:  
لاتستطيع وضع مواضيع جديدة في هذا المنتدى
لاتستطيع الرد على المواضيع في هذا المنتدى
لا تستطيع تعديل مواضيعك في هذا المنتدى
لاتستطيع الغاء مواضيعك في هذا المنتدى
لاتستطيع التصويت في هذا المنتدى

قوانيــــــن منبر الحوار الديمقراطي

 

الآراء المنشورة بالموقع لا تعبر بالضرورة عن رأي الجمعية السودانية للدراسات والبحوث في الآداب والفنون والعلوم الإنسانية


  Sudan For All  2005 
©
كل الحقوق محفوظة